بسم الله الرحمن الرحيم

قصيدة ينابيع السبيعي صفحات الالماس , اشعار ينابيع السبيعي , شعر صفحات الالماس , ابيات من كلمات الشاعر ينابيع السبيعي




سطرت من قافي حروف تمارا
دام الوطن حبه بلا حد وقياس

صارت حروفي بالمعاني تبارا
يصوغها التاريخ صفحات الالماس

حروف شعري بالقوافي عذارا
اتسابق الخطوات للي لهم ساس

ما ينوصف بالطيب غيرالخيارا
اللي لهم في قمة المجد مقياس

حكام نجد وطيبهم ما توارا
وافعالهم من دونها قوة الباس

اهل الوفا والجود سر وجهارا
اخوان نوره صيتهم يرفع الراس

عبدالله اللي بالوفا ما تدارا
مليكنا اللي يعتلي كل نوماس

رعايته للشعب رمز وفخارا
واحساسه اكبر من حروف بقرطاس

ويمناه سلطان الكرم والوقارا
له موقف مثل الفرج حزة الياس

ونايف على صرح الأمن باقتدارا
نظرات عينه كنها عين قرناس

وسلمان عن كل المواقف يجارا
ابواليتامى يحتوي صدق الاحساس

يارب يا عالم خفايا النصارا
يا غافر الزلات من دون مقياس

ياخالق نجوم الفلك في مدارا
تسترعلينا من ثعابين وانجاس

تجعل ديار المملكه بالعمارا
وتحفظ بلاد الخير للأمن نبراس