بسم الله الرحمن الرحيم

قصيدة فهد المساعد المدينه والغريب , اشعار فهد المساعد , شعر المدينه والغريب , ابيات من كلمات فهد المساعد

" المدينه والغريب "

جا يشوف الحال كيفه بعد ما هزه حنينه ... وقبل يسألني سألته كيف حالك يالحبيب
قال أنا كني غريب ضيع دروب المدينه ... قلت أنا كني مدينة تنتظر رجعة غريب
قال أجل وش فيك تكره سيرة الحب وسنينه ... قلت أجل وشلون ما اكره سيرته دامك تغيب
أنت لامن غبت حتى مرايتك صارت حزينة ... كيف ماتبغاني أحزن وانت لي حظ ونصيب
الهدايا والرسايل والمكاتيب الثمينه ... والليالي والقمر والريح والكون الرحيب
كل ماتبعد تجيب الشعر ليه من يدينه ... وتقعد جروحي تودي في الطواريق وتجيب
يابعد كل القصيد ونزوة احداه وانينه ... لاذكرتك لاح بيت وطاح ورد وفاح طيب
وان نسيتك ما نساني صوتك المبحوح لينه ... ياخذ لجرحي بثاره من خطاياك ويطيب
وبعد هذا جاي ترمي ذنبك بوجه المدينه ... ما دريت ان المدينة كلها شمعة غريب