صفحة 1 من 6 123 ... الأخيرةالأخيرة
النتائج 1 إلى 5 من 26

الموضوع: رواية قلوب مرهقة ٢٠١٤

  1. #1

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رواية قلوب مرهقة ٢٠١٤

    بسم الله الرحمن الرحيم

    رواية قلوب مرهقة ٢٠١٤

    كل شخص رغم نضجه , يضل لابداخله طفل لا يكبر , وقلبٌ مجنون مراهق لا يستقر إلا أن يشاء الله
    من هنا أنا الكاتبة "الأريـــج" أبدأ معكم روايتي , مع العلم أن أحداثها واقعيه بنسبة 50%

    والآن نتعرف على أبطال الروايه " شلة البنات" حيث تنطلق القصه ..

    حـــور : 18 سنه جميلة جداً هادئه , ملامح طفولة بيضاء البشره خشمها صغير عيونها ناعسه عسليه وشفايفها ورديه صغيره وإبتسامتها ساحره وشعرها بني ألين كتوفها ودائما تنزل قذلتها على جبينها ..
    يتيمة الأب من لما كان عمرها 10 سنوات أمها متزوجه ونادراً ما تزورها..
    محمد : أخ حور يكبرها ب7 سنوات عمره 25 سنه تعتبره أب لها إستلم حلال أبوه من صغره وإهتم بإخته بعد زواج أمهم هاله ..
    عمهم علي وله بنات وأولاد نتعرف عليهم بعدين ..
    ........
    عالية : 18 سنه بإختصار جمالها صارخ مغروره شوي , طويله رشيقه ملامحها تجنن .
    ريم :18 سنه أخت عالية من أبوها أحمد , جميله لكن أقل من جمال أختها .
    ريم وعالية يحبون بعض لكن ما يشوفون بعض إلا في المدرسه بسبب المشاكل بين أمهاتهم , حالتهم الماديه متوسطه أبوهم يمتلك مزرعة .
    عاليه وحيدة أمها حصه , وريم أخوانها من شيخة أمها سحر عمرها 15 سنه والأولاد طلال 25 سنه وصديق محمد أخو حور وطارق 21 سنه.
    ...........
    جِنان : دافورة الشله منظمه عقلانيه ما ينادونها البنات إلا بجدتي ههههههه , جمالها متوسط وملامحها حاده حنطاويه وجسمها مليان شوي بس مو دبدوبه .
    أمها عايشه , وأبوها إبراهيم, أخواتها نوره الكبيره متزوجه عندها فرح وفادي 5 سنوات و3 سنوات , سهير عمرها 21 سنه , وتوأمها ولد سهيل 21 سنه , عبدالله 19 سنه , رهف 15 سنه صديقة سحر أخت ريم.
    ...................
    رانيا : 18 سنه أجمل من عاليه من أم سوريه وأب سعودي , جمالها رباني ينبهر من يشوفها .
    الأم هِبهْ ,الأب حسين , أخوانها رامي 25 سنه , رنا 22 سنه ,فارس 20 سنه , غدير 10 سنوات
    ....................
    وفيه شخصيات لها أثر في قصتنا بتجي في وقتها ما ودنا نحرق القصه من بدايتها ^ـ^
    ....................
    هؤلاء هم شخيات قصتنا






  2. #2

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رد: رواية قلوب مرهقة ٢٠١٤

    البـــــآرت الأول ...

    في المدرسه , شلة البنات في الصف الثالث ثانوي , حور وعاليه و جنان داخلين علمي , ريم ورانيا أدبي , وكان آخر إختبار في التيرم الأول ..
    حور طلعت من إمتحانها : أووووه أخيراً خلصنا .
    لحقتها عاليه : يا حليلك على بالك خلصنا من ثالث ثانوي ترى باقي لك تيرم ثاني وكررررررف .
    حور: أدري أدري بس مستانسسسسسسسسسسه حييييييييييل .
    ريم أقبلت عليهم : لا لا لا تقوليها إنخطبتي من ورااااانا يا خاينه .
    حور : طسسسسسسو بس أنا حبيبي وبعد عمري أخوي مستحيل أفكر في غيره .
    رانيا جت : لا حوووول , بدأ مسلسل العشق الممنوع ولا قلتوا لي ههههههههههههه .
    "ضحكوا كلهم"
    ريم : آآآآآآآآآآآآه يا بطني هههههههههههههههههههههههه حور تراك فاسده هههه هذا أخوي .
    حور حمقانه : والله تفكيركم إللي فاسد إنتي وإياها قصدي ما أبي أدخل رجال بحياتي غير أخوي .
    عاليه بشهقه قويه : ههئئئئئئئ بنات مآ أصدق نسيت مرايتي , أكيد الحين إخترب جمالي من مقابل وجيهكم .
    ريم : يااااا رب يااااا رب يجيك واحد شين ويآخذك هههههه .
    عاليه : وقسم أنك تكرهيني تبيني أقابل واحد شين 24 ساعه .
    رانيا : بنااااااااات وين جنان , الله يخليكم لا تقولوا باقي تحل .
    حور : إييييييييييه باقي تحل مدري وش الصعب بالإمتحان كله نحو .
    بعد سكوووت شوي وكل وحده تلم أغراضها ..
    ريم : وصلت وصلت زغرطوا لولولولولولوليييييييييييييش .
    رانيا وعاليه : ألف الصلاة والسلااااام عليك يا حبيب الله محمد .
    جنان : ههههههههه الحمدلله والشكر .
    حور : حبيبتي أنتي أعقلهم من الصبح أنتظرك هذولا مهبل .
    جنان : يقال أن أنتي العاقله الحين .
    ريم : وااااااه هههههههههههههه لقطي وجهك حوروه .
    حور : المهم بنات اليوم بنسوي حفله لأننا خلصنا وإعملوا حسابكم بتنامون عندي من زمان ما إجتمعنا .
    جنان : بأقول لأبوي وأشوف بس النومه مراح يرضى .
    ريم : وأنا إنا راحت عاليه بروح .
    عاليه : آآآمممممووووآآآآآح يالبى إللي ماتعيش بدون أختها ههههههه .
    حور : رانيووووووه وين رحتي .
    رانيا :هاااااه معكم معكم بس نعسانه طول الليل سهرانه .
    حور : أوكي أجل ردو لي خبر قبل العصر عشان أجهز أموري و تكشخوا هاااه عشان أبختار زوجة لأخوي منكم ههههه.
    ريم : أـووووه ما يمدي الحين ما ألاقي كوفيره تفتح هالوقت هههههههه .
    عاليه : أنتي يبي لك الحلاق إللي في شارعكم ههههههه ولد ولد مافيك رقة أنثى هههه .
    حور : أنا ودي بعاليه زوجةٍ لأخوي عشان يكسر خشمها .
    رانيا : يالله بنات أنا بأطلع الحين أخوي من ساعه واقف برا .
    كلهم مشوا عاليه مع سواق أمها وريم مع أخوها وجنان مع سواقهم وحور مع أخوها .



