صفحة 1 من 18 12311 ... الأخيرةالأخيرة
النتائج 1 إلى 5 من 90

الموضوع: رواية حالة عشق كاملة ٢٠١٤ , روايه جنان

  1. #1

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رواية حالة عشق كاملة ٢٠١٤ , روايه جنان

    بسم الله الرحمن الرحيم

    رواية حالة عشق كاملة ٢٠١٤ , روايه جنان

    للكاتبة

    .| هذيان صمت |.


    رواية بحرينية

    الجزء الاول


    في احد الفنادق الراقية في احدى الغرف
    جسوف سكر الجوال بابتسامة و راح يغير ملابسه
    جسوف عمره 24




    و في مطبخ الفندق


    ام لياج تقطع بعض الخضراوات و لياج تساعدها راسيل نزلت الهاتف الخاص بالمطبخ و طالعت لياج
    راسيل : لياج مدير المطبخ يقول بنت ام لياج تودي طلبات الغرف اليوم
    لياج : بس شغلي اساعد داخل المطبخ ما اطلع برى
    راسيل : المدير يقول ان في غياب بعض بنات التوصيل و ما راح يلحقون الطلبات كثيرة اليوم
    و رن الهاتف شالته راسيل و قالت
    راسيل : مطبخ الفندق نعم دقايق استاذ
    بعدت السماعة و قالت
    راسيل : لياج المدير يبيج
    لياج اخت السماعة بارتباك و قالت
    لياج : نعم استاذ ( و بضعف ) ان شاء الله مثل ما تآمر مع السلامه
    و سكرت السماعة
    ام لياج : شنو شقال المدير
    لياج بضيق : قال لازم اقوم بشغل التوصيل اليوم بسبب الغياب
    راسيل بابتسامة : احسن لج من المطبخ صار لج فترة و ما تتطلعين احسن تغيرين ديزاين المطبخ شوي روحي بالهواء العليل
    ام لياج : يلا بنتي قومي بشغلج ليش الضيق احسن لج تغيرين جو المطبخ مثل ما قالت راسيل ما راح تتأخري نزلي الطلبات و تعالي
    لياج بضيق : طيب
    راسيل : اخذي لياج ودي طلب غرقة رقم ....
    لياج اخذت الصينية و راحت ...
    لياج عمرها 17



    لياج تمشي بالممر لابسة بنطلون ازرق غامق مع قميص ابيض القميص داخل البنطلون فاتحة اول زرارين و على القميص قطعة تختلف تسميتها اللي تكون بدون اكمام و توصل لين الخصر و فتحة الرقبة تكون واسعة بشكل مثلث و شعرها البني الى ربع ظهرها و مخلتنه على ورى و لابسة تاج خفيف جدا بالكاد يتلاحظ
    وقفت عند الغرفة و ضربت الباب بخفة
    : تفضل
    لياج فتحت الباب و دخلت لقت شخص كبير بمثابة ابوها نزلت الصينية و وقفت باحترام
    لياج : اي خدمة ثانية استاذ
    الشخص بوقار : لا بنتي مشكورة الله يعطيج العافية
    لياج بابتسامة : العفو الله يعافيك بالاذن
    و طلعت وصلت المطبخ قبل ما تكمل دخولها اعطتها راسيل صينية
    راسيل : وصليه غرفة رقم ...
    لياج و هي تاخذها : ان شاء الله
    و طلعت صعدت الدرج مشت بالممر و راحت للغرفة ضربت الباب بخفة
    جسوف ابتسم و راح للباب فتحه و تأملها بنظرة
    لياج رفعت راسها بهدوء لقت شخص فتح الباب
    جسوف حسن ان قلبه طلع لما رفعت راسها
    لياج بهدوء و نبرة ناعمة : عفوا توصيل الطلب
    جسوف ابتعد شوي عن الباب و حرك يده بمعنى تدخل
    لياج دخلت باستغراب جسوف سكر الباب و لف يطالعها نزلت الصينية على الطاولة و لفت باحترام
    لياج : اي خدمة ثانية
    جسوف و هو يتأملها بتمعن تقرب قليل باتجاهها خافت ارتبكت و تحركت عدته و مشت للباب جسوف لف و هو يطالعها تمشي للباب و هو مبتسم ..
    لياج طلعت من الغرفة و هي تنتفض منه حاولت تهدي نفسها قبل ما توصل المطبخ دخلت المطبخ بهدوء رغم انها مرتبكة



    و بعد فترة



    ام لياج : لياج تعالي أخذي هذا الطلب للحديقة رقم الطاولة ...
    لياج بهدوء : ان شاء الله يمه
    اخذت الصينية و مشت ظلت تمشي لين وصلت للحديقة و وصلت لرقم الطاولة وقفت
    لياج بابتسامة صغيرة : عفوا الطلب
    الشخص المشغول بجهاز اللابتوب طالعها و ابتسم
    نزلت الطلب من الصينية و نزلت و خصلات شعرها بشكل سريع و جسوف واقف يناظر نظرات الشخص المتفحصة و مقهور
    لياج و الصينية بيدها و بابتسامة صغيرة : في اي خدمة استاذ
    الشخص و هو يناظرها بتفحص : لا مشكور يا جميل
    لياج مشت بهدوء و ثقة و داخلها مقهورة من التعامل و مو عاجبها الوضع و هي تمشي شافت جسوف واقف يطالعها تعدته بهدوء و هو للحين عينه عليها ..



    ــــــــــــــــــــــــــــــــــــــــــــــــــ ــ



    اليوم الثاني مدير المطبخ زار المطبخ و صرح لـ لياج بانها راح تقوم بتوصيل الطلبات سواء للغرف او للحديقة بالتعاون مع زميلاتها لان كذا بنت توقفوا عن الشغل و قل العدد لياج ما عجبها الوضع لانها كانت متواجدة تحت مسمى مساعدة بالمطبخ بجانب امها اللي تكون وحدة من الطباخات إلا انها وافقت و ما اعترضت بوسط موافقة امها و حاولت تنسى و تعدي تصرفات الناس لانها متاكدة ان مثل هالتصرفات ما تخلص و راح تشوف اشكال و الوان المهم انها ما تسكت لهم ..



    بالصباح و على احد الطاولات فيها ثلاث بنات لياج واقفة جنب الطاولة و جنبها شاب معاه صينية كبيرة نوعا ما و هي تنزل كل طلب قدام صاحبته بابتسامة صغيرة و خصلات شعرها تتحرك بهدوء
    لياج بهدوء و صوت ناعم : اي خدمة ثانية
    البنات : شكرا اختي , يعطيج العافية , لا مشكورة
    مشت مع الشاب اللي معاها
    الشاب : مو كأن اليوم برد
    لياج بابتسامة : الجو حلو اليوم
    الشاب بابتسامة عريضة : و الله انتي الاحلى
    لياج : احلف عاد لا تقول
    الشاب : هههههههه حرام عليج تراني امدحج
    و عين جسوف تراقبها و تتمعن فيها من اول يوم شافها فيه و من اللي صار قبل مدة ..



    و بعد فترة ..


