بسم الله الرحمن الرحيم

قصيدة شجون الظبيانيه نهاية البداية , اشعار شجون الظبيانيه , شعر نهاية البداية , ابيات من كلمات الشاعره شجون الظبيانيه

القصيدة اللي بدايتها بحرف أبجدي

ما يكون ف/طرفها الآخر تخاريف وظنون

القصيدة أعتبرها مثل نفسي واولدي
والشجون اللي تخالجها تكون أوفى شجون

يا عديم إحساس بذبح لجل أحاسيسك هدي
أما إنك في القصيدة تكون ولا ... لا تكون

دار فكري وسيف عزي في الضواري عسجدي
هوب ( سيف ) ينغمد وقت البلايا والمحون

يا قوافي الشعر هيضي م/ القريحه واوردي
اجرعي راعي الردى يلي بدى سم الغبون

بنت ناسي فخر قومي والردي أصله ردي
وأنا من لابى النوايف للمعزه يوردون

من يماري راس فني آه ويله ويعتدي
رفجة العربان رفجه لنتحي به للجنون

نار وجدي يا وجودي من وجودي اتواقدي
احرقي صفحات مليا من غدر سيف الطعون

والزنابع عند من له شان وش هي ترتدي؟
غير ذل فوق ذل ما يعرفوا وش يبون

فر قلبي فر ... خافه يا رماد الموقدي
وش تبا باللي على روس النوايف يسكنون

في الخريطة جال فني وصاح به نجم الجدي
وين تبغي ترتقي لي وإنت توك في سكون؟

يا هشيم شلته نسمات ليل سرمدي
خل عنك الطيش وإنت مقبل لحد الدفون

وش تبا تبغي تماري من على راسك غدي؟!
غيرتك تحرق خفوقك تاكله أكل الرعون

الدجى لو طال عقبه صبح شمس يوقدي
في شروقه استبشرت به كل نظرات العيون

دن تحت الأمر وإرضى ب/الحقيقة ولا اتعدي
إنت والسمان طير م / النقاصه تشتكون

تم جيلي والقوافي والشعر لي يرعدي
مثل صوت الرعد دوى وإلحقه برق زفون

وإنتوا يا الحساد يلي تملكوا الطبع الردي
لو تواروا شخصكم لا ما تواريه الوزون