النتائج 1 إلى 2 من 2

الموضوع: اذاتبين تعرفين الشاب يحبك ولالا******تعالي

  1. #1
    ... عضو جديد ...


    تاريخ التسجيل
    Aug 2005
    المشاركات
    2
    معدل تقييم المستوى
    0

    افتراضي اذاتبين تعرفين الشاب يحبك ولالا******تعالي

    اي بنت تبي تعرف اذا حبت شاب ، هو وش يكون رأيه فيها (موضوووع للنقاش)


    --------------------------------------------------------------------------------
    بسم الله الرحمن الرحيـم



    إي وحدة تريد تعرف كل الي يقولونه الشباب وكل الي يسونه في الوحده يوم يتعرفون عليها وكيف يخدعونها ويستغلونها و الأساليب والعبارات الي يستخدمونها الشباب بينهم يوم يتكلمون عن البنت ..الخ


    قال عثمان رضي الله عنه : ودت الزانية لو زنت النساء كلهم


    حقيقة التعارف


    مقدمة



    الحب إدعاء وخداع ووسيلة اصطياد لإقامة علاقة سيئة مغلفة بالحب تتدرج على خطوات كل خطوة في هذه العلاقة تجر وتجعل ذلك المحبوب رهينة لخطوة أكبر منها تحت سلاح الإغراء او التهديد بالفضيحة الى ان يجره الى الكارثة, وهذا الشخص كالشيطان يغري الانسان بالكفر حتى يقع فإذا وقع تخلى عنه وتبرأ منه,

    قال الله تعالى(...كمثل الشيطان إذ قال للانسان أكفر فلما كفر قال اني بريء منك اني أخاف الله رب العالمين) صدق الله العظيم.



    الموضوع


    وانا الحين بشرح وبتكلم بنفس اللي يكون على لسان الشباب واللي يحدث بينهم لأني أعرف الشباب واللي يدور في بالهم وأنفسهم لأني أنا واحد منهم وأعرف أكيد أكثر من أي وحدة باللي يستوي بينهم، واللي يفكرون فيه، وبتكلم بكل صراحة وبدون أي تكلف حتى توصل ان شاء الله الحقيقة اللي أكثر البنات ما يعرفونها .


    تساؤلات


    س) هل البنت يوم تتعرف على واحد بينتهي هذا التعارف او الحب الى الزواج؟؟؟

    أكيد مستحيل لأن البنت يوم تتعرف على واحد وتكلمه وتطلع معاه، تصغر في عين هذا الشاب وهذا الشي أكيد وطبيعي لأنها تخلت عن شرفها وعفافها وقبلت ان تطلع مع واحد غريب فكيف يزوجها!!

    وأنا عمري ما سمعت ولا دخل في قاموسي ان وحدة تعرفت على واحد وتزوجها، واللي اعرفه ان هو يخدع البنت ويختلي بها ويخربها وهذا اللي يحصل، وما في شيء اسمه زواج عن طريق التعارف، واللي حصل لهم واتزوجوا لأن البنت حملت واكتشفوا اهلها الموضوع (الفضيحة) ورفعوا قضية على هذا الشخص وزوجوه هذي البنت بالغصب؛ لأنه ما يريد يتزوج وحده مثل هذي البنت اللي تنازلت عن عفافها بطريقة غير شرعية (بدون أو قبل زواج).



    س) زين ليش الشاب يوهم البنت بالزواج ويعيشها في عالم الحب؟؟؟

    لأن الشاب يفكر في البنت تفكير جنسي, وتسلية في شرفها وعرضها، لين ما يحصل البنت الي ما شاف عليها الغلط ويزوجها، حتى لو كانت وحدة مب زينة مدام هو ما شاف عليها الغلط خلاص عادي، وكل الشباب يقولون ان اللي ترضى انها تطلع معاهم هذي وحدة صايعة، وهي تستاهل اللي يجيها من الشباب، لهذا السبب يستحلون فيها أي شيء على أساس ان اللي تبغي تحافظ على عمرها ما تطلع مثل هذي البنت اللي فكرت بالحب بطريقة غير شرعية وسارت في طريق الغلط.


