بسم الله الرحمن الرحيم

قصيدة مطلق النومسي نزار قباني وميشيل قزي , اشعار مطلق النومسي , شعر نزار قباني وميشيل قزي , ابيات من كلمات الشاعر مطلق النومسي
لو مـا بدنيانـا صغـااار ... ومـا بدنيانـا كبـااار
ماكـان جيتـك بـد خلـق الله .. وحبيـت أسألـك

لن الكبـار .. إذا رجعنـا .. للأصـل كانـوا صغـار
وأكيـد فيـه صغـار أثـروا فـي تقاسيـم الفـلـك

اللى سبق تمهيد .. يكشف عـن سياسـة هالحـوار
جاهز؟؟ تمام ؟؟ أوكيه؟؟ سوري؟؟ لو بديت أستعجلـك

تبيني أكشـف لـك حقيقـة شاعـر المـرأة نـزار؟
أبشر .. من عيوني.. وحاضر.. علني ما اعدم هلـك

لكن ترى بجيبها .. مـن نـار .. وأرميهـا بـنـار
خلـك علـى إستعـداد يتعـدى مـداي ويآآصـلـك

البن يقصر هامتـه عـن (عمـد) ويطـول البهـار
حتي يسلـك شـى .. قـال البـن فيـه ..ولاسلـك

إلى هنا ندخل معـك .. فـي عقـدة بنـود الإيجـار
مافيـه بنـد بينهـا .. يحفـظ حـقـوق الممتـلـك

وإذا نسيـت؟؟ أذكـرك .. فـي مهزلـة ذاك النهـار
ميشيل (نبثـان الخبـل) ..اللـى يقـول إلـك إلـك

هذي ..على هذي .. على هـذي.. عبـارة إنتحـار

وإحسب حساب اللى نجا .. وأحسب حساب اللى هلك

لحظة .. دقيقة .. لو سمحت..؟ آآخر سؤال وباختصار
وش يفرق اللى جالس ..جنب الملك .. عـن الملـك؟

اللى جلس .. جنب الملك .. مرتاح مـن هـم الديـار
مثل الملك .. بس إنـه ماخذهـا علـى شويـة كلـك

فكر .. وش رأيك .. وأنا واقف .. وكلـي ..إنتظـار
ويالله عسى آآخرك مـا يضحـك .. لنكسـة أولـك