صفحة 1 من 22 12311 ... الأخيرةالأخيرة
النتائج 1 إلى 5 من 110

الموضوع: رواية اصبعي و هو اصبعي إذا غدرني اقطعه ٢٠١٤ كاملة

  1. #1

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رواية اصبعي و هو اصبعي إذا غدرني اقطعه ٢٠١٤ كاملة

    بسم الله الرحمن الرحيم

    رواية اصبعي و هو اصبعي إذا غدرني اقطعه ٢٠١٤ كاملة

    لان الحياة تجارب والتجارب تمر على بني البشر لايوجد في هذه الدنيا من هو خالي الاحزان وليس هناك من لم يجرب الدمعه ولان الدمعه شي خفيف ولانها تحمل معاني كثيره اخترت ان اسطرهذه الروايه التي حملت من المعاني مالم تحمل ومن التجارب الشي الكثير تمنيت من الله ان تحوزعلى رضاء قارئها مهما يكن 000

    هوايه اعتدتهااجبرني التاليف ان اسطرماداعب احسااسي عرفت حب القلم والتاليف واناصغيره كتاباتي واقعيه تسمعين بهافي واقعك تبنيت قصصاغريبة عجيبه واشهدربي انهالامست عقلي وقلبي
    وشاب منهاشعري بعضهاخفت ان اسطرهاواحاسب عليها
    وبعضهااخترتهالكي فقط تتعلمين منها
    وان تضعين لنفسكي قدرا
    سينضج فكري كلمااكبر-هذااذالم ياخذالله امانته- وساتشجع
    ان اسطرلكي بعض ماخفاه فلمي 0 0 0 0 0


    ليعلم بنوالبشران الفتاةمهماتكن بجميع مراحل عمرها
    ليست كدمى يحركهابنوادم كماارادوا
    0000000ان تعيشين بلاكرامه فانتي في قمة الاهانه000000000000000
    0000000وان ترين الحب يخلج الى صدرك لشخص لايعيرك 00000000000
    فانتي وبلاخجل انسانه ضعيفه 0 0 0 0 0 0 0 0 0 0
    حواء- مااجمل ان تستقلين بشخصيتك تبنين انتي لوحدك استقلاليتك وذاتك
    فانتي وحدك من يستطيع ان تنشلين نفسك من متاهةالحياه التي تعيشينها
    مهماكانت فواثق الخطا يمشي كماالملك
    وانتي ملكه ولكن في يدك انتي صنع القرار0000
    --------------------------------------
    لاتجعلين نفسك كماساكتب عنهن لاني لااريد لايا منكن ان تكون كمن ساسطرعنها
    الحب وحده يصنع المعجزات
    وسانرى ماذاسايصنع الحب من نوف وهل هي ستعيش00 بلاكرامه00 اوبلاحريه00او هل سايكون لهااستقلال بذاتها00هل ستكون ممن صنعت نفسها0000 اوهل سيصنعهاادم ويشكلها كمايريدهو
    فهلم بنانرى ماذاستفعل وماذاستواجه وهل ستتحدى القرار0000000000ام يتحداها0000000
    00000000اوهل\ ستعرف طريقااخرللصبراوالصبرلن يصبرمعها00000000

    ملاحظه00000000000
    بنآت رجــــاء حـــآر اللي بتكتب ( يسلمو – مشكوره – روايه حلوه – متى البآرت
    لاتطولين علينا ) أنا أعفيهــا من التعليق على الروآيه ولاتستبعد حذف كلامها
    انا ماوضعت الروآيه واتعب عليها عشان أكافئ بهذه الطريقه الله يسعدكم يابنات
    لان سبب عزوف الكآتبات عن الكتآبه في منتدانا الغــــآلي هو طريقة تعليقكم
    وأنا من محبتي لغرآم ولبنات غرآم ماأقدر أترك هالمنتدى اللي انطلقت منه وأول
    منتدى عرفني على الروآيات
    ....

    اذاكانت هذه الروايه ستلهيكي عن فروض ربك اووالديكي اوممن تحبين اغلقيهافورآ
    لان هذه الروايه ليست اهم منهم مطلقا
    واذاكنتي ستقرينها وساتتبعين ماطلبت منكي فلاتترددين لحظه عن اعطاءرايك بهاولاتنسين اوقات صلاتك
    واريدمنك تعلم ماسيحصل فيهالان العبرة بمن اعتبروان تضعين في زمام امورك
    ماضاقت الالتفرج

    { لـــــــــــــــن اسامح واحلل من ينشر قصتي ولم يذكر اسمي عليها }

    رواية [اصبعي وهو اصبعي ان غدرني اقطعه ]

    للكـــــــاتبه ـ سهم المملكـه

  2. #2

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رد: رواية اصبعي و هو اصبعي إذا غدرني اقطعه ك٢٠١٤ كاملة

    ( الجزء الأول )

    مع كل الآمنيات بقرأه ممتعه

    .