  2. #2

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رد: رواية حالة عشق كاملة ٢٠١٤ , روايه جنان

    جسوف جالس بأحدى الطاولات بحديقة الفندق و يحوس بجواله و عينه ترتفع كل شوي .. لياج طالعت رقم الطاولة و قالت بنفسها ( اننا لله و انا اليه راجعون ) تقربت من الطاولة و بدون كلام مثل عادتها مع اي شحص و بسكوت مسكت الصينية بيد و باليد الثانية تنزل الطلب و بدون ما تتطالع وجهه .. جسوف يطالعها بتمعن و تأمل و عينه تلمع
    و هي تنزل كوب العصير على الطاولة جسوف بسرعة حط يده على يدها اللي ماسكة الكوب
    جسوف بهمس يوتر : ممكن اعرف اسمج
    لياج بسرعة و عنف شالت يدها و طالعته
    لياج بقهر و عصبية واضحة : يا قليل الادب يا عديم السنع احترم نفسك يكون افضل فاهم
    و مشت بقهر واضح
    جسوف ابتسم بقوة على ردة فعلها و بدأ يركز على كل حركاتها و تعاملها مع اي احد ( على الرغم من انه يعرف اسمها بس علشان يكتشف اكثر )
    لياج بنفسها ( عديم الادب التافه يفكر اني من نوعيته باخذ و بعطي معاه اوووف )
    لياج دخلت المطبخ و تقربت من الطاولة و نزلت الصينية لراسيل
    لياج : تفضلي
    راسيل : لياج هذا طلب لطاولة رقم ... وصليه و ارجعي
    لياج : ان شاء الله يا اختاه تآمرين
    راسيل بابتسامة : مو وقتج الطلبات مليانة
    لياج بضحكة : اوكي يا طلبات مليانة
    و مشت و وراها الشاب و عنده صينية
    الشاب : يا حلو عطنا وجه
    لياج بابتسامة : ما راح افيسك زين
    الشاب باتسامة : افا الحلو زعلان علينا
    و مشوا و هم يسولفون لين وصلوا للحديقة
    جسوف شاف لياج تمشي بالطلب ابتسم و تم يطالعها و يراقبها تبتسم بوجه الناس .. صديق جسوف ليث جلس على الطاولة
    ليث : السلام عليكم شخبارك
    جسوف و هو يطالع قدامه يطالع لياج : تمام انت شخبارك
    ليث : تمام و عال العال و لف يدور على (قرصون) و شاف لياج تاخذ طلب طاولة ثانية
    ليث بهدوء : لو سمحتي
    لياج لفت طالعت ليث و قالت ان شاء الله .. و كملت كتابة الطلب و مشت لطاولة ليث رفعت راسها شافت جسوف يطالعها طالعت ليث
    لياج بابتسامة : نعم تآمر على شي
    ليث استغرب من لباقة البنت و طالع لست الطلبات
    جسوف يطالع لياج بابتسامة مثيرة و هي عندها الدفتر الصغير و الورقة و القلم و ماسكة القلم بطريقة حلوة و متجاهلة تماما وجوده و تناظر بالشخص الثاني اللي هو ليث
    ليث رفع راسه لها و قال : فطيرة بالجبن و عصير برتقال اذا سمحتي
    لياج و هي تكتب ابتسمت و قالت : اي خدمة ثانية
    ليث : لا و الله مشكورة
    لفت لياج و راحت
    ليث : ها شعندك قاعد بهالفندق و بعدين ليش تبيني
    و كملوا سوالف مع بعض ...
    لياج طالعت راسيل و قالت : راسيل ودي هالطلب عني و انا راح آخذ مكانج
    راسيل : هذا آخر طلب توصليه و بعدها بآخذ مكانج
    لياج : اوووف طيب
    اخذته و راحت


    مشت للطاولة و تحاول تتجاهل عينه نهائيا وقفت نزلت الكوب جنب ليث و رفعت يدها مسحت جبينها بتعب جسوف طالعها باهتمام و حس ان فيها شي نزلت الصحن من الصينية حست بضباب قدام عينها حطت يدها على الطاولة بتعب و عينها مغمضة بلحظة و بثانية وقف جسوف بسرعة لما حس انها راح تتطيح إلا ان الشاب تقرب بسرعة و حط يديه حول خصرها و رفعها بخفة و استند راسها على صدره و هي غايبة عن الوعي انقهر جسوف لما شافه مسكها و مشى ..
    ليث : شكلها تعبانه بس من هيئتها كأنها صغيرة على الشغل بفندق
    جسوف ما عرف يقعد و هو مو عارف وش فيها و الاكثر من هالشاب اللي مسكها حس بالقهر ياكله و قلبه يحترق و قام من مكانه و هو يقول : راجع لك ..


    الشاب دخل المطبخ و هو ماسك لياج ام لياج من شافت بنتها وقفت و راحت له و هو يخليها على الكرسي و كل اللي بالمطبخ وقفوا يشوفون وش صاير ( المطبخ كان كبير و فيه زوايا كثيرة و متباعدة عن بعض قليل لكل زاوية شغل خاص , كان في عدة اشخاص بس مو كثير و اعمارهم متفاوتة سهير اكبر من لياج بسنة و هي صديقتها و في كذا بنت اعمارهم متفاوتة و بينهم سنوات قليلة و في كم حرمة كبر ام لياج (37) و كذا شاب ايضا اعمارهم متفاوتة , و جميعا متعاونين و طيبين و يعتبرون انفسهم اخوان )
    ام لياج بخوف : وش فيها لياج ( و تضرب على خدها و تقول ) لياج يمه لياج وش فيج يا يمه حبيبتي
    الشاب : ما فيها شي لا تخافين بخير هاتوا ماي بسرعة
    راسيل و هي جاية بكوب ماي قالت بخوف : نادر وش فيها لياج
    الام اخذت الماي و مسحت على وجه لياج و بدت تفتح عيونها
    نادر : ما فيها شي يمكن شوي تعب لانها ما تاكل و ما كلت شي من الصبح رايحة جاية
    راسيل تقربت من لياج
    لياج بتعب خفيف : يمه ما فيني شي عادي
    ام لياج : ما يصير يمه ما كليتي شي من الصبح مو زين شفتي وش صار
    راسيل : انتي ما تتركين العناد يا اختي زين جذي خوفتينا عليج
    لياج : كاني بخير و ما فيني شي ( و بنبرة متغيرة قالت ) : من جابني هنا
    راسيل : نادر جابج يلاا قومي غسلي و ارتاحي
    لياج براحة بعد ما جاوبتها راسيل : طيب
    ساعدتها راسيل تقوم و نادر يطالعها قرص خدها و قال بابتسامة : يا انج دلوعة يا نعومة
    لياج ضحكت بخفة : بعد زين
    ضحك نادر و البقية يقولون بطيبة : ما تشوف شر ام لياج , الحمدالله على سلامتها .....



    بعد فترة ..



    بالمطبخ الكل لاهي بشغله
    بنت تتطلع و بنت تدخل
    شاب يعطي شاب الطلبات و الثاني يطلع يوصلها
    بنت تعطي راسيل اوراق الطلبات و راسيل تاخذ الصواني من الطباخات الامهات و جميع الزوايا مشغولة
    و وسط هالضجة


    لياج لابسة البنطلون الازرق مع القميص الابيض و القميص داخل البنطلون و فوق القميص القطعة اللي بدون اكمام و فاتحة زر واحد من القميص و اكمامها ثانيتها بعد المعصم بقليل و حول يدها اسوارة خفيفة جدا جدا و شعرها البني مفتوح و عاملة فرق على جنب و غرتها الطويلة كل شوي تنزل و ترفعها .. نادر واقف بلبسه مثل اللبس و الاختلاف في كرفت ازرق ثانيه بس مو مشدود ينتظر الطلب و مستند بظهره بحافة الطاولة و لياج واقفة قباله بوجهه
    نادر بضحكة : بعدي خنقتيني
    لياج بضحكة و هي ماسكة كرفت نادر و قريبة منه : لين تتأدب و تجوز عني
    نادر بضحكة : طيب يا عيوني
    جسوف وقف عند الباب بعد ما احترق باللي عرفه ان هالشاب مو اخوها و لا يقرب لها .. وقف و طالعهم و هو منقهر من داخل على كلام الشاب معاها
    نادر بجدية : طيب حبيبتي افتحي زر من القميص لا تختنقين ( و بضحكة ) لا تتطيحين غشيانة ( و مد يده لياقة القميص و فتح الزر الثاني )
    لياج بعد ما فتح الزر نادر و هي تضحك بنعومة مسكت يد نادر و بعدتها : بعد ما راح يصيدها شي
    انقهر بعد حركة الشاب كان وده يعلمه الاصول معاها و ما يلمسها

    : الله يعطيكم العافية

    الجميع سكت و وقف لوجوده و ردوا بهدوء : الله يعافيه , الله يسلمه , تسلم , ....
    نادر وقف ضحكته لـ ابتسامه و ناظر الشخص
    لياج خفت ابتسامتها و لفت معاه بهدوء و شافت جسوف و هدأت ملامحها و عطره الرجولي سيطر على المكان

    واقف لابس بنطلون جينز ازرق فاتح و تيشرت بني فاتح مع جاكيت شتوي ( مو الجاكيت حق اللبس الرسمي ) باللون البني الغامق و يدينه بجيوبه

    تقدم شخص ( 39) و يكون ولد عم ام لياج و هو المشرف تقريبا بالمطبخ اللي ياخذ التعليمات من مدير المطبخ .. تقدم لـ جسوف و قال باحترام : الله يعافيك استاذ جسوف الله يسلمك يتفضل
    جسوف بابتسامة مثيرة و وسامة مفرطة بالغة مع شعره اللي يوصل لرقبته بشكل جذاب و بصوت احترام
    للشخص اللي جنبه : الله يخليك و يعطيك الصحة و العافية اشلونك ابو جوانا ؟ ( و هو يمد يده للسلام ) ..

