صفحة 1 من 2 12 الأخيرةالأخيرة
النتائج 1 إلى 5 من 8

الموضوع: لا ردك الله .. و لا اطلبك تردين ..

  1. #1
    ... عضو نشيط ...


    تاريخ التسجيل
    Jul 2005
    الدولة
    دآرٍ الزٍين هوٍ دآرٍي
    المشاركات
    156
    معدل تقييم المستوى
    1

    Unlove لا ردك الله .. و لا اطلبك تردين ..

    لا ردك الله ولا اطلبـك ترديـن ......ادعـي عليـك بعثـرة فـي صلاتـي

    عثره تشلك مـا بعدهـا تقوميـن ......يـا قاتلتنـي يـوم صرتـي حياتـي

    خدان لك بالقلب كانـت بساتيـن ......وريضـان وغصونـا بهـا يانعاتـي

    كنتي مناة القلـب والـروح والعيـن ....واليـوم عينـك يعلهـا مـا تباتـي

    كنت أحسبك للعهد والحب توفيـن ...قلتـي الغـدر بالحـب ماهـي بسواتـي

    وحلفتي يميـن الله مـا منـك اثنتين.......وانـك مـلاك دون كـل البناتـي

    وانك على عهد المودة تسيريـن ....ولا تسمعيـن أهـل الحسـد والوشاتـي

    وصار اليمين ستار خلفه توارين .......ورمـاح غـدرك بالخفـا مشرعاتـي

    وبان الغدر سم جـرى بالشراييـن ......الله عسـى يسقيـك سـم الفعاتـي

    كلي سقيتك حب واليـوم تنسين........تقوليـن حلـم ايـام واليـوم فاتـي

    خذتي الهوى لعبه على ما تحبين ......ليـن عصفـت بالهـوى عاصفاتـي

    من زينك يا بنت بالشعر تزيين ............ من صـورك بابياتـه الطايلاتـي

    انا من غرامي قلت كانك تذكرين ...... قلت الخجل صاب البـدر مـن مناتـي

    وصرتي بشعري في العذاري تباهين...تقولين انا شمـس العصرفـي حلاتـي

    زينتك بشعري ولا غربك الزين ..........ما زانتك صبغـات حمـر الشفاتـي

    صورتك بالشعر حزام ورياحين .......واثرك هضاب وشوك مـا بـه هداتـي

    رسمتك سحابه خير قطر تنفين .........فزت لك الصحـراء زهـور ونباتـي

    رسمتك مهاه للجميله تقودين .............واثرك قطيعه وضيعتهـا الرعاتـي

    واثرك غراب يوم سدل الجناحين ......كنت احسب اني شايـف لـي قطاتـي

    بالشعر غليتك على كل غاليين ...........واثـرك دنيـه وتعشقيـن الدناتـي

    وبالشعر عاتبتك عتاب المحبين .........انا من يسوم الروح لك يـا غناتـي

    توسلت لك خايف على حب عامين .......عامين لكـن فـي حسابـي مئاتـي

    ناديت لكن لي ابد ما تسمعين ...........عمري وروحي فكـري فـي ثباتـي

    حذراك للشينات عمري تماشين ............عديمات اصل اخلاقهـن دانياتـي

    غاب الولي عنهن ولعبن بحبلين ................يا خس واليهن وخس الولاتي

    ما همهن في الناس زين ولا شين ...........وقلوبهن من حقدهـن مظلماتـي

    وقلتي وربك لو يكونا ملايين ..............ما غيرن بالطباعهن من سماتـي

    تحسبين انك بالمهافه ترقين .................كيف الصعود يكـون للهاوياتـي

    وخنتي وبعتي كل عهد وايامين ............ما عاد يفرق بين ماضـي واتـي

    وصرتي مثل غيرك برخص تبيعين .........يا مرخصتني ما بقى لك غلاتـي

    صبري نفذ واليوم ثارت براكين .............مظلوم انا وباكر تحل ادعواتـي

    سمعي عسى من بعدها ما تسمعين ...سمعي دعا مـن صـار قلبـه حصاتـي

    ادعي عسى من ناضرك ما تشوفين ......وتطحن بك الايام طحـن الرحاتـي

    وعساك عوق منه ما عاد تبرين ..............عوق تشافق له قلوب العداتـي

    ويالله عسى يحتار فيك المداوين ...........تبين الممات ولا يجيـك المماتـي

    ويالله عسى كف الندامه تعضين ..............تندمين يوم انه يفوت الفواتـي

    وتبكين دم يسيل من مقلة العين .............وتحتار امك عن عناك وتحاتـي

    عسى ما تلاقي من له القلب تهدين .....وان حصل ادعـي عسـاك الشتاتـي

    يا بلوة اللي وسط بيته تعيشين ..........ساهي وحوله شب جمـر الغضاتـي

    عسى بعمرك ساعه ما تهنين ..............وتمضي حياتك بين هم وشقاتـي

    يا بنت قلبي وين مثله تلاقين .................قلبا عطاك الحب ما قال هاتـي

    جيتك وروحي شلتها لك بكفين ............وفي التاليه رمح الخيانـه جزاتـي

