بسم الله الرحمن الرحيم

قصيدة شجون الظبيانيه إنكسر كل عمري , اشعار شجون الظبيانيه , شعر إنكسر كل عمري , ابيات من كلمات الشاعره شجون الظبيانيه

لو مات ( زايد ) كل أبونا جهاته
بقلوبنا باقي مع الدم يجري

الحزن خيم يوم ودع حياته
كن الحزن في موتته صار جبري

جنت عيوني بالبكاء في مماته
ويبست عظايه وإنكسر كل عمري

أشم طيبه وأتنفس غلاته
ما مات أحسه ساكن وسط صدري

ما فرع التفكير إلا لشراته
وأحس بإن موته تقفاه قبري

يا رب عجل في مماتي وهاته
من عقب زايد ما بقى شي يغري

صفحات هالدنيا تقلب صفاته
كل صفحة لفت على عنق فكري

إن كان عمره ينحسب بإحسناته
لا تلومني يا رب لا قلت بدري

صايم مصلي قاضي واجباته
ع /الخير دايم ( زايدالخير ) يجري

محد يسوي في حياته سواته
في كل خير أعرفه كان فطري

منهو أعزي يا ترى في وفاته؟؟
بيني وبيني طول ليلي أهذري

إخوانه..عياله..خواته..بناته؟
ولا الشعب كله أعزيه مدري؟

كل على زايد يهل عبراته
الحزن بوجيه البشر صار مقري

لا شك تبقى صاحيه ذكرياته
ما دامني حيه على البال يطري

أيت شعر ينقال في حق ذاته؟
أمحق بقايا للشعر وأي شعري

أحتاج حتى أكتب لشيخ شراته
النخل ريشه والبحر صار حبري

وأكتب على هالأرض سيرة حياته
ويعلها تكفي ويقديه ذكري