صفحة 1 من 6 123 ... الأخيرةالأخيرة
النتائج 1 إلى 5 من 26

الموضوع: رواية فتاتي ولد ٢٠١٤

  1. #1

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رواية فتاتي ولد ٢٠١٤

    بسم الله الرحمن الرحيم

    رواية فتاتي ولد ٢٠١٤

    للكاتبه lovely me

    ⓦالمقدمه ⓦ






    كل انسان تصير له مواقف غريبه بين فترة وفترة .. بس انا تصير لي مواقف غريبه من لما ولدت الى الان ...
    مثلاً لما كنت رضيع صار في لخبطة في الاوراق واخذوني عيلة غير عيلتي لمدة شهر ..
    صارو العيلة الي اخذوني شاكين فيني وفين كوني ابنهم لاني ماشبههم ..
    وحالياً انا احب بنت على شكل ولد ...
    شفتوا اغرب من كذا ... لا ماظن ..
    ومن هنا ببدا احكي حكايتي ..

  2. #2

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رد: رواية فتاتي ولد ٢٠١٤

    الفصــ 1 ــل ؛-










    كان يمشط شعره باصابعه وقطعة الخبز في يده الثانيه .. ناظر المدرسه بكرب وملل ..
    لان المدرسه قديمه فـ مايحتاج يروح بسواق ...




    انا طالب عمري 20 سنه ادرس في الثانويه وزي مانتوا شايفين انا متاخر سنتين ...
    جدي دايم يقول اني ماراح اتخرج ابداً .. وانا بصراحه معه في هالشيء ..
    ماني مهتم بالتخرج لان عندي شغل العيله الي راح امسكه بما انه اخويه الكبير رافض يمسكه ...
    عيلتي من اكبر العايلات وهي تقريباً تعد قبيله كبيره مشهورة والمدرسه الي ادرس فيها درس فيها جيلين من العيله وكلهم كانوا متفوقين وانا لاني احب اجون مميز عشان كذا انا الاستثناء الي يكسر القاعده ...


    دخل فصله بهدوء ... وناظر الطلاب الجدد ... ورااح لمكانه المعتاد الي له سنتين يجلس فيه ..
    قطعة الخبز لساتها في يده ... اكل قطعة خبز وحده في الصباح هي عااده ..
    ناظر الباب شاف ولد يدخل .. ولد غريب ..
    اهو يعرف كل الي موجودين واحد واحد بس هذا مو معروف .. يمكن لو يظهر من وجهه شوي ..

    جاا صوت مزعج يعرفه - بدر .. اهلين ..

    هذا صديقه عادل .. عادل صديق الطفوله ومن لما كانوا اطفال كانوا مع بعض وغير كذا هم اولاد عم ..
    ويبون يشتغلون نفس الشغله ويديرون عمل العيله مع بعض ..
    بدر- هلا عادل ..
    عادل - ماشتقت لي ..
    بدر - لا ..
    عادل - ههههههههههههه .. اشوف مزاجك زفت ..
    بدر بملل - احييك على ذكاءك .. طبعاً واحد يصحونه من النوم بالعقال وش تتوقع ..
    عادل بطنازه - ههههههههه ... جدي صح .. تستاهل ..
    بدر - طير عني .. انا بنام ومابي ازعاج ..
    عادل - طيب ياكيس النوم ..

    كيس النوم هذا لقب انا مشتهر فيه لاني انام 20 ساعه في اليوم ...
    واحياناً انام يوم كامل .. بس وش اسوي الطفش ..

    بالاخص الحين الحصه الاولى فيزياء ..

    المدرسة بدت لها اسبوع وهذا اول يوم دوام .. اكره المدرسه ..
    وكنت اكره يوم السبت بس الحين صرت اكره يوم الاحد ..

    كان رااسه ع الطاوله بس ماجاه نوم .. رفع راسه .. شاف الولد الغريب ..
    كان نحيف وشوي طويل .. تامله شوي ورجع حط راسه ع الطاوله ...
    وهالمره نام ..
    صحي في الفسحه .. الكل كان تحت في ياكل فطوره .. ماعد واحد كان ياكل هنا .. كان الولد الغريب .. ليه ياكل هنا ..
    ليه ماياكل مع البقية ..

    حس بدر بالفضول ..
    بدر - هييييه .. انت ..
    الولد مالتفت ولا حتى حرك رااسه ....
    بدر - هيييه .. ياولد .. انا اكلمك ..
    وش ذا اصم .. عدل وقفته ورااح للولد ..
    لما وصل مكانه .. ماتحرك الولد .. كان ياكل وهو سرحان ..
    ناظر جانب وجهه .. شعره بني وناعم وبشرته زي بشرة البنات وش ذا الولد ..
    حط يده ع كتفه ..
    التفت له الولد ..
    كان يناظر باستغراب ..
    الولد - نعم ؟
    عيونه كانت غرببه .. كانت تقريباً بني فاتح او عسلي زي مايقولوا ..
    انفه مستقيمه .. شفايفه كانت غريبه .. مو شفايف ولد ..

    سئل نفسه " هذا ولد ولا بنت "
    بدر - وش اسمك ..
    الولد بعد مالف وجهه - وانت ايش خصك ..
    بدر - لاترد على سوالي بسوال ..
    سحب بدر كرسي وجلس مقابل الولد ..
    بدر - ايش اسمك ..
    الولد - مراد ..
    بدر - اها .. انت درست بهالمدرسه من قبل ..
    هز راسه ..
    ناظره بدر .. معقوله هذا ولد ..
    مراد - في شيء ..
    بدر - لا ولاشيء ..

    عادل - بدر وش تسوي ..
    بدر التفت لعادل - ولا شيء .. اتعرف ..
    عادل - هذا الولد الجديد ..
    بدر - ايه ..
    كان الولد يناظرنا بهدوء ..
    انتبه بدر لرموشه الطويله .. وش هالرمووش كلها ..
    عادل - تعال بدر ابيك ..
    بدر - طيب ..
    طلعنا انا وعادل من الفصل ..
    عادل باستفهام - مين الولد .
    بدر بتفكير - اسمه مراد ..
    عادل باستهزاء - الولد الحلو اسمه مراد ..
    بدر باستفهام - الولد الحلوو ..
    عادل - يب .. هذا لقبه .. هذا الولد بيجذب لنفسه الشواذ ..
    بدر - ههههههههه .. شكله ..

    ردد بدر الكلمه في عقله الولد الحلو .. من جد يناسبه هاللقب ..
    الولد الحلوو ...
    رجع بدر لفصله ووقف لما سمع الكلام ..

    .......- هي انت .. انت متاكد ان انت رجال ..
    مراد - متاكد اني ارجل منك ..
    .......- انت يا ***** وش مفكر حاالك .. عشانك حلو مفكر اني بسامحك..

