صفحة 1 من 8 123 ... الأخيرةالأخيرة
النتائج 1 إلى 5 من 37

الموضوع: إهداء للحوراء (( ايه ابيك كلك ابيك ))

  1. #1
    ... عضو نشيط ...


    تاريخ التسجيل
    Aug 2005
    المشاركات
    97
    معدل تقييم المستوى
    1

    افتراضي إهداء للحوراء (( ايه ابيك كلك ابيك ))

    [align=center]بسم الله الذي لا يضر مع اسمه شي ٌ في االارض ولا في السماء وهو السميع العليم


    عندما تعانق نظرات العيون العيون .. وعندما تلامس اليدين اليدين .. وعندما تهمس الشفتين ... وعندما يخفق القلب للقلب .. تكون هذه القصيده لتلك الحوراء ..



    ابيك ايه ابيك كلك ابيك [/align]






    [poem=font="Simplified Arabic,5,darkblue,normal,normal" bkcolor="transparent" bkimage="backgrounds/19.gif" border="none,4,gray" type=2 line=0 align=center use=ex num="0,black"]
    لاظلم الليل وبدى نور القمر والليل طال = واستوى ليل القصايد بين رفضه والقبول

    اقبلي يا شمعة حروفي ويا عين المقال = مرحبا بك كل ما جيتي على قرع الطبول

    مرحبا بك في حنايا صدر شاعر لا يزال = يسال بصوتٍ تحشرج يا متى تصحى العقول

    يا متى يصبح علينا فجر مافيه ابتذال = ويامتى يقطر ندى ورد ٍِ تغشاه الذبول

    ويا متى نقدر نواجه من غدر فينا وجال = وانتهك حرمة مشاعرنا وشيطانه يصول

    وانتهز فرصة تعاطفنا وقرر ثم صال = واصبحت كل الذياب الجايعه فينا تجول

    اتضرع لك آلهي في دعائي ببتهال = تنجي اهل الكهف من وزر المآسي والحمول

    ويا حروفي يا حروفي كان ما جالي مجال = باخذك بالعفرته غصبٍ على خشم العذول

    وبرفعك فوق النجوم وفوق هامات الجبال = ماكرك فوق الغيوم ودونه الكاسر يحول

    توسونامي بجعلك في عصرنا الحالي مثال = من راى قوة دمارك صابه احساس الذهول

    واكرمك من طيب ذاتي والكرم عند الرجال = شيمه وقيمه لمن مثلك على فعله صمول

    واجعلك في عين من يكره ( معالينا ) اخلال = ترهبينه مثل ما رهب شيخ بغداد المغول

    قد اكون الشاعر اللي قال شيئا ً لا يقال = او كما يبدو بأني كنت شاعر بالشمول

    ارتوي من فيض شعري ما يكفيني زلال = واتمادى بالطلوع ولا يخوفني نزول

    اعشق الصعب وعلى ما اشوف يصبح راس مال = من يفكر بالخروج اشلون يبدا بالدخول

    كيف اضيّع مزهب الرحله وحالي مثل حال = شخص مضنيه السفر رجلي ّ ولا حصّل ذلول

    امتلا مجلس خيالي من شغاميم العيال = واستوى فنجال كيفي والحقايق ما تزول

    عود ٍ ازرق يستدير ونار في جال الدلال = والسوالف تدرج بين النشامى والزحول

    خوة اهل الطيب مكسب مابها شك وجدال = والمعاني واضحه والقول يثبت بالفعول

    لكن الضيقه سرت بي يوم نادوني تعال = غصب عنّي رحت هذا شي ما عنّه عدول

    جاء على بالي غزال ٍ مايشابه له غزال = لا حشى ماله شبيه وما طلب منّي ينول

    يجفل ليا شاف عالم او تحرك له ظلال = كنه الظبي وبأسم الظبي سميته جفول

    جل من صور جماله جل ربي ذا الجلال = ويش تبغاني اوصف ويش اخلي ويش اقول

    لا طويل .. ولا قصير .. ولا دقاق .. ولا جلال = كامل ٍ بالزين عرض وكامل ٍ بالزين طول

    كامل مكمل تكمل بس لله الكمال = يحرسه ربي من الحسّاد والنذل الختول

    لا قبل الحسن الفريد الزين يا زين القبال = قلت بسم الله عليه ويا عسى عمره يطول

    ولا ستدار الموت كله لا تمايل ثم مال = ياخذ اللي طاح منّه في تمياع وخمول

    مشيته .. مشية زعيم ٍ فاز في ساحة قتال = وضحكته .. ضحكة صغير ٍ ما يبي ذولا وذول

    ونظرته .. نظرة عديم ٍ ماكره فوق الطوال = وجلسته .. جلسة امير ٍ حوله الخدّام ضول

    والقوام الزين كله .. ويش هيفا وش نوال = جسم رويان ونعومه .. والخجل يا هوو خجول

    خده الثلج المسمّى وجنته نار اشتعال = لاقوت ناره تذيبه .. لاقوى ثلجه شعول

    نوض خده مثل برق ٍ انقشع وسط الخيال = والبلا ليل ٍ تحدّر فوق ردفينه يهول

    والعيون السود زادت قلبي الحاني خبال = ارسلت لي جيش كامل بالسلاح وبالخيول

    مكحله بالحسن خلقه ماهي بحال اكتحال = ارتويها شوف واسكر دون خمر ولا كحول

    والرموش العكش مركب والحجاجين الهلال = والشفايا جمرتين وتحتها عقدين لول

    ضيق مبسم .. وسع عين .. وجبهة ٍ ناضت تلال =وحلو منطوق ٍ كما غيث ٍ غمرني في هطول

    والحسام اللي نصف وجهه يمينه والشمال = مثل سيف القايد اللي لا خفيف ولا عجول

    آآآه .. يا نحر ٍ سباني .. وآآآه يا حلو الخصال = وآآه يا ردف ٍ شكى من جور مشكاته رجول

