بسم الله الرحمن الرحيم

تشيز كيك بشوكولاتة هيرشي بالخطوات المصورةتشيز كيك بشوكولاتة هيرشي

المقادير + الطريقه :
أول شي نحط قصدير على صينية التشيز لانها تبي فرن وحمام مائي ,
أو أذا حبيتي , جيبي صينية كبيره وحطي فيها مويه , وجيبي صينية أصغر منها وحطيها في وسطها , ثم جيبي صينية التشيز كيك وحطيها في الصينية ..




الطبقه الأولى :
بسكوت دايجستف + 1 أصبع زبده ..
أذا حبيتي أرفعيها على الأطراف زي ما أنا سويت ,
وأذا ماتبين عادي بس في قاعدة الصينيه



الطبقة الثانيه :
بالمضرب الكهربائي ,
جبنة فيلادلفيا 500 جرام + 3 بيضات + ملعقة ونص دقيق + كاس سكر مطحون +
ربع كاس كريمة الخفق [ تخلط مع بعض لين تتجانس ]
ثم نضيف كاسين حبيبات هيرشي مذوبه ( نقيسها قبل لا نذوبها ) بعدين نضيفها على الخليط ونحرك زيين ..
ثم تصب على البسكوت ..



ندخلها الفرن على حرارة 180 درجه لمدة 45 دقيقه في الرف الوسط ..
[ نعرف أنها أستوت أذا كانت الأطراف متماسكة والوسط يرج شوي ]
أذا أستوت قصدريها ودخليها الفرن لمدة 30 دقيقه والفرن طافي مايشتغل , ( ضروري )



هذا بعد ماطلعتها وبدت تبرد شوي لأنها جلست نص ساعه في الفرن وهو مو شغاال ..
[ طبعاَ البسكوت صار مرتفع وأنا بصب عليها القاناش فـ شلت البسكوت الزايد ]



هذا بعد ماشلت البسكوت
( الحين نخلي التشيز في الثلاجه عشان يبرد ونسوي القاناش )
في قدر على النار :
1 كاس كريمة الخفق ( نحركها لين تغلي الكريمه )
بعدين نشيلها من على النار ونضيف لها
1 كاس حبيبات هيرشي ونحركها بسرعه وراح تذوب في ثواني ..
( نخلي القاناش في الثلاجه لين يبرد )




بعدين أذا برد القاناش , نجيب التشيز ونصبه عليها .
بعدين ندخلها الفريزر عشان تبررد صح ..






وبالعاافيه عليكم جداَ لذيذ هذا التشيز ..

ملاحظه : أنا أستخدمة حبيبات هيرشي بالحليب ..
لا أحد يستخدم شبة محلاه لأنها تبي تصير مره شوي وغامقه