    بالسياره عند حــــــــــور وأخوها محمد ..
    محمد : مبرووووك خلصتي .
    حور : يبارك فيك ودني السوق .
    محمد : وش وش ما سمعتك .
    حور بصوت عاااالي : السووووووووووق .
    محمد : وجججججع وش لك بالسوق .
    حور وهي تناظره بنص عين : أبي فستان لخطوبتك .
    محمد بضحكه : يالله متحمل نكدك تبين تنكدين علي ببزر ثانيه بالبيت لا الله يخليك ما أبي .
    حور : زين زين السوبر ماركت البنات جايني اليومولا أشوف خشتك في البيت إنقل للملحق .
    محمد : أووووف يا كرهي لجمعاتكم تراكم إزعااااج حشا موب بنات .
    حور : سوق وأنت ساكت .
    محمد : زين عمتي ههههههه .





    عند ريم وأخوها طارق رجع من الجامعه ومر لها .
    طارق : وين عاليه فقدتها ماعاد تنشاف الله يهديك يمه منعتينا من أختنا .
    ريم : ياليت أمي مثل خالتي حصه أم عاليه والله يا حليلها حنونه حيييل وطيبه .
    طارق : لا تقولي كذا تضل أمك حتى لو تذبحك .
    ريم : ما أقول إلا الله يعين أبوي عليهم ههههههه من طقه على يده يتزوج ثنتين .
    طارق : ههههههه يحب التغير وأنا أخوك .
    ريم : إتصل على خالتي حصه قول لها بنمر عاليه ونروح نفطر برا .
    طارق : فكره والله منتي بـ هينه .
    ومروا عاليه وطلعوا فطروا بمطعم وإستانسوا .


    العصر الساعه 4 في نفس اليوم ..
    صحت حور من النوم ولقت رسالتين في جوالها ..
    المرسل ـ رانيـــا ... حور أن شاء الله بجيك بعد العشاء وبنام عندك بعد ماما وافقت لي .
    الرساله الثانيه ..
    المرسل ـ جنان .... حبيبتي أنا جايه بس مراح أنام بجلس عندك ألين أمي تخلص العرس إللي رايحه عليه وتمرني .

    تثاوبت وهي تقلب بالأسماء وإتصلت على ريم : آلوووو ....... ريمووووه قومي قامت قيامتك ..........هااااه جاين أنتي وأختك ولا كنسلتوا ...... أوكي ردي لي خبر ..... بااااي .

    ثم إتصلت مره ثانيه : هلا حمودي .... وينه حبيبي الحين ..... أنت حبيبي من يعني ههههه ..... إيه لا تنسى بس العشا وإللي وصيتك عليه السواق ما يعرف لشي ......... يا بعد قلبي .... أكيد مصالح ولا كان ما جيتك ههههههه .... يلا باي باي .

    وقامت تآخذ دوش وتتجهز لجمعة البنات ....








    بعد المغرب ...

    عند عاليه إستشوار و روج هنا وبودره هنا وماسكارا هناك وملابس على الأرض وعلى السرير

    حصه أم عاليه : بسم الله عاليووووه وش ذا حشى داخلة عزبة شباب مو غرفة بنيه.
    عاليه : أوووه يمه مستعجله خليها لا جيت من حور رتبتها ولا خلي الشغاله ترتبها وش وراها .
    حصه : يا يمه هذي غرفتك مو غرفة الشغاله , ما أقول إلا الله يعين زوجك عليك .
    عاليه بغرور : هو حاصله أصلا وحده مثلي , المفروض هو يخدمني .
    حصه : أقووووول يالله يالله لمي أغراضك وإنزلي أخوانك ينتظرونك ولا تبطون عند البنيه .
    عاليه قامت وباست خد أمها وجرت وهي تسحب عباتها : يمه أنا بأنام هناااااااك لا تستنيني ولا يهينك رتبي الغرفه .
    حصه : إستني إستني .... آآآآه زين شغلك بعديييييييين .
    ــــــــــــ
    في السياره طارق وريم يسمعون أغنيه أجنبيه ويرقصون معاها ..
    ركبت عاليه : الحمدلله والشكر الحمدلله والشكر .
    ريم : هاااااااااااااااه .
    عاليه : أقووول إمشوا إمشوا تأخرنا على البنت .
    ومشوا والسياره تهتز من إستهبالهم ههههههههه ....



    عند جنان ..
    جنان : يممممممممممممه وين السواق .
    عايشه أم جنان : إركدي خل يوصلني للعرس ثم يوصلك .
    جنان : يمه البنات وصلوا ما بقى غيري وأنتي بتتأخرين .
    عايشه : الحين ورى ما تحضرين معي , خل الناس تشوفك كوووود يجيك عريس ونفتك من حنتك .
    جنان :لالا يمه الحين أنا إللي مثقله عليكم , زين أنا بتزوج السواق ونذر علي لا امنعه ما يوصلكم هههههههههههههه .
    عايشه : ها هو برا طسي طسي لا أشوفك يالله .
    جنان : ههههههههههههههههه ما تمشون إلا بالعين الحمرا , باااااااااااي .



    عند رانيا ...
    غدير أختها الصغيره : تكفين تكفين خذيني معك .
    رانيا : وين آخذك يا مآل اللي ماني قايله .
    غدير : أرجووووك , والله ما أسوي شي .
    رانيا : لا يعني لا .
    غدير وهي تنزل دمعه : مامااااااا , قولي لها تآخذني .
    هبه أم رانيا : شو فيه ليش هالصراخ .
    رانيا : ماما تكفين سكتيها أزعجتني , أبي أروح وأبي أروح .
    هبه : أوووووف إيه خديها معك شو بيصير .
    رانيا : ماما كلهم صبايا إلا هي بزر وين أحطها .
    هبه : غدير حبيبتي تعي معي بنروح الملاهي يلاااا .
    غدير : بنروح الملاهي موتي قهر (وهي تحرك حواجبها لرانيا)
    رانيا : ههههههه روحي روحي يالبزر (وتكمل تجهيزها)



    بعد صلاة العشاء....
    تجمعوا كل البنات عاليه وريم وجنان ورانيا عند حور , سوالف وحش ووناسه وتسليه ومضى الوقت بسرعه وصارت الساعه 1 الليل ورجعوا ريم و جنان بيتوتهم ورانيا و عاليه بينامون عند حور .
    لبسوا البنات من بجامات حور وجالسين يسولفون في غرفتها ودامهم متجمعين أكيد مراح يجيهم النوم ههههههه طول اليوم يهذرون
    قامت رانيا : عطشااااانه يا مال الفقر حتى مويه ماعندكم .
    حور : شغالتك أنا روحي إشربي عساه ما يحدر , ما قدامك أحد .
    رانيا : هين بتجين عندي قريب والله لا أموتك جوع وعطش .
    عاليه : تكفييييين يا الربع الخالي هههههههه .