    ( الجميع استغربوا من الشخص يسلم على ابو جوانا باليد ؟! و الاكثر من هذا انه لو مو من اصحاب الفندق ما نزل المطبخ و هم للمرة الاولى يشوفونه )

    ابو جوانا باحترام للشاب الخلوق و يشد على يده : الله يسلمك و يحيك استاذ جسوف
    جسوف : عساك طيب بس وش علومك
    ابو جوانا بابتسامة : طيب طاب حالك انت شخبارك
    ( علامات تعجب على راس الجميع .. او جوانا يقوله استاذ جسوف و استاذ جسوف يسأل عن اخبار ابو جوانا و ابو جوانا يسأل عن اخبار استاذ جسوف ؟! )
    جسوف بابتسامة مثيرة تجذب : طيب بطيبة حالك الله يسلمك
    و طالع الجميع و قال بنبرة رجولية : شخباركم وش مسوين عساكم طيبين و مرتاحين

    ( لياج واقفة متوترة و ما تعرف سبب توترها و يدينها ببعض)

    الجميع باحترام و وصوت هادئ (ما عدا لياج) : الله يسلمك , الله يخليك , الله يعيطك العافية , بخير عساك بخير , .....
    جسوف مشى خطوتين و معاه ابو جوانا
    جسوف و هو يطالع الجميع بابتسامة صغيرة : كملوا شغلكم الله يعيطكم العافية ما له داعي تعطون شغلكم بوجودي
    كمل الجميع شغله ما عدا لياج و نادر ينتظرون الطلب

    ( علامات تعجب ضربت الجميع ؟؟! مو متعودين ان يجي شخص ( اذا كان مهم ) يقول لهم كملوا الشغل و هو موجود بالعادة يكلمهم بحدة و يقول يوقفون شغلهم علشانه موجود لحترامه )


    جسوف قال كلامه و طالع ابو جوانا و قال : عسى كل شي تمام و الكل مرتاح
    ابو جوانا : الحمدالله رب العالمين كل شي تمام و ماشي بخير
    جسوف ببحة توتر و تخلي القلب يضرب : من من الموظفات تعبانة اليوم ؟
    لياج ارتبكت و نزلت عيونها عن وجهه رغم انه ما طالعها
    ابو جوانا : الله يسلمك هذي لياج تعبانة تعب بسيط ما عليها شر و طالع لياج

    جسوف طالع لياج و عينها تحت و بنبرة توتر و بحة تربك و تحرك الداخل : الحمدالله , شفيج شخبارج الحين ؟
    لياج بربكة و صوت متقطع و متوتر : مـ ما فيني شــي ااحم
    جسوف بابتسامة و نبرة خاصة و رجولية : ما عليج شر
    لياج بهمس : الـ الشـر ما يجيــ ـ يك
    دخل احد الشاب اللي يوصلون الطلبات شاف جسوف واقف و وقف .. جسوف طالع الشاب و ابتعد و قال يتفضل .. الشاب باستغراب و بدون ما يرد ..

    ( علامات التعجب رجعت للجميع ..؟ يتحرك باحترام و يبعد الطريق للموظف و يقوله يتفضل ؟! )

    جسوف : الله يعطيكم الصحة و العافية ( و طالع ابو جوانا و قال ) عموما اذا احتاجوا اي شي يخبره و يا الله مع السلامة
    ابو جوانا يوصله للباب و هو يقول : الله يسلمك استاذ
    لياج رفعت راسها بتوتر و هي تتنفس بهدوء
    ابو جوانا و هو يرجع لشغله : يا جماعة ترى هذا الاستاذ جسوف اشترى نصف الفندق و حل محل ابو حكيم ( ابو حكيم كان له نصف الفندق بشراكة مع شخص اسمه ابو سامر )
    ام لياج : الحمدالله الدنيا نصيب و شكله افضل من ابو حكيم الله يهديه كان دايم متنرفز و يصارخ
    نادر : اقول عمي الحين الاستاذ جسوف له نص الفندق و ابو سامر النص الثاني
    ابو جوانا و هو يقوم بشغله : اي يا بوك له النص و ان ما خاب ظني تراه معزم يشتري النص الثاني من ابو سامر
    شاب من الشباب : تعرف نادر لو ياخذ النص الثاني احسن ابو سامر ما ادري على شنو شايف نفسه
    نادر بضحكة : اي و الله على الاقل يجينا شخص يخاف الله مو طالع بأوامر داخل بأوامر مثل وجهه
    الشاب و هو ياخذ الصينية : شكله خلوق و طيب ما شفته اشلون يكلمنا و لا لما ابتعد عن الطريق عشاني يقولي اتفضل استغربت
    نادر ياخذ الصينية الثانية من راسيل بضحكة : ما ادري عنك حتى ما رديت عليه بكلمة
    ابو جوانا : اشتغلوا شباب بلا هذرة
    الشاب باحترام : ان شاء الله عمي


    لياج اخذت الصينية و طلعت بتوصل الحديقة وقفت و هي تشوف جسوف يمشي و يلبس نظارته بحركة حلوة و رايح جهة الباب شكله بيطلع من الفندق .. خلته يروح و راحت توصل الطلب و هي تفكر ( ليش اختبصت توترت و ما عرفت وش اسوي . . ليش ارتبكت لما دخل عندنا المطبخ و ربي لما تكلم بصوته حسيت برعشة و خوف ما ادري ليش ... بس وسيم التافه ..//

    ..|
    انتهى الجزء الاول

  3. #3

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رد: رواية حالة عشق كاملة ٢٠١٤ , روايه جنان

    الجزء الثاني



    في المطبخ



    لياج دخلت المطبخ و هي تعطي راسيل ورقة الطلبات و طالعت امها بلمعة عين

    لياج بتفكير و تتكلم بنفسها : الله يهديك يا يبه ليش رحت و خليتنا اشاون تسافر فجاة و تروح ,, صحيح ما تدري عنا و لا معنا بمثل البيت بس على الاقل وجودك بمثل المنطقة راح نحتاجك اذا حصل اي شي لنا .. اشلون رضيت تخلي زوجتك و بنتك و تروح ,, لياج وش هالكلام هو تاركنا من زمان و مو داري عنا لكن وجوده غييير على الاقل موجود اذا احد تعرض لنا او احتجنا شي الله يهديك بس رضيت زوجتك و بنتك يشتغلون و انت متفرج جالس في بيتك و ما عندك مانع و ما تحرك شي بداخلك بنتك بنت الــ 17 تشتغل و في مطبخ فندق توصل طلبات و تخدم زباين و زوجتك اللي قضت معاك نص حياتك ترضى عليها تشتغل طباخة بمثل الفندق حتى لو انت هاجرنها بس تظل زوجتك الله يهديك بس الله يهديك ..

    راسيل بصوت عالي : هلووو وينج انتي اتكلم معاج
    و لفت على نادر : نادر غرفة 000 )
    و طالعت لياج : يلاا لياج غرفة رقم 000

    لياج اخذت الصينية بهدوء و راحت و هي تمشي بطريق جناح الغرف كان في شباب جالسين في احدى جلسات الكراسي و هم يناظرونها و هي عقلها بعيد , وصلت الممر و فجأة وقفت اتذكرت ان راسيل قالت غرفة رقم 000 ضاق خلقها لما عرفت انها غرفته و هي ما لها خلق لحركات ما لها داعي سمت بسم الله و ضربت الباب بخفة ..
    جسوف : تفضل
    لياج فتحت الباب بهدوء دخلت بدون ما تناظر هو وين او وين موقعه بالغرفة عينها على الطاولة من فتحت الباب مشت بهدوء نزلت الطلب على الطاولة و لفت و بيدها الصينية و تظن انها راح توصل للباب ..



