بسم الله الرحمن الرحيم

قصيدة فهد المساعد الحسد , اشعار فهد المساعد , شعر الحسد , ابيات من كلمات فهد المساعد


الشعر ابوي ولابعد قلت لبيه
الا لبحة وزنه وصوت قافه
ماقبلي احد قد تربى على ايديه
ولا غيري احد سمع صوته وشافه
اغليه واخافه واحبه واداريه
واخاف لفقة دهشتي في اكتشافه
وعلى كثر مابيه واتعب وانا ابيه
ماقدر شكيت لغيمته من جفافه
ان التفت في حالي الله يحيه
وان مالتفت مالحقت عمري حسافه
ياما على غفله غرقت في شواطيه
وياما رمى في قاع صوتي ضفافه
وامسيت اغني له واشيله واشاكيه
وكني مكوم كل ماكان طافه
احاول اقوى شي مانيب قاويه
واحاول اقبل شي نفسي تعافه
اسمع من هروج العتب والمسافيه
مازود هموم التعب والمسافه
ناسً بلوني بالحسد والمشاريه
مامنهم اللي وسط قلبه مخافه
لا والمصيبه وش اللي انا منحسد فيه
في الشعر ودروب السهر والكلافه
قولو لذاك اللي يسادي على ايديه
وش جاه مني لعنبوها ضعافه
ان كان حاسدني على الشعر والتيه
يجي يبادلني واخط اعترافه
يعطيني راحة باله اللي تقديه وايامه
اللي ماتعرف الصلافه
ونذراً على لعطيه واعطيه واعطيه
حتى يمل من الشعر والصحافه