    نزلت رانيا تتمخطر وهي حاطه السماعه في آذآنها وتسمع أغاني وتهز معها , راحت المطبخ وقفت قدام الثلاجه تشرب ومو حاسه بشي حولها

    محمد واقف عند الباب ما سمع حسهم قال أكيد ناموا ودخل راح للمطبخ جوعان شافها واقفه ومعطيته ظهرها
    جا يتسحب وراها وهي مو حاسه وضم يدينه على بطنها , و و و و وباسها على خدها ...........





    نهاية البارت ..

  3. #3

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رد: رواية قلوب مرهقة ٢٠١٤

    البارت الثاني ....



    في غفله لمحته وأصبح كل حيااااتي ..





    نزلت رانيا تتمخطر وهي حاطه السماعه في آذآنها وتسمع أغاني وتهز معها , راحت المطبخ وقفت قدام الثلاجه تشرب ومو حاسه بشي حولها


    محمد واقف عند الباب ما سمع حسهم قال أكيد ناموا ودخل راح للمطبخ جوعان شافها واقفه ومعطيته ظهرها
    جا يتسحب وراها وهي مو حاسه وضم يدينه على بطنها , و و و و وباسها على خدها ...........
    وقال لها : حبيبتي أختي إللي جت بتسوي لي العشاااا .
    رانيا شهقت بقوة وإلتفتت له وفي نفسها تسب وتلعن حور , وحطت رجلها بسرعه ثواني إلا وهي جالسه في الغرفه
    راحت وراح قلب محمد معاها ... ومازال واقف في نفس المكان .... ومتفاجئ من الملاك إللي شافها .




    في الغرفه ....
    عاليه : بسم الله الرحمن الرحيم رنووو وش فيك .
    رانيا وهي مازالت مصدومه : هااااااه آآآآآآآ ولا شي ولا شي , أبي أرجع بيتنا .
    حور : تبطين ما تروحين .
    رانيا بدت تدمع : أبي أروووح تكفون .
    عاليه قامت ومسكت يدها : قولي لي حبيبتي وش جااااك وش إللي صار ؟ .
    رانيا : مافي شي بس ما أرتاح إلا ببيتنا .
    حور : خلاص خلاص بروح أشوف فيه أحد يوصلك وأجي .




    راحت حور وإتصلت على أخوها سمعت رنة جواله ولحقتها لقته واقف بالمطبخ مفهي وكاس العصير بيده ما شرب منه شي


    حور : محمد أنت هنا .
    محمد : هاااااااه .
    حور بإستغراب : وش إللي جاكم هذي عدوى ولا وشو .
    محمد : حوووووور , أبي أتزوج .
    حور بإستغراب : نععععععم عيدها عيدها .
    محمد : أ بــــ ــــي أ تـــ ــز و ج ....
    حور : للللللللووووووووووللليييييش .
    محمد: أوووووووص أوووووص فضحتينا .
    حور : وش إللي غير رايك فجأه .
    محمد : آآآآه آآآآآه يا قلبي , كنت أحسب كل البنات مثلك شينات , بس إللي شفتها ما كانت ملاك ملااااااك .
    حور ضربته بوكس على بطنه هههههههههههه
    وهو يتوجع : آآآآآي وأنا صادق يالشينه ( ويمد لها لسانه)
    حور وهي حمقانه : زين من هي ؟ .
    محمد : آآآآآه يا قلبي ما أعرفهاااااا .
    حور :حلوه هذي أجل وشلون أخطب لك وحده ما تعرفها .
    محمد حكى لها كل إللي صااااااااار بينه وبين رانيا
    شهقت حور : هئئئئئئئ وأنا أقول البنيه وش صابها حسبناها شافت جني ماغير تبكي وتنافض .
    محمد : يا بعد روحي أجل إسمها رانيا وخروا بالله خل أقرا عليها .
    حور بنص عين : أشوفك فصخت الحيا مره وحده .
    محمد : هاااااااه , أقول متى متى نروح نخطبها .
    حور وهي تمشي : بكره بكره .






    في الغرفه ..


    هدت رانيا شوي , وعاليه جالسه ومستغربه من حالها
    دخلت حور : مباركييييييين عرس الاثنين ليلة ربيه عين وقمررررره للللللوووووللللووووييييييييش .
    عاليه : خير خير .
    رانيا حست بنغزة حور وأنها عرفت السالفه ونزلت راسها وسكتت
    حور حكت لعااااليه كل شي وهي ميته ضحك بالرغم من أن رانيا كانت تحاول تسكتها


    وقاموا عاليه وحور يغنون ويرقصون ورانيا تسويه نفسها مو مهتمه ومو صوبهم
    أذن الفجر وصلوا وناموا أليييين أذن الظهر وصحاهم إتصاااال على جوال رانيا من أخوها فارس


    رانيا : هممممم ..... نايمه خير ....... ليه ليه تجي ما أبي ....... أووووف طيب طيب دقايق ..... إنقلع باااي
    رانيا : بنات بنات قوموا أنا برجع البيت أخوي تحت .
    عاليه : زين زين .
    حور قامت فجأه : وش السالفه وش صار .
    رانيا وعاليه : هههههههههههههههههههآآآآ هههههههههههههههه
    صحصحت حور : طسوا زين لا عاد تنامون عني ولا أشوف خشة وحده فيكم , وينك يا ريمووووه تعاونيني عليهم.
    عاليه : أوووووووه الجوال سايلنت وأمي متصله 10 مرات , رانيوه عادي توصليني بيتي قريب .
    رانيا : عادي حبيبتي يالله .


    لبسوا ونزلوا وحور معهم تودعهم : باااااي زوجة أخوي , بااااي عاليه .
    رانيا حمقانه : يلعنك أنتي وأخوك زيييييين .
    وطلعوا ...




