النتائج 1 إلى 2 من 2

الموضوع: يا ويلي ...انقراض العرابجة

  1. #1
    ... عضو جديد ...


    تاريخ التسجيل
    Aug 2005
    المشاركات
    9
    معدل تقييم المستوى
    0

    افتراضي يا ويلي ...انقراض العرابجة

    انقراض العرابجة



    تنبيه

    القصه اللي راح ارويها عليكم اليوم.....هي قصه حقيقه حصلت لي في خلال مشواري في هذه الحياه الغريبه
    والعجيبه بنفس الوقت ......وتم التحفظ على اسماء ابطال القصه حفاظا على كرامتهم وسمعتهم <<<< والله لو انهم عاكفين بالمسجد
    وكما نحب ان ننوه ان القصه هذي لا تناسب ممن يقصرون الخمسطعشر سنه ولا تناسب ايضا الجنس الناعم (الجنس الناعم يشمل الأناث والختساريه....لأنهم وجهين لعمله واحده )
    نظرا لما تحتويه القصه على مشاهد عنف دمويه والكثير من الكلامات البذيئه والمتداوله في شوارعنا اليوم
    (بالعربي القصه مامرت على ميجا ستار....سنو مقصاتكم يالمشرفين من الأن )

    لذلك جرى التنبيه <<<<< ماودك تنثبر وتعطينا اللي عندك

    زمن.....وأاااه يازمن
    زمن غريب عجيب .... صار فيه القوي يصفق الضعيف.....وصار الدب وده يصير نحيف .....وصار النفط انواع وافضلها الخفيف....... وصار الموضوع الماصل سخيف <<< يقاله جايب شي جديد هاللحين
    زمن تقلصت فيه الوظائف حتى الأشباع <<<< يسمع ببيتزا هت
    يعني اللي يدور على وظيفه هالحين كأنه يدور على ضب في البحرالأحمر ...وهذي حالتي من سنين....شخص عاطل خدمت بالدراسه مايقارب الــ 20 سنه....عندي كل الشهادات المطلوبه .... هندسه كيميائيه على بيولجيه على ارستوقراطيه......حتى طب نساء وولاده لي خبره فيه 5 سنين......والله لو ارامكو شافو شاهداتي ان تقوطر سعابيلهم عليها ............لكن ينقصني شي واحد بس.....الواااااااسطه .....والله ياهي ناشبه بلحزي...يعني ياابو شهادات ماعندك واسطه.....نقع شهاداتك بالماء واشربها( والله ياطعمها بالراس...خصوصا اذا فيها ملف علاقي) <<< مجرب
    يوم حسيت ان الدنيا ضاقت فيني.....قلت مابدهاش ....ابهاجر وامسك خط من خطوط بلادي ....وترى ابن بطوطه مهوبأحسن مني ......جهزت العفش ولملمت اوراقي وملفي الأخضر العلاقي ....عاد هالملف الأخضر سالفته سالفه....مابقى دائره حكوميه ماسير عليها .....وصاير لونه بيج على خضار فاتح ..... والله ياعندنا شمس ماترحم
    مالكم بالطويله
    وهذا انا ماسك خط ابو حدريه.....امشي على راحتي .....لعل وعسى نلقى من يقدر شهاداتي بعد مافقدت
    الأمل في ديرتي.....وبعد فتره من مشيتي........ جعت على لحم بطني من يوم ماقمت مااكلت شي...وانا اللي احذف يمين على ديره مدري وشي ....ومنها على اقرب بوفيه ...وانا اللي اخذلي كبده مع كوب شاهي..واتكي وارتاح