    لااله الاالله

    أنا و قلبي صرخنا الآه شربنا الهم و ضـــــاقالبــــــال
    بقت لي بسمةٍ ميْته و ليل(ن) موحش(ن) حالك

    بقى لي في السمانجم(ن) عشق حلّي مع الترحال
    قساوة قصتي تجْبره يمـــــوت و يحترق هـــــالك


    بدات نهارها كأي يوم بل ليس ككل يوم بل بصراخ جدتهاعليها
    ام سالم- نوف يانوف نووووووووووف ووجع
    نوف بعجله- لبيه لبيه ياجده امريني
    ام سالم- وينس فيه يامال اللي منيب قايله
    نوف- كنت في المطبخ اشوف وش ناقصنا من اغراض عشان نجيبها معنا
    ام سالم – عجلي علينا بنروح للدختور
    نوف تبتسم من كلام جدتها بس خبت لاتكشفها ثم تمرمطهابعصاتها
    =وهم بالسياره راجعين من المستشفى =
    ام سالم-وقف ون امك عند الدكان
    نوف- وش دكانه ياجده نبي سوبرماركت
    ام سالم-وشهوله السبركات
    نوف وخان يضحكون منها0
    نوف-لاسوبر ماركت ياجده عشان نبي اغراض للمطبخ وكلها تكون هناك ناخذهامرة وحده
    ام سالم بشك –وانتي وش عرفس ابه
    نوف –سلمك الله الهنوف تعلمني وانا دارسته بعد
    ام سالم –ياخان رح للي مدري وش اسمه
    خان-طيب ماما


    في حاره غير هالحاره في حي راقي جميع سكانه مايتعاملون الابلغة كم معك وكم تملك
    الخدم وهي تمشي –صباح الخيرمدام
    بدريه-صباح الخير=وتجلس على طاولة الطعام =
    سالم وينهم عيالك يابدريه
    بدريه-ابدطلال طلع قبلك يقول فهد يبيه في شغل في شركتهم وراشدانت عارف انه مسافرهووريم للندن ومشعل دوبه رادمن عند اصحابه من السهره
    سالم- وولدك متى بيتعدل ان شالله من سافر وهو صايع وضايع
    بدريه –اللي يسمعك يقول مشعل مسافر للدراسه وبعدين خف عليه شوي ارحمه وي حاط دائم دوبك من دوبهه هلكته ياسالم
    سالم – هذا اللي بتخربينه بدلعك ماشفنا من ورى هالدلع شي عدل وبنصكت ونشوف وش النهايه معك قامت بدريه من السفره زعلانه
    في الطريق قابلة دنيا بدريه –هاي مام وش فيك مين مزعل الحلو
    بدريه تضحك –يشطاتنك روحي عني هناك الاتعالي لحظه وين رايحه هاه
    دنيابدلع- مام بطلع اناوساره نفطربرى عاااااااااااد
    بدريه تقلدها-لاعااااااااااااااااااااد-وتبتسم-خلاص لاتاخرون فاهمه
    دنيا –مفهوم يااغلىمام بالدنيا كلها


    عند البوابه
    ساره وهالطرحه اللي مليانه كريستال وهالعطورات اللي ماليه المكان في السياره وتنتظردنيا تطلع لها
    واخيرادنياطلعت
    دنياتركب-معليش ساره اعذريني مابغيت افتك من اسئلة امي وبابي ليش مانزلتي تسلمين علا بابي ومامي
    ساره-مره ثانيه مشعل نائم صح
    دنيا-ايه-وتبتسم –من قدك يامشعل ساره بنت عمتك دلال وبنت الوزيرابوفهدتحبك
    ساره تضحك- فديت ذكره اقول حرك ياعصام
    عصام –تحت امرك ياعمتي