    من ورى باب الملحق كان محمد يراقبهم ودقات قلبه تزيد كل ما تذكر رانيا ..
    محمد وهو يجري للبيت : حور حووووور .
    حور وهي تتثاوب : هااااااااه .
    محمد : دقي على أمها الحين الحين .
    حور تدري أن أخوها مطفوق ومافيه صبر : طييييييييب , إطلع جيب جوالي من الغرفه.
    محمد : لا يكون أنا بزر عندك .
    حور : ماتبي بكيفك (وقامت بتمشي )
    محمد مسكها وجلسها : خلاص خلاص بروح بس موب عشانك عشان القمر بس .


    جب الجوال وإتصل على أم رانيا قبل ما توصل رانيا للبيت ..


    حور : أهلين وسهلين خالتو .
    هبه أم رانيا : يا مية أهلا وسهلا حبيبة ألبي .
    حور : كيفك اليوم ؟
    هبه : منيحه حبيبتي تسلمي , رانيا لساتها ما وصلت للبيت دغري إشتئتي لها .
    حور : تؤبريني خالتو أنا ما أتصلت عشانها أتصلت عشانك أنتي .
    هبه محتاره : خير حبيبتي أؤمريني .
    حور : والله يا خاله أبي أخطب رنوووو لأخوي محمد إذا ما عندكم مانع .
    هبه بفرحه : أبدا مافي مانع وأهلا وسهلا فيكو وبنتشرف والله بس لازم أشاور أبو البنت والبنت وبرد إلكم خبر .
    حور : أوكي يالله خالتو أستأذنك وردول لنا خبر بسرعه العريس مو مصدق ههههههه .
    هبه : ههههههههه الله يحميه , مع السلامه .
    حور : مع السلامه ( وقفلت)




    محمد : الحين ليه تتكلمين معها سوري مدري لبناني , و وش قالوا أكيد موافقين صح .
    حور : أولا أمها سوريه , ثانيا يا مطفوق ما سمعتني أقول لها ردي لنا خبر بسرعه .
    محمد : يا حليلي لاحماتي سوريه ههههههههههههه .
    حور : هذا إذا وافقوا يا مال إللي ماني بقايله (وطلعت فوق تكمل نومها)


    في السياره ...
    كان الجو غبار شوي وعاليه تعطس كل شوي ألين مره غطست وطاح حجابها
    فارس يطالع في المرايه لورا (في نفسه يقول) : سبحاااااان الرحمن أجل لو مو متحسسه شلون بيكون شكلك قمر قمر .
    عاليه تداركت نفسها وتحجبت ..
    فاااارس : احم احم أوديكم المستشفى .
    رانيا إلتفتت لورا : نوديك المستشفى عاليه .
    فارس (في نفسه) : إسم على مسمى لا إله إلا الله.
    عاليه بصوت منخفظ : لالا حساسيه بسيطه من الغبار .




    وصلوا بيت عاليه ونزلت وهم كملوا طريقهم ...


    وصلوا ودخلوا البيت ..
    حسين أبو رانيا بضحكه : وصلت وصلت عروستنا .
    هبه : ههههههههههههه لو بعرفكنت بعثتك كل يوم لتنامي عند رفيئتك .
    فارس مستغرب وهو يجلس جنب أبوه : وش السالفه ؟.
    حسين أبو رانيا : تعالي وأنا أبوك إجلسي .
    جت رانيا وهي فاهمه الموضوع ومنزله راسها : سم يبه .
    حسين : شوفي وأنا أبوك قبل شوي خطبك محمد بن عبدالله .... والرجال شقردي والنعم فيه ,وضنتي أن أخته صديقتك وأنا ما عندي مانع , هاه يبه وش قلتي؟
    رانيا بإرتباك : هااااااه زين زوجوه أختي رنا أكبر مني .
    هبه : بنتي هم قالوا بدنا رانيا , يعني حددو بالإسم من بدهم .
    رانيا : مامااااا بعدني صغيره ماأفكر بهالأشياء .
    هبه : وإحنا كمان قولنا هيك صح يا حسين ( وتغمض له عينها)
    حسين فهم عليها : إيه أجل خلاص بقولهم البنت مو موافقه الله يسهل عليهم .
    رانيا وفي نفسها تقول أبيه أبيه : لالا يبه ما أبيك تتفشل خلاص إللي تشوفه .
    فارس بضحكه : ههههههههههههههه .
    حسين : هههههههههههه زين يا بنيتيألف ألف مبروووك .
    فارس : وأنا يبه زوجني يبه تكفى .
    هبه : شوووو غيرااان هههههه .
    فارس : إيه إيه زوجوني .
    حسين : بعد رامي إن شاء الله .
    فارس : هالشايب مو ناوين , وأنا اليوم بيتت النيه , زوجوني عااااد .
    حسين : زين من تبي أنت بعد .
    فارس : خوية رانيا إللي وصلناها اليوم , قوم قوم يالله ترى أدل بيتهم ( وقام) .
    حسين : الحمدلله والشكر هههههه .
    هبه : من عيوني أنت بس كمل المعهد وأنا بخطب لك .
    فارس : لالالا أخاااف تضيع علي , دراستي باقي لها 3 شهور والقرض جاهز وأوراق محلي بعد جاهزه بس باقي أفتح المحل .
    ( فارس صمم أنه يعتمد على نفسه ويبني نفسه بنفسه)
    حسين : زين زين , قومي يا هبه إسألي رانيا عنها وكلميهم لا ينجن عليها هالولد .







