بسم الله الرحمن الرحيم

قصيدة تركي 2000 يامداين خاطري يا عاصمة دنياي , اشعار تركي 2000 , شعر يامداين خاطري يا عاصمة دنياي , ابيات من كلمات الشاعر تركي 2000

على الله يامداين خاطري يا عاصمة دنياي
على الله يالحروف التايهه في نظرة التايه


على الله يالطريق اللي معاريفك تعب رجلاي
على الله يا مسافر في طريق ماله نهايه


الاياليل لاتسري ولاتشره على مسراي
دخيلك لاتقدم شرهتك من دون مسرايه


على شان الحبيب اللي يسابق نظرتي وخطاي
على نفس الطريق اللي من اجله تعبت اخطايه


ترجيتك تساعدني وانا ماندم على رجواي
إذا شفتك توادع ضيقتي وتعانق ارضايه


وانا اخترتك رفيق الدرب في صمت السنين الجاي

ولا اخترتك يالين اصبحتلي ياعز خويايه


وانا ماعشت وقتي يازماني بين راي وراي
انا عشته على عز ورضيت بحكم مولايه


ولا اطرد من سراب الوقت مايجلب علي مناي
اعيش الواقع الحاضر لعين ايامي الجايه