    دخل بدر وناظر للي يتكلم .. كان علاء .. اكثر واحد سمعته زفت والكل يكرهه ويبعد عنه ..
    بدر - اشوفك ياعلاء هنا ..
    علاء باستهزاء - اوه الشيخ بدر ..
    بدر - غصباً عنك شيخ .. والحين ليه انت هنا ..
    علاء - اعطي الولد الحلوو درس ..
    بدر باستهزاء - وانت مين بيعطيك درس ..
    علاء - بدر لاتقف في طريقي وانا ماقف في طريقك ..
    قرب بدر بهدوء وبحكم ان بدر اطول رجع علاء لوراء ..
    علاء - بعدين ارجع لك ياحلو ..
    وراح ..
    كان الولد منزل رااسه بهدوء ويناظر للفراغ ..
    جلس بدر ع الكرسي المقابل له ..
    بدر - ابعد عن علاء سمعته زفت وراح يشوه سمعتك انت كمان ..
    رفع الولد ..
    سبحان الخالق هالولد جماله مو طبيعي ..
    لولا اني ماحب الاولاد كنت صاحبته .. ان شاء الله يكون عنده اخت ..
    اكيد اخته بتكون حلووه ..
    مراد - مافي داعي .. انا بخير ..
    بدر باستهزاء - واضح .. ع العموم انت كنت في اي مدرسه ..
    مراد - في مدرسة ال ..
    بدر - اها ..
    كان الولد ساكت ويفكر .. وش يفكر فيه ..
    استغل بدر الفرصه وتامله شوي .. شعره كان حريري ..
    هالنوع من الشعر حتى مايحتاج يمشطه لانه مره ناعم ..
    رجع بدر ناظر لفمه الرقيق .. هذا مو فم ولد .. لو قالوا ان هالولد بنت بصدق ع طول ..
    مراد - يبدو ان علاء مو الشخص الوحيد الي لازم انتبه منه ..
    قال مراد ملاحظته وطلع ..
    وش يقصد اني شاذ .. كيف يتجرا ..
    طلع بدر يبي يلحقه ... بس مالقيه في اي مكان .. وين رااح ..
    اخ لو القاه بس .. راح اعلمه درس ماينساه ..


    فتش بدر في المدرسه كلها بس الولد كانه فص ملح وذاب ..

    بعدها عرف بدر ان الولد استئذن وعرف كمان ان عنده مشكله في القلب ...








    ♀♂♀♂♀♂♀♂♀♂♀♂♀♂♀♂♀♂♀♂♀♂♀♀♂♀♂♀








    نظرت الى اخيها النائم .. وجهها كاوجه الملاك ..
    نزلت دموعها وهي تدعو له بالشفاء .. فهو وحيدها وعزيزها .. هو اخيها الذي تحبه وليس لها غيرها ..
    وضعت يدها على جبهته .. حرارته مرتفعه ..
    كانت تجول في افكارها ولم تنتبه ليدها النازفة دماءً .. لقد بلغ بها التعب الى الحد الذي لم تستطع فيها الشعور بشيء ..
    رفعت راسها لتنظر للثوب الابيض .. وضعت يدها على خصلات شعرها الحريري ..
    اشتاقت الى شعرها الطويل ولكن كانت لقصه .. ان لم تقصه لم تكن لتستطيع الذهاب للمدرسه ..
    ابتسمت بحزن وقالت لنفسها " انا فتاة فقدت انوثتها "
    لم تعد تلك الفتاة الجميلة المشرقة ... الان ليست سوى فتاة وحيدة تعيل اخيها المريض ..
    انها مضطره للعمل والدرااسه لاجله ..
    فهي تدرس لكي اذا شفي يجد نفسه تخرج من الثانويه وتعمل لكي تشتري لهُ دواءه ..


    اعرفكم ع بطلتي ..
    بيان .. العمر 18 .. عندها اخ توام وهي يتيمه ..

    وضعت الارز على الماء وبدات في تحريكه ..
    تذكرت المدرسة وشعرت بالقشعريره التي سرت في جسمها ..
    هي تخاف ان يتم كشف امرها ويعرف الجميع بانها فتاة ..
    يجب ان لايعلم احد ..
    على رغم انها هي واخيها توام الا ان للانثى ملامح خاصة ومختلفه ..
    دعت في سرها ان لايكشفها احد ويعرف بامرهاا ..
    كوت الثوب وعلقته وذهبت للنوم في غرفتها ..

    على رغم انهم فقراء الا ان لهم منزلاً جميلاً متناسقاً ونظيفاً ..
    ولحسن الحظ فـ فواتير الكهرباء والمياه لاتكون مرتفعه لذا هي تستطيع دفعهاا ..
    لاتستطيع سواء ان تحمد الله على كل حال وتذكر نفسها ان غيرها لا يجد ماياكله او حتى مكان ياويه ...
    ابتسمت ودخلت في احلامها الجميله ..







    ☆ミ ☆彡☆ミ ☆彡☆ミ ☆彡☆ミ ☆彡☆ミ ☆彡☆ミ 









    خرج من غرفة جده وهو يشعر بالغضب .. كيف لهم ان يعاملوه بهذا الشكل ...
    هو ليس طفلاً ... لقد اكمل الثلاثين .. كيف يجروؤن على اجباري للزواج .. والزواج ليس من امراءه بل طفله لم تكمل السابعة عسر حتى .. كيف هذا .. كيف اتزوج من فتاة انا اكبر منها بـ 14 عاماً ..
    هذا ظلم .. هذا ليس عادلاً ..


    لن يحدث هذا .. ابداً ولن اتزوجها حتى لو كانت اخر نساء العالم ..


    نهاية الفصل الاول ..

  3. #3

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رد: رواية فتاتي ولد ٢٠١٤

    الفصــ 2 ــل ؛-









    .



    في الماضي كانت احلامي تتضمن ثلاث امور " فستان ابيض .. عرس .. رجل وسيم " ..
    هذا الحلم هو حلم لم تبقى فتاة الا وحلمت به ..
    ولكن في الشهور الاخيرة صار حلمي واحد وهو شفاء اخي .. هو حلم و رجاء ..

    الفتيات في مثل سني يذهبن للمدرسه .. يعشن مشاكل المراهقه وغضب الصديقات .. يشعرن بالظلم دوماً ...
    لديهن كثيراً من الهرمونات تودي الى كثير من المشاعر والاحاسيس ..
    وانا بماذا افكر .. انا افكر في العمل والعمل وحسب ..
    عملي الاول وهو الخياطه ..
    انا اخيط " الاثواب " واعمل لدى محل مشهور ولي راتب اسبوعي بسبب ظروفي ..
    مالك المحل كان متعاطفاً ليس لاجلي بل طمعاً فيني .. اعلم هذا ..
    لاني ارى نظراته لي ولجسدي ... في بعض الاحيان اشعر كانه سينقض علي في اي لحظه .. على رغم العبائه " الراس " التي تسترني حتى اخمص قدمي ...
    اتقاضى اجراً ومقداره اربعة الاف في الشهر واخذ راتبي اسبوعياً اي في كل اسبوع الف .. وهذا جيد لي ..
    عملي الثاني وهو البقاله ..
    اعمل في بقاله لجاري واعمل فيها ثلاثة ايام في الاسبوع وراتبي حسب ماكسبه في الشهر ..
    عملي الثالث وهو التحضير للطلبه والمعلمين ..
    مستواي الدراسي عالي وهذا يفيدني في حل واجبات الطلبه وتحضير الدروس واحصل على مبالغ ماليه حسب مستوى الطالب المعيشي ..
    هذه اعمالي .. هي كثيره ومتعبه .. اصابع يدي متورمه من الكتابه والخياطه وقدمي تشققت لوقوفي المستمر في المحل ..
    مصاريفي هي :
    دواء اخي .. طعام .. فواتير .. البقيه اخبئها ..
    هذه حياتي وهذه مشاكلي و اموري ..



    اخي لايعلم باني اذهب الى مدرستها لانهُ لو علم فسيرفض ..
    هناك الكثير من الاسرار التي اخفيها وهذه ليست عاادتي ..
    جسدي يولمني .. ساعات نومي لاتتجاوز خمس ساعات ..
    وفوق كل اعمالي لا استطيع ان اتركه لوحده .. كم انا خائفه عليه ..
    كم انا اشتاق اليه ولسماع صوته وضحكته ..






    فتحت كتاب الرياضيات ع صفحة الدرس .. كانت تشوف الارققام دااخله في بعضها ..
    عقلها كان مشغول بالتفكير في اخوها .. مجرد التفكير بانه ممكن يحتاج اي شيء وهي ماتقدر تقدمها له يالمها ..
    بس عشانه لازم تجيب درجات عاليه ...
    تذكرته كلماته قبل ماتطلع " انا اسف لاني حطيتك في هذا الموقف"

    اهو ماله ذنب .. هذا حلها الوحيد .. ماعندهم اي فلوس لازم ع الاقل يتخرج من الثانويه عشان يدرس ..
    تنهدت وذكرت نفسها بانه لازم تركز في الدرس بس الضرب القويه ع الطاوله ..