    س) وفي بنات يفكرون (يوهمون انفسهم) ويقتنعون بان الشخص اللي تكلمه او تحبه وما في مثله وهو غير عن كل ***الشباب***؟

    ملاحظة: هذا السبب الي ضيع الكثير من البنات هذي الثقة لشخص غريب محرّم عليهم.

    هذا السبب القوي في نفسية البنت ,واللي يخلي وخلا الكثير من البنات انهن يتنازلن عن شرفهن وعفافعن؛ لأن البنت تشوف هذا الي تعرفت عليه غير عن كل الشباب، هذا لأنها حبته ووثقت فيه وسلمت عمرها له، ويوم سلمت عمرها الي هذا الشخص الغريب (أصبحت مثل بنات الشوارع في نظر هذا الشاب و ونظر الناس) على أمل والوعد بالزواج، وللأسف والله الكثير من البنات اللي خدعن وهذا سمعته على لسان واحد من الشباب يقول وهو يضحك انه ينام مع البنت متى ما يريد على أساس انه اقنعها انه بيتزوجها، وهي مصدجة ومقتنعة وحاطة امل كبير فيه، وتقول خلاص يوم هو غلط معاي يعني أكيد هو بيصلح غلطته وبيتزوجني وهذا تفكير الجاهلات.

    والكثير من البنات اللي اختربن ما تنصح صديقتها وتحذرها من هذا الطريق، بل بالعكس تساعدها على انها تتعرف وتشجعها على الانحراف وتزينلها التعارف والحب وغيرذلك وطبعا هذا الشيء يكون بطريقة مباشرة وغير مباشرة والأخطر الغير مباشرة بدون ما تذكر لها مخاطر هذي العلاقة المحرمة.

    هذي حالة نفسية في كل شخص ظايع وخربان يحاول يخرب غيره عشان يستوي مثله وما يكون في طريق الغلط لوحد


    التفاحـة الخربانـة تخرب باقي التفاح



    س) وهل من المعقول ان واحد يبروح عند اهله ويقولهم انا أريد اتزوج وحدة تعرفت عليها أو شفتها في مكان وعجبتني وابغي اتزوجها؟؟


    أكيد أهل الشاب ما بيرضون بيقولون تبغي تتزوج وحده ما أدري من وين محصلنها أو متعرف عليها أو يقولون تبغي تتزوج بنت من بنات المراكز والشوارع. طبعا الشاب مستحيل يسوي هذا الشي ويحط نفسه في هذا الموقف الي بدايته ونهايته معروفة. لا بالعكس بعد إذا قال لأهله بيتهمون البنت اللي متعرف عليها يأنها تريد تخدع الولد، وتريد ترمي بلاها على الولد... الخ.


    س) شو تفكير الشباب ورايهم يوم يعرفون انه واحد متعرف على وحدة ؟؟

    والله للأسف ان أغلبية الشباب يشجعون بعضهم البعض على الرذيلة وكل واحد يتمنى ان يتعرف ويسوي نفس الشيء مع هذي البنت لأنهم يجولون ويفكرون بأنه هذي البنت لا اختك ولا من اهلك ولاتقرب لك عشان هذا يسون فيها اللي يبغونه وهذي قاعدة لازم كل وحدة تعرفها.


    والله زين ( ***لا اختك ولا حرمتك ولا من اهلك ولاتقرب لك***)!!!!!.

    وهذي بعض الدلإئل والإشارات التي تدل على الواحد ما بيتزوج وحدة متعرف عليها من قبل!!؟ إذا البنت كلمت الشاب، وطلعت معاه، وعطته الي يباه، واختلى بها او يعني استوا بينهم شيء غلط.

    بس خلاص بعد ليش يتزوجها يوم انه حصل وحده (فري) وعطته الي يباه ليش يتزوجها وهذا الي يباه منها خلاص خذاه وبرضاها، وعلى فكرة يوم البنت تكتشف بعد فوات الاوان انها انخدعت وتبدأ تقول وتلح على هذا الشاب اللي خدعها انت لازم تتزوجني، بيرد عليها هذا الشاب بكل صراحة وبيقولها انتي عطيتيني برضاج وما في احد غصبج على شيء، وهذا الرد الي اسمعه دوم من أهل التجارب واللي يرددونه الشباب.