    ,,,,,,,,,,,



    راسيل اعطت احدى الصواني لشابة و هي تلتفت
    راسيل : إلا ما شفتي لياج
    البنت و هي تاخذ الصينية : لا و الله ( و مشت
    راسيل تلتفت بزوايا المطبخ و تقول بنفسها : ( وينها اساسا لو رجعت كان جات هذي الزاوية علشان الصينية ؟ وينها هذي ! )
    ام لياج : نادر الله يعافيك روح المخزن و هات صندوق جزر بس الحجم المتوسط مو الكبير
    نادر باحترام تام و ابتسامة : ان شاء الله تآمرين

    نادر مشى ناحية باب المطبخ طلع و اخذ جهة اليمين لباب المخزن قبل ما يفتح الباب التفت الى لياج بتدخل ممر المطبخ بملامح متغيرة شافها دخلت المطبخ بدون ما تتطالعه رغم انه كان قدامها استغرب و دخل المخزن على انه راح يكلمها بعدين ..

    لياج اعطت الصينية راسيل بتوتر
    ابو جوانا و بيده الورقة : يبه لياج انتي مع (عدد اسمء بعض البنات) رحوا الطلبات اللي بالحديقة و طلبات جلسات الكراسي و المجموعة اللي هناك عندهم خبر بالتبديل جايين
    لياج رغم توترها و رجفتها قالت باحترام : ان شاء الله عمي
    ابو جوانا للمجموعة : يلا يبه يا عمي توكلوا الله يوفقكم غطو فراغهم قبل ما يجون
    و راحت المجموعة بما فيهم لياج و بطريقهم لقوا المجموعة اللي هناك جاية تاخذ اماكنهم
    لياج تمشي و يدينها بجيوبها و تفكر باللي صار


    ،،،،،،،،،،،


    بغرفة جسوف قبل ما تنزل لياج


    لفت و بيدها الصينية و تظن انها راح توصل للباب حست فيه وراها و انفاسه قريبة من خدها
    جسوف واقف وراها و راسه مائل على خدها و بهمس : انتي ليش اذا تشوفيني تتوتري بارتباك
    حست قلبها يرتفع و ينزل من دقة همسه
    تابع نبرته : ليش تتحاشي نظرتي ليش تتهربي من عيني هممم
    مشت بسرعة و فتحت الباب و طلعت حست انفاسها بتنقطع حطت يدها على قلبها تهدأ من روعتها


    ] هذا وش قصده و ليش يسوي معاي جذي ليش
    ليش مستقصدني بالذات
    اعتقدت بداية حركاته اني راح افتك منه و ما اهميت لامره
    بس هو على شنو يلمح ..
    شنو لياج بتجذبين على نفسج
    يعني اللي قاله مو صحيح
    احمم هو انا فعلا ارتبك و اتهرب
    لياج وش تقولين ما صار يومين من عرفتيه
    صرتي ترتبكي و تتهربي منه و من نظراته
    الله يكون بعوني بس
    اللله يساعدني [



    لياج واقفة جنب جلسة من جلسات الكراسي و تكتب الطلبات بالورقة

    بالوقت اللي جسوف نازل و هو يمشي شافها واقفة و هو يتقدم اكثر و هي تمشي بتروح المطبخ
    نادر يمشي ناحية لياج و وقف جنبها
    نادر بسرعة بالكلام و هو يعطيها صينية : حبيبتي اخذي الطلب للجلسة رقم 00 و هاتي الورقة اوديها المطبخ مع طلباتي
    لياج اخذت الصينية بابتسامه و هي تعرف قصد نادر انه ما يبي يتعبها رايحة جاية
    لياج مبتسمة : تعرف عاد اني احبك
    نادر بابتسامة واضحة : ادري انج تحبيني
    مشت لياج ناحية الجلسة و هي تنزل الطلب للطاولة


    جسوف تسمر مكانه و هو يسمع و هو عارف انهم ما انتبهوا لوجوده
    ( يعني شنو
    تحبه مثلا
    و يحبها ؟؟!! )
    مشى بضيقة و قهر و هو يطلع برى الفندق




    ,,,,,,,,,




    لياج بعد ما نزلت الطلب راحت ماشية للمطبخ بما ان ما في طاولة طلبت
    شافت جسوف يدخل من المدخل و هو يمشي و يطالع قدام
    جسوف و نظره الى الامام : تعالي وراي
    لياج استغربت بخوف
    إلا ان شابين جلسوا باحد الطاولات القريبة
    الشاب الاول : لو سمحتي اختي

    لياج ما قدرت تتطنشه و تمشي ورى جسوف
    راحت للطاولة و هي ترجف
    لياج : اي خدمة
    و رن جوال الشاب الاول
    الشاب الاول باعتيادية : امممم ثواني
    الشاب الثاني و هو يناظرها : قهوة سادة
    وقفت تنتظر مو من الصحيح ان تمشي و تخلي الشخص
    الشاب الاول : سوري ااآآ عصير ليمون بدون ...
    قاطعه الشاب الثاني : الحين راح يقول بدون سكر
    و طالع لياج و قال : ما عليج عصير ليمون بسكر
    الشاب الاول : و انت وش عليك بسكر الله يعافيج

    ابتسمت لياج بمجاملة و مشت للمطبخ تقدم الطلب و ما عندها نية تروح لجسوف


    ( يعني شنو يقولي تعالي
    وش فاكر نفسه هذا
    يولي زين )


    و دخلت المطبخ و اعطت راسيل الطلب

    لياج بسرعة : رسليه مع المجموعة اللي عندج راح اروح الحديقة
    راسيل : طيب طيب روحي
    لياج طلعت للحديقة و بدأت تاخذ الطلبات تسجلها و تعطيها احد الشباب يوصلها المطبخ و يرجع بالطلب دامها متواجدة للتسجيل
    جاها احد من الشباب و بيده صينية : لياج راسيل تبيج ضروري بالمطبخ و ارسلتني مكانج
    لياج باستغراب : طيب
    و راحت للمطبخ
    لياج : شنو وش تبين
    راسيل تقدمت ليها و اعطها صينية صغيرة فيها كوب قهوة : لياج اخذي الطلب لغرفة 000
    لياج : نادر خذها انت احسن و انا ....
    راسيل و بيدها الصينية تقربت لاذن لياج : الاستاذ اتصل و طلبج بالاسم روحي و بعدين نتكلم لا يحس نادر بشي يلاا
    لياج طالعت راسيل بخوف و اخذت الصينية
    انقهرت منه و من حركاته بس حاولت تهدي نفسها


    و هي تمشي بتوتر و بيدها الصينية اللي تحركت شوي و انكب القهوة على الجوانب و نزل بصحن الكوب بشكل قليل إلا انه يتلاحظ
    ضربت الباب بخفة


    : تفضلي
    حست بصعوبة ( شنو تفضلي الاخ واثق ان انا اللي على الباب )