    شوي ....الا مسفط واحد راعي تسعاوي اسود .....ونزل من السياره متجه لوين؟.......... للبوفيه اكيد
    يوم دخل ....الله لا يوركم يالربع....كائن بشري ماشفت مثله ابد....اول مره اشوف واحد ماتعرف وش اكبر طوله او عرضه .....ولا الوجه الله لا يسلط مليان شطوب وندوب.....الظاهر انه كان حاشر بس في زاويه (تحمل مايجيك ان سويتها )....ولا الخشم الله يعافينا ....مخرق من كل جه....صار تسنه شخالة قهوة
    ولا شعره متلوي على بعضه صاير تقل ليفة مواعين....اتفل بخشتي ان كانه طب الماء من عشرين سنه
    والله حبيت احط صورته لكن هونت....حفاظا على مشاعر القراء
    طبعا دخل البوفيه والنعال (الله يكرمكم) سجاديات....والعباة على الكتف....(عفوا على الغلط المطبعي)
    اقصد الشماغ على الكتف .....وهو اللي يقعد على طاوله جمبي...ويطالع بأبو هناد ...... وهو اللي يشر له بيده..... مستخدم السبابه والأبهام قدر يشكل حرف C بالعنقليزي.....صارت يده كأنها مستطيل فاقد واحد من اضلاعه .....فهمتو؟....بالعربي يشر للهندي يبغى شاهي<<<< قل كذا من اول بدل ماتخلينا نشطح بعيد
    وابو هناد زي البرق ويجيك يمشي مليون .....وجاب الشاهي وحطه على طاولة راعي التسعاوي (مابعد تعرفنا عليه )
    فجأه.. .. الا راعي التسعاوي اخذ الطاوله ويصكه بقوة على راس الهندي ....وهو يمسك كوب الشاهي ويكبه على وجه الهندي المسكين ..... وهو يقول: انت ماتفهم ماتوحي ..يابن اللذين....سنين وانا اجيك ياتنكه
    جايبلي الشاهي بكرتون ياكرتون .....قم انزلع يله وحطه في قلاص يابو هنود....ومثل الألف هالهندي ويجيبله
    الشاهي في قلاص وعلى صينيه بعد(صينيه ولا فلبينيه )....وصار يرجف من زود الرجف قام القلاص يطلع الاحان على الصينيه(مدري ليه في هذي اللحظه تذكرت ساعتي الخراشه )
    انا من يوم شفت ذا الموقف وانا اطرش العافيه ....بصراحه حسيت اني ماراح اعدي باب البوفيه على خير
    الا واسمعه ينادني .....ياااالخو....هيه انت.. ..وانا مسوي مااسمع لكن ماش....قلبي له قرقعه تسمعها على بعد 5 كيلو....وماغير ازارط.....هو يوم شافني جاحده قالي: وراك خايف (كفشني الله يخسه )....وانا اقول:
    هاه خاييف كيف ليش (انواع الربكه ).....قالي: يااخوي اول مره اشوفك بديرتنا .....انخفظت نبضات القلب عندي
    وهبط مستوى الرجفه عندي لدوري الدرجه الثانيه ....قلت: ايه انا بس جاي من ديرة فلان ادور على وظيفه
    قال: ايييييه تبي وظيفه.. من معي؟......قلت: معك ابو شطب.....قال: ونعم والله انا محسوبك ابو صنيتان الديره
    هنا كلها تعرفني....قلت: طيب مدام انك معروف ماتخبرلي وظيفه شاغره عندكم.....قال: وشي شهاداتك (الأخ مسوي فيها مدير توظيف ).....وانا اللي انثرله شاهداتي الين ماغرقته فيها .....قال: افا ياذا العلم ماوظفوك
    على كثر شاهداتك!!!!!قم اركب معي ياشيخ يلعن ابو اللي مايوظفك (سنايدي يابو صنيتان والله )...وهو
    اللي يشيلني بشهاداتي وعلى التسعاوي ..... ودز يابو صنيتان

