بسم الله الرحمن الرحيم

قصيدة شجون الظبيانيه ودي أبكي , اشعار شجون الظبيانيه , شعر ودي أبكي , ابيات من كلمات الشاعره شجون الظبيانيه

ودي أبكي ودي أذرف سيل دمعي

دام دمعي فيه يا المضنون راحه

ما على طول النوى والهجر شرعي
غير قلب يشتكي كثرة جراحه

ليش تطفي يا نظير العين شمعي
وإنت تدري ما ورى الفرقا رباحه

جيش ودك ما يجيبه أي ردعي
شن حربه نحو قلبي واجتياحه

كيف تقتلني بحبك ثم تنعي؟
كيف تضميني وفي يدك قراحه؟

لا حبيبي لا تجادلني ف/ طبعي
والهوى لا تخلط الجد بمزاحه

خل شوقك لي برغم الهم يدعي
خافقي وأبادله شوقي بصراحه

لين أذرف من شديد الشوق دمعي
دام دمعي فيه يا المضنون راحه

أبتسم لا شك بين أهلي وربعي
والخفا في القلب يا معظم جراحه

والجدار اللي صمد يزداد صدعي
كل ما عليت له بنيان تاحه

الوفا مني إذا ما كان يوعي
بالغلا لي ف/الحشا ما خذ مساحه

لي ترنم صوته العابر ف/ سمعي
الصدى لي عاد من جرح إستباحه

غال من زد ناسي هوب فرعي
ساس من أصل الأصايل به سماحه