بسم الله الرحمن الرحيم

قصيدة شجون الظبيانيه يا دوا قلبي , اشعار شجون الظبيانيه , شعر يا دوا قلبي , ابيات من كلمات الشاعره شجون الظبيانيه

إنت روحي وإنت مربوحي
وإنت راحي وطب لجراحي
يا دوا قلبي ومصلوحي
فيك مغرم حيل يا صاحي
بد كل الناس لك بوحي
من شعر من شوق بشراحي
يا قمر ليلي ويا روحي
يا صباح ب/الشذا فاحي
في بحورك غارق ونوحي
مرق العالم من صياحي
من سبايب بعدك اجروحي
ما برت والحيل بي طاحي
من فراقك صرت مذبوحي
يا سفر داري وميضاحي
قلتها والقول منضوحي
إنت فرحي وإنت أتراحي

والحقيقة اللي ابتدت يوم افترقنا الهم لاح
وابتدت قصة عذاب وزاد فوق النوح نوح

وقتيه وكل الليالي وفي مواقيت الصباح
عايشه ذكراك أوضح من معاني ومن وضوح

أتودد في طيوفك قلبي اللي ما استراح
وقلبي زهر عقبك انته ما عرف للفوح فوح

مرت الذكرى حنين وابتسامه وانشراح
قيدني بين جرح وبين شعر وبين بوح

تكتسحني في غيابك ؟ إنت حاضر اكتساح!
تهدم وأبني وأشيد لك من إحساسي صروح

وفي شجوني قيد يتعب فك وأطلقني سراح
ولك عهودي عهد ربي يسامحك قلبي السموح

ما يغيرني زماني دام دربي للفلاح
ولو تبا التوضيح و التفسير خذ مني الشروح

برقعي وحتى خماري ما أغيره بوشاح!
كيف أغير قلبي وإنته سيدي للروح روح؟!