    يالله عساك النار يا أم وجهين ................كله انكشف لا ما تفيد العباتـي

    ويالله عسى تلبسك جن وشياطين .....وتكونيـن مدعـاة الحكـي والشماتـي

    يـا حيـة رقطـا تقـود الثعابيـن .........باكـر تحـن ايامـك المعتماتـي

    وباكر على فعلك بمثله تجازين ..............ظلم المشاعر ما تحكمه قضاتـي

    بيني وبينك تحكم ايام وسنين ............وانا شاهدي قلبا من الغـدر ماتـي

    ويا دمعة التمساح لالا تذرفين .................العيون رغم ادموعها كاذباتـي

    لا ما عرفتي الحب لا ما تحسين .............وغدرك تعدى غدر ذيب الفلاتي

    الذيب يعوي قبل يغدر بمسكين ........وانتي غدرتـي خافقـي فـي سباتـي

    لو كان غدرك في كفوف الموازيـن ......لكـان رجـح كـل غـدر البناتـي

    انتي السبب سقتي على القلب .......جرحين غدر الغرام وموجـع الذكرياتـي

    وانتي السبب واليوم لالا تلومين ....... وان جاك باكر شوفي اشلـون يأتـي

    والله لاكتب وافضحك في دواوين .........وارقص واغني يوم خبـر الوفاتـي

    وارسم لاهل العشق قلبا وسهمين ............وقصة خيانه ما روتها الرواتـي

    ويمين لانشر فوق اسمك عناوين ........واشهرك من قاصي اليمن للفراتـي

    ومن غرب هالدنيا الى قاصي الصين .....ديـوان غـدر فيـه كـل اللغاتـي

    والبادي اظلم سنة العين بالعين .............والا فذي لا عادتـي ولا صفاتـي

    ويا شبه انسانه برأس ورجلين .............اعوذ بالرحمـن منـك بصلاتـي

  2. #2
    ... (VIP) ...


    تاريخ التسجيل
    Aug 2005
    الدولة
    السعودية
    المشاركات
    1,084
    معدل تقييم المستوى
    2

    افتراضي

    كلمات القصيدة قوية .. تسلم ايدينك هزمتني
    بس احب اقول اصابع ايديك مو سوى ..
    وربي يسعدك .. :50ar:

  3. #3
    ... عضو نشيط ...


    تاريخ التسجيل
    Jul 2005
    الدولة
    دآرٍ الزٍين هوٍ دآرٍي
    المشاركات
    156
    معدل تقييم المستوى
    1

    افتراضي

    شكرا على المرور واصابعي صح مو سوى بس وضيفتها سوى
    ولا لا

  4. #4
    ... عضو ذهبي ...


    تاريخ التسجيل
    Jul 2005
    المشاركات
    523
    معدل تقييم المستوى
    1

    افتراضي

    اروع 61 بيت قهر




    ياهزمتني اخوى




    ويالله عسى يحتار فيك المداوين ...........تبين الممات ولا يجيـك المماتـي


    لايكون قلبك اسود وش ماسوت



    جعل شعرك ماينقطع ليوم الدين قل امين





    هاجرى

  5. #5

    ][ كبَـآر الشخصيَآت ][


    تاريخ التسجيل
    Oct 2004
    المشاركات
    5,971
    معدل تقييم المستوى
    8

    افتراضي

    صح لسآنك وسلمت اناملك ولاهنت على هذا النقل الرآئع..

    ودآيمَ مبدع بآفكآرك ولذه مشآعرك ..وذوق اختيآرك..

    لاهنت ولاهآنت انآملك يآلغلا..ولك مني ارق واعذب التحآيآ

    ولاتحرمنآ كل مآهو جديد لك ..

    آخــوٍكــ ..

    ][..وٍعـــدآلـــهـــوٍى..][


    ينقل الى قسم القصآئد المنقوولـه..
    Instagram: Loss888.

صفحة 1 من 2 12 الأخيرةالأخيرة

المواضيع المتشابهه

  1. أحذري لا تردين
    بواسطة آخـ أمل ـر في المنتدى الارشيف
    مشاركات: 37
    آخر مشاركة: 05-06-2010, 12:24 AM
  2. لا ردك الله لا ,, ولا اطلب تردين
    بواسطة مالي مثيل في المنتدى الارشيف
    مشاركات: 1
    آخر مشاركة: 19-04-2008, 06:27 PM
  3. لا ردك الله لا ولا اطلب تردين
    بواسطة ذرب المعاني في المنتدى الارشيف
    مشاركات: 3
    آخر مشاركة: 26-09-2007, 04:16 AM
  4. السالفة,, ماهي ..على شان برجين!!
    بواسطة بندرالرشيدي في المنتدى قصائد وخواطر
    مشاركات: 23
    آخر مشاركة: 14-03-2007, 02:27 AM
  5. اطلبك طلب
    بواسطة شاطي الاحلام في المنتدى قصائد وخواطر
    مشاركات: 2
    آخر مشاركة: 12-06-2006, 09:20 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52