    عند بيت ام سالم
    ام سعود وام صالح وصلن ويتقهون مع ام سالم قهوة الضحى
    في المطبخ نوف تعابل في الجريش ولمرقوق
    ام سعود- وش قالوا الدخاتره فيس ياام سالم هوثبت مرضتس صح
    ام سالم –ايه ثبت فيني يام سعود مير والله مادري وش بيصير بالضعيفه من عقبي
    ام صالح –ورى ماعلمتي عيالك ياام سالم
    ام سالم مابي اعلمهم يام صالح كودانهم بيسفروني لبلاداليهودثم اموت هناك
    ام سعود-اجل هم يزورونهاعشان تخبرهم
    ام سالم –والله مغير دلال اما سويلم طماع مروح مابي اشوفه لين اموت هووحرمته تخيلي يام صالح ماشفت عياله ابدوالله لويمروني مادريت عنهم
    ام صالح –هونيها وتهون ياوخيتي الله يصلح ماعطى
    ام سالم –والنعم بالله


    في بيت الوزير
    دلال هي وولدهاعبدالله اللي ينتظر نتيجته تجيه علاالجوال
    دلال- وين حاب تدرس
    عبدالله- طبعاامريكا ياطويلة العمر
    الرساله تعلن وصول الخبر
    عبدالله بلهفه يفتح الرساله ويناظرويضحك- يمه باركيلي 98
    دلال- واااااااااي مبروك ياحلى دكتور


    في برج المملكه
    تصكرالجوال –وي عادمبسوط هووجهه
    دنيا-مين المبسوط
    ساره-عبدالله داق يكسحني بهاالنسبه اللي زي وجهه
    دنيا- ليه كم نسبته
    ساره- يقول 98
    دنيا- واومشاالله مبروك


    في بيت ام سالم
    نوف تدخل عندهم في الصاله- جده احط الغداء هالحين
    ام سالم – ايه وش تحترين يامال الضعفه
    نوف بخجل- طيب هالحين احطه=وراحت
    ام سعود- خفي عليهاياام سالم ضعيفه
    ام سالم – يام سعودكل اللي اسويه فيها من ورى قلبي مابيها تعلق فيني لامني مت
    ام صالح – يحول فالك ماقبلناه

  3. #3

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رد: رواية اصبعي و هو اصبعي إذا غدرني اقطعه ك٢٠١٤ كاملة

    في وقت العصر
    دلال- عبدالله انت وخالد ابيكم تروحون معي لبيت جدتكم
    خالد- انا مقدراروح مواعد صديقي
    عبدالله –اناابي اعرف يايمه ليه متاخذين هاذي معنا
    ساره – هيه انت يابزرترى اللي اسم فاهم
    خالد يضحك منهم وطلع وخلاهم
    عبدالله – هيه يااماتسكتين ولاتشوفين شي ماعمرك شفتيه فاهمه
    دلال- بس خلاص عورتوا راسي
    في ذهن دلال ماتبي تاخذ ساره عشان علاقولتهاماتختلط مع العفنه نوف

    في بيت سالم
    نوره وطلال وبدريه وسالم جالسين مع بعض قهوةالعصر
    سالم – كيف شغلك ياطلال
    طلال- الحمدالله يبه اليوم بذات بغينا نعلن افلاسنا بس الله ستر وربحنا صفقه كل الشركات تحلم فيها
    بدريه- الحمدالله اجل يايمه
    سالم – الله سترولطف وانتبهوا مره ثانيه
    نوره – وي اسم الله عليك انت واخوي

    الباب يطق
    ام سالم – نوف شوفي من عند الباب
    نوف- طيب
    تفتح الباب وتشوف عمتها دلال
    دلال-روحي يابنت حطي شي علاراسك ولدي بيدخل بسرعه انقلعي
    نوف بسرعه تركض وماتدري ليه عمتهاماتدانيها
    دلال – ادخل يمه
    عبدالله يدخل ويتفاجا ابيت جدته انه كبير بس شعبي بحت ويسال نفسه ليه امهم ماتخليهم يزورون جدتهم
    دلال وولدهايقربون من المجلس اللي فيه امها تسمع الراديو
    دلال – ادخل ياحبيبي السلام عليكم يمه وتسلم علا راسها
    ام سالم –هلا دلال منهو هذا
    دلال- يمه هذاولدي عبدالله
    ويسلم عليها عبدالله
    ام سالم – واخيرا شفناولدك يادلال
    دلال منحرجه-يمه وش اسوي دائم مشغولين
    عبدالله في نفسه والله من الكذب يايمه
    دلال-ماباركتي لعبدالله يمه
    ام سالم- ليه علامه
    دلال – نجح من الثانويه وجاب نسبة طيبه
    ام سالم- يوه ذكرتيني نوف الضعيفه تبي تطلع نسبتها ولانعرف كيف
    دلال منقهره من اهتمام امها بنوف
    ام سالم- يانوف نوووووف
    نوف متغطيه- سمي ياجده
    ام سالم – عبدالله طلع نسبة نوف ونا جدتك
    عبدالله ويطلع جواله – وش اسمك الكامل
    نوف – اسمي نوف بنت صالح بنت سعدال000000
    عبدالله انذهل هالبنت للي يحسبها شغاله عندجدته تطلع بنت خاله لدرجةانه جلس
    من الصدمه يناظر بامه ولاكمل
    ام سالم تناظره – علامك
    عبدالله- هاه ولاشي هاه كملي يانوف رقم جلوسك
    نوف –22576

