بسم الله الرحمن الرحيم

قصيدة يا رب ٢٠١٤

يارب عبدك عاصي وكله ذنوب
ماشاف من دنياه الا ظلامه



وابليس من بيني ومن بينه حروب
عقب الاذان وقبل رفع الاقامه !!



اضيق .. والخافق من الهم مشبوب
شبة حطب بدو ٍ عشاهم كرامه !!



اعصاك ماهو قصد واضيق وتنوب
لوعاتي .. ويبقى بصدري علامه !!


وانت الغفور وعبدك اليوم متعوب
ذنبه كسر ظهره .. وانهك عظامه !!


الناس قالت .. كل ممنوع مرغوب
وابليس من يقدر يجود .. خطامه !!


كل يوم اقول استغفر الله .. وبآتوب
واخاف قبل آتوب تاتي الندامه !!


اقول بعفي لحيتي .. واقصر الثوب
ما ابغي ادش النار في ربع خامه !!


القلب غآوي والامل وجه مشحوب
والصبر مفتاح الفرج ,, والسلامه ؟؟


دنيا تدور .. وكلها نقص وعيوب ؟؟
والضيق في وجه المشاريه شامه ؟؟


كل شي فالدنيا . . مقدر /ومكتوب
( غمامة "تبرق .. وتمطر غمامه ؟؟ )


ما دام مابه حد .. بالعمر محسوب
والموت للانسان .. آخر ختامه !!


تكفين يا الدنيا.. تخلينياتوب
خايف من الله قبل يوم القيامه !!