بسم الله الرحمن الرحيم

قصيدة اغار عليه ٢٠١٤

الغيــــرة
و أجاوبها بنظراتن حزينه
تعبر عن ضنا الروح و شقاها

أسايرها واجاوب كل نظره
و أخبي الوجد و أبحث عن رضاها

غلاها يزيد مع زود الليالي
و باع الناس قلبي و اشتراها

و صرت أغار أنا منها عليها
خطا نفسي وأنا أتحمل خطاها

و أغار من امها حتى و أبوها
و أغار من الذي بأمره ولاها

و أحسد اللي تبره بالرعاية
و أحسد اللى بأحاسيسه رعاها

و أحسد الريح لا يحرك شعرها
و احسد عيون غيري لا تراها

و أغار من القمر لا شع نوره
خذت نور القمر وأصبح ضواها

و أحسد الشمس لا بانت عليها
أشعتها تسبب في أذاها

وأحسد الأرض لا داست عليها
أثر خطواتها يحي ثراها

و أغار من النجوم اذا تعالت
و شافتها وعيني ما تراها

و اغار من الهدوم اللي لبستها
عساها ما تجرحها عساها

وأغار من الخواتم في يديها
وساعته وكل اللي معاها

و أغار من القصيد لا قرأتها
و لو هي قصتي وأشكي جفاها

و تشمل غيرتي حتى المرايه
يحق الها بشوفتها تباها

نعم وأغار حتى من الوساده
وأحسد فراشها و غطاها

آه لو تدري شو أغار عليها
و ما أقدر أشوف سواها