مقادير عجينه المناقيش
1 كاس ماء دافي
1 ملعقه كبيره خميره فوريه
1 فنجال سكر
1 كاس دقيق
...................... يخلطون مع بعض بالترتيب ويتركون عشر دقائق .
بعدها يوضع عليها بياله زيت + ملعقه صغيره بكنج بودر + 2 كاس دقيق + نص علبه زبادي دافي وتعجججن وتترك ترتاح نص ساعه بمكان دافي .
اذا احتاجت دقيق اكثر عادي زيديها حتى يطلع لك متن تمام ..

بعدها كوريها كور متوسطه وافرديها مع رش الدقيق ع مكان الفرد وعلطول ع الصاج الحار واقلبيها ع الوجه الثاني اذا حمرت من تحت , وبنفس الوقت تكوني مجهزه الحشوات مجرد ما تتحمر معك ع الوجه الثاني حطي الحشوه وسكريها نص دائره وقلبيها ع السريع ع الصاج .. وعلطول ع الحافظه عشان ما تيبس وتجف معك ..وهكذا لحد ما تخلصي جميع الكميه بعدها ممكن تقدم كامله او مقطعه زي ما انا عامله بالصوره ,,
وبالنسبه للي سالوني عن الحشوات
الحشوات اللي حطيتها
جبن ابيض + شرايح زيتون اخضر واسود
جبن ابيض + مخلل حجازي --- تخصلوه بهايبربنده بالكيلو مرره لذيذ وخطير مع الجبن الابيض .
سبانخ مع الدجاج
سبانخ ساده
زعتر
دجاج