بسم الله الرحمن الرحيم

قصيدة ارحل خلاص ارجوك تكفى عشاني

أرحل خلاص أرجوك تكفى عشاني
ماأبي أشوفك من عيوني ليا طحت
غالي وأحبك وأفقدك في ثواني
لـكن تغير طبعك إن جيت جرحت
يمكن ملل أو تعشق انسان ثاني
والا بقربي ضاق صدرك ولا ارتحت
الله معك ياأغلى بشر احتواني
بضغط على قلبي وابصبر إذا رحت
يبقى مكانك في الضلوع المحاني
ذكراك منحوته على خافقي نحت
لـــو إني انسى كل واحد نساني
مـاكان ليلي يعرف الصوت لانحت
أصعب شعور تموت حلو الأماني
بيدين من يعرف غرامك وله بحت
رووووح وتأكد رغم مامنك جاني
أبذكرك بالخير لا أمسيت واصبحت
ماأنسى زمانك لكن أذكر زماني
إذا خذاك الشوق يمي وسرحت
حفظت قلبك يوم قلبك مكاني
أبيه فوووق بكل حاجه ماهو تحت
صحيح أحبك لكن.. أرحل عشاني
شينه أشوفك من عيوني اليا طحت