    بدر بعصبيه - هذا انت .. مفكر ان انت تقدر تهرب مني ..
    وش يبي ..
    مراد ( اخو بيان ) - وليه اهرب ...
    تكلمت ببرود عكس التوتر الي تحس فيه .. لسه ماتعودت على ان الرجال يقربوا منها ..
    بدر - نسيت الكلام الي قلته .. انت تقول عني شاذ ..
    تذكرت بيان كيف كان يناظرها .. كانت معصبه وخبصت مع في الكلام
    معه حق يناظرها اهي بنت وحتى لو حاولت تخفي جسمها فوجهها وجه بنت ..
    بيان - انا اسف .. كنت معصب من علاء ومن تصرفاته وبعدين لاتنسى انت كيف ناظرتني .. ولا تبي تنكر ..
    شافته توتر فـ استغلت الفرصه ...
    بيان - الي يشوف كيف ناظرتني بيقول عنك شاذ ولا انا غلطان ..
    توتر زياده ..
    بدر - راح اعديها هالمره لك ..
    بيان بمكر - اوكي ..
    واضح ان رجولته انجرحت ... لاول مره من فترة جتها رغبة تضحك من كل قلبها ..


    مر اليوم الدرااسي بشكل جيد ..
    المعلمين يحبوني ويراعوني عشان مصلحتهم ..

    تذكرت اخوها المريض ..
    كان اخاها مريض بسرطان المعده وقد تمت معالجته ولكنه انتكس في الشهور الاخيره لذا امر الاطباء بان يرتاح وقريباً سيعرد للمشفى
    حتى يستعيد صحته ..


    سيكون اليوم الذي يشفى فيه هو يوم سعدي ...
    شعرت بيد على كتفها .. التفت لترى الشاذ علااء ..
    ماذا يريد ...
    ابعدت يدها وهي تشعر وكانها ستتقيأ .







    ☎♂☎♂☎♂☎♂☎♂☎♂☎♂☎♂☎♂☎♂☎♂☎♂☎♂☎♂






    بدر بفضول - وش عرفت عنه ؟
    عادل - وانت ليه مهتم فيه ولا عشان قال انك شاذ ..
    بدر - بتقول ولا كيف ..
    عادل يدعي الخوف - خلااص بقول .. انت مايمزح معك ..
    الولد الحلو يتيم عنده اخت وحده وهي توامه .. وكمان ماعنده اقارب .
    ولد ذكي ومحبوب من المعلمين .. يحصل فلوس من الاولد عشان يكتب واجباتهم ويحضر للمعلمين ويشتغل ببقاله ..

    عنده اخت وهو ارجل من شكله .. حلوو .. شكلي بخطب اخته .. اذا هي توامه بتكون جميله مثله ..
    كان يبتسم بشكل غبي وسخيف ..
    عادل - بدر .. فيك شيء ... ليه تبتسم بهالشكل ..
    بدر بعدم انتباه - هاا .. في شيء .
    عادل - لا بس علاء وشلته تجمعوا ع الولد الحلوو ..
    بدر - الحقير ..

    اتجه بدر بسرعه الى مكان مراد ..
    بدر - هييه ... انتوا ليه متجمعين عليه ..


    كان مرمي ع الارض وثيابه وسخه .. هنا اشتعل بدر ..
    بدر - ابعدوا عنه ..
    لما وصل لمكانه كلهم هربوا ...
    بدر - انت بخير .. خلني اساعدك عشان توقف ..
    حاول يرفعه من يده بس مراد بعده بقوه ..
    بدر - هيه .. ايش فيك .. هذا جزاتي اساعدك ..

    راقبه بدر وهو ياخذ كتبه ويركض للشارع ..
    الغبي وش مفكر نفسه يسوي ..
    بدر - تعاال ..
    كان يصارخ بس الولد ماوقف ..
    انتبه بدر ان في سياره جاايه من الطريق الثاني ومراد ماشافها ..



    صار يصارخ ويركض بس الولد ما وقف ..
    ركض بدر بشكل ماعمره تخيله وقدر اخيراً يقرب منه ..
    في ثواني معدودات السياره تحركت وبدر قدر يسحبه بسرعه ..


    كانت لحظات مخيفه بالنسبه لبدر ..
    كان الولد بحضنه ووجهه قريب من وجهه ..
    ناظره بدر يبدو ان الولد من الصدمه اغمي عليها والرجال الي يسوق السياره ماوقف .. هذاك الغبي ..

    كانت بشرت الولد الحلو ناعمه زي الحرير ورقيقه زي بشرة الاطفال ..
    ملامح وجهه ملائكيه ..
    مانتبه بدر لنفسه وهو يردد " سبحان الخالق "
    معقوله هذا رجال .. مستحيل ..
    حس بالارتباك وهو يفتح ازارير الثوب بس تفاجئ لما ..







    ☆ミ ☆彡☆ミ ☆彡☆ミ ☆彡☆ミ ☆彡☆ミ ☆彡☆ミ 







    .......- انتي بتوافقي عليه ؟
    .......- يب .. واخيراً رااح اصير زوجته ..
    ........- ميرال .. انتي من جدك ولا تمزحي ..
    ميرال - انتي وش شايفه ..
    التفتت ميرال لصديقتها الجالسه ..
    ميرال - جوري .. انتي عارفه ان هذا حلمي ..انا احبه وابيه ..
    جوري - بس هو مايبيك ..
    ميرال بثقه - لما يعرفني رااح يصير يبيني اكثر مني ..
    جوري بقلة حيله - ميرال .. هذا مو لعبه .. هذا زوااج..
    ميرال - اعرف .. بس انا احبه .. وماعندي رغبه اني اخليه يضيع من يديني ابداً ..
    شددت ميرال على كلمة ابداً ...


    جلست ميرال ع كرسيها الهزاز بعد ماراحت صديقتها ..
    تحس بالفرحه .. تحس بانها راح تطير من الوناسه .. اخيراً الرجال الي حلمت فيه ليل نهار بتزوجه ..
    تذكرت ملامح وجهه .. عيونه الكبار ابتسامته الدافيه رجولته وطيبته واخلاقه ...
    اهو حب حياتها ورراح تتزوجه اخيراً ..
    شافت نفسها في المرايه ..
    شعرها اسود وعيونها كمان .. اهي بنت مليحه وعندها ابتسامه جميله .. وشعرها قصير .. لانها ماتحب الشعر الطويل ...



    طلعت من غرفتها وراحت الصاله على امل انها تشوفه ..

    نبذه عن ميرال ..
    ميرال توفى ابوها وهي صغيره وامها تزوجت عمها وهو عنده ولد من زوجته الاولى وهذا حبيبها ..
    جدها يبي يزوجها منه عشان القانون المعروف البنت لولد عمها ..


    لما راحت الصاله مالقته ... افضل شيء تروح لغرفته ..
    اهي بين فترة وفترة تروح لغرفته وهو مو موجود ..

    طلعت الدرج الخشبي بشويش ..
    معلومه ..
    الارضيه كلها خشب عشان البيت ريفي ..
    لما وصلت غرفته سمعت صوته كان معصب وشكله يكلم احد ..
    اكيد مالك الغبي ..

    " انا مابي اتزوجها ... بس جدي مصر ... اهي،طفله وعقلها صغير .. مابيها .. ادري .. بس جدي مصر وابوي مصر كمان "

    انا طفله وعقلي صغير .. طيب ياوليد .. ماكون ميرا ان ماخليتك تحبني زي المجنون وبتشوف ..

    رجعت غرفتها وهي تتوعدفيه .. بس في النهايه جلست بحزن ع سريرها ..

