بسم الله الرحمن الرحيم

قصيدة السؤال , شعر السؤال



اجمل ( حقيقة حلم ) فوق الخيال
من جيت لي صار بحضورك حضور

همسك يزلزل بقلبي راسيات الجبال
وصوتك يفيض بعذوبه ويتفجر غرور

حاولت أوصف شعوري بس مامن مجال
اصل الشعور الحقيقي ينفهم بالشعور

كانت حياتي ظلام فوق كل احتمال
واليوم صارت نهار كل مافيه نور

بدايتي حيل حلوه واتمنى الكمال
ليتها بك تعدل !! وبي تغير أمور

من عرفتك حبيبي في مقاس الليال
كنها عند قلبي تنحسب بالدهور

من عرفتك وقلبي تايه بالسؤال ؟ !
من عرفتك وقلبي ممتلي بالسرور

من عرفتك أعيشك حلم صعب المنال
ويحتويني شعور .. ما تحده بحور

تبتسم لي حياتي لا لقيتك وصال
وان فقدتك حياتي مالها أي دور

دام همسك يزلزل راسيات الجبال
وصوتك يفيض بعذوبه ويتفجر غرور