بسم الله الرحمن الرحيم

قصيدة سعد ال سعود المنادي يقول القلب , اشعار المنادي , شعر يقول القلب , ابيات من كلمات الشاعر سعد ال سعود المنادي

ابد والله سمعت بطاري عيونك وجيت اغليك


يقول القلب سلملي عليه ويطلب وصالك

حبيبي وش تقول بعاشق قصة غرامه فيك

نسا الدنيا ومن فيها وجا ينشد عن احوالك

حبيبي جيت لمصافح مواعيد الفرح بيديك

وجيت اعطي يمينك حب ماتدريبه شمالك

اشوفك واسمعك قبل اعرفك واشتاقلك وابيك

واحس آمال عمري من عرفتك تشبه امالك

انا ماعشت قبل اعيش بإحساسك وقبل اجيك

حبيبي جيتك بقلبي ولو ماجيت لك جالك

احاسيسي كريمه وانت تستاهل كرم غاليك

ترى لوماشرقت شمسك وصل رحت اتبع ظلالك

يقولون العرب دار بلا مغليك ماتغريك

واقول انك بليا حب كنك عايش لحالك

انا لاجيت اسولف عن شعوري قمت اسولف فيك

وانا ادري رغم كل الشوق ما مريت في بالك

دريت ان الغلا مثل القدر يرضيك لويبكيك

ولاينفعك بعلوم الغلا عمك ولاخالك

ما بين الحلم والواقع يصيبك حظي ويخطيك

متى تصبح نصيب اللي وقف بآماله اقبالك

ولاتزعل من اللي لازعل منك رجع يرضيك

ولا تطري كلام البعد فال الله ولا فالك

انا لوماتذكرتك غلا جاب الغلا طاريك

تعيش وتسلم لقلب على كف الغلا شالك

اطالع وجهك المشرق امل وعيوني تناديك

واقول الله ثم الله لا يحرمني وصالك