    ليه مايحبني ؟
    ليه مايبيني ؟
    ليه اهو قاسي دايم كذا ؟
    لاتستسلمي ميرا .. لازم تخليه يحبك .. لازم ..
    اخذت نفس ورسمت ابتسامه علئ وجهها ..

    طلعت من غرفتها وراحت لغرفة جدها ..
    دقت الباب ..
    ميرال بدلع - جدي .. بابا .. انت صاحي ..
    الجد بفرح - هلا ببنيتي الحلووه ..
    راحت ميرال لحضن جدها - تعرف اني احبك ..
    الجد - ايه وقت المصالح بس ..
    ميرال - لا تقول كذا .. انت تجرح مشاعري ..
    الجد - اسفين ها وش تبين ..
    ميرال - جدي انا مابي اتزوج من وليد ..
    الجد وهو عاقد حواجبه - ليه ؟
    ميرال بدلع - لانه مايحبني ومايبيني ..
    الجد - ومين قال ؟
    ميرال - الكل يعرف .. جدي انت ماتعرف كيف يناظروني والكل يشوفني طفله وعقلي صغير ..
    الجد - ماعاش من فكرك كذا .. انتي اذكى حفيداتي ..
    ميرال بدموع مصطنعه - انا ماحب احد يناظرني كذا .. جدي مابي اتزوج ..
    الجد - يعني بتزعليني ..
    ميرال - اموت اذا زعلت .. بس كيف اتزوج شخص مايبيني .. ماقدر ..الا كرامتي بابا .. الا كرامتي ماسمح لاحد كأن يكون ان يدوس عليها ..
    الجد - ماعاش من دااس عليها .. بنيتي .. ماحد بيقدر يسوي كذا وانتي رااح تتزوجيه .. تعرفي ليه ؟
    ميرال - ليه ؟
    الجد - لان ميرال الي اعرفها مافي احد يقدر انه مايحبها .. بنتي العاقله الحلووه والذكيه ..
    ميرال - احبك جدي ...
    وحضنت جدها وطلعت ..
    الحين قدرت تنتقم من وليد بطريقتها الخااصه ..




    توقعاتكم واقترحاتكم ..

    نهاية الفصل الثاني ...

  4. #4

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رد: رواية فتاتي ولد ٢٠١٤

    الفصــ 3 ــل ؛-










    كانت بشرت الولد الحلو ناعمه زي الحرير ورقيقه زي بشرة الاطفال ..
    ملامح وجهه ملائكيه ..
    مانتبه بدر لنفسه وهو يردد " سبحان الخالق "
    معقوله هذا رجال .. مستحيل ..
    حس بالارتباك وهو يفتح ازارير الثوب بس تفاجئ لما ..
    عادل يلهث - الولد بخير ..
    بدر بعصبيه - ايه بس من الصدمه اغمي عليه ..
    عادل - اسمع بيتنا قريب خلنا ناخذه ..
    بدر وهو يفكر - ليه لا ؟
    عادل قرب سيارته وحط الولد الحلوو فيها ..


    لما وصلوا البيت دخلوا بسرعه غرفت عادل وشالوا الولد وحطوه ع السرير ..
    عادل وهو يفصخ ثوبه - وزن الولد مره خفيف زي الريشه ... الواضح انه مايكل كثير ..
    بدر - ايه ...
    عاادل - انا بطلب من الخدامه تجيب اكل وانت انتظر هناا ..
    رااح عادل وظل بدر يتامل الولد ..
    اهو لسه يبي يعرف ..
    مد يده وبدا يبي يفتح الازارير بس الولد صحي ..
    ياليل شكلي مابعرف ان كان بنت ولا ولد ..
    بدا يفتح عيونه ..
    بدر بمزااح - اخيراً صحيتي يالاميره النائمه ..
    كان الولد يناظر بدر باستغراب وكانه فضائي .. وفاجئه صرخ مما خلا بدر ينقز لوراء ..
    بدر برعب - ايش بك لايكون فيك جني ..
    مراد - انا ايش اسوي هنا .. ليه انا هنا ..
    بدر - ماتذكر الحادث .. انا انقذتك ..
    مراد باستغراب - حادث ؟ ... امممم .. اه تذكرت .. لحظه انا ما مت ..
    بدر بتسليه - لا انت مت وهذا القبر .. من ربك ؟
    مراد - هههههههه .. ثقيل دم .. طيب انا ليه هنا ؟
    بدر - والله بعد ماغمي عليك يالاميره النائمه شلناك انا خويي هنا ..
    مراد بفضول - هذا بيتك ..
    بدر - لا بيت ولد عمي ..
    مراد - اهاا ..
    سكت شوي وبعدها قال ..
    مراد - انا لازم اروح .. فين كتبي ..
    بدر - انتظر .. عادل بيجيب الاكل .. كل اول وبعدها تروح ..
    مراد بحزن - ماقدر ... اختي تنتظرني .. اهي اكيد جوعانه الحين ..
    بدر - فهمت .. طيب نعزلك من الاكل ..
    مراد - مافي داعي ... اكيد طبخت الحين ..
    بدر - رااح اوصلك لعند الباب ..
    بدر كان يراقب مراد وهو يناظر للبيت وحس بالشفقه وحمد ربه ع النعمه ..
    مراد وهو طالع - اه ... نسيت .. شكراً عشان ساعدتني ..
    بدر باحراج - لا ابد .. هذا واجبي ..
    رااح مراد ..

    رجع بدر للغرفه ..
    بدر يعتبر البيت بيته وقت مايبي طلع ودخل لانه كل بنات عمه في بيوت ازواجهم ..
    رجع للغرفه وقفز للسرير ..

    انا غبي مستحيل يكون بنت .. اهو صح يشبه البنات بس شفت كثير رجال يشبهوا البنات . .. احتمال هو لسه مابلغ او شيء ..
    زي ابن جارنا رامي .. اذكره كان ينادونه سندريلا ..
    اظن انه مسكين .. امثاله يتعرضوا لتحرشات من الشواذ ..
    انا لازم انسى فكرت انه بنت ..








    ⓦ♀ⓦ♀ⓦ♀ⓦ♀ⓦ



    كانت خطواتها سريعه ودقات قلبها اسرع وانفاسها بالكاد تستطيع الخروج وهي تردد " لو كشفوني وش كنت راح اسوي .. ياستار استرني"
    رددت تلك الدعوه بصمت وهي ترجو الله العفو والغفران ..

    عندما عادت للمنزل بدلت ثيابها وارتدت اللبس المدرسي " المريول " ..
    هي في كل مره تعود للبيت تلبس هذا اللبس لانها تعلم بان اذا اخاها علم سيجن ويغضب منها وهو مريض لايتحمل ..
    دخلت لغرفته ووجدته نائماً .. ابتسمت بهدوء وحزن فـ اليوم سيغادر شقيقها الحبيب المنزل وتبقى هي مجرد فتاة وحيده ..

    الكثير يرأ بان فعلي معصيه وهذا حقيقي ولكن هل سئل احدكم لما ؟
    لا اظن .. الكل سيفكر من جانب واحد فقط ولن يفكر بالجوانب الاخرى ..
    انا فتاة وحيده ولدي اخ مريض ليس لدي شخص يحميني واخي يحتاج الحمايه .. من سيحميني من اولئك الرجال المقاربون للقبر وهم يلتهمونني وكانني اقوم بعرض تعري وانا لايظهر من جسدي غير اصابع يدي .. من سيحميني من اولئك المراهقون كثيروا الهرمونات الذين يرغبونني ..
    لا احد ..
    هذا حلي الوحيد الذي استطيع تنفيذه لاني لن افتح بيتي ***
    انا اضطر لفعل هذا ..
    الكل يظنوا باني اخي لاني اشبهه فنحن توام متشابهه .. جسدي صغير وملامح انوثتي المخفيه بالرباطات الكثيره كافيه بان يجعلهم يصدقون ..
    لا احب ان ابرر نفسي لا احد ولكن لا اسمح لاحد ان يبرري تصرفاتي على هواه ..


