بسم الله الرحمن الرحيم

قصيدة شجون الظبيانيه يا بنت يوزي , اشعار شجون الظبيانيه , شعر يا بنت يوزي , ابيات من كلمات الشاعره شجون الظبيانيه

يا بنت يوزي من التخربيط
بسج من الميك آب والإفراط

ويهج غدى كله شخابيط
واللي يشوفج صابه إحباط

لا تسمعي من شاب خريط
يقول أنا ومناك خراط

ما عنده غير إلا التقسيط
يدفع وثلث الراتب أقساط

وإنتي معاشج ع/ التفريط
والموضه ياللي كلها أغلاط

شعرج غدى كنه بلاليط
متحيس ما ينفعه إشباط

ويهج قوي وأيبس م/ الحيط
ما تستحي لو زدتي لغلاط

يا ليت بعدج في التقميط
ولا ظهرتي عقب لقماط!

يوم السوالف بج تفريط
والكل سوا حولج إزماط

ما حد يباج عقب التزميط
سلعه غديتي مالها إسفاط

عند العرب مالج مسافيط

كل السوالف فيج تنخاط

يا بنت يوزي م/ التنطيط
خلج رزينه فوق لبلاط

الدرب فيه م/ التزحيط
لا تزحطي في درب لغلاط

خلج بعيده من التخربيط
والآيشدو يلي من إحلاط

سلعه إرسلوها هالمعابيط
أهل الكفر وسولج إخطاط