    فتحت الباب و دخلت طاحت عينها عليه و هو جالس قدامها على الكرسي و قدامه الطاولة و يناظرها
    لياج نزلت كوب القهورة على الطاولة و ارتفعت بتمشي
    جسوف بصوت رجولي : وقفي
    وترها صوته اكثر
    وقفت و لفت و هي ساكته و تناظر بالكوب
    جسوف بهدوء : شنو هالحركة ؟
    لياج : ........
    جسوف : صاحب الفندق يطلب من موظفته تجي و تتطنش !
    لياج بدت اصابعها ترجف و هي ماسكة الصينية
    جسوف بنظرة تأمل : او راح نقول يأمر موظفته
    حست بشعور غريب إلا انها سكتت و ما ردت
    جسوف وقف و تعدى الطاولة
    لياج انتبهت و رجعت على ورى
    جسوف : احم انا اسأل يا شنو اسمج ؟
    لياج رموشها تتحرك باستمرار : لـ لياج
    و بارتباك وضاح على صوتها : لو سـ سمحت انا عندي شغل لازم اقوم فيه و مكاني خالي
    جسوف بنظرة خاصة تقدم منها و وقف قدامها
    جسوف بهمس : و اذا ما سمحت
    لياج ما قدرت تتحرك او ترجع لورى او حتى تفكر انها تتطلع حست انها متجمدة
    جسوف غير دفة الكلام و قال : وش يقرب لها نادر
    استغربت سؤاله على حركاته على وقوفها بغرفته
    رفعت راسها له بقهر واضح على ملامحها
    لياج بصوت عصبي إلا انه باحترام : لو سمحت ممكن اعرف ليش ؟!
    و بعدين مع احترامي انت من علشان تسألني و تحقق معاي
    انا موظفة بالفندق اللي انت صاحبه ما عليها كلام
    اما انت تتطلب مني اجي و بتأكيد بهاتف المطبخ و تسأل عن خصوصياتي
    هذي شنو اشلون افسرها يعني ؟!
    و رجاءا يا صاحب الفندق اتركني بحالي
    و لفت بتمشي رغم انها قالت كل هالكلام و هي مرتبكة بس ما راح تعدي اي شي يسويه بحجة انها موظفة عنده
    جسوف تحرك ورها مد يده و لفها حول خصرها و صدم ظهرها بصدره
    طاحت الصينية و خافت و بدأ قلبها يضرب بقوة فظيعة لما حست بيده تلتف حول خصرها بالكامل
    تحركت بقوة تبي تخلص نفسها منه
    إلا انه مثبتنها قدامه رغم انه ماسكها بيد وحدة
    بدأت دموعها تنزل : اتتركنييي بعد عنيي و هي تتحرك
    جسوف بدون اهتمام لحركتها و ببحة رجولية : مو مجبور اوضح لج بس تعرفي ليش رجعت رغم اني طالع من الفندق و قرب راسه من اذنها
    و بهمس : من هذا نادرعلشان يقولج حبيبتي و تقولي له احبك
    لياج بضعف : اتركني بعددد
    شد اكثر عليها و اصابعه تتملك وسط بطنها و انفاسه على وجهها من جانب
    جسوف : ليش ترتبكي مني لدرجة و انتي جايبة القهوة تتحرك بيدج
    لياج و هي تتحرك بقوة من قربه و ملاصقته لها من ورى
    شد اكثر يقربها بسبب تحركها
    و بنبرة واضحة مقهورة : ليش طولتي على طاولة الشباب
    و شد اكثر و يواصل كلامه : لما اناديج تجي عندي و تتركي اللي بيدج
    لياج و دموعها تنزل و تبعد يده بقوة و تحرك راسها : اتركني بعدد عني اتررركنييييييييي
    جسوف مد يده الثانية لجبينها و رجع راسها لقريب من ذقنه
    جسوف بصوت واضح : من نادر
    لياج بصوت ضعيف و ببحة من البكاء : الله يخليك اتركني وش تبي مني بعدددد اتركنننني بحالي
    شدها اكثر لجسده من ناحية بطنها و جبينها و قال بهمس : نادر وش يقرب لج و لا و ربي ما تتطلعي من غرفتي إلا و انتي منتي بنت
    لياج بخوف و ضعف و بسرعة : اخووي و الله اخووي
    شدها و هو يقول بقهر : جذابة اسمائكم مختلفة
    لياج بضعف هادئ و دموع صامته : اخخـ اخـويـي مــمن الرضاعة
    جسوف حس بتفاهة عقله و بتأثر نزل يده من على بطنها ببطئ و هو يشيل يده من جبينها
    طاحت على الارض بضعف من بعد يده و حطت يدها على جبينها بتعب من بعد شدها لها
    جسوف نزل قدامها و رفع يده على يدها اللي على جبينها : لـياج المتج و ربي مو قصدي
    لياج من نزل قدامها بعدته بقوة و بضعف ببحة مرتفعة : بعد انت ما تفهم ما تخاف الله لااا تلمسنني لا تقرب مننني
    و هي تقوم من قدامه و تمشي بضعف و دموعها تنزل وصلت لين الباب
    و بتفكير عقلاني : رجعت ببطئ و هدوء و اخذت الصينية و طلعت
    اخذت الصينية علشان ما تنسأل عنها
    مرت على دورة المياه الخاصة بالجناح

    دخلت خلت الصينية على جانب غسلت وجهها و تنشفت و عدلت ملابسها و هدأت قليل و طلعت

    جسوف جلس على الكرسي بتعب و تأثر واضح
    حس بصغر عقله و قلة تفكيره



    ،،،،،،،،،،،،،،

  4. #4

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رد: رواية حالة عشق كاملة ٢٠١٤ , روايه جنان

    ,,,,,,,,,,



    لياج و هي نازلة ناحية الجلسات اعطت الصينية لاحد من الشباب و قالت له ياخذها و هي بتقوم بالتسجيل
    ظلت تسجل الطلبات و هي مو واعية و تفكر باللي صار و تدعي عليه بقلبها بسبب اللي سواه فيها
    حينها اقتنعت انه شاب لعاب و ينفش ريشه بفلوسه و يلعب على بنات الناس
    و اخلاقه و تعامله و ما هي إلا مظهر يتظاهر فيه
    ابتسمت ابتسامة سخرية لانها ما فهمت عليه من البداية
    و لامت نفسها انها ما فكرت من الباداية انه من الناس اللي يمشون
    وراء مقولة ما في شي صعب عليهم
    تدعي بقلبها يخليها بحالها و ما يتعرض لها
    حتى لو وصلت انها تشكي عند او جوانا لحماية نفسها منه
    و حاطة بعقلها شي راح تكلم امها فيه ...


    جسوف طلع من غرفته نزل ظل جالس بالطابق الاول اللي هو يكون للجلسات و الكراسي



    ((
    توضيح : الفندق اول ما يندخل من مدخله ينلقى بالوجه درج يوصل جهتين اليسار و اليمين
    اليسار و اليمين هم الاجنحة و الغرف
    على جهة الدرج اليمين مصعد و على جهة الدرج اليسار في مصعد
    منتشرة حول الدرج جلسات مختلفة و متباعدة
    على جوانب الجلسات في ابواب تتطلع الى الحديقة و الى صالات ثانية
    لكن بنهاية مصعد جهة اليمين ممر فيه المطبخ و المخزن
    طبعا هذا شرح بسيط هو طبيعي يكون الفندق اضخم و شرح اكثر بس هذا شرح بسيط لتوضيح المواقف الخاصة بالمكان
    ))



    لياج كانت تاخذ طلبات الكراسي مع كذا زميلة بعدها يعطونها لبنتين يوصلون الطلبات المطبخ
    استبعدت الدخول للمطبخ و لهت بهذا المكان
    جسوف كان يناظرها بتأمل مدعي انه يتابع الجريدة
    كان يراقب تحركاتها و حركاتها
    تبتسم و هي تكتب
    ترفع خصلات شعرها بنعومة
    تعطي الورقة لبنت بابتسامة بعد ما تكلمها
    تابع ابتسامتها المثيرة بنظره
    لياج انتبهت لوجوده و هو يستمر يطالعها
    بهدوء تقربت من بنت
    لياج بهمس : اقول جميلة
    جميلة : هلا لياج
    لياج : انا راح آخذ مكان مزون داخل الحديقة و ارسلها تجيج
    جميلة : ما في مشكلة رسليها
    لياج مشت بهدوء و ثقة و تعدت طاولته و دخلت للحديقة
    جسوف فهم انها تكلمت مع البنت و راح تغير مكانها
    دقايق و دخلت بنت ثانية و بدات بشغلها
    جسوف قام من مكانه راح غرفته غير لبسه و لبس كاب و نزل للحديقة و جلس



    ,,,,,,,,




    في المطبخ



    ابو جوانا و هو يقطع الخضراوات : اقول اختي ام لياج ما في خبر عن ابو لياج
    ام لياج تشوي و تقلب اللحم : لا راح و ما ترك بعده خبر و بيني و بينك يتركنا بحالنا المهم احنا بخير سوا موجود او لا
    ابو جوانا : الله كريم ان شاء الله
    ام لياج : و النعم بالله إلا شخبار جوانا