    صوت جرس الباب اخرجها من افكارها ..
    اخذت عبايتها وفتحت الباب ..
    بيان - مين ؟
    ......- انا ابو فهد ..
    حست بيان القرف ..
    بيان - نعم وش تبي ..
    ابوفهد - ابيك قلبي ..
    بيان بقرف - قلبوك للمقبره قول امين ..
    ابوفهد - ليه هالكلام .. اسمعي يابنت الناس انا ابيك وابي اتزوجك .. وانتي محتاجه وانا راح استتك .. تزوجيني هذه فرصتك ..
    بيان - انقلع ولا تدق الباب والا كلمت مراد يجي يعلمك الادب واخليه يفضحك في الحاره كلها..
    قفلت الباب في وجهه .. ابو فهد يخاف من مراد وماحد يدري بان مراد لسه مريض .. الكل يحسبه تعافى من المرض الا جارتي ام ولاء وبنتها وهما الي يغطوا على تصرفاتي .. ..
    اسندت راسها على الباب وهي تفكر بحل لكل هذه الامور ..
    كم تشعر بالخوف ..
    سمعت تليفونها يرن ..
    بيان - الوو ..
    .......- بيان بنيتي كيفك ..
    بيان - دكتور سعود .. انا الحمد لله ..
    دكتور سعود - كيف اخوك ..
    بيان بحزن - حالته سيئه .. مايقدر يقوم من السرير ..
    دكتور سعود - اسمعي بيان .. انا بجي وباخذه للمستشفى لان هذا افضل له .. فاهمه ..
    بيان بحزن - ايه ..
    دكتور سعود - هناك بيشفى بسرعه ..
    بيان - اعرف .. متى بتجي ..
    دكتور سعود - انا في الطريق ..
    بيان - رااح اجهزه ..

    حطت بيان السماعه وهي تحس بالم ...
    هذا افضل .. ماراح تخاف عليه اذا جلس في البيت لوحده .. في المستشفى بيكون احسن ...
    ناظرت البيت بحزن ..
    هالبيت كان مليان ضحك وسعاده والحين صار مليان تعااسه ومعاناه
    قفلت عيونها واخذت نفس وراحت لغرفة اخوها ..





    ☆ミ ☆彡☆ミ ☆彡☆ミ ☆彡☆ミ ☆彡☆ミ ☆彡☆ミ 


    كان يشعر بالاستياء والغضب .. لايريدها .. لاتناسبه .. هي طفله ..
    لما يتصرف جده بهذا الشكل .. امسك شعره بقوه يكاد يجن ...
    يجب ان لايتزوج تلك الفتاة ..
    ماذا يجب ان يفعل ؟

    اتجه وليد الى جده بخطى ثابته ولكن فاجئه انتظار جده له ..


    جلس وليد بتوتر وهو ينتظر جده ..
    ليه طلبني .. ياترى في شيء .. يمكن قرر ينهي هالزواجه ..
    انبسط وليد لها الفكره ...
    الجد - وليد انت تكلمت عن بنت عمك مع احد ..
    وليد بتوتر - لا .. ليه تسئل ..
    الجد - يعني تكلمت .. هذه بنت عمك كيف تتكلم عنها ..
    وليد برعب - انا ماتكلمت عنها ياجدي ..
    الجد - يعني تبي تنكر ان انت ماقلت انها عقلها صغير ...
    وليد بصدمه - كيف عرفت ..
    ياويلي .. اليوم نهايتي .. جاك الموت ياتارك الصلاه ..
    الجد - اسمع ..انا بقرب الزواج .. وبتتزوج منها وبتسعدها وان سمعتها في يوم تشكي او تقول ناقصني،شيء ماتلوم الا نفسك ..

    طلع وليد وهو معصب ... االحين وش اسوي ..
    اخذ جواله وارسل رساله ..
    " ابي اكلمك ضروري .."
    وراح ....






    ☆ミ ☆彡☆ミ ☆彡☆ミ ☆彡☆ミ ☆彡☆ミ ☆彡☆ミ 






    كانت ماسكه الجوال بفرح وهي تقرا الرساله .. عرفت ان خطتها نجحت ..
    ضحكت بخبث " انا الحين بخليك تعرف مين الطفله الي عقلها صغير "
    راحت لعنده بكل برود ..

    كانت تمشي بهدوء وابتسامه بريئه مرسومه في وجهها ..
    ميرال بهدوء - ايش تبي ..
    وليد بغضب - انتي موافقه على الي قاله جدي ..
    ميرال - ايش قال جدي ..
    وليد - لاتستهبلي .. انتي عارفه ..
    ميرال بسخريه - تقصد الزواج ..
    وليد - اجل فيه غيره ..
    ميرال - تبيني ارفض ..
    وليد - طبعاً ..
    ميرال باستهبال - ليه ؟
    وليد - ليه ؟! .. لان احنا مانناسب بعض ..
    ميرال- ايش عرفك ؟
    وليد - لاني اعرفك ..
    ميرال - من جد .. يمكن معك حق بس انا موافقه ..
    وليد برعب - موافقه ؟!
    ميرال بهدوء وادب - انت ولد عمي وانا اعرفك واذا شفت فيك عيب زي اخلاقك زفت او تشرب او راعي بنات وخرابيط ا ماتصلي في هذاك الوقت برفض .. بس انت الحمد لله مودب .. صح ولا انا غلطانه ؟
    وليد بارتباك - انتي صح بس انا مابيك ..
    ميرال - انت زعلان مو عشان ماتبيتي عشان جدي فرض الامر عليك .. صح ؟
    وليد بارتياح - ايوا .. انا في الثلاثين ماني طفل ..
    ميرال - ايه انت رجال .. بس انت عارف جدي تعبان هالفترة ومانقدر نعارضه .. تقد تتزوج الي تبيها بعدين بس اهم شيء عندي صحة جدي .. فـ اتمنى انك ماتزعله ..
    وليد بارتباك - جدي تعبان ..
    ميرال هزت راسها بنعم ..
    وليد - من متى ؟
    ميرال - من مده وهو قال يبي يشوف احفادك ( بحزن مصطنع ) قبل مايموت .. وليد رجاءً عشان جدي لاترفض ..

    ميرال لما شافت وليد ساكت استغلت الفرصة ورااحت ..
    لما وصلت الغرفة جلست تناقز وتصارخ ..
    ياقلبي يانا .. ياعمري يانا .. انا لازم اصير ممثله ..
    مسكين وليد .. اهي تعرف بطبعه اذا احد قال له شيء يحلو يستحي .. اصبر علي بس اما خليتك تموت فيني ماكون ميرال ..

    حضنت المخده ودخلت في حلقه جديده من احلامها ..






    ☆ミ ☆彡☆ミ ☆彡☆ミ ☆彡☆ミ ☆彡☆ミ ☆彡☆ミ 




    خرجت من المنزل بسرعه وهي تشعر بالضيقه والتعب والالم ..
    لقد اشتاقت اليه .. المنزل بدونه ليس سوئ بضعة حجاره واثاث .. لم يعد ذلك المكان منزلاً بحق .. انهُ كئيب ومخيف ..
    ذكرت نفسها بانه قريباً،سيعود اليها بصحه وبابتسامته الرائعه ..
    ابتسمت عندما تذكرت وجهه الضاحك ... يجب ان تكون قويه لاجله ..
    ستكون قويه مثله ..
    مشت بخطوات سريعه نحو المدرسه وهي ترسم ابتسامه عذبه على شفتيها الرقيقتين ..
    سمعت صوت من الخلف ..التفت فوجدت الفتى المزعج " بدر " ..
    بدر - ياولد .. انتظر ..
    مراد ( بيان ) - ايش بك تركض ..
    بدر يلهث - ابي اطلب طلب منك ..
    مراد وعلامات التعجب تقفز من راسه - ايش ..
    بدر - ابيك تحل لي واجباتي وبعطيك الي تبيه ..
    مراد - مافي داعي الفلوس .. انت انقذتني وهذا رد الجميل ..
    بدر بارتباك - بس .. انا ..
    مراد بابتسامه - مافي اي مشكله ..

