بسم الله الرحمن الرحيم

قصيدة سعود الحافي قلبي تولع في هوى حب مزيون , اشعار سعود الحافي , شعر قلبي تولع في هوى حب مزيون , ابيات من كلمات الشاعر سعود الحافي



قلبـى تولـع فـي هـوى حـب مزيـون
ريـمٍ حسيـن الـدل مـا شـفـت حلـيـاه


قلبـى بحـبـه هـايـم و صــار مفـتـون
متعـلـقٍ قلـبـى عـلـى شـبَـاك مـرمـاه


ياغصـن مـوز ناعـسٍ يمشـي بـهـون
محـلا حبيبـي لـو تشـوفـون ممـشـاه


فيـه الـحـلا والــذوق متـعـدد الـلـون
ما تحصي اوصافه شواعيـر و رواه


ابــو جـديـلٍ نـاثـره فـــوق الـمـتـون
و الخـد مثـل البـرق والمـوت بشفـاه


رعبوب محبوب النبا و داعج عيـون
هـو غايـة المطلـوب للقـلـب و مـنـاه


روحي وقلبـى والعقـل منـه يشكـون
والحـال متكـدر و انـا اقــول ويــلاه


ويــلاه يــا قـلـبٍ تـعـنّـى و مـغـبـون
علـى حبيـبٍ غــاب وشـلـون ابلـقـاه


ما شيف . له شهرٍ مضى أو يزيدون
مدري علام الزين يا نـاس وش جـاه


عنـي حبيبـى غــاب يالـربـع تكـفـون
شيـروا علـى اللـى هـام قلبـه وعنـاه


يـوم الحبيـب الـلـي هويـنـاه بجـنـون
نسـى العهـود الـلـى تعـاهـدت ويــاه


وشـلـون انـــا بـنـسـاه بالله وشـلــون
والقلـب مــا ظـنـي ولا يــوم يـسـلاه