    ـــــــــــــــــ
    رانيا : هههههههههههه وجاااك رزقك يا عاليه هههههه .
    هبه : إيييييه هي عاليه إللي حكى عنها أخوك , والله كان بنفسي آخذها لرامي بس نصيبها لهالمجنون الله يكون بعونها .
    رانيا : أوكي ماما أنا بأكلم خالتي حصه أم عاليه وبأكلم عاليه وأشوف ردهم .
    هبه : طيب حبيبتي كلميهم وإنزلي للغدا .
    رانيا : طيييييب مامي


    وفكرت رانيا تفشل عاليه زي ما تفشلت في بيت حور هههههه جتها فكره نذله


    وأتصل مكالمه جماعيه على ريم وحور وجنان ودخلت عاليه معهم ..
    رانيا : بنات عندي لكم خبر إنما إيه .
    حور : خبرك قديم خطبناااااك هههههههه .
    عاليه : إحلفي ههههههه يا حليلك كبرتي وصرتي عروسه .
    جنان : ألف ألف مبروووك يا قلبي .
    ريم : أما عااااد يا نذله بتتزوجي وتخلينا .
    رانيا بإحراج : أووووه مو هذا الخبر .
    عاليه : زييييين قولي , فيه أهم من خطوبتك .
    رانيا بنذاله : إيه الأهم أنك مسويه نفسك حساسه وكل اليوم تعاطسين ألين ما جننتيه .
    عاليه : ما فهمت .
    رانيا : هههههههههه أخوي رجع نشب لأبوي في حلقه أبي أخطبها وأبي أخطبها ههههههههه وش رايك يا زوجة أخوي .
    ريم : هههههههههههه ما أصدق ههههههه آآآآآه يا بطني الحين يا عاليه ما لقيتي تغرينه إلا بعطسه هههههههههه .
    حور : هههههههههههه عاليه بذمتك صوري وجهك الحين بشوفه .



    جنان : وي وي كلكم بتتزوجون لالا تخلوني مع المهبل حور وريم .
    ريم : إسكتي يا جدتي لو جاك ما جاهم بتصيري أجن مننا ههههه .
    رانيا :عاليه عاليه .
    عاليه : نعم .
    رانيا : وحده بوحده هههههه كنتي تضحكين علي , هاه وش رايك .
    عاليه : ما أبيه .
    رانيا : أخوي ما ينرد ترى أنتي بتخسرين ههههه , ع العموم أبوي كلم أبوك .


    خلصوا المكالمه وعاليه فكرت كثيييير وبضغط من أهلها والبنات ووافقت على الخطوبه ألين تكمل دراستها


    وبيوم الخطوبه والكل متجمع
    عاليه بكامل زينتها طالعه قمر 14 , والبنات حواليها ..
    عاليه لابسه فستان أسود بلمعه بسيطه طويل وكعب فضي وإكسسوارات فضيه مسويه شعرها كيرلي ورافعته بشكل عشوائي وحاطه مكياج خفيف روج أحمر وحكل فرنسي وماسكاره


    وقبل ما يدخل يلبسها الخاتم بشوي ... فجأه دخلت عليهم ........... وقالت بأعلى صوتها والله وصاروا بنات الشوارع ينخطبون .....





  4. #4

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رد: رواية قلوب مرهقة ٢٠١٤

    البـــــــــــــــآرت الثآلــــث ...





    بيوم الخطوبه والكل متجمع
    عاليه بكامل زينتها طالعه قمر 14 , والبنات حواليها ..
    عاليه لابسه فستان أسود بلمعه بسيطه طويل وكعب فضي وإكسسوارات فضيه مسويه شعرها كيرلي ورافعته بشكل عشوائي وحاطه مكياج خفيف روج أحمر وحكل فرنسي وماسكاره

    وقبل ما يدخل يلبسها الخاتم بشوي .. أمها جالسه جنت أم فارس يسولفون والبنات إللي ترقص وإللي تهذر على راس عاليه
    ... فجأه دخلت عليهم ...زوجة أبو عاليه إللي هي أم ريم .. وقالت بأعلى صوتها والله وصاروا بنات الشوارع ينخطبون .....
    الكل إنرسمت في عقولهم علااااامة إستفهاااام كبيره .. وش فيه ووش صار ..

    أم عاليه حست بنغزه في قلبها وفهمت الموضوع وقامت بسرعه عشان تسكتها ... لكن بعد فوات الأوان بعد ما جا أحمد إللي هو أبو عاليه وريم وسمع الكلام .... وقدر يتفاهم معها بالقوه ويطلعها ..

    دخل المعرس فارس على أنغام أغنية دقوا خبيتي ، كان طاااااير من الفرحه , جلس جنبها وهي مو يمه جالسه تفكر بكلام عمتها أم ريم , وش تقصد ببنت الشوارع وليش اليوم بالذات جت بيتنا مع أنها ما كانت تدله ....
    كلهم تغطوا إلا رانيا إللي كانت جالسه جنب عاليه : عاااااليوه وجع ع الأقل إبتسمي , لا يكون غاصبينك بس ,شوفي أخوي شلون متشقق هههههه .
    عاليه بصوت واطي : هاااااه .
    رانيا : هويتي من جبل قولي آمين , ناظري فيه , يشبهني صح بس أنا أحلا فديتني .
    عاليه : إسسسسكتي مستحيه .
    فارس يدور على كلام يقوله عشان يسولف معها : آآآآآ شلونك عاليه .
    عاليه بصوت منخفض : زينه .
    فارس : آوووووه , رانيا وين ريموت الكنترول تبعها هالبنت بليز علي لها الصوت من عندك هههههه .
    عاليه ضحكت غصب وكلمت رانيا : بتزوجوني وااااحد خبببببل هههههه .
    فارس سمعها قرب منها وكلمها بصوت واطي : عيوووونك إللي خبلت فيني ( وغمض لها بعينه)
    عاليه إستحت حيييييل ولا عاد تكلمت ولا رفعت راااسها .
    رانيا لفارس : زييييييييين أعلمك , يمممممممممممممممه يمممممممه .
    فارس :لا لا تكفين والله أعطيك إللي تبينه .
    رانيا بنذاله : لاب توبك الجديد .
    فارس : تخسين ما تلمسينه .
    رانيا : أجل , يمممممممممممممممممممه .
    فارس : خلاص خلاص خذييييه .
    رانيا : ههههههههه ماتجون إلا بالعين الحمرا .

    جت أمهم : شو فيه , حتى ببيوت الناس ما إرتحنا صياحكن .
    رانيا : لالا يمه بس كنت أبي أقولك وين الخواتم ههههه.
    أمها : إختك راحت تجيبها ( وراحت)

    فارس إلتفت على عاليه : هههههه بالله مو وناسه حماتك شاميه ههههه على الأقل تتكشخين بها قدام خوياتك .
    عاليه مستحيه وسااااكته وهم يهذرون عليها .

    جابوا الخواتم فارس لبسها ومسك يدها وباسها , وهي دوروا لها ما تلقونها من الخجل .
    جا دورها بتلبسه كانت ترتجف ولبسته في إصبع غلط , إبتسم وقال دامك أنتي لبستيني نذر علي ما أغير مكانه .

