بسم الله الرحمن الرحيم

قصيدة شجون الظبيانيه هاض القصيد , اشعار شجون الظبيانيه , شعر هاض القصيد , ابيات من كلمات الشاعره شجون الظبيانيه

هاض القصيد وزلزل الجاش زلزال
ع / الجود ضاري دون تقصير وبنود

طرزت قافه من ثمانين مدخال
عن لا يشوبه عيب وارد ومنقود

من حيث أحيده لي همى نف همال
نبعه كريم وخصته وصفة الجود

أبنيه من دمي على كل لحوال
وأرسم حدوده ولا على سامعه زود

للي بقلبي له عن الغير منزال
واللي شراته بين ه/ الناس معدود

واللي بفقده زادنا هم وأنكال
واللي بطيبه دايم الدوم معهود

( زايد ) باسمه وبالمثل ( زايد ) أفعال
في كل قلب وبيت تلقاه موجود

ما طال همي غير ما طاب لي حال
من عقب لي حبه سكن خافقي وزود

اللي بطيبه تذكره الناس لا زال
واللي بفعله ما عرف حد وحدود

الشاهد الله ما توفيه الأمثال
ولاني بمدحه أنتظر أي مردود

إلا غلاته ف / الحشا توزن جبال
ومازلت أعزه والجوارح له شهود

من قال زايد مات من قال من قال
زايد بقلب الناس عايش وموجود

مرحوم يا من تذكرك خير الأعمال
مرحوم يا من ب/الكرم دوم مشهود

أرضك لها بين الدول قدر لا زال
تزهي بحله زاهيه وسط لوجود

يقصد ثراها كل سايح ورحال
لين أصبحت في ر حلة الدرب مقصود

خضرا زهت من عقب كثبان ورمال
تكسي ثراها بهجة أزهار لورود

من حكمتك يا خايض أصعاب لمسال
ما أتعبك يا قاهر الصعب مجهود

قلت المصانع ما هي لي تصنع لرجال
لرجال لي تصنع وتجني لها الفود

يرحمك ربي لي شرع عمر وآجال
يسكنك فردوسه وجنات لخلود

رب عليه نعلق عهود وآمال
هو خير من نرجو وهو خير معبود

ويحفظ خليفه شيخنا ذرب لفعال
وإخوانه وأرض الكرم منبع الجود

والختم صلوا ع / النبي عد ما جال
في خاطري ذكره وما ذعذع النود