    بصراحه ياهو عافس هالتسعاوي عفاس.....اشرطة ابن سعيد وبشير متنثره بكل محل....وانواع القضوم
    على الطبلون...وكاتب عبارة على القزازه اعجبتني صراحه:
    تسعاوي يجرح ويداوي 000 ويمشي على الخط متساوي ...(ابوصنيتان يغلي موتره كثير)
    تبين لي ان ابو صنيتان ....شخص حبيب وطيب رغم ان ملامح وجه ماتوحي بهالشي ....ويقوم ابو صنيتان
    ويشغل المسجل....و ابن سعيد:اااااااااااه واااااااااه ( وخذ خرش عود) .....الا ابو صنيتان تقلب عيونه
    ولا هو معي.....قلت بس شكله هذا جوه.....كان رااايق اخر درجه.....وهو اللي يطلع المالبورو
    وهو يمده علي.....انا قلت :شكرا ....انا مااتتن (مؤدب ).....يوم شافني عييت...قالي: شف انا ابقولك نصيحه
    اذا انت ماتتن ولا تلعب بلوت ماله داعي انك تعيش في الحياه (امحق نصيحه )
    .....المهم كملنا مشورنا اللي ماندري وين بينتهي.....الا فجأة....جاينا واحد من وراء راعي ونيت جمس احمر 79 وهي اللي يلف علينا ويصفق باب السواق (ابو صنيتان)...الصوره تحت تصف الحال


    وينزل من الوينت واحد شكله مهو بعيد عن رفيتزي (رفيقي)....اللهم يزود عنه ان شنبه اكبر من خشته..ويقول: والله اني داري انه انت يابو صنيتان....ابو صنيتان: ابو طليحان!! هلا والله بهالطخمه (اذا هذا اطخم...اجل بنت عجرم وش تكون )....وهم يقعدون نص ساعه سلام....المشكله انا مستغرب ليش صدم الباب حق التسعاوي....الظاهر ان هذا السلام عندهم ....المهم انهم قاعدين بنص الشارع ومسكرينه....والسيارت تجي تقرب منهم وبعدين تنكس.....ايييه....ابن امه يضرب بوري ....الا اذا كان بايعها بتبن
    وهذا انا انتظر ساعات .... وقاط اذني اسمع وش يقولون....اتضحلي ان ابو طليحان قاعد يمدح سيارته الجديده لأبو صنيتان (اللي يشوفه هاللحين يقول مطلع الحوت وكالة ).....بغى ينهبل ابو صنيتان يوم سمع ان الجمس ذا
    يشغل كارتردج(قلها خمس مرات ولك جائزه في نهاية القصه ).....ابو صنيتان: ابوك يعقاب....يشغل كارتردج....يله يله مشينا الديره ابك عندي كارتردج لبشير وابن سعيد كثر التراب

    انا بصراحه قفلت معي .....ماشين كل هالمسافه مع هالشمس اللي صالختنا صلخ ....واخرتها رجعه!!...وانا اللي استجمع قوتي وانزل لهم ....ابو شطب: هيه انت يالدب(عادي امون )....وين ماشي....فوضى الدنيا....مرتك انا قاطني بالسوق وماشي ..لا يكون شفت نفسك دب انت ويا خويك ذا صايرين تقل سرندلات غاز متجمعه .....ترى الشطب اللي بعيني ماجاء من فراغ....وغيرك يتحسر هاللحين انه تضارب معي ...ابو صنيتان: وش تقول؟ ........ابو شطب: اصقه ماتسمع ....من وين تبيني اسمعك من تحت (خربت ام الدعوه )

    شوي

    الا اشوف نور على شوي شوي يطلع.....والا القا دكاتره متجمعين علي ويقولون: سالم ان شاءالله ...
    وانواع التصفيق والتصوير وصحافين برا .....وانا اقول : وششش السااااالففه (لساني صار ثقيل مدري وش فيه).....الا يجيني الدكتور حنفي (انا عرفت ان اسمه حنفي...لأنه يوم جاني كان يخر ماء )..ويقول: احنا ماندري ايش صار فيك اما انك طايح من طياره اومضروب بصاروخ توماهوك (بلاه ماشاف اللي شفته...ياحلالة من حشرك يالمصري مع ابو صنيتان ) دنتا بألك 31 سنه مرئد عندنا بالمستشفى كان عندك غيبوبه.......اووووووووووووووووووف......31 سنه غيبوبه ....امداني توظفت وهالحين متقاعد وجالس بالمشراق مع العجوز >>>>>> براسه الوظيفه الى الأن ماتاب

