بسم الله الرحمن الرحيم

قصيدة فيصل العدواني عقب الخيانه خاين الخلان خليته , اشعار فيصل العدواني , شعر عقب الخيانه خاين الخلان خليته , ابيات من كلمات الشاعر فيصل العدواني

سلام الله علي خل خليل خلا خلانه
وأنا عقب الخيانه خاين الخلان خليته

وسكن عقب الغلا غل تغلغل والتغى شانه
وهو اللي بغلا علل ايديني ليت ما غليته

وشكيت وشكوتي شك شبك والروح بلشانه
بشوق شاقني واشقي شروش القلب وأشقيته

تزلزل حبه وزلزل زلاله يوم ما صانه
وزال الحب من زله كبيره ثم زليته

وهيقت إني قويت انسى غرام صعب نسيانه
ولكن بنسى وأتناسى وأقول إني تناسيته


كفاية ياهوى يكفي كفنت القلب بكفانه
وكفك ماكفف دمع كثيف منك هليته

سلام الله علي خل خليل خلا خلانه
وأنا عقب الخيانه خاين الخلان خليته