    ام سالم – هالحين روحي صلحي القهوه لين ماتجي نسبتك
    نوف- طيب وراحت
    دلال وع والله ماشرب من اقهوتها لو بكنوز الارض
    الرساله وصلت لعبدالله
    عبدالله –وهذي النسبه وصلت
    ام سالم – نووووووووووف نوف
    نوف بسرعه تدخل- هاه النسبه وصلت
    دلال- شوي شوي اركدي فضحتينا يامال الفضيحه مثل امك مطيوره
    نوف- اجل شفتي امي ياعمتي عشان تعرفين حركاتها
    دلال- هذي اللي بذبحهاهيه هيه من انتي عشان تردديني هااااااااه
    ام سالم صاكته وعاجبتها نوف صحيح ماتحب امها بس عجبها رد نوف وهالحين بس اطمنت عليها لوماتت
    عبدالله – نووووووووف مبرووك يابنت الخال جبتي 97
    نوف-من جدك –وهي تضحك ومبسوطه-
    عبدالله يشاركها فرحها- لامن عمي هههههههههه
    دلال تناظرهم ولوضع مو عاجبها خافت لنوف تحط عينها علاولدها مثل امها هذا تفكيرها000
    دلال – عبدالله يالله مشينا
    عبدالله- تو الناس يمه
    دلال تناظره ومقهوره
    ام سالم – تو لناس يادلال
    دلال- لايمه محمد بيردمن المؤتمروبيزعل لوحنا موفيه
    وطلعوا من المجلس
    نوف تذكرت ولحقتهم- عبدالله شكرن
    عبدالله بحالميه-العفو بنت الخال
    دلال – هيه استحي علا وجهك يمال الفضيحه

    اليوم الثاني
    العصربيت سالم بدريه تكلم دلال
    بدريه- الله يحيكم البيت بيتك يادلال
    دلال- الله يسلم حالك ماقلتيلي وين بتصيفون فيه هالسنه
    بدريه- والله ماظنتي سالم وطلال بيسافرون يمكن اطلع انا ودنيا علااسبانيامادري علاحسب شغلي
    دلال – وعلي علا بنتي نوره اجل اناباخذها معي انا وساره وعبدالله لامريكاخبرك عبدالله بيدرس هناك

    في الليل بيت سالم
    الكل مجتمع
    ساره- وينه مشعل يادنيا
    دنيا- انتي ماتعرفينه هذا مانام يومين وهالحين نايم يومين
    ساره- افففففف روحي صحيه
    دنيا- خليه ماني فاضيه اله
    في مجلس الرجال
    خالد- وينه مشعل مصارت
    عبدالله – ليه ماملينا عينك
    خالد- انطم انت


