بسم الله الرحمن الرحيم

قصيدة فهد المساعد زمان الدجى , اشعار فهد المساعد , شعر زمان الدجى , ابيات من كلمات فهد المساعد

زمان الدجى

بعـد التعـب عـودّت مثـل أي أنـسـان
بأنسى همومـي .. مثـل ماالنـاس ناسيـن
قعدت أقلّـب فـي الفضـاء كـوم بلـدان
من شاشة لشاشة و لا أدري علـى ويـن !
قلت أنبـش همـوم و كواليـس الأوطـان
و أشـوف هاللاهيـن فـي ويـش لاهيـن
أول قنـاة .. و فلـم عـن قصـة أخـوان
حبّّـوا فتـاة و فرقـت بـيـن الاثنـيـن !
ثاني قناة .. و وجـه .. أو لوحـة ألـوان
من لبسها .. وش لبسهـا ؟ ربـك يعيـن !
ثالث قناة .. و رقص .. واضواء .. وألحان
أجسـاد معروضـة مـن يـديـن ليـديـن
رابع قنـاة .. وشـاب مـن بيـن نسـوان
يشرح لهـن بإمعـان عـن موضـة ألفيـن
خامـس قنـاة .. و مـن صبايـا لفـنـان
لا والله إلا زغــردي يــا فلسـطـيـن
سادس .. وسابع .. كلهـا حملـة أعـلان
ثامن .. و تاسع .. مثـل باقـي العناويـن
عاشـر قنـاة .. ومنظـر يهـزّ الأبــدان
من شوفته ضاقـت علـى دمعـي العيـن
قبلـه وأنـا تحـت الغمـا بيـن جـدران
حول الحطب وأقسى علـى البـرد ويليـن
بعده وأنـا تحـت السمـاء فـوق طوفـان
وأحـس فـي صـدري سـواة البراكيـن
منظـر طفـل دينـه نسـخ كـل الأديـان
مسلـم يعـرف الله قبـل ينطـق السـيـن
منظـر طفـل مسلـم مـشـرّد ومنـهـان
بيـن المطـر والبـرد والجـوع والطيـن
عاري وخايف .. لأن كـم طفـل عريـان
فـي مثـل عمـره واندفـن قبـل يوميـن
جايـع ومـن كثـر القنـاعـة والايـمـان
يسكـت ويقـرا الحمـد ويـقـول آمـيـن
صوته عتاب .. ورعشـة ايدينـه احـزان
و نظـرة عيونـه مثـل طعـن السكاكيـن
في قلب مـن لـه قلـب مفعـم بالايمـان
وفي عين من له في زمـان الدجـى عيـن
يـا الله ياللـي عنـدك الـنـاس سـيّـان
تّجّار .. وضعوف .. وعبيد .. وسلاطيـن
حنّـا عبيـدك .. وأنـت ياعالـي الشـأن
أدرى بخبـث و غطـرسـات الملاعـيـن
يـارب تدحـر كـيـد عُـبّـاد الاوثــان
و تعـزّ نـاسٍ همّهـا نـصـرة الـديـن