    ابتسمت بيان ونظرت له .. كان يبدو اكبر من ان يكون في الثامنة عشر ..
    وكان طويلاً .. لاول مره تنتبه بيان لهذا .. الفتى المزعج حقاً وسيم .
    بدر - في شيء ؟ .. ليه تناظرني ؟
    مراد - كم عمرك ؟ انت اكبر من انك تكون بالثانوي ..
    بدر - اي .. عمري 20 .. زي مانت شايف انا فاشل بالدراسه ..
    مراد - مادري .. انت دايم نايم .. ماذكر اني شفتك صاحي في اي حصه ..
    بدر بملل - لان الدروس ممله ..
    مراد - بس انت لازم تتخرج ...
    بدر بتساول - وليه لازم ؟
    مراد - اولاً لانك تضيع عمرك في المدرسه وانت المفروض في الجامعه وثانياً اكيد اهلك يبوك تتخرج ..
    بدر بملل - يبوني اتخرج بس انا ماشوف انه في دااعي .. وقت مابي تخرجت ..
    مراد بمزح- لو انت تخرجت وجلست في البيت كان افضل ..
    بدر بابتسامه - فكره .. شكلي بطبقها ..
    مراد بانزعاج - غبي ..
    بدر - غبي ؟


    شعرت بيان بالحسد منه .. هو لايخاف مثلها من المستقبل .. هو لايحاف ان لايستطيع اكمال دراسته ... هو لايخاف ان لايجد سعر الدواء .

    بدر باستغراب - ياحلوو .. فيك شيء ؟
    مراد ببرود - الطابور اكيد بداا ...





    ♡♬♡♬♡♬♡♬♡





    نظر بدر الى الفتى الذي امامه وهو يفكر ..
    كم هو غريب .. مالذي حدث له ..
    انتهى " الطابور الصباحي " بعد محاضره من المدير ..
    ان هذا المدير لايتوقف عن القاء المحاضرات .. عندما يمسك " الميكروفون " لايسكت ابداً ... كم هو ثرثار مزعج ..

    تنهد بدر ونظر من النافذة ..
    " لانك تضيع عمرك في المدرسة "
    تلك اول مرة احد يوجه لهُ النصح .. فعائلته دوماً تنهره ولكن احداً منهم لم يصنحه بل اخذوا غبائي كامر واقع ..
    عندما يتحدثون عني لايصفوني الابالغبي البليد الذهن ولكني لست هكذا ..
    انا فقط لا اريد المدرسه .. هي ممله .. وانا لست بغبي .. انا ذكي واعلم هذا ولكني لا احب المدرسه ..

    مراد - بدر ..
    بدر بعدم انتباه - هاآآه ..
    مراد بتساؤل - الواجب الي تبيني احله ..
    بدر يضرب راسه بخفه - من جد نسيت ..
    اخرج ملفه واعطى الولد ...
    مراد - كيمياء ..
    بدر - ايواا .. مادري وش لزمت هالملفات .. الدفاتر كانت افضل ..
    مراد - الحين بخلصه ..
    بدر بتساؤل - مدرس الرياضيات راح يجي ..
    مراد - المدرس غاب .. يقولوا زلقت رجله وطاح ..
    بدر باستهزاء - هههههههههه .. اتخيله ..
    مراد وهو يرفع حاجبه - لاتتشمت .. الدنيا دواره ..

    ناظر بدر قفا الولد .. " الدنيا دواره "
    بدر بصوت عالي - فال الله ولا فالك ..
    غبي كيف يتفاؤل علي ..

    تنهد بدر بغضب ..
    لماذا كلام الولد يؤرقه هكذا ..


    اخذ علبة المويه ورااح لعنده ..
    بدر - كيف حل الواجب ؟
    مراد باستهزاء - يسلم عليك ..
    بدر - تستهبل انت وجهك ..
    مراد - انت الي تستهبل .. لسه مافتحت الملف وتقول خلصتها .. غبي
    بدر - لاتقول غبي .. انا مو غبي ..
    مراد بسخريه - اجل انت ايش ؟ .. اوكي مستهتر ..
    بدر يبرر - انا بس ماحب المدرسه ..
    مراد - وليه ماتطلع منها ؟ .. ليه ماتتخرج ؟ .. مو هذا افضل حل عشان تطلع ولا ايش ..

    بدر سكت ..
    الولد الحلو معه حق .. اذا انا ماحب المدرسه المفروض اتخرج منها بسرعه ..
    بدر - مافكرت بكذا من قبل ..
    مراد يتحلطم - لانك غبي ..
    بدر بعصبيه وهو يضرب الطاوله - هيييييه ..
    بس بدون ماينتبه علبة المويه انفتحت والمويه كله صار فوق مراد ..
    مراد وهو مبلل - من جد انت غبي ..
    بدر باعتذار - اسف موقصدي ..






    ♩♬♩♬♩♬♩♬♩





    حست بالخوف .. الثوب صار مبلل .. تخاف تظهر الربطات الي مغطيه فيها جسمها ..
    طلعت بسرعه للحمام وهي تخاف احد يشوفها ..
    لما دخلت الحمام ماكان في احد .. تنهدت بصعوبة ..
    الحين كيف تجفف ملابسها .. والحل ..
    اخذت اصبعها وصارت تقرضها زي الفار >> هذه عاده لما ترتبك ..

    سمعت صوت بدر فـ غطت على صدرها بحركه عفويه ..
    بدر باستفهام - انت بخير ؟ .. اهي بس كانت مويه ...
    مراد بتوتر - طيب فهمت . .. انقلع ..
    بدر - ايش بك .. اهي بس كانت مويه .. وليه يدينك كذا .. لايكون بغتصبك .. عادي مو مشكله .. الحين فصخ عشان ماتبرد ..
    مراد بارتباك اكثر - هآآه .. لا .. انا بخير ..

    يالله وش رااح اسوي .. يا رب استرني ..

    تقدم بدر- يالله فصخه ..
    مراد - لا .. انا .. بخير ..
    بدر بتساؤل - ايش بك ؟ .. من الحين جسمك يرجف .. يالله فصخ ..

    مراد كان يصارع بدر عشان مايفصخ الثوب ..
    بدر - يالله .. لايكون انت بنت ...
    حست بيدين بدر ..
    ناظرته كانت عيونه متسعه ع الاخر وفمه مفتوح ..
    بدر بصدمه - انت ..








    نهاية الفصل الثالث ..

  5. #5

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رد: رواية فتاتي ولد ٢٠١٤

    الفصــ 4 ــل ؛-










    نهاية البارت الماضي ..


    مراد كان يصارع بدر عشان مايفصخ الثوب ..
    بدر - يالله .. لايكون انت بنت ...
    حست بيدين بدر ترتخي ..
    ناظرته كانت عيونه متسعه ع الاخر وفمه مفتوح ..
    بدر بصدمه - انت ..


    ⓦ♀ⓦ♀ⓦ♀ⓦ♀ⓦ♀ⓦ







    كان يجلس في احد زوايا الحمام وينظر للارض ..
    شعرت برغبة في البكاء .. ماذا يجب ان تفعل .. سيكشفها بالتاكيد ..
    ياستار استرني ..
    هذا عقاب لي بسبب افعالي .. انا خالفت خلقت ربي لي وعصيته بس مالازم اسمح انه يكشفني ..

    بيان بخوف - بدر .. انا كنت مجبورة .. ارجوك افهمني ..

