بسم الله الرحمن الرحيم

قصيدة أحبه واترك الهوجاس , شعر أحبه واترك الهوجاس


سيد البشر هاويني
...................هو يامر على عيني

وفا واخلاص يعطيني
...................ولا لي بالبشر غيره

انا فكره و الهامه
................اعيش بعالم احلامه

غلايه بصمة ابهامه
...................لقيته بالوفا ديره

أحبه واترك الهوجاس
..................ولا أسمع كلام الناس

أبوح بصادق الاحساس
....................خيال يزين تصويره

صراحه بي غرس حبه
.................ولا لي بالهوى سبه

جمعنا ربي وربه
................بيده الفلك وتدويره

غلاه بداخل اعماقي
..................وطيفه فايض اشواقي

هواه الورد والساقي
.....................واحب اتبع مشاويره

أخاف ابعد وينساني
....................اخاف اثقل ويجفاني

ولا لي بالغلا ثاني
.................وانا وياه في حيره

طلبت الله يسعدنا
..................ولا حاسد يفرقنا

عن العذال يبعدنا
.................ويجمعنا على خيره