    ( ام جوانا اشتغلت بالفندق علشان تصرف على بنتها و مصاريف البيت خصوصا ان لياج كملت الثانوي و ارتاحت هذي السنة علشان تكفي مصاريف الجامعة اللي توفرها حاليا هي و امها للدارسة مع بداية السنة اللي بعدها , رغم ان بالبداية كانت تشتغل الام بس لكن وجود لياج وحيدة بالبيت اصرت على امها تشتغل معاها تساعدها بالمطبخ و بعد المحاولة مع صاحب الفندق السابق وافق بصعوبة بسبب صغر سنها )


    دخل نادر اعطى راسيل الصينية و قال : وين لياج
    راسيل بتوتر حاولت تخفيه : الله يهداك بشغلها يعني وين ترسل لي الطلبات مع البنات
    نادر : يعني تسجل بس
    راسيل : ايوة تاخذ طلبات بس
    و حاولت تبعده عن لياج اليوم بسبب شكوكها بتاخر لياج و سبب طلب الاستاذ لـ لياج بالاسم
    راسيل تظهر الاعتيادية : اقول نادر ساعد طارق في المخزن نزلت خضراوات و ارسل لي اللي معه بدالك
    نادر : اوك احسن لي من الروحة و الرجعة بس اذا رجعت لياج قولي لها ابيها ضروري و راح


    ,,,,,,,,,,,,


    لياج و هي تاخذ طلبات الحديقة
    : لو سمحتي
    لياج تقربت من الطاولة
    و باحترام و ابتسامة : اي خدمة تفضلي
    ( الطاولة كانت لخمسة اشخاص بنت كبيرة نوعا ما و طفل صغير و شابين )
    البنت : بغيت عصير برتقال
    الطفل بهمس الى امه : ماما ابي ايسكريم
    البنت بابتسامة : واحد ايسكريم فروالة مع فانيلا
    الشاب باحترام و ابتسامة صغيرة : عصير مانجو
    الشاب الثاني : قهوة سادة
    و لياج تسأل
    و بذوق مع بابتسامة لطيفة: اي خدمة ثانية
    الشابين باحترام و لباقة : لا و الله , مشكورة اختي
    البنت : لو سمحتي
    لياج مبتسمة : آمري
    البنت بحرج : اذا ما عليج امر انا ما ادري اذا ممكن او لا بس اذا ما عليج كلافة انا انتظر زوجي راح يجي الحين و اظن انه ما راح يلاقينا بهالزحمة فـ اذا جا يعني تدلينه على طاولتنا هو راح تعرفينها من اول ما يدخل للباب هو بلبس الطيار احم اذا ممكن
    لياج بابتسامة عريضة بسبب حرج البنت : ان شاء الله لا تحاتين تآمرين شي ثاني
    قبل ما ترد البنت
    الشاب الاول و هو يطالع الشاب الثاني : هذي مو كانها صكتنا بزوجها الطيار
    الشاب الثاني : هههههههه يا اخي تعبين البنت ليش في شي اسمه جوال اتصلي فيه بس تشوفينه على الباب
    البنت بحرج واضح : انتوا اسكتوا
    الشابين : ههههههههه
    طالعت البنت لياج باحراج : مشكورة اختي ما يآمرين عليج عدو
    هزت راسها لياج و مشت اعطت بنت ثانية الطلب و هي تمشي لناحية الباب تنتظر زوج البنت
    جسوف انقهر بشكل من وقوفها على طاولة فيها شابين و يضحكون معاها
    لياج و هي تمشي بدون ما تنتبه لوجود جسوف جاها شاب
    الشاب بسرعة و بيده صينية بيوصلها المطبخ : لياج هذي ورقة من طاولة رقم 000 قال اوصلها لج
    و راح بسرعة

    لياج اخذتها فتحتها باستغراب

    مكتوب فيها جملة وحدة
    ( تزعلين مني عادي بس تتطولين على طاولة فيها شباب و تضحكين معاهم ما ارضى )

    فهمت ان الورقة منه و ما كلفت على نفسها انها تبحث عنه بين الطاولات اخذت الورقة و حطتها على الدفتر اللي بيدها اللي تسجل فيه الطلبات و اتجاهلت رغم ارتباكها و خوفها

    ( هذا من يفتكر نفسه يعني شنو
    ليش هو من بقية اهلي علشان يحاسبني و يجلس يراقبني
    اي و الله ازعل منه و ما يرضى
    هذا مجنون و لا وش سالفته
    كثير زودها
    و اكثر من الكثير )

    جسوف استغرب من حركتها حتى انها ما طالعت الطاولات علشان تشوف اذا هو موجود او لا

    وصل الطيار و استقبلته لياج و دلته لطاولة زوجته باحترام و ذوق و شكرها بخجل على تصرفها


    ......



    انتهى الجزء الثاني

  5. #5

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رد: رواية حالة عشق كاملة ٢٠١٤ , روايه جنان

    الجزء الثالث


    لياج بعد ما وصلت الطيار لطاولة زوجته و شكرها اخذت طلبه
    و هي تمشي بين الطاولات طاحت عينها على طاولة جسوف جالس
    بعدت نظرها عنه و اتجاهلت نظراته
    وصلت المطبخ
    لياج : راسيل واحد قهوة
    راسيل و هي تاخذ الورقة : انتي وينج تأخرتي
    لياج : ويني اقوم بشغلي
    راسيل : تأخرتي و ما رجعت بعد طلب الاستاذ الاول و لما وصلتي له القهوة ما رجعتي بالمرة و بعدين ليش يطلبج بالاسم ؟
    لياج تجلس و باعتيادية : عادي بس سألني عن سني و سبب شغلي
    راسيل : و انتي وش قلتي له ؟
    لياج : و لا شي قلت له اشتغل لفترة مؤقتة على اساس الدراسة
    راسيل : اها و انا اقول ليش طالبج
    لياج و هي توقف : عطيني الطلب الشخص ينتظر

    و بعد ما اخذت طلب الطيار وصلته له
    و هي راجعة تمشي
    : لو سمحتي
    لياج لفت و انقهرت و ما قدرت تتطنشه خصوصا ان الطاولات مليانه
    مو معقول تتطنشه وسط الناس
    مشت بهدوء لطاولته و نظرها على الطاولة
    جسوف بابتسامة : ما راح تقولي وش اطلب
    لياج بدون ما تتطالعه : اذا في اي طلب يا ليت تتفضل عندي شغل و مو فاضية
    جسوف بنظرة تأمل و بدون شعور : في طلبات
    لياج رفعت الدفتر الصغير و هي ماسكة القلم
    لياج : اللي هي
    جسوف بابتسامة مثيرة : هدي و انتي تكلميني
    لياج رفعت راسها له بقهر ظهر على ملامحها
    جسوف قبل ما تتكلم : زعلتي مني ؟
    لياج يقهر و عصبية : ما اعتقد في طلب و يا ليت عمره ما يكون
    و راحت
    جسوف ابتسم على ردها و هو يتذكر اللي صار بغرفته

    ـ.ـ.ـ.ـ.ـ.ـ.ـ.ـ.ـ.ـ.

