بسم الله الرحمن الرحيم

قصيدة ينابيع السبيعي خذها قصيده , اشعار ينابيع السبيعي , شعر خذها قصيده , ابيات من كلمات الشاعر ينابيع السبيعي


سرحت مع نظرة عيونك ثواني
وهمس الشفايف عشت معها دقيقه

وقررت ما غيرك يواسي زماني
انت الوحيد اللي فهمت الحقيقه

انت الخفوق اللي بحبه حواني
يرسم على درب الأماني طريقه

لعبت دورك في تعاسة كياني
انت البحر كنه يروف بغريقه

أعبر خلالك فوق شط الأماني
واعيش عمري في سعاده وثيقه

وان كان بحر الحب ماله مواني
وصارت حياتي بين ضيقه وضيقه

خذها قصيده من هجوس لفاني
احساس صادق والمشاعر رقيقه

لو هاجس الحرمان باقصى المحاني
انخى عزومي والأيادي طليقه

على ضفاف الحب ذكرى و اغاني
غنيتها باحساس ما عاد اطيقه

تدري من الحرمان جا ما كفاني
بين المواجع والجروح العميقه

وكل المشاعر والغلا والمعاني
ذكرى محبه من شقيق لشقيقه