    في مجلس الحريم
    بدريه – دنيا يمه روحي صحي اخوك
    دنيا- يممممممه خليه لوصحيناه قال ازعجتوني
    بدريه – روحي صحيه ليكون صايرفيه شي
    ساره – وي قومي شوفيه
    دنيا- شرايك تروحين انتي
    ساره – ااااااااه يااااااااااااااااااليت
    دنيا قامت وهي تضحك وتفكرفعلااخوهامشعل جميل جداجماله يفوق أي وصف واي خيال عنده عيون نعس ورموش كثيفه لدرجة الكل يحسب ان رموشه تركيبه وطول فارع وغمازه تتذكرمره جاء ياخذها بالثانوي يوم سواقها كان تعبان كيف البنات صديقاتها طلعوامعها وشافوه والكل انجن فيه وتتذكرانهم لحد الحين يسالون عنه وانه لوتزوج ولا شي وابتسمت كيف ساره انقهرت منهم وناويه لوتكلموامره ثانيه بتذبحهم
    فتحت باب الجناح
    وانذهلت هي داخله ثلاجه لوالله فريزالغرفه ثلج صقيع تناظرتلقى مكيفات الغرفه الاربع
    كلهامشغله توقف عندراسه تتامله فعلاهواجملهم كلهم فعلا
    ابتسمت عليه كيف نايم وسريره حوسه علاان سريره كبيربس معبي المساحه مولانه سمين لابس يدينه كيف اخذه المساحه غيرثيابه وبدلاته مرميه فوق سريره
    دنيا- مشعل مشعل مشيييييييييييعل وصمخ قووووووووووم قوم
    ابد لحياة لمن تنادي
    دنيا- مشعل الله يخليك قوووووووم قوم مشعل
    وكأنه ميت فكرت في اخر حل ممكن تلجأله خذت كوب الماء اللي عند راسه وابتسمت صبت كل الكوب فوق راسه ووجهه
    شهق ونفض راسه وفزجالس يناظريشوف دنيا ضحك منه
    مشعل بغضب وعصبيه – انتي شوهمجيه ياهمجيه انقلعي برررررررررررى برررررررررررررررررررررررررررى
    دنياخافت لانه اذامقام وضربهاوهي تستبعد هالشي لان تربيته واتيكيته غيرعن كل اخوانه فراح يلجأ للحل الثاني وهي تخاف من الحل الثاني
    دنيا- خلاص والله العظيم خلاص بس عمتي دلال هنا وخالدمكلم عمتي يقول صحوامشعل
    تشوفه ملامحه بدات ترتخي ويهدا- كم الساعه هالحين
    دنيا- قل كم يوم نمت
    مشعل بخوف- كم يوم
    دنيا- يومين
    مشعل- اشوى بس يومين
    دنيا- يابلادتك ياخوي الاقولي صليت!
    مشعل- لاالله يغفرلي بس اطلعي انابتروش هالحين ثم بصلي وانزل
    دنيا – اوكيه

  4. #4

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رد: رواية اصبعي و هو اصبعي إذا غدرني اقطعه ك٢٠١٤ كاملة

    طلعت وخلته وهو قام يفتش علا جواله
    مشعل – وين وين ياربي وين حطيته قام يقلب الغرفه فوق تحت يدور\والغرفه مبهدله\
    واخيرا لقاه تحت السريرراميه وهونائم يناظرمرتاع 33مكالمه و8رسائل
    يناظرالمكالمات 4من حمود 9من خالد 10من الحبيبه رقم 5 والباقي من المهبوله ضحك ونزل الجوال وخلى الرسايل تحمم وصلى ولبس وتروش بالعطر هذي عادته عطوراته تهتم فيهم حبيبته اللي هي امه عطوراته دائم هي ووياه توصي فيهاطلبات من باريس وسويسرالاتستغربون هذا دلوعها لولاالمخافه من الله كان اكتبت كل املاكها اله
    لانها وريثة محمد الراشدي اكبرثري في الفنادق ومعروف اسمه بالسعوديه اصلاهي سرثراءزوجها سالم
    واخيرانزل مشعل وقف علانص الدرج وابتسم خجل مايدري مين فيه
    ساره بقلبها- واااااااااااو ياجعلني فداءهالبسمه يالبى خافقي والله
    بدريه- تعال يمه هذي بس عمتك دلال وساره
    مشعل يمسح علا شعره-السلام عليكم عمتي \قرب وسلم عليها\
    دلال- تدري مشعل الوحيداللي احسه ينافسني علاطولي هوانت احس عمري قزمه جنبك \وتضحك\
    مشعل – ولوعمتي انتي الاصل انا ولاشي \ويضحك\
    دلال-وينك ماتنشاف ولاتسال على عمتك
    مشعل يبتسم- الله يعين \ويناظرامه\يمه ممكن ابيك شوي
    دنيابدفاشه-وساره
    مشعل يناظردنيا-وش فيها
    دنيا- ماكانهاموجوده
    ساره-كيفك مشعل
    مشعل-هلاهلابخيريمه يالله تعالي
    ساره انكسحت وبدريه ودنيامتفشلين من اسلوب مشعل
    قامت معه وطلعت
    مشعل- يمه ابي فلوس
    بدريه- مشعل يمه ترى قبل ثلاثه ايام ماخذمني بعرف وين تودي الفلوس
    مشعل – يعني شويمه انبسط فيها ترضين شعولي حبيبك يمشي ويشحذ\ويقلد\من مال الله يامحسنين والناس يتطنزون علي شوفواشوفواولدبدريه يشحذ ويضحكوووووووون مني
    بدريه- وي ان شالله عدوك يمه هومن يشحذخلاص روح لجناحي وشوف ماستركارد حقت بنك الراجحي خذهاوخذبس خمسه هالمره فاهم ولااشوف وجهك الابعد اسبوع فاهم
    مشعل يبتسم- نشوف \ويسلم علايدها\
    بدريه- الله يرضى عليك قول امين
    مشعل- امين