    خلصت الخطوبه وكان رجع لبيته ما بقى إلا عاليه وأمها وأبوها ,حصه أم عاليه كانت تتصدد عن نظرات عاليه لأنها تعرف أنها بتسألها عن زوجة أبوها ووش تقصد
    وأبوها بعد كان مرتبك لأنه عارف أن هاليوم بيجي عاجلاً أم آجلاً .
    قام أبوها وباس جبينها : ألف مبروووك يا بنيتي وترى حددنا الملكه بعد شهر والزواج لمن تخلصين الثانوي وترى ماعنده مانع تكملين دراستك .
    عاليه : الله يبارك فيك يبه بس ما كنكم إستعجلتوا على الملكه .
    أحمد أبوها : يابوي هو مستعجل يقول بيطلع له قرض على صك الملكه , لو بيدي كنت أجلتها .
    حصه أم عاليه : الله يبارك لهم ويوفقهم يارب .

    عاليه : يمممممه .
    حصه وهي حاسه بإللي بتقوله عاليه : هلا يمه .
    عاليه : وش سالفة عمتي شيخه .
    أحمد أبو عاليه : تدرين يابنيتي أنها ما تدانيكم لا تآخذي على خاطرك .
    حصه : إيه صح كلام أبوك .
    عاليه : أنا مو صغيره تضحكون علي بكلمتين , والله أني أشوف كلام كثيييير بعيونكم , تكلموا ولا وإللي خلقني بروح أسأل عمتي شيخه .

    أمها ناظرت أبوها بنظرات ضعف وقررت أنها تتكلم : إستهدي بالله يا بنيتي وإسمعيني للآخر ولا تلوميني أو تلومين أبوك .
    عاليه تسمع كلامها بإستغراب ...
    كملت حصه : أبوي إللي هو جدك الله يرحمه , كان متدين من رجال مبلغ كبير وعجز يرده له , وقام الرجال يهدده بالسجن أو الدفع
    وأبوي كانت من خساره لخساره في شغله , قاله الرجال زوجني بنتك بالسروأنا أسامحك , والله يسامحه أبوي زوجني إياه وأنا بنت 14 سنه
    شهر وطلقني ورماني عند أبوي وماعاد سمعنا عنه شي , (تلعثمت شوي) و و أأأأننننا كنت حااااامل (سكتت شوي وقال ) حاااامل فييييك

    عاليه إنصدمت وفتحت عيونها ع الآخر وهي تسمع كلام أمها وطاحت دمعتها , وأبوها منزل راسه .

    كملت حصه كلامها : دورنا على الرجال كثير وأبوي كان رجال كبير وتعبان ومنيته كانت قريبه , ندمان كثير على إللي صار لي وإللي راح يصير إذا ولدتك
    وماكان قدامه إلا أبوك أحمد إللي هو ولد عم أبوي حكى له السالفه وأحمد ما قصر رجال شهم وقرر يتحمل المسؤوليه ويتكفل بك ويكتبك على إسمه وووو
    وعشان يكون هو وعياله محرم عليك (سكتت شوي) أجبر زوجته شيخه ترضعك ويصير أبوك بالرضاعه وعياله أخوانك بالرضاعه وووو وشيخه تكون أمك.

    عاليه بدت تبكي بحراره تسيل دموعها ويسيل الكحل معها.....

    أبو عاليه : والله أني ما أعتبرك إلا بنتي ومن صلبي وأنتي أدري عمري ما حسستك بنقص وقايم فيك وفي أمك .
    حصه وهي تبكي : أنا آسفه يا يمه غلطة جدك وتحملناها كلنا .
    عاليه ودموعها تزييييد : وليه ما قلتوا من زماااان ليه ما علموتوني .
    أبوها : أمك كانت بتقول بس أنا ما أبيك تحسين أني مو أبوك وأفقدك .

    خلتهم عاليه وقااامت تجري لغرفتها وسكرت عليه الباب بالمفتاح ....

    حصه كانت بتلحقها بس مسكها زوجها وقال : خليها على راحتها إللي عرفته مو قليل .
    حصه : أحمد , أنا آسفه لأني وأبوي شيلناك هذا الهم ما تذمرت ولا شكيت لأحد وإحترمت شرطي ألين اليوم ولا قلت لي شي.
    (لما تزوجت من أحمد كانت حالتها النفسيه سيئه من إللي شافته من زوجها الأول وحلفت أحمد ما يلمسها أبد إلا إذا طلبت منه وإلى اليوم ما طلبت منه هالشي)
    أحمد وهو يبتسم ويحك راسه : تدرين عاد والله من زماااان متحملك هههههه متى عاد بتحنين .
    حصه بإبتسامه : قريب بس أنت لا تبعد .
    (يحبون بعض وما ينكرون حبهم ويحترمون آرآء بعض وهذا إللي مو عاجب شيخه)
    أحمد وهو يجلس جنبها ويمسك يدها : خاطري نسوي عرس إحنا ما سوينا زمان وبعد نسافر شهر عسل (وغمض لها)
    حصه : ههههههههه بعد ما شاب ودوه الكتاب .
    أحمد : بسم الله عليه بعدني شباب 45 سنه وأنتي بزر 32 سنه .
    حصه ضحكت وإختفت ضحكتها فجأه وهي تتنهد : يا قلبي يا عاليه مدري وش حالها الحين .



    عاليه بغرفتها .... كااانت في عالم ثاني كله دموع وصدمه وحزن
    (معقول أبوي مو أبوي , وأخواني ماهم أخواني , ومن هو أبوي الحقيقي , في أحد يقدر يرمي ضناااه .... آآآآه يا ربي ليش يصير معي هالشي , كنت فرحانه بخطوبتي )

    وبعد طوووول تفكير ودموع ..تنهدت وهي تتذكر أبوها أحمد وإبتسمت ... كانت تتذكر طفولتها معه وذكرياتها وكيف مدلعها ومهتم فيها .... وقررت .....
    قامت غسلت وجهها وغيرت فستانها ونزلت لأهلها تحت ....

    عاليه راحت باست راس أبوها وجلست تحت رجوله وحطت راسها على رجله : ربي لا يحرمني منك , ماعندي غيرك .
    أمها وتسوي نفسها زعلانه : وأنا وأنا .
    أأبوها : ههههه بدينا بشغل الغيره هههههه بنتي وش دخلك أنتي .

    عاليه تشوف مناقرتهم وتبتسم : أقوووول , ترى مليت لوحدي ورى ما تجيبون لي أخ ولا أخت .
    أبو عاليه يناظر في حصه بنص عين : هو أنا حاصلي ...
    عاليه : ووش ... ما فهمت ...
    حصه : هاااااه ولا شي أبوك ما عنده سالفه يالله روحي نامي تعبتي اليوم .