    لم يتحرك ولم ترف له جفن ..
    بدر - كيف قدرت تسوي كذا .. كيف ؟
    بيان باسى - انجبرت ..
    بدر بضحك - انجبرتي ؟ .. مافي انسان عاقل يسوي الي انتي سويتيه ..
    انتي ماتخافي ربي ؟ انتي عصيتي ربي .. وتقولي انجبرتي .. مافي شيء يجبر شخص على ان يخالف خلقت ربي ..
    بيان باسى - مفكر اني ماعرف .. مفكر ان هذا شيء سهل ..
    بدر بصراخ - عارفه وتسوي كذا ليه ؟ .. هاه ؟ .. عشان تبي تكوني ولد .. ماتبي تكوني بنت .. صح ؟
    بيان ببكى - لا ..
    بدر - انتي لازم تنكشفي ..
    بيان بترجي - ارجوك .. لا .. لا تسوي كذا ..

    كان يريد الخروج ولكنها امسكت بيده ..
    بيان - ارجوك لا .. اسمعني بس مره .. مره وحده وبعدها قرر ..
    بدر بعصبيه - انتي من جد
    ولكن قبل ان يتم بدر جملته سمعوا صوت احد المعلمين ..
    بيان - ارجوك ..

    غضب من نفسه وغضب من تفكيره .. امسك بيدها ودخل احدى الغرف في الحمام ..
    سمع خطوات المعلم تدخل وتخرج .. نظر للموجوده في احضانه ..
    دموعها بللت الثوب ..
    ماذا يجب ان يفعل ؟
    كيف يتصرف ؟
    يكاد يجن .. هو لسبب ما يريد انقاذها ..
    لقد اراد ان يعرف ان كانت حقاً فتى بشده والان تمنى لو انهُ لم يعرف .
    دعى الله بان يساعدها ..

    امرها بترتيب شكلها ولكن يديها المرتجفه وشهقاتها المزعجه اشعرت بالاسئ والالم .. هو يريد حمايتها ..

    امسك بها وصار يقفل ازرارها واخذ الماء ومسح وجهها به ..
    بدر - اسمعي بقول للمدير بانك مريض ولازم اخذك للبيت .. انتظريني براا ..
    بيان - وكتبي ..
    بدر - رااح اخذها بس لاتطلعي ولا تكلمي احد .. فاهمه ؟
    هزت رااسها بنعم ..

    خرج من الحمام وهو يلعن تلك الحمقاء .. مالسبب الذي يجعل شخص يخالف الطبيعة .. مالسبب ..
    كيف لفتاة حمقاء ان تفعل ذلك ..
    دعى ربهُ في سره بان يجد الحل الصحيح ..

    عندما تحدث مع المدير تفهم هذا ..
    اخذ الكتب وذهب للمكان المفترض فيه لقاءهما ..
    كانت تنظر للارض بهدوء .. مالذي يجب ان افعله بها ..
    بدر - يالله نروح ...

    امسك بيدها وتوجه للسياره .. لحسن الحظ استطاع الحصول على مفتاح سيارة عادل ..
    بدر - اركبي ..

    اطاعت امره بهدوء ..
    لم يعلم اين يذهب .. لذا توجه للبحر فهو افضل مكان .. .عندما اوقف سيارتها التفت لها ..
    بدر بتساؤل ممزوج بغضب - ليه ؟
    بيان - كنت مضطره ..
    بدر - ليه كنتي مضطره ..
    بيان - انا واخووي نعيش في البيت وحيدين .. امي وابوي توفوا .
    اخوي تعبان وياخذ ادويه ماتخليه يتحرك ..
    بدر - طيب .. مو بس انتي الي عندك ظرف صعب ...
    بيان - لاني خايفه .. لما اخوي كان في المستشفى قبل مايتعالج ..
    كانوا الرجال دايم يتحرشوا وماكان عندي احد،يحميني ..كنت وحيده وخايفه .. اكثر من مره حاولوا يتهجموا علي بس فرحت لما اخوي رجع وقلت ماحد راح يقدر يقرب مني الحين بس قبل ثلاث شهور ..
    اخوي انتكس وصار اسوء من اول ورجعوا الرجال يزعجوني .. الكل كان يناظرني وكانه بياكلني .. انا وحيده وخايفه واخوي المريض الي يحتاج حمايه .. كيف لازم اتصرف ؟ .. قول ... فكرت اتزوج بس كلهم كبار وعندهم اولاد اكبر مني .. قولي كيف لازم اتصرف ..
    اخويه عنده سرطان في المعده .. في البدايه بس بسبب الادويه الكيمائيه ولانه رجع بدري عشاني قبل مايكمل علاجه .. مناعته ضعفت وجسمه ضعف بس ماقال لي وظل ساكت يتالم لوحده ..
    لين ماوصل للحد الي مايقدر فيه يتحمل .. جسمه ضعف وفقد حيويته ومناعته صارت ضعيفه لدرجة انه اضطربت احطه في المستشفى ..
    مايقدر يجلس في هالاجواء ..
    الحين البيت فاضي .. تتوقع لو عرفوا ان اخوي سافر وش بيسوا .. بنت وحيده .. طفله وشيء اكيد ماراح تتكلم عشان سمعتها ..
    مفكر كيف بيتصرفوا .. مفكر انا ايش لازم اسوي .. ولما يرجع اخوي بيكون لسه في المدرسه وهذا غلط ... اخوي لازم يكمل .. تعبت من الشغل .. ماعدت اقدر انام .. تعبت .. انا غلطت بس اضطريت ..
    بدر - طيب اخوك يعرف ؟
    بيان - لا ..
    بدر - ماعندك اي احد
    بيان - لو عندي بسوي كذاا ...

    لم يعرف بدر بماذا يجيب لقد فاجئته .. معها حق .. هي ليست سوى طفله وحيده ..
    كانت دموعها مثل الشلال لم تعد تستطيع تمالك نفسها ..
    شهقاتها ودموعها صوتها المرتجف .. ماذا يجب ان يفعل ..
    يالهي ..
    بيان بترجي - وش لازم اسووي ... بدر .. وش لازم اسوي ..

    بماذا يجيبها اذا كان هو لايعرف الاجابه ..







    ♥♥♡♡♥♥♡♡♥♥♡♡♥♥♡♡♥♥♡♡♥♥♡♡♥♥♡♡





    دخلت غرفة اخيها العزيز ... اقتربت من سريره كان لازال دافئاً .. احتضنت المخده لتفتح الطريق لدموعها ..
    مالذي سيحدث لها ؟
    هل سيكشفها ؟
    لاتعلم .. وهذا مايخيفها فهي لاتعلم ..
    تكره المجهول .. تكرهه بشده فـ هي لاتستطيع محاربة المجهول ..
    لا احد يستطيع محاربة المجهول ...
    المجهول او كما يسميه البعض بـ المستقبل .. هو اكثر مايخيف الانسان فـ السعيد يفكر متى ستنتهي سعادته ....
    فـ الحزين يفكر هل سابقى على حزني ..
    فـ المريض يفكر هل ساموت ام ساعيش ..

    هذا هو جـُل خوفي ..
    " ما لا اعرفه اجهله " اليس هذا مايقال ..
    انا اخاف ما لا اعرفه ...
    اغمضت عينيها .. هي لاتريد العمل اليوم .. تشعر بالتعب والاجهاد ..
    تريد فقط ان تنام ..
    كان يوماً مجهداً ..





