بسم الله الرحمن الرحيم

قصيدة سعيد بن مانع الهنوف , اشعار سعيد بن مانع , شعر الهنوف , ابيات من كلمات سعيد بن مانع القحطاني


الهنوف الساكنه بيـن الضلـوع المنحنيـه
والله ان تبطي وتبطي ماتناحت عن سكنهـا
اهنفت قلبي بلا ميعـاد .. بالعيـن البريـه
وارحلت عني بلا ميعاد .. ويل القلب منهـا
خابرنها من لدود العيـن خفـره مستحيـه
وخابرنها مهرةٍ ياصعـب تجويـدة رسنهـا
وخابرنها من حلاها ما تركت لأحـدٍ بقيـه
كنها بعرش الحـلا متربعـه تامـر وتنهـا
وخابرنها لا تثنّـت ارسـم بلوحـه بهيـه:
(ثمرتينٍ ناضجه من نضجها ميّل غصنهـا)
وخابرنها تحبني .. وتشتاق لي .. وتحن ليه
وخابرنهـا خابرنهـا والله انـي خابرنهـا
ليه خلتنـي معـرّض للريـاح الموسميـه
وليه خلتني .. بلا علم بمرابعهـا ووطنهـا
قبل انا لامن حزنت القى من يهـون عليـه
وعقبها ... احزاني يتيمه مالقت من يحتظنها
واوجودي وجد من نص العزا عيد الضحيه
آتوجـد وأتكتـم .. لكـن العيـن اتعلنهـا
اشهد بأن الوفا في شخص ماعاملـك زيـه
مثل من خـلا فرايضهـا ويهتـم بسننهـا
اسنتيـنٍ منّهـا والشـوق نـاره مصطليـه
وغلطة منها وانا اللي للأسف دافـع ثمنهـا
انتظر مرسالهـا والانتظـار اكبـر بليـه
ولا لفا مرسالها من يوم مـا قفـا ضعنهـا
بس تبقى ساكنه بيـن الضلـوع المنحنيـه
لو نحت عن ناظريه .. ماتناحت عن سكنها
عادتي لامن حملت لشخص حب ومقدريـه؟
لوتناسا مانسيته .. عـادةٍ ماأجـوز عنهـا