    وإنتهى اليووووووم... بمزيج من الفرح والحزن والدمووووع ....







    في بيت رااااانياااا ..
    فارس ورااانيا يغنون ويرقصون ومبسوطين , فاااارس بخطوبته وراااانياااا بلاب توبها الجديد .


    وفي بيت رييييييييييييم ....
    ريم : يمه وش فيك , ليه لهالدرجه تكرهينها , وش سوت لك أختي ما آذتك بشي .
    شيخه أمها وهي معصبه : لااااا تقوليييييين أختك .
    ريم : الله يهديك كنتي بتخربي ليلتها ليه كذا يمه .
    شيخه : أجل يخلوووون بناتي ويروحون يخطبون بنت الشوارع عاليوووه هين .
    ريم ساااكته ولا تدري وش الموضوع .
    شيخه بعد سكوت وتفكير : إسمعي أنتي إللي بتتزوجينه , ولا أبيك ترفضين والله لاتشوفين شي ما شفتيه .
    ريم بشهقه : يمه دخيلك لا تخرفين فرحتها دخييييييلك .
    شيخه : أوووووووص ولا كلمه قلت أنتي بتتزوجينه يعني أنتي بتتزوجينه وما أبي ولا كلمه , وإذا سمعت أنك علمتي أحد والله لأذبحك وأرميك للكلاااب.

    وطلعت شيخه تااااركه وراها خطه شريره لهدم بيت عاليه وأمها , وريم الحزينه المحتاره من فعايل أمها .....

  5. #5

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رد: رواية قلوب مرهقة ٢٠١٤

    البــــــــــآرررت الرااااابـــــــع ...





    ريم : الله يهديك كنتي بتخربي ليلتها ليه كذا يمه .
    شيخه : أجل يخلوووون بناتي ويروحون يخطبون بنت الشوارع عاليوووه هين .
    ريم ساااكته ولا تدري وش الموضوع .
    شيخه بعد سكوت وتفكير : إسمعي أنتي إللي بتتزوجينه , ولا أبيك ترفضين والله لاتشوفين شي ما شفتيه .
    ريم بشهقه : يمه دخيلك لا تخرفين فرحتها دخييييييلك .
    شيخه : أوووووووص ولا كلمه قلت أنتي بتتزوجينه يعني أنتي بتتزوجينه وما أبي ولا كلمه , وإذا سمعت أنك علمتي أحد والله لأذبحك وأرميك للكلاااب.

    وطلعت شيخه تااااركه وراها خطه شريره لهدم بيت عاليه وأمها , وريم الحزينه المحتاره من فعايل أمها .....
    ريم :مدري وش ناويه عليه يمه , عمري ما توقعت أن أمي بتصير بيوم من الأيام عدوتي ..




    اليووووم الثاني ...
    حور : هلا وغلا بعروستنا .
    عاليه : هههههه هلابك زووود .
    حور : كيف كانت ليلتك أكيد ما نمتي من الفرحه.
    عاليه : لاوالله ولا دريت عنه ونمت (كذابه) .
    حور : ما أصدقك .
    عاليه : لعنه عنك ما صدقتي .... آآآآ كلمتي البنات .
    حور : إيه هههه طول الليل نحش فيك .
    عاليه : أحسسسسسن هههههه خذوا ذنوبي حلال عليكم .
    حور : زين تجهزتي للمدرسه ولا نسيتي أنها بكره .
    عاليه : والله ما جهزت شي , وين جنان عني الحين تلاقيها تذاكر دروس التيرم الثاني بعد هههههه .
    حور : ههههه والله ودي أصير مثلها دودة كتب ع الأقل أجب نسبه تبيض وجه أخوي .
    عاليه : الله يعين كلها هالترم ونفتك .
    حور : لحظه رانيا تتصل بأدخلها معنا .
    رانيا : هاااااي صبايا .
    عاليه وحور : هيااااات .
    رانيا : بسم الله الرحمن الرحيم , أنا على من متصله منكم .
    عاليه : هههههههه ما ألومك هذا الحب ضيع عقلك .
    رانيآ : آآآآآآآآه .
    حور: هههههه والله لأعلم أخوي ع هالآآآآآآه هين .
    رانيا : تحسبيني بقول لا ههههه قولي له عاااادي .
    عاليه : هههه فسختي الحيا زي أخوك , طلعتوا كلكم مهبل .
    رانيا : هههههآآآآ لو تشوفينه للحين وهو متشقق من الوناسه .
    (عاليه ساكته ومستحيه )
    حور : هييييييه وأنا بنت البطه السودا ورا ما تزوجوني .
    عاليه : تصدقييين عااااد .. من زمااان أفكر فيك إهئ إهئ سواقنا وحيد مسكين .
    رانيا : هههههههههههههه آآآآه يا بطني هههههههههه .
    حور : إنقلوا إنقلعوا الشرهه على إللي يكلمكم ( وقفلت المكالمه)





    عند ريم ..
    بغرفتها مهمومه , وتفكر إيش بتسوي أمها , هي تعرف أنها مستحيل تخليها بحالها وتتخلى عن مخططاتها
    وغير كذا كانت خايفه من شي ببالها لو صاااار ونجح مخطط أمها وزوجتها من فارس راح تصير مشكله معها غير مشكلتها مع عاليه




    اليوم أول يوم في التيرم الثاني ....
    جنان : يووووه البنات كالعاده متأخرين .
    رانيا : صباااح الخير جدتي .
    جنان : صباح الورد عروستنا قالوا لي البنات ملكتك بعد أسبوع صح .
    رانيا : أووووه لا تذكريني حدي خايفه .
    جنان : ليه وحش هو بياكلك .
    رانيا : والله حبيبتي إذا صرتي بمكاني بتحسي .
    جنان : لالا أنا ما أفكر أبي أدخل طب وبعد ما أخلص أفكر .
    رانيا : هههههه أحلا يالدكتوره أجل ولادتي عندك ههههه .
    جنان : لاااا أنا أبي جراحة أعصاب عشان أعالجكم يا مهبل ههههههههه .
    حور تتثاوب : يالله صباح خير , ليه مستعجلين وش محببكم بالزواج والدراسه كلها هم في هم .
    جنان : ليه أنتي وش عندك لمستقبلك .
    حور : عندي سرير ولاب توب وسوالف ونووووم .
    رانيا : ههههههه لا بعد فيه شي ثاني ههههه تربين عيالنا أنا وأخوك وإحنا نسافر نستانس.
    حور : تخسوووون عاد أنا مو مربيه لبزارينكم , أجل تستانسون على حسابي .
    عاليه دخلت عليكم : هااااااااااي صبايا .
    رانيا : ههههههه إيه إيه تعلمي للشامي عشان تتفاهمي مع حماتك زين .
    (رن الجرس ودخلوا حصصهم , بس ريم تأخرت شوي على ما دخلت , وكانت جالسه ومو مركزه لا مع البنات ولا مع الدرس)