    لياج دخلت المطبخ بهدوء عكس اللي تحس فيه
    نادر وقف لما شافها جاية و راج جنبها
    نادر : وينج ما شفتج طول الوقت
    لياج بابتسامة : حتى انا ما شفتك
    نادر يدقق بملامحها : لياج اشفيج تعبانة
    لياج : ما فيني شي
    نادر بشك : لياج تخبين علي شنو فيج احد ضايقج و زعلج
    لياج رجعت يدها وراها و استندت على الجدار و نزلت عينها
    نادر تقرب و هو يرفع غرتها عن بحنية : اشفيج حبيبتي في شي
    لياج بضيق هزت راسها بالنفي
    نادر بصوت حنون : يا عمري تخبين علي اشفيج مضايقة من شنو قولي لي اشوف
    لياج رفعت راسها و ناظرت امها و ناظرته بضيق
    نادر بحنية و كأنه فهم : رجعنا لحال ابوج و امج ما قلنا خلاص و مرتاحين
    لياج بضيق : بس تركنا نادر راح و تركنا
    نادر : يا عمري هو مو توه تاركنكم من زمان هو ببيت و انتوا بيت هي جات على سفرته المهم انتوا مرتاحين و ما عليكم خلاف صح
    لياج هزت راسها بالايجاب
    نادر : يلاا عادي اضحكي خلي الدنيا تضحك
    لياج ابتسمت بس بضيق
    نادر : يعني انج ضحكتي الحين
    لياج بابتسامة صغيرة : بعد زين
    نادر بضحكة : ههههههه اي هذي لياج اختي
    لياج : احلف عاد و بعدين تعال ابي اسولف معاك بموضوع
    نادر باهتمام : قولي شنو تبين آمري و تدللي
    راسيل و هي ماسكة الصينية : يلا يا اخوااان ممكن تأجلون الاجتماع نادر الطلب للحديقة رقم الطاولة 000
    نادر و هو ياخذ الصينية و يطالع لياج : راح تقولي لي بعدين طيب
    راحت راسيل
    لياج مبتسمة : راح نتكلم اذا رجعنا للبيت
    نادر : لا الحين اكمل و ارجع
    لياج : لا بالبيت اذا رجعنا احسن
    نادر : اوكي و امرنا لله
    رجعت راسيل
    راسيل و بيدها الصينية : غرفة رقم 000
    لياج : اوك
    و طلعت عدت الدرج و راحت للغرف
    دخلت الغرفة وصلت الطلب و طلعت
    و هي تمشي بالممر
    شافت جسوف يمشي بالممر باتجاهها
    تجاهلته و هي تمشي
    جسوف و هو مبتسم مشى ناحيتها و وقف قدامها و منع طريقها
    لياج بدون ما تناظره راحت للجهة الثانية بتمشي
    جسوف تحرك و منع طريقها
    لياج طالعته بقهر و هي ترفع غرتها
    لياج بعصبية و لكن بارتباك : انت و بعدين معاك تفكر بتشتري الناس بفلوسك بعد عن طريقي افضل
    جسوف بابتسامة مثيرة و همس يوتر : و اذا ما بعدت وش بتسوي
    لياج انقهرت و ما عرفت ترد
    بعدت بتمر من الجهة الثانية
    تحرك جسوف و منع طريقها و يديه بجيوبه
    بدأت اعصابها تتلف
    لياج طالعته بقهر
    جسوف بهدوء : سكري زر القميص
    كانت فاتحة الزر الاول و الثاني فقط
    لياج بقهر : و انت شكوو فيني رجاءا للمرة الاخيرة اقولك ابتعد عني
    جسوف تقرب منها بهدوء و رفع يدينه للقميص و هو يسكر الزر
    لياج غمضت عينها بخوف و توتر و ما قدرت تتحرك و هي تحس بأصابعه تسكر الزر
    جسوف يناظرها بتأمل و هو قريب منها
    جسوف بهمس : افتحي عيونج
    ضرب قلبها بقوة من نبرة صوته و قربه و كأن جسمها متجمد
    فتحت عينها ببطئ و طاح نظرها على ذقنه
    رفعت عينها ببطئ لعينه و هي تلاحظ لمعتها
    جسوف يمعن بعينها بنظرة خاصة و بهمس : علشان ما ازعلج طيعي
    رمشت و راسها مرفوع له
    بعدت عنه و هي حاسة بقلبها يضرب بقوة و شدة مشت للدرج بسرعة و هي ترفع شعرها عن عينها
    حست و كأنها بحرارة الصيف على الرغم الجو بارد

    ـ.ـ.ـ.ـ.ـ.ـ.ـ.ـ.ـ.ـ.


    كمل الدوام و رجعوا للبيت

    هي و امها دخلوا البيت و نادر دخل بيته (لان عنده اب و ابوه يشتغل بمكان ثاني )
    بيت نادر بجانب بيت ام لياج
    لياج و امها دخلوا البيت اخذوا شاور و صلوا
    و بعد ما جاهم نادر تكلمت معاه لياج انها تبي تغير الفندق و تشتغل مكان ثاني رفض لانه يبيها جنبه و تحت عينه و اقترح عليها تترك الشغل بالمرة رفضت و اصرت اصر اكثر انها ما تغير و إلا تقعد بالبيت إلا انها حاولت انه يكلم المدير يخليها داخل المطبخ و ما تتطلع توصل اقتنع و وعدها يكلمه ...

    ـ.ـ.ـ.ـ.ـ.ـ.ـ.ـ.ـ.ـ.


    اليوم الثاني

    كلم نادر مدير المطبخ و قال راح يرد عليه بخصوصها بس تبدل مع وحدة من البنات تتطلع من المطبخ بدالها على ما يشوف الامر راسيل اقترحت عليها تروح بدالها على ما يكلمهم مدير المطبخ

    راسيل اخذت الطلب من لياج و طلعت و هي تصعد الدرج نزل احد الاشخاص لما تعدته طالعها مستغرب من وجودها صعد الدرجة مرة ثانية بوقت نزل جسوف و اتجه للمطبخ

    لياج واقفة و بيدها قلم و قدامها دفتر صغير و جنبها الهاتف بلبسها المعتاد و فاتحة ازرارين من القميص و ثانية اكمام القميص قليل
    رن هاتف المطبخ
    و دخل جسوف
    لياج : مطبخ الفندق اتفضل
    الشخص : احمم اختي بغيت توصيل للغرفة رقم 000 واحد قهوة و اللي يعافيج
    لياج انتبهت لوجود جسوف واقف و نزلت نظرها متجاهلتنه و هي مرتبكة
    لياج : اي خدمة ثانية
    وقفوا جميع المتواجدين اشر لهم جسوف يكملون شغلهم و كلم ابو جوانا
    الشخص : احمم بس توصله لي الموظفة راسيل
    لياج استغربت و بين على ملامحها : ان شاء الله
    و سكرت الخط
    و جسوف يطالعها و لاحظ تغيرها و ابو جوانا واقف جنبه يرد على كلامه
    و لياج تقوم بشغلها و هي تعطي الزملاء الطلبات يوصلونها حسب الرقم
    دخلت راسيل بالصينية و اتجهت لجهة لياج
    لياج ابتسمت و اخذت الصينية منها
    و لفت لجهتها الثانية اخذت الصينية من احد الزملاء
    و مدته لـ راسيل : اتفضلي غرفة رقم 000
    جسوف ابتسم بسبب ابتسامة لياج
    راسيل بهمس : الاستاذ ليش هنا
    لياج و عينها على الدفتر تشوف الطلبات و بهمس : ما ادري يتكلم مع ابو جوانا
    راسيل تتطالع الصينية : بيفوتني كلام الاستاذ ابي اسمع
    لياج راسها و بالخطا طالعت عين جسوف اللي يطالعها بين كل دقيقة
    لياج بهمس : على فكرة صاحب الغرفة طلبج بالاسم
    راسيل باستغراب : بالاسم من هذا
    لياج تبتسم : و انا شدراني روحي يلا
    راسيل : ان كان واحد مليغ اوريه و لا افرشه بالارض
    لياج بابتسامة و ضحكة : احلفي طويلة العمر يا نصابة من هذا
    ابتسم جسوف اكثر و هو يلاحظ ابتسامة لياج
    راسيل : ما ادري بس اروح و ارجع ازف لج الخبر
    و راحت
    جسوف كمل كلامه مع ابو جوانا و راح
    لياج ارتاحت من طلعته
    ابو جوانا : يا جماعة
    الجميع التفتوا
    ابو جوانا : الاستاذ جسوف راح يجونه باجر ضيوف شغل من برى ما اوصيكم تبيضون الوجه بكل شي
    الجميع : ان شاء الله , ما راح نقصر
    ابو جوانا : باجر الصبح من بداية الدوام راح نقرر نوعية الاطباق اللي راح نقدمها و نتفق على المضيفين و المستقبلين بعد كلام مدير المطبخ
    رن هاتف المطبخ و بدون ما تتطالع رقم الغرفة المتصلة
    لياج بصوت ناعم : مطبخ الفندق اتفضل
    جسوف ببحة : السلام عليكم
    لياج ما عرفت الصوت و بعفوية : ثواني اخوي
    و لفت على طارق
    لياج بهمس : طارق طلب بالحديقة رقم الطاولة 000
    ابتسم جسوف عليها
    لياج : تفضل اخوي اي خدمة
    جسوف : عصيرعلى ذوقج
    استغربت لياج و ببحة : عفوا اخوي حدد الطلب
    جسوف : طلبي انتي تعالي لي غرفتي
    خافت لياج من الشخص و فكرت تسكر الخط
    جسوف ببحة رجولية و بهدوء : لياج انا جسوف تعالي غرفتي الحين
    لياج بارتباك و قهر من حركاته و بسبب اللي جنبها : مع السلامة
    و سكرت الخط و لفت على اللي وراها : واحد عصير ليمون
    مزون و هي تعطي الطلبات للياج : لياج بسرعة هالطلبات
    لياج بابتسامة : تآمرين
    و لفت اخذت الصينية و لفت لمزون و مررت الصينية و قالت : مزون اخذيه لغرفة رقم 000 و ارجعي لطلباتج جاهزة
    مزون : ان شاء الله
    و راحت مزون


    ـ.ـ.ـ.ـ.ـ.ـ.ـ.ـ.ـ.ـ.


