بسم الله الرحمن الرحيم

قصيدة شجون الظبيانيه الوصية , اشعار شجون الظبيانيه , شعر الوصية , ابيات من كلمات الشاعره شجون الظبيانيه

ولدي محمد عندي لك بضعة أبيات
أباك تنشدها على مر الأوقات

أباك تعرف قدرها في حياتي
لو طالت أوقات ودروب ومسافات

ولدي محمد دارنا اليوم جنة
جنة تسمى يا وليدي ( الإمارات )

أسس بناها شهم تندر وصوفه
اللي بفقده سبت هموم وآهات

واللي تربع كل مهجة بحبه
واللي ف/قلب الناس حي ما مات

زايد عسى الرحمان يقبله عنده
مع النبي وأهل العزم والرسالات

حيث الغلا ف/ القلب والود باقي
ما يندثر لو فات م/العمر ما فات

نبقى نحبه دام ه/الروح حيه
وتبقى ل/غلاته في حشانا علامات

واليوم يا محمد نجدد ولا نا
للي نهج نهجه بحكمه وإثبات

خليفه اللي قاد باقي المسيرة
يحفظه لي ما غض جفنه ولا بات

وشيوخنا اللي ب/المثل ما توانوا
اللي لهم في الأمر حكمه وخبرات

عيد إتحاد بلادنا لاح نجمه
دليل واضح ع/اتفاق المسارات

واجب نهني ه/الوطن نمتثل له
دام الوطن في انس جو وشراغات

يا الله يا من تنصر الحق ب/الحق
يا رافع ب/الحق سبع السماوات

تحفظ وطنا يا كبير بعطفك
وتحفظ خليفه من تصاريف الأوقات

وشيوخنا والشعب أهل الحميه
وتصونهم من كل عسره وكربات

ولدي محمد قول ردد ورايه
الله عسى يحفظ بلادي الإمارات