    ....... في نص الدرس حست بإهتزاز في شنطتها فتحتها وشافت الإتصال أخذت الجوال وخبته في جيبها وإستأذنت الأستاذه وطلعت للحمامات الله كرمكم
    .... : آلوووو .
    راكان : هلا ..... حبيبتي وينك الحين ؟.
    .... : بالمدرسه يعني وين بكون , أن وينك ؟.
    راكآن : بالشغل أخلص الساعه 11 وأجيك خليك جاهزه.
    ....: طيب تعال 12 أنا بحاول أنحاش من آخر حصه وأطلع مع بنات المتوسطه .
    راكآن : طيب عيوني أنتبهي لنفسك .
    ....(إبتسمت بحزن) : وأنت بعد أنتبه لنفسك , بااااي .
    راكآن : بااااياااات .

    رجعت للفصل ... وصارت الساعه 12 إلا عشر وجوالها كل شوي يهز ...
    .... (بصوت منخفض) : طالعه طالعه بس خلك بعيد شوي .
    رآكآن : طيب أنتظرك .

    ..... أخذت شنطتها وتسحبت وطلعت من المدرسه ووحده من صديقاتها ملاحظه عليها وسكتت ...
    ..... ركبت مع راكآن وتنهدت بقوه : آآآآآه أخيراً .
    راكآن وهو يمسك يدها ويسوق باليد الثانيه : أخيراً شفتك ما توقعتك بهالطول ههههه سنفوره .
    ...... وهي تسحب يدها : ليه أنت العملاق يعني بعدين أنا مو قصيره لهالدرجه .
    راكآن : هههههههه بس أنا أطول منك .
    ........: وين بتودينا الحين .
    راكآن : شقتنا , كل العيله بدواماتهم .
    .....(وهي مرتبكه) : ليه مو بمكان عام مو أحسن .
    رآكآن : يا بعد قلبي وين بنروح من الهيئات , بالشقه أحسن (وإلتفت لها) أنتي خايفه مني .
    .... : بصراحه إيه .
    راكآن : ما ألومك بس لا تخافي والله ما يصير فيك شي .

    وكملوا طريقهم للشقه مع رعب في قلب (.....) وفرح راكان بأنه أخيرا بيشوف وجهها......






    فارس بالسوق يتمشى وشاف فستان أحمــــر قصير لتحت الركبه بحزام ذهبي عريض عجبه حيييل وتذكر ملامح عاليه
    فـ قرر يشتريه هديه لحبيبته ... إشتراه وما يدري إيش يشتري عليه من كماليات وقرر يآخذ شور أخته را إللي هي أكبر منه ومن رانيا
    فارس : آلووو رنا .
    رنا : هلا فروووس وش فيك .
    فارس : لا تقولي فروس أنا كبرت ع الدلع وصرت خاطب ههههه.
    رنا : ههههه زين آمر بسرعه عندي محاظره .
    فارس : شريت فستان أحمر بحزام عريض ذهبي وش أشتري معه كماليات .
    رنا : هااااه , أخوي خكري يلبس فساتين هههههههه .
    فارس : ههههههه وجع هذي للحب .
    رنا : أهااااااا , زين إشتري كعب عالي أحمر أو ذهبي , وسلسال نعوم ذهبي مع خاتم وكمان مكياج .
    فارس : بتفلسيني أنتي .
    رنا : حبيبي هذا مو لي ههههه أبيك تبيض وجهك عند الحب على قولتك وباي الدكتوره دخلت (وقفلت بوجهه).




    وفي ديار بعيده رجل كهل كبير بالسن , يصارع المرض وما نفعته ثروته بشي وماعنده عيال ومطلق زوجته
    الرجل : إسم الرجال فلان بن فلان الفلاني .
    المحامي : والله يا ..... أنا بالرياض من أسبوع وأدور وبإذن الله قربت ألاقيه .
    الرجل : تكفى قبل ما يهد حيلي المرض أبيك تلاقيه .
    المحامي : ما يصير خاطرك إلا طيب .
    الرجل : جزاك الله ألف خير ما تقصر.




    وصلوا ..... وراكان للشقه ونزلوا فيها , دخل وهي واقفه عند الباب ومرتبكه ..
    راكان : تعالي غرفتي , أأمن لو أحد من أخواتي جت ما تشوفك .
    ..... : هاااااه لالا خلاص وديني المدرسه.
    راكان : وش أوديك المدرسه الله يهديك حلفت لك ما أضرك بشي .
    ومشت معاه ودخلوا الغرفه وقفل الباب بالمفتاح ودقات قلبها متسارعه ..
    راكان : إجلسي وش فيك مراح آكلك .
    .... جلست ع الكنبه وهي بعدها متغطيه وهو تربع على السرير
    راكان : يالله إحكي لي وش مضيق خلقك حبيبتي .
    .... : آآآآآه مو مرتاحه أبدا كل إللي حولي مضايقني .
    (قام ومشى بيقرب منها , وهي قامت بسرعه ووقفت , هو يمشي وهي ترجع لورى ألين ما لزقت بالجدار وهو صار يقرب منها أكثر وبعيونه لمعه غريبه ..........





صفحة 1 من 6 123 ... الأخيرةالأخيرة

المواضيع المتشابهه

  1. تحميل رواية خطر في إند هاوس ٢٠١٤ , رواية بوليسية روعه ٢٠١٤
    بواسطة موكاتشينو في المنتدى قصائد وخواطر
    مشاركات: 0
    آخر مشاركة: 05-03-2014, 09:57 AM
  2. تحميل رواية موت في السحاب ٢٠١٤ , رواية بوليسيه ٢٠١٤
    بواسطة موكاتشينو في المنتدى قصائد وخواطر
    مشاركات: 0
    آخر مشاركة: 05-03-2014, 09:56 AM
  3. مشاركات: 0
    آخر مشاركة: 01-03-2014, 09:52 AM
  4. مشاركات: 0
    آخر مشاركة: 08-02-2014, 07:58 PM
  5. مشاركات: 1
    آخر مشاركة: 27-01-2014, 01:25 AM

الكلمات الدلالية لهذا الموضوع

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52