    في بيت ام سالم
    ام سالم-نوف انابروح شوي وجايه مع ام سعود قفلي عليك الباب ولاتفتحين لحد فاهمه
    نوف- ان شالله بس وين بتروحين
    ام سالم-وانتي وش دخلك تدخلين عمرك في شي مايخصك
    نوف – خلاص خلاص اسفه لاتزعلين انتي فيك الضغط
    \مسكينه نوف تحسب في جدتهاالضغط وهي فيهاسرطان بالدم\
    ام سالم – خلاص اخلصي اهم شي الباب لاتفتحينه فاهمه
    نوف – ابشري

    في بيت سالم في مجلس الرجال
    مشعل يدخل- السلام عليكم
    الكل – وعليكم السلام
    خالد – واخيررررررررررا \ويفزاله عبدالعزيزوخالدوعبدالله يسلمون عليه\
    مشعل- كيفكم
    الكل – بخير وانته
    مشعل- بخير
    عبدالله- هالحين لازم نلقى لك حل بنومك هذا
    سالم- وانت صادق ماادري كيف يكون ليله من نهاره دلوع امه
    الكل ضحك ومشعل تنرفزبس ماقصررد
    مشعل – اكيدموهي امي الله يخليهالي ولك يبه \مثل النغزه\
    سالم تلعثم – آه..........0اى وين القهوه
    القهوجي- سم طال عمرك

    في بيت ام سالم
    رجعت من مشوارها وتنادي علانوف
    نوف- سمي ياجده
    ام سالم- احد دق الباب
    نوف- لا ابد
    ام سالم – حطي العشاء لين اصلي وبجيك
    نوف-ابشري هالحين احطه
    بعدفتره
    نوف تطق باب الغرفه ماحد يرد تفتح الباب تلقى جدتها منسدحه وعليهاشرشف صلاتها
    نوف- جده يالله حطيت العشاء \غريبه ماتردعليهاموبعادتهانومها خفيف\
    نوف تهزها- جده جده قومي \لحياةلمن تنادي\
    نوف شكت وخافت- جده جده الله يخليك قومي جده ياجدتي جده\وتجلس تبكي\تذكرت ام سعود مافيه غيرها بسرعه تدق عليها

    في بيت سالم في الصاله
    دلال وعيالها راحوا مابقى غيربدريه وسالم وطلال التلفون يدق
    بدريه- الو
    المتصل- السلام عليكم هذابيت سالم
    بدريه- ايه لحظه
    تمدالتلفون علاسالم ومشعل نازل مع الدرج هالحين عادابتدت السهره
    سالم – هلا نعم اخوي
    المتصل- اخوي معك ادارة مستشفى الجامعي ويؤسفني ابلغك ان والدتك نوره بنت مبارك توفت [ ان لله وان اليه راجعون ]
    سالم بذهول-اييييييييييييييييييييييش ماتت \الكل انصدم\
    بدريه- مين للي مات
    سالم – خلاص خلاص الحين جاي وصكرالسماعه
    بدريه- مين مات
    سالم بحزن – امي ماتت امي طلال مشعل امشوا معي
    مشعل طلال – حاضر

  5. #5

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رد: رواية اصبعي و هو اصبعي إذا غدرني اقطعه ك٢٠١٤ كاملة

    مساء الخير ..
    هلآ فيكم وربي نورتوني يابنآت .. لبى قلوبكم يآرب على
    الردود لمشجعه .. اتوقف معكم بذكركم في نقآط مهمه مره
    انالحد الحين مذكرت كل العآئلات وبعض الاشخآص وآخر
    عآئله بذكرهم تقريبا في البآرت السادس مدري السآبع
    .
    لاني قاعده ادرجهم لكم ماابي اي حد يتخربط
    كل هدفي من هالروايه اني ابي مربط الفرس اللي هي نوف
    لان ( نوف تعيش في داخل كل وحده فينا ) والمقصود انا مانتشابه
    لا . بس نوف جمعت [ الطيبه . الغبآء . القوه . الكرآمه . الحنآن ]
    شخصيه معقده جدآ واتعبني التعآمل معها خفت ان اي حد يفسرها
    مثل مايبي
    .
    وآبي اذكركم في كل شخصيه بتمر فيها نوف
    .
    نمر لشخصية مشعل واللي للاسف محد فيكم حللها بما انه بطل
    الجزء اللي نزل وآتمنى اني الآقي تفآعل غير
    ارد لآهم نقطه واللي ذكرتكم فيها من البدآيه وهي سآلفة الردود
    لاتخلوني آندم وشوفوا ويش قلت ببداية كلآمي