    وانا اللي اطمر من السرير ....واقرب تكس وعلى ديرة ابو صنيتان (لا تخافون....ابعتذر منه واطلب السموحه
    ....انا بصراحه مابقالي واحد بهالدنيا الا ابو صنيتان .... تراه طيب وحبيب ....بس ماودك يمون عليك )
    المهم.....ونوصل الديره ....والا هي صحراء قاحله....مافيها لا حجر ولا شجر...وكأن الديره مهي موجوده
    من اساس.....يعني طلعت الديره does not exist <<<< اروح ملح ياشنكسبير
    وبعد سنوات من البحث( حتى قوقل ماسلم من البحث ولا يهون الياهو)....حصلت خبر قديم قبل 10 سنين
    مفادة ان طائره مجهوله اغتالت اثنين في جمس حوض احمر (عرفت انهم اخوياي ) .<<<< متى صارو اخوياك...متى المعرفه اساسا.. طبعا الخبر كان مرفق الصوره التاليه


    انا بصراحه ماهمني من قام بالعمليه ذي ....اذا كان ابو رمزي له يد في الموضوع .....ولا راح يهمني اذا كان ولد بوش مشتبه بأرهابيين...او الختساريه مسوين قطييه ودافعينها لمرتزق على شأن يغتال ابو صنيتان وطليحان
    هذا كله مايهمني
    اللي يهمني اني ادورلي على زاويه منفرجه ....واجلس فيها واصيح وانادي:

    ياااعلم ياااناااس.............العرابجه انقرضو

    نهاية البدايه

    معاني الكلمات لغير الناطقين بالعربيه

    الختساريه: جمع ختسري اي خكري....وهو الأنسان شديد النعومه لدرجة انه لا جاء يضرب
    الواحد ضربه بفاين معطر <<<< ياحليله
    قضوم: ابو صنيتان قال عنها:
    هذي حبوب لا هي حبوب فيفادول او بنادول000 لكن لو تاخذها وانت لاعب كورة كل دقيقه راح تجيب جوول
    كارتردج: هذا تقدر تقول انه شريط كاسيت حجم عائلي ....كبير وثقيل....لو صكيته برأس يهودي اعلن اسلامه
    اويتز: اي اطل من على ارتفاع....يعني اويق
    تسعاوي: كابرس في ايام المراهقه






    منقووول

  2. #2
    ... عضو مميز...


    تاريخ التسجيل
    Aug 2005
    الدولة
    الرياض
    المشاركات
    256
    معدل تقييم المستوى
    1

    افتراضي

    اما ابو صنيتان بايعها هاالرجال
    ثاني شي مشكووور والله على الموضوع الروعه 00

المواضيع المتشابهه

  1. انقراض الشعير
    بواسطة حـسأيف في المنتدى الارشيف
    مشاركات: 10
    آخر مشاركة: 30-03-2008, 08:41 PM
  2. أبي أغير نك نيمي لآ هنتوو ..
    بواسطة سوٍيـرٍآ في المنتدى الارشيف
    مشاركات: 3
    آخر مشاركة: 25-03-2008, 05:05 PM
  3. مشاركات: 2
    آخر مشاركة: 01-10-2005, 03:30 AM
  4. مقارنة بين البنات العرابجة والنعومات ,,,
    بواسطة الــــرحــــال في المنتدى الارشيف
    مشاركات: 11
    آخر مشاركة: 27-09-2005, 04:22 PM
  5. عالمة بريطانية تتنبأ انقراض جنس الرجال خلال سنوات
    بواسطة القلب الحزين في المنتدى الارشيف
    مشاركات: 12
    آخر مشاركة: 19-02-2005, 04:31 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52