لا تنتظر مني سـوى قلـب يغليـك
وإن عفتني.. لا تنتظر منـي أبقـا
ياما وطيت جروح قلبي..واراضيك
ولا انـت ماتذكرنـي الا بفـرقـا
ادري جمالك عن حلا الوصف يغنيك
كنك مـن اوصـاف الانـاث اتنقـا
كنك خذيت احلا صفـات المماليـك
وخليـت للباقيـن.. مـمـا تبـقـا
تمشي دلع.. كن الدلع ذايـبً فيـك
وثيابك اللي تلبسـك.. فيـك غرقـا
كلك حلا من شعر راسـك لرجليـك
من اصبع اقدامك الى الراس..طرقا
حلوه..ولكن الخطـا فـي مباديـك
تفكيرك انتي غرب.. والحب شرقـا
((حظي مثل: جندي نجا من مهاليك
رقوه.. لكن مـات قبـل يترقـا!!))
اكذب عليك ان قلت: ماعاد ادانيـك
لكن بقول الصـدق.. والحـق حقـا
انتي غـرورك للرضـا مايمشيـك
حرقت قلبي مـن سوايـاك حرقـا
بعتيني الليله..وقبل امـس شاريـك
مقتول فيك الحب..ياعيـون زرقـا
روحي مدام الحـب ماعـاد يعنيـك
لا عدت ياعشق الغرابيـل.. عشقـا
وإن خنتني..مابيك..مابيك..مابيـك
واللي مضيع بالجبل شـي.. يرقـا
نبرات صوتي في فراقـي تعزيـك
ماهقوتك!! لا يابعـد عمـري اهقـا
عشقتني..جيتك,,هلا,,سم,,لبـيـك
قفيـت والله كثـر اصابعـك نلقـا
رفعت قدرك فوق..وارجع اوطيـك
لابوك..لابـو مـن ترجـاك تبقـا



للشاعر
(((ناجي الطرقي)))

لكم وافر التحايا