    بنآت رجــــاء حـــآر اللي بتكتب ( يسلمو – مشكوره – روايه حلوه – متى البآرت
    لاتطولين علينا ) أنا أعفيهــا من التعليق على الروآيه ولاتستبعد حذف كلامها

    انا ماوضعت الروآيه واتعب عليها عشان أكافئ بهذه الطريقه الله يسعدكم يابنات
    لان سبب عزوف الكآتبات عن الكتآبه في منتدانا الغــــآلي هو طريقة تعليقكم
    وأنا من محبتي لغرآم ولبنات غرآم ماأقدر أترك هالمنتدى اللي انطلقت منه وأول
    منتدى عرفني على الروآيات

    ....
    وعلى العموم البآرت بينزل كل يوم [ اثنين _ وخميس ]
    العصر بعد القيلوله تلقون البارت جاهز لكم ومعاد فيه عذر لكل اللي تقول لاتطولين علينا اومتى البآرت

    قرقرت عليكم واجد ( سامحوني )

    مع أطيب الامنيآت بقرأه ممتعه
    .
    لااله الاالله

    ( تآبع الجزء الآول )

    في المستشفى
    نوف وام سعوديبكون وخلود زوجة سعود تهديهم
    سعود- خلاص يمه هذا اللي مقدرومكتوب
    سالم وصل هووطلال ومشعل
    سعود يمد يده – احسن الله عزاك بوطلال
    ام سعود- راحت راحت الغاليه مين بقالي اناوهالمسكينه
    سعود- يالله يمه مشينا\ورحوا\
    ام سعود – ونوف من تقعدعنده
    سعود – هذا عمها يمه يالله مشينامن نكون نحن لها(كل هذا دار بعيد عن مسامعهم )

    سالم- لاحوووول ولاقوة الابالله
    يناظرنوف وعرف انها بنت اخوه اللي عندامه
    سالم – طلال ود بنت عمك للبيت
    طلال ومشعل منذهلين عندهم بنت عم
    نوف- لالاابي بيتنا وابي جدتي ردوها لي
    مشعل- يبه ليه وين امها
    سالم – اصكت لاتفضحناامهاميته
    مشعل- يحوووول مسكينه
    لاتلومونهم مايعرفون عن بنت عمهم وجدتهم شي هذي تربية بدريه
    سالم – خلاص ودها بيت جدتها


    اليوم الثاني وصلوارشد وريم من اجازاتهم عشان ام سالم
    الناس والصحف تعزي بموت والدة اكبرتاجرعقاري سالم وبنتهازوجة الوزيربوعبدالعزيز
    ونسوا امرالمسكينه نوف
    بعداليوم الثالث اخيراتذكرها سالم
    في الصاله بدريه وعيالهم ودلال\
    سالم – حنا نسينا امربنت صالح وين بتجي
    بدريه- والمطلوب اكيد بتجيبهاعندي
    سالم- ايه وين بتروح تراها بنت يعني
    بدريه- انا عارفه عشان تبيع بيت امك
    سالم –اكيد هذا ورثي انا ودلال
    دلال صكتت
    سالم –ماعلقتي دلال
    دلال- شواقول
    سالم –وش رايك لازم تجي صح
    دلال- هذابيتكم وانامالي دخل
    سالم – بدريه وين تروح يعني
    بدريه- افففففففففففف وعيالي ماياخذون راحتهم يعني
    سالم – ابد ليه طلال وراشد موساكنين بحريمهم هاه
    طلال- يمه تراهامسكينه من لها
    بدريه- وش رايك مشعل انت ودنيا وراشد
    راشد- الله يحيها
    مشعل- كيفكم
    دنيا- اهم شي ماتقرب من غرفتي واغراضي
    دلال اعتذرت وراحت
    سالم- مشعل رح انت واختك جيبوها
    مشعل- افففففففف منها واناوشدخلني طلول يدل البيت
    سالم – وانا ظني قلت اسمك
    بدريه- لاتروح يمه اذاموبخاطرك
    مشعل ابتسم لامه اللي انقذته
    سالم – وانتي الى متى بتدلعين هالدلوع *وعصب*والله مايجيبهاغيرك فاهم ومن بكره
    اشوفك قدامي علاالدرج ولاوالله لاتشوف شي ماشفته سااااااااااااااااامع
    مشعل قمز- زين سامع سامع
    سالم- يالله خذالوصف من اخوك وروح جيبها انت واختك
    دنيا- لازم اروح يعني
    سالم –ايه ولاتجون الاهي معكم فاهميييييييييييييييين
    دنيا- طيب بس لاتعصب
    راح وخلاهم ومشعل خذى الوصف من طلال