    هذا هو حال البعض منا .. المستقبل او المجهول هو اكبر مخاوفنا ..
    فـ الغامضين منا يتسائلون هل اسرارهم المدفونه ستكشف في المستقبل ام لا ..
    انا ككاتبه لستُ سوى طالبه جامعيه هذه سنتي الاول في الطب ..
    اخاف المستقبل ، اخاف الا انجح ..
    كلنا هكذا نخاف من المجهول ولكن كما نخافه فـ نحن لازلنا نامل بالتغير والفرح في المستقبل ..
    هذا هو حال الانسان كما نخاف الشيء فنحن نتامل منه وكما نحب شيء فنحن نبغض جزء منه .. وهذا مايجعلنا نحن البشر بشر ..
    فـ من لايخاف من المستقبل فـ هو ليس انسانً في الحقيقه ..
    قد يرى البعض منكم عدم صحة هذا القول ولكن فلتتفكروا قليلاً ..
    فـ حتى العاصي او الانسان الطبيعي الا يفكر في الجنه بامل ويفكر في النار بخوف ...
    هذا حال بني آدم ..


    >> احم احم سوري طولت عليكم بس لما ابدأ ماعد اقدر اوقف ..
    نرجع لابطالنا ..









    ♚♀♚♀♚♀♚♀♚♀♚♀♚♀♚♀♚♀♚♀♚♀♚♀♚♀♚





    كان جسده على السرير وعقله في مكان اخر ..
    يفكر مالذي يجب فعله .. هو لايريد اذيتها فـ بقدر ماهي مخطئه فـ هي ايضاً صائبه ..

    الخوف هو مادفعها لهذا فـ كيف لي ان الومها ؟
    اخيراذ وجد الحل .. هز راسه وكانه يشجع نفسه علىرتلك الفكره ..
    نعم هذا هو الافضل ..

    لكن بقدر غرابة الموقف فـ لبدر فكرة غريبة غبيه خطرت في راسه ..
    انها جميله ..
    كان يفكر بمدى جمالها .. فـ هي الى اخر شعره تمتلك ذاك الجمال الملائكي وعيناها كالشمس مشرقه جميله ومؤثره ..


    ايقظهُ صوت عادل ..
    عادل - بدر .. انت نايم ؟
    بدر بعصبيه لانه طلع من احلامه - ايش تبي .
    عادل بسخريه - وحشتني .. فين مفتاح السياره ..
    بدر - في الدرج ..
    عادل باستغراب- فيك شيء ؟
    بدر - لا .. اطلع براا ..
    عادل - ايش صار بينك وبين الحلو ..
    بدر بفزع - ايش صار ..
    لايكون عرف ..
    عادل باستفهام - مو الحلو كان تعبان ..
    بدر بارتياح - اهاآه ...
    عادل - فيك شيء ..
    بدر - مافيني الا العافيه ..
    عادل - طيب ..

    ارتاح بدر لما طلع عادل ... يبغى يظل لوحده عشان يقدر يفكر ...
    بس سمع اصوات ..
    جته رغبه قويه بانه يذبح عادل ..
    ......- بسم الله عليك يـ وليدي .. فيك شيء ..
    بدر بضجر - يمه انا بخير ..
    ام بدر - بس عادل يقول ان انت تعبان ..
    بدر - انا بخير بس فيني شوية نوم ..
    ام بدر - متاكد يـ وليدي ..
    بدر - ايه تطمني ..


    يمكن انا ماكلمتكم عن عيلتي ..
    عيلتي عبارة عن امي وجدي واخوي الكبير مالك وثلاث بنات توام ..
    عندي اعمام بس ماحتك الا بعادل والي شكلي بقطع علاقتي فيه ..
    امي حنون وطيبه كابقية الامهات ..
    مالك محامي وهو في الثلاثين تقريباً ..
    اقرب صديق له هو ولد عمي وليد ويشتغل مدعي عام ..
    وخواتي الثلاث ..

    جنى وجنه وجنان ..
    اساميهم غريبه .. امي اصرت انهم يتسموا بهذا الشكل ..
    انا عن نفسي ماحبهم فيهم كل الصفات الي ماحبها ..
    الدلع ، الملاقه ، الغباء ، السطحيه و الحش في خلق الله ..
    مافي انسان سلم منهم ..
    جدي ماتكلمت عنه ...
    جدي حازم مره وهو الي دايم يصحيني من النوم ..
    جدي مايحب الرومنسيه حتى في الصحيه من النوم ..
    لما يدخل الغرفه ما احس الا بهجوم مباغت ع الغرفه ولسعة العقال ..
    هذه عيلتي الغبيه واالمزعجه والغير مراعيه لمشاعري انا الولد الاوسط ..


    جنى وجنه وجنان - بدر ..
    في صفه ماقلتها عن التوام الثلاث انهم يتكلموا دايم بنفس الوقت ..
    جنى وجنه وجنان - انت بخير .. ياحظك بكره بتغيب ..
    اه صفه ثانيه هما فتانات و كذبات مع مرتبة الشرف ..
    بدر بحده - اطلعوا برا والا بالعقال ..
    جنى وجنه وجنان - يااااااي رعبتنا .. خفي علينا يالزير سالم ..

    اخر شيء اقول عنه خواتي انهم ماينطردوا يـ بالعقال او الجزمه ..
    اكرمكم الله ..

    هذا كل الي اقدر اقوله عن عيلتي ..
    اما غرفتي فهي عبارة عن ابيض في اسود ..
    احب هالالوان ... كلها ابيض واسود ..



    اه نسيت مشكلتي .. ماعندي غير حل واحد ماله ثاني ..






    ☆ミ ☆彡☆ミ ☆彡☆ミ ☆彡☆ミ ☆彡☆ミ ☆彡☆ミ 







    تاوهت بصوت عالً .. نومه الغير مريح اتعب جسدها .. تشعر وكأنها دهست بشاحنه ..
    جلست بصعوبه .. نظرت للساعه كانت الرابعه والنصف ..
    سيصلي الفجر قريباً ..
    ذهبت للحمام وصلت الفجر وقرأت البقرة وهذه عاده اكتسبتها عند الخوف من شيء ..
    دعت الله وبكت ..
    الله الوحيد الذي،يسمعها ويعلم مافي قلبها .. ليس هنالك من يحميها غيره ولا من يجيب دعاءها غيره ..

    انهت صلاتها وارتدت ثوبها واكلت خبز وجبن ..

    مشت بهدوء للمدرسه .. البارحه كانت تبتسم واليوم هي لاتقوى حتى على الفرح ..
    تشعر بالهدوء .. هدوء غريب وكأن الله انزل السكينه على قلبها ..

    بدر - هييه ..
    رفعت راسها لترى الرجل الذي اذا اراد ان يكون منقذها و اذا اراد يكون قاتلها ..
    فايهما اختار لا اعلم ولكن ساتحمل ماسيحدث ..


    بدر - انا قررت وقراري راح يكون " ............... ؟ "




    نهاية الفصل الرابع ....



    ماهو قرار بدر ؟
    هل سيحميها ام سيكشفها ؟
    وكيف سيكون نتيجة ذلك القرار ؟

صفحة 1 من 6 123 ... الأخيرةالأخيرة

المواضيع المتشابهه

  1. تحميل رواية خطر في إند هاوس ٢٠١٤ , رواية بوليسية روعه ٢٠١٤
    بواسطة موكاتشينو في المنتدى قصائد وخواطر
    مشاركات: 0
    آخر مشاركة: 05-03-2014, 09:57 AM
  2. تحميل رواية موت في السحاب ٢٠١٤ , رواية بوليسيه ٢٠١٤
    بواسطة موكاتشينو في المنتدى قصائد وخواطر
    مشاركات: 0
    آخر مشاركة: 05-03-2014, 09:56 AM
  3. تحميل رواية جريمة في بغداد ٢٠١٤ , روايه بوليسية في العراق ٢٠١٤
    بواسطة موكاتشينو في المنتدى قصائد وخواطر
    مشاركات: 0
    آخر مشاركة: 05-03-2014, 09:55 AM
  4. مشاركات: 0
    آخر مشاركة: 01-03-2014, 09:52 AM
  5. مشاركات: 1
    آخر مشاركة: 27-01-2014, 01:25 AM

الكلمات الدلالية لهذا الموضوع

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52