    وآآه يا غرو ٍ سلبني بالمحبه والجمال = وآآه يا ورد الربيع .. وآآه يا عطر الفصول

    مرتوي غنج وبراءه .. مرتوي طيش وهبال = اشهد اني صرت في حبه مثل قيس امْهبول

    يحتفل فيه المكان اللي يجيبه احتفال = زينة الملبوس حتى لو لبس خرقة همول

    غير عن كل الخلايق شي ما يخطر فـ بال = كيف يا قلبي بجيه وكيف تحقيق الوصول

    عشق أهل الباديه سيل ٍ يجيهم يوم سال = وعشقه بقلبي ترى ماهوبسيل ألا سيول

    ما بغيته بالحرام ألا بغيته بالحلال = وفق ماسنّه آله الكون والهاد الرسول

    اتركه .. انساه .. هذا ياملا والله محال = كيف ابنسى من غدى رغبة فؤادي والميول

    ما بغيت إلا هاذيك الـ ( عين ) يلحقها بـ ( دال ) = ويهتني عاشق بعاشق وافرح بشوف الزعول

    امتلكني بالمحبه وامتلكني بالدلال = لين خلاني اقرر بين كفيه المثول

    واساله من زود حبي له وابي رد السوال = الهوى شي ٍ جميل وله قوانين واصول

    كيف يتركني كذااا من دون ايّات اتصال = والمشاكل يوم زادت ما تبي غير الحلول

    كان شعري ما يرده .. هذا صكي باعتزال = كل بيت ٍ قد كتبته حتى لوانّه فضول [/poem]



    [align=center]لكم تحيتي


    جزاء البقمي [/align]



    [

  2. #2
    ... عضو نشيط ...


    تاريخ التسجيل
    Aug 2005
    المشاركات
    111
    معدل تقييم المستوى
    1

    Thumbs Up

    السلام عليكم ورحمه الله وبركاته

    ولاهنت

    وتستاهل حوراء

    وعساك علي القوه
    الصور المرفقة الصور المرفقة

  3. #3
    ... V I P...


    تاريخ التسجيل
    Aug 2005
    الدولة
    هنآاك ..
    المشاركات
    9,103
    معدل تقييم المستوى
    10

    افتراضي

    [align=center]ما بغيت إلا هاذيك الـ( عين ) يلحقها بـ( دال )
    ويهتني عاشق بعاشق وافرح بشـوف الزعـول
    [/align]

    الله الله على هالابيات الجميلة
    لا توصف باقل من روعة مع اننا بذلك نقلل من شأنها


    Wa Ďмťм Ŝālмiņ

  4. #4

    ][ كبَـآر الشخصيَآت ][


    تاريخ التسجيل
    Oct 2004
    المشاركات
    5,971
    معدل تقييم المستوى
    8

    افتراضي

    آآآه .. يا نحر ٍ سباني .. وآآآه يا حلو الخصـال\\\\وآآه يا ردف ٍ شكى من جور مشكاتـه رجـول

    الله الله عليك..صح لسآنك وسلمت آنآملك..

    ولاهنت على هذي الجوهـرٍه يآلغـآلي..

    وعسآء ان تصل الابيـآت الى صآحبـهـآ..

    ولك مني جزٍيل الشكر والامتنآن يآلجزٍل..

    تحيـآتي آخــوٍك ...

    ][..وٍعـــدآلـــهــــوٍى..][
    Instagram: Loss888.

  5. #5
    ... عضو نشيط ...


    تاريخ التسجيل
    Aug 2005
    المشاركات
    57
    معدل تقييم المستوى
    1

    افتراضي

    هااااااااااي:2ar:

    اخي الغالي



    كلمات مفتونه ورائعه مليون مررررررررررره


    وفيها صدق المشاعروالحساس

    تسلم يمناك ولاخلاولاعدم من قلمك الرائع


    ولاهنت


    تحياتي

صفحة 1 من 8 123 ... الأخيرةالأخيرة

المواضيع المتشابهه

  1. جيتااااااااااااارا ابيك
    بواسطة شمس الشموسه في المنتدى الارشيف
    مشاركات: 1
    آخر مشاركة: 08-07-2007, 01:06 AM
  2. ابيك
    بواسطة عـ اااالروح ـديل في المنتدى قصائد وخواطر
    مشاركات: 8
    آخر مشاركة: 15-04-2006, 07:23 PM
  3. <<< ما ابيك>>>
    بواسطة عشووووقه في المنتدى قصائد وخواطر
    مشاركات: 4
    آخر مشاركة: 09-03-2006, 02:12 PM
  4. ..::.. محتاجك .. ابيك ..::..
    بواسطة اميرة العناد في المنتدى الارشيف
    مشاركات: 9
    آخر مشاركة: 01-01-2006, 02:13 AM
  5. ابيك انت
    بواسطة @الهنوف@ في المنتدى قصائد وخواطر
    مشاركات: 4
    آخر مشاركة: 25-03-2005, 05:20 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52