    في بيت ام سالم
    نوف في غرفتهاتبكي وتتذكرجدتهاهي اكثروحده حزينه بفراقها
    فجاه تسمع الجرس يطق وخافت مين اللي يطق في هالوقت وفي هالليل
    عندالباب مشعل واقف عندالباب ودنيافي السياره خايفه
    مشعل واقف ويناظرفي اخته وهوخايف عليهامن هالحاره اللي تخوف
    نوف-ميييين
    مشعل-افتحي انا
    نوف- مين انت

    مشعل- اففففففف \ويطنزعليها\خايفه البرنسيسه من زين صوتهايلوع الكبد
    نوف سمعته وانقهرت منه- وشتبي
    مشعل-اففففففف ابوي يقولك لازم تطلعين وتجين عندنا
    نوف- مين هوابوك
    مشعل تخفف دمهاالاخت بتسوي نفسهامهمه-ابوي سالم ولوسمحتي استعجلي حنامستعجلين \وهويكذب بس هالحاره تخوفهم\
    نوف تفتح الباب وتشوفه معطيها ظهره ومتسندعلاالجدارولاف رجله علابعض
    \دليل علا الطفش\
    لف وجهه عليهاوبعصبيه- لوسمحتي لمي اغراضك وامشي انامشغول
    نوف – معك
    مشعل يطنز- لامع ابوي –وبصراخ-استعجلي بسررررررررررررعه
    نوف قمزت وبعناد- مابي اروح معك
    مشعل- من زينك عاد\وهومقهورمنها\لاتلومونه تربية بدريه مايحترمون من هم اقل منهم
    نوف انذهلت من اسلوبه ومطت عيونها
    مشعل يلف وجهه وياشرلاخته تنزل ونزلت دنيااقتربت منهم
    مشعل- يالله هذي اختي روحي وخلصيناواطمني هالحين اختي معك \محاوله للاعتذار\
    نوف- بس انامابي اروح معكم اناابي اجلس هنا
    \نوف خافت منهم اذاهذااسلوب ولدهم وهوشاب فكيف الباقين\
    مشعل – دنيا بلغي ابوي بكلامها
    دنيا- طيب \وتدق علاابوها\
    سالم – نعم يبه
    دنيا- يبه البرنسيسه ماتبي تروح عزمنا ومارضت ماباقي غيرك اعزمها يمكن ترضى
    نوف انذهلت من اسلوبهم من أي عالم جايين
    سالم- عطينيها اشوف سالفتها
    دنيا- خذي ابوي يبيكي
    تاخذ التلفون وهي خايفه بس تبي تسوي عندهم قويه
    نوف –الو\وهي خجوله\
    سالم – ليه حضرتك ماتبين تجين معهم
    نوف وبتصنع القوه- ابي اجلس ابيتناعمي
    سالم- اسمعي علم يوصلك ويتعداك والله ان ماجيتي هالحين معهم لاجي واجرك من شعرك
    نوف تسمع وبدون شعوردموعهاتصب عطت الجوال دنيا وراحت تركض

صفحة 1 من 22 12311 ... الأخيرةالأخيرة

المواضيع المتشابهه

  1. رواية وش سويتي فينا يا بنت كاملة ٢٠١٤
    بواسطة موكاتشينو في المنتدى قصائد وخواطر
    مشاركات: 60
    آخر مشاركة: 07-07-2014, 01:59 AM
  2. رواية أنت اناني اطلع من حياتي وأنساني كاملة ٢٠١٤
    بواسطة موكاتشينو في المنتدى قصائد وخواطر
    مشاركات: 176
    آخر مشاركة: 01-06-2014, 01:19 AM
  3. رواية جرحني وصار معشوقي كاملة ٢٠١٤
    بواسطة موكاتشينو في المنتدى قصائد وخواطر
    مشاركات: 72
    آخر مشاركة: 21-04-2014, 09:56 PM
  4. تحميل رواية خطر في إند هاوس ٢٠١٤ , رواية بوليسية روعه ٢٠١٤
    بواسطة موكاتشينو في المنتدى قصائد وخواطر
    مشاركات: 0
    آخر مشاركة: 05-03-2014, 09:57 AM
  5. مشاركات: 0
    آخر مشاركة: 01-03-2014, 09:52 AM

الكلمات الدلالية لهذا الموضوع

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52