بسم الله الرحمن الرحيم

قصيدة مشاكلك واجد ٢٠١٤

يا بعدك بقلبي لو انك بعيني
ويا ضيق صدري لا ذكرتك على ماش


ما كنت اظنّك با الجفا تحتريني
و ما كنت اظنّك با الاحاسيس غشاش


اوهمتني بأنك حقيقه تبيني
وحطّيت قلبك بيت و عيونك فراش


و اثرك على نيّة قسا تبتليني
مشاكلك واجد و جيّاتك اهواش



تخطي و انا ساكت على شي فيني
و ان جيتلك من ضيق الايام تنحاش


ضاق الفضا من سبّتك يا ظنيني
تعبت اجامل و انت من واش في واش


حملّتني ما لا تطيقه سنيني
كسرت ضلع الطيب من دبلة الجاش


اليوم تدري بس بينك و بيني
بعطيك انا ايّاها على قولتك (كااااااااااااش)


اكبر مصيبه يوم اشوفك بعيني
قدّام قلبي بس (كلّك على ماااااااااااااش)