بسم الله الرحمن الرحيم

قصيدة مطلق النومسي الدوحه , اشعار مطلق النومسي , شعر الدوحه , ابيات من كلمات الشاعر مطلق النومسي

يغفر الله للحبيب اللي رحل للدوحة
غادر بلاد الكويت ولا عرف منزاله

راح ما أعطاني خبر عن هجرته ونزوحه
من بلاد ما يعين بالخليج أمثاله

بالبداية قلت كذب وقصة مطروحة
لين شفت البيت تبكي بالسكون أقفاله

وإنصدمت وجض قلبي وإبتدا ساموحه
وإبتديت أقول وش يبقى لي وش يبقى له

ما بقى لي عنده إلا صورتين ولوحة
ولا بقى له عندي إلا خاتم وسلساله

وانتظرت لشهر كامل عقب ذيك الروحة
أي حي يقول لي وينه وكيف أحواله

بس ما به نور بين يستدل ب ضوحه
ولا بريد ولا اتصال ومنقطع جواله

واقتنعت إني ضحية دمعتي وجروحه
وإبتدت الآمال تضعف في مجي مرساله

وإبتدت فرقاه تفضح روحي المفضوحة
وإبتديت آجر آهاتي على هالحالة

اه من فرقا الدلع بالطلة المملوحة
واه من فرقا الغنج بقفايته وقباله

واه من فرقا صباح الغرة المصبوحة
واه من فرقا براءة وجهه المحتالة

واه من فرقا رجاحة عقله الملموحة
واه من فرقا الخبال اللي سواة خباله

واه من كسرة حكاه الكسرة المسموحة
واه من خثرة لسانه يوم ينسى حاله

واه من ضحك يسيح فبحة مسيوحة
واه من خمر السوالف فوق حبة خاله

واه من ليل يبي يطري علي مزوحه
واه من عين الشقى ودموعي الهمالة

دمعة من دون شرح ودمعة مشروحة
ودمعة تزعل علي ودمعة ترضى له

ودمعة تغلق مداه ودمعة مفتوحة
ودمعة تسعى معاى ودمعة تسعى له

علموه إن زلته هاذي ما هي مدموحة
وعلموه إني بحال مزري يرثى له


علموه إني مخادن للحمام ونوحه
وعلموه إني ب أغني له على مواله

علموه إني بشر يركض وراء مصلوحه
وعلموه إنه يرسخ كلمتي في باله

من يطاول عزتي فوقه هدمت صروحه
لو يكون الشيخ وألا واحد امن عياله

علموه الوايلي نفسه ما هي مشفوحه
ما يميل الرأس لو دايم يميل عقاله

وعلموه برجعته لي لا يتعب روحه
دامه أقفى من رضاته سمح الله فاله

وعلموه إني بعالج نفسي المجروحة
وأعتصم في طرح واحد من قديم أمثاله

الله أكبر يا زمن تطورت منفوحة
عقب ما كانت مجرد غرفتين وصالة