    س) اذا كان صديق هذا الشخص يعرف كل شي عن علاقته مع البنت وسوالفه معاها ولو كانت بسيطة وعادية بالنسبه لها, لازم تعرف انه ما بيتزوجها ليش؟

    لانه يخاف انه صديقه يطلع عليه كلام من وراه او يعايره في يوم من الايام ويقوله انه متزوج وحدة متعرف عليها يعني تنفهم انها صايعة، وأنا قلت في البداية انة اللي تتعرف والله انه يعتبرها اغلب الشباب انها وحدة صايعة، عشان هذا اي وحدة تتعرف على واحد وتعرف انه صديق هذا يعرف بالموضوع، يعني مستحيل يتزوجها.


    وفيه طريقة سهلة وبسيطة دوم يستخدمونها الشباب عشان يستدرجون البنت يقول للبنت ابغي اكلمج على التلفون او اطلع معاج عشان نتعرف على بعض اكثر ......الخ

    ونصيحه اخويه للبنات اي بنت تبغي تحافظ على عمرها تحافظ على أوامر الله تعالى لين ما يكتبلها الله تعالى الزواج - ودعاء الله تعالى قال الله تعالى (وليستعفف الذين لا يرجون نكاحا حتى يغنيهم الله من فضله) صدق الله العظيم ونصيحة اقدمها لكل شخص يعاني من مشكلة مهما كانت انة يشتري ويسمع شريط اعبر عنه بأنه أكثر من روعة وهو (قرع ابواب السماء للشيخ بدر المشاري)

    -----------


    نقلتـه على لسان الشاب بتصـرّف ... واللي خلاني انقلـه انتشار الحب الوهمي بين البنات والشباب انتشار النار بالهشيم .. عشان أكشف للبنات الصورة الحقيقيـة للشباب اللي يدعون أنهم يحبونهم ويكلمونهم ويطلعون معاهم وعشان تعرف البنيـة اللي تسويه أكبر غلطة ..

    منقوووووووووووول للفائده


    اللهم لك الحمد كما ينبغى لجلال وجهك وعظيم سلطانك
    سبحان الله وبحمده سبحان الله العظيم

  2. #2
    ... V I P...


    تاريخ التسجيل
    Jan 2005
    الدولة
    قلب أمي
    المشاركات
    6,869
    معدل تقييم المستوى
    7

    افتراضي

    مساء الخير

    أختي رنيم

    موضوعك أكبر من كلمة رائع

    لأن فيه شئ من الواقع فيه شئ من الأشياء التي يتهرب منها كثير من الناس

    لقد أجزتي ووضحتي عده أمور ينبغي أن تتبع وتطبق بحد أظفيرها

    فعلآ العلاقات الوهميه فساد لنفس وضياع للوقت وعصيان لأوامر الرب عز وجل

    ولكن

    هناك كثيرآ ممن وفقهم الله وتاب عليهم

    هناك الكثير من الذين عرفو بعض من مقابله أو مكالمه وغيره من الأساليب الغير سليمه

    وكذلك عاشو في سلام ووفاء أنا لا أحرض على ذلك ولكن أقول

    أنا الله عفو يحب العفو

    بصراحه جميعآ وحسب المجتمع الذي ننتمي له لانرض أن يكون هناك من يفسد عقول

    البنات اوالشباب الذي لم يتفتح على وجه الدنيا

    في الختام الله يستر على الجميع والكل يجب أن يعي تصرفاته

المواضيع المتشابهه

  1. قالت لها:انا جيت من طرف واحد يحبك يحبك جداً
    بواسطة وعد في المنتدى الارشيف
    مشاركات: 65
    آخر مشاركة: 19-06-2008, 06:19 AM
  2. ممكن ولالا
    بواسطة صمت الوداع في المنتدى الارشيف
    مشاركات: 3
    آخر مشاركة: 09-04-2007, 01:15 PM
  3. مشاركات: 16
    آخر مشاركة: 04-03-2007, 03:59 PM
  4. كيف تعرفين خداع الشاب الذي يسعى للتعرف إليك
    بواسطة حبيبتي حطمتني في المنتدى عالم حواء
    مشاركات: 17
    آخر مشاركة: 11-07-2006, 07:30 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52