    راسيل باللبس الموحد و شعرها لحد كتفها اسود رغم انها مو بيضة لدرجة إلا محليها شعرها الاسود
    فتحت الباب بعد ما قال لها تتفضل
    دخلت بالطلب و كان عاطيها ظهره لف و طالعها
    طالعته و بدات ملامحها تتغير و حست بالقهر إلا انها مسكت اعصابها
    و نزلت الطلب
    الشخص تقرب منها و بقهر : انتي اشلون موظفة هنا وش هالتصرف
    راسيل بقهر اكثر : انا مب سامعة شورك حتى تآمرني و لا تفكر اني خايفة منك
    الشخص بقهر من كلامها و طريقتها : بفندق و بالمطبخ انتي اشلون تتصرفي من كيفج بدون ما ...
    راسيل بقهر و قوة قاطعته : ما لك دخل فيني اشتغل وين ما احب و متى ما احب
    الشخص : انتي ناسية اني زوجج و لا شنو
    راسيل : صارت الملكة و ظنيتك انسان إلا ان خاب ظني و طلعت بدون قلب
    الشخص : راسيل لا توصلينها لسكة مسدودة خلينا نتفاهم
    راسيل : ما في شي نتفاهم عليه اوكي و خلني بحالي و انتظر ورقتي و عدت هالكلام الف مرة و ما طعت نفذ طلبي بسرعة قبل ما اطر ارفع قضية
    و لفت عنه و طلعت


    مزون دخلت بالصينية

    جسوف رفع راسه و شاف مزون ابتسم عكس اللي بداخله
    مزون نزلت الطلب و طالعته باحترام : اي خدمة ثانية استاذ
    جسوف مبتسم : الطلب لي احمم بس مو طلب عصير ليمون و الله طلبت قهوة
    مزون بحرج : عفوا استاذ اعذرنا صار خطأ دون قصد
    و نزلت شالت الكوب
    جسوف بابتسامة : حصل خير
    مزون بحرج : عفوا دقايق و الطلب يوصل
    و طلعت بحرج

    لياج بالمطبخ

    دخلت مزون و بيدها الصينية : لياج يقول الاستاذ هذا مو طلبه
    لياج طالعت الصينية و قالت : اشلون مو طلبه قال يبي عصير
    مزون : قال لي طلبه قهوة انحرجت
    لياج بتفكير : طيب اخذي طلباتج اللي قبل و انا ارسل احد ثاني طارق مع مزون الطلب كبير
    طارق : طيب يلاا مزون قدامي
    رن هاتف المطبخ
    لياج : تفضل مطبخ الفندق
    جسوف : ليش ما ارسلتي طلبي
    لياج بقهر و همس : لو سمحت اتركني بحالي ارسلت الطلب و رجعته
    جسوف بهمس صادق : و هذا مو طلبي انتي تعالي هاتيه
    لياج : لا تفكر انك بتغصبني ......
    جسوف قاطعها : انتي تعرفين انج راح تجين بالنهاية فتعالي قبل ما انزل اجيبج معاي
    لياج سكرت الخط بتوتر و خوف و طالعت قدامها
    راسيل دخلت بالصينية بقهر
    لياج ابتسمت : شنوو
    راسيل بقهر : هذا سرمد
    لياج بابتسامة عريضة و فرح : و الله احلفي
    راسيل طالعتها بقهر : احلفي انتي تفرحي علشانه هو و الله لو يموت ما رجعت له واحد متخلف يبي كل شي على كيفه
    لياج تغيظها : و ليش ما تقولين واحد رجال يحب مرته و يدري انها تحبه
    راسيل بقهر : لا تقهريني فيه هالتافه
    لياج بصدق و جدية : راسيل لازم تصير مشاكل و مو معقول من اول مشكلة تزعلين و طلقني قعدي معاه تكلموا و حلوها بينكم ما صار لكم مدة من تملكتوا
    راسيل : المشكلة ما تنحل إلا بالطلاق ما عدت ابيه بسبب فعايله و هذا انا انتظر خلاصي منه

    ( مثل ما وضحنا قبل راسيل عمرها 18 بعد تخرجها من الثانوي رفضت انها تسجل بالجامعة اولا لانها ما تحب الدراسة و ثانيا بسبب حالتهم المادية ابوها متوفي عايشة مع امها .. تقدم لها سرمد و وافقت و تمت الملكة قبل شهرين حاول سرمد معاها انها تكمل الدراسة إلا انها رفضت حاول اكثر و اصر علشان مصلحتها اقتنعت و وافقت لولا اللي صار بينهم من مدة و طلبت الانفصال تركها كم يوم ترتاح و تهدأ إلا انها راحت تشتغل و طنشته .. راسيل انسانة جريئة و دائما واثقة من نفسها و تحاول تتبع القوة علشان تقدر تمشي امورها و هي تسكن مع امها بمثل منطقة لياج ..
    اما سرمد عمره 27 بينهم 9 سنوات موظف و حالته المادية ممتازة شافها بمنطقتها بعد ما كان يوزع الصدقات على الفقراء لفتت انتباهه و اعجبته و تقدم لها .. ابوه يشتغل خارج البلاد لفترة و راح يرجع اما اما هو عايش مع امه و بينهم مشاكل علشان جذي قعد بفندق ..

    لياج استغربت انه ما رجع يتصل بعد ما سكرت الخط بوجهه و طنشت طلبه
    خافت من تصرفاته و خافت انه يجي مثل ما قال
    ظلت متوترة طول الوقت و لما عدى الوقت و ما شافت منه شي ارتاحت
    سرمد راح لـ راسيل البيت يبي يتفاهم معاها إلا انها رفضت و ما قابلته

    ـ.ـ.ـ.ـ.ـ.ـ.ـ.ـ.ـ.ـ.

صفحة 1 من 18 12311 ... الأخيرةالأخيرة

المواضيع المتشابهه

  1. مشاركات: 12
    آخر مشاركة: 21-05-2014, 05:55 PM
  2. رواية روحي لك وحدك كاملة ٢٠١٤ , روايه روعه ٢٠١٤
    بواسطة موكاتشينو في المنتدى قصائد وخواطر
    مشاركات: 27
    آخر مشاركة: 21-05-2014, 05:39 PM
  3. رواية الشمس العمياء ٢٠١٤ كاملة
    بواسطة موكاتشينو في المنتدى قصائد وخواطر
    مشاركات: 44
    آخر مشاركة: 08-05-2014, 03:09 AM
  4. تحميل رواية جريمة في بغداد ٢٠١٤ , روايه بوليسية في العراق ٢٠١٤
    بواسطة موكاتشينو في المنتدى قصائد وخواطر
    مشاركات: 0
    آخر مشاركة: 05-03-2014, 09:55 AM
  5. تحميل رواية الموعد الدامي ٢٠١٤ , روايه بوليسيه ٢٠١٤
    بواسطة موكاتشينو في المنتدى قصائد وخواطر
    مشاركات: 0
    آخر مشاركة: 05-03-2014, 09:53 AM

الكلمات الدلالية لهذا الموضوع

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52