صفحة 1 من 2 12 الأخيرةالأخيرة
النتائج 1 إلى 5 من 6

الموضوع: رواية عرفتها بنت و ودعتها ولد كاملة ٢٠١٤ , رواية واقعيه

  1. #1

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رواية عرفتها بنت و ودعتها ولد كاملة ٢٠١٤ , رواية واقعيه

    بسم الله الرحمن الرحيم

    رواية عرفتها بنت و ودعتها ولد كاملة ٢٠١٤ , رواية واقعيه



    التحقت بالجامعة وانا عمري 19 سنة وتعرفت على الكثير
    ولكن اعجب ما مر علي قصة هذي الفتاة

    ذهبت للنادي الرياضي الملحق بالجامعة وكان به مجموعة من البنات يلعبوا فولي بول (كرة طائرة)
    اعجبت باللعبة جدا ولكن هناك شئ لفت نظري

    رأيت بنت تلعب لفتت نظري بشكلها الغريب اسمها ندى
    كانت عريضة نوعا ما شعرها قصير كالاولاد جمالها ولادي ليس لديها اي مظاهر انوثة
    وكانت قويه ولاتستطيع اي بنت صد ضرباتها

    ومرت الايام وتعرفت على هذي البنت
    كانت خلوقة جدا والكل يشهد بحسن اخلاقها وكانت محبوبة من الكل

    وصرنا صديقات جدا لدرجة ملفته للأنظار وانظرب المثل في صداقتنا
    وبعد سنة من صداقنا عن طريق النادي اغلق النادي لظروف ترميمية

    اكتئبنا جدا
    خاصة هي و مع الايام تغيرت شخصيتها قليلا
    اصبحت عصبية وتحاول ان تلفت النظر وكتومة

    وكان لها عادة غريبة جدا
    كانت كل يوم تجلس على المرجيحة بحوش بيتهم وتسمع صلاة العشاء وتبكي
    ولا احد يعرف ما سر هذه العادة الغريبة

    وفي يوم من الايام تجمعنا انا وهي ومجموعة من صديقاتنا في مبنى العلوم كعادتنا
    وقررنا ان نتمشى بالجامعة

    فاعتذرت واحدة من البنات بحجة انها لاتستطيع الصلاة يعني (......................)
    فأصرت عليها ندى قالت لها: قومي بلا دلع معقوله لهالدرجة الالم!!!!
    فقلت لندى خلاص سيبيها يعني انتي ما تعرفي الامها ( ........... )

    تغير وجه ندى وسكتت واعتذرت عن المشي معنا
    لأنها تريد ان تمشي لوحدها

    (هذا الكلام حصل يوم الاثنين)

    وباليوم الثاني,,,,,
    ندى غابت من يوم الثلاثاء إلى السبت
    وأنا حاولت اتصل ببيتها عشان اطمئن ولا من مجيب
    وجوالها مفقل

    وانا بموت واطمئن على صديقة عمري
    و طبعا طول ما هي غايبة ما عرفت اكل ولا اشرب ولا انام

    وجاء يوم السبت وانا على امل اني اشوفها
    واول ما وصلت للجامعة وقبل ما اروح للمحاظرة مريت على
    المكان للي دايم نجمع فيه

    والحمدلله لقيتها ومن شدة فرحتي ارتميت بحظنها

    ندى اش للي حصل ليه غبتي كذا وانا زعلانة منك ما طمنتيني عليكي وووووو............
    ضحكت وقالت لي بعد محاضرتك نتكلم
    ورحت المحاضرة والساعة كانت 10 ساعات واخيرا خلصت

    جريت عند ندى ورحنا نفطر
    ندى على غير العادة هادية جدا وما اكلت زي العادة

    سألتها اش فيكي وليه غبتي بهذا الشكل المفاجئ

    طالعت فيني بنظرات تملئها الدموع وطولت وهي تطالعني
    وبعدها قالت:روبين حقولك بالوقت المناسب
    بس روبين ممكن توعديني وعد
    قلت: ايش
    قالت:مهما صار مهما صار مهما صار مانتفرق وما تنسيني
    قلت: ندى اش فيكي قولي قلقتيني قوليلي ألحين اش فيكي
    اش صارلك بالويك اند بليز قولي خوفتيني

    ضحكت ودمعتها بعينها وقالت:..........

    يتبع


  2. #2

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رد: رواية عرفتها بنت و ودعتها ولد كاملة ٢٠١٤ , رواية واقعيه



    طالعتني ندى ودمعتها بعينها وقالت: انا بكره عندي امتحان
    ومره نفسيتي تعبانة ومو قادرة اذاكر

    ضحكت وقلت لها: يعني مسوية هالدلع عشان امتحان
    مايهمك انا اساعدك والخلص لك المنهج
    بس اهم شئ لاتتضايقي

    قالت: روبين ما اقدر أنا.....ورجعت دموعها ملت عينها
    قلت: ندى للي فيكي مو من الامتحان
    اش فيكي قوليلي ليه كنت غايبة هالمده ومارديتي على احد؟؟؟

    قالت: مااقدر الحين اقولك
    وحاولت تغير الموضوع وتلهيني

    سويت نفسي نسيت عشان ما حبيت اضغط عليها

    خلص الدوام وكل وحده رجعت بيتها
    عالمغرب دقيت عليها اطمن اش سوت بالمذاكرة
    قالت لي انها مو قادرة تذاكر
    المهم اني حاولت اقنعها تذاكر

    ثاني يوم كان جدولي جدا مشغول ما شفتها الا بعد ما خلصت محاضراتي

    وكانت الساعة حوالي 1بعد الظهر

    رحت عندها ورحنا مع بعض قاعة الامتحان ومعانا كم بنت من زميلاتنا

    كانت ندى طول الوقت تطالعني بنظرات غريبة
    ووجهها لونه اصفر

    المهم دخلت المراقبة غرفة الامتحان

    قلت لندى: يللا ادخلي جات الاسئلة

    مسكت يدي وقالت لي: روبي ممكن تقعدي معاي لحد ما اخص امتحاني؟؟
    قلت: ياندى انتي عارفة بابا ما يحبني اتأخر بالجامعة
    قالت: بليز مرة محتاجتلك
    قلت: بكلمه وبشوف لو سمح لي بقعد

    دقيت على بابا
    قلت له ان صديقتي عندها امتحان
    ومحتاجتني ممكن اتأخر شوي
    الغريبة
    ان بابا وافق (وياليته ما وافق)

    جريت عند ندى وحضنتها وقلت لها بابا وافق
    هي مرة فرحت

    ودخلت امتحانها

    كان الباب حق القاعة نصه قزاز شفاف ونصه خشب
    يعني للي جوا وللي برى يشوفوا بعض

    وانا وزميلاتنا كنا واقفين عند الباب نطالعها ونستناها

    ندى كانت كل شوي توقف حل وتطالعني
    انا ابتسم لها
    ومن داخلي اقول اش فيها ندى مرة غريبة
    مو كعادتها مرحة

    خلصت امتحانها واصرت تعزمني على الغدا
    في مطعم داخل الجامعة
    وافقت

    دخلنا المطعم وبدينا ناكل

    الغريب انه ندى اكلها مو زي العادة
    دايم ماشالله تاكل صحنها وصحن للي معاها
    والحين حتى ما اكلت نص صحنها

    شوي قالت لي: روبي انا ماتجيني الدورة (أعزكم الله) زي البنات
    وانا مندمجة بالاكل قلت لها: عادي ياندى في بنات تتأخر عندهم
    انتي روحتي عند دكتور واطمنتي؟؟
    قالت: ايه رحت عند دكتور لمن كنت غايبة هاذيك الايام
    قلت: طيب كويس واش قالك؟؟
    قالت: قالي....قالي.... انه انا......
    (لمن كملت كلامها طاحت مني الشوكة والسكين من الصدمة)

    والباقي.......

  3. #3

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رد: رواية عرفتها بنت و ودعتها ولد كاملة ٢٠١٤ , رواية واقعيه

    مشكورين ياجماعة على التفاعل
    وعلى امركم بطول الجزء هذ


    طالعت فيني ندى وقالت: روبي توعديني ابدا ابدا مانتفارق
    قلت: اكيد ياندوي انتي قلبي واغلى اخت وصديقة بحياتي

    قالت: الدكتور قالي اني......اني مو بنت
    انا طالعتها بإستغراب وطاحت مني الشوكة والسكين
    قلت: يعني ايه منتي بنت؟؟ ( مع الصدمة ما فهمت )
    قالت: روبي يعني انا ولد
    قلت: انتي تمزحي...أجل كيف قاعده معانا في جامعة بنات
    ودرستي طول حياتك في مدارس حق بنات

    وبدى جسمي يرجف من اثر الصدمة وماني مستعوبة اش تقولي ندى

    قالت: انا ما كنت عارفة اني ولد
    بس كنت احس اني غريبة عنكم
    تعرفي ليه ياروبي انا كل يوم اقعد على المرجيحه كل يوم وقت صلاة العشاء وابكي

    قلت: ليه؟!!!!!
    قالت: لأني كنت احسب نفسي غلط
    انا كنت اطالع في البنات واحس باحساس غريب
    وكانوا يلفتوا نظري

    حتى ماتلاحظي انه احيانا امشي واغطي عيني بالنظارة الشمسية
    عشان ماحد يلاحظ شئ غلط في نظراتي

    وكنت مقهورة من نفسي
    كنت احاول دايم اقرأ قران وادعي ان ربي يصلح هالغلط للي فيني
    بس ذاك اليوم لمن قلتلي اني ماعرف الالام الدورة
    جاء في بالي ليه انا مو زي البنات اتعب كل شهر

    رجعت البيت وسألت اهلي
    قالوا لي اني لمن انولدت وقتها ماكان الطب مطور زي الحين
    وانا ماكنت واضحة اذا كنت بنت او ولد
    فعاملوني على اساس اني بنت
    واعطوني ادوية وهرمونات تساعدني اني اكون بنت طبيعية

    ولمن كنت غايبة رحت المستشفى وسويت اشعة وتحاليل
    روبي انا ولد كامل بس احتاج كم عملية عشان اعيش وضعي الطبيعي

    (أنا روبين)كنت مره مصدومة وهي تسولف
    وخانقتني العبرة وودي ابكي لكن ماسكة نفسي

    سكتت ندى وطالعت فيني تشوف نظرت الالم والصدمة للي فيني

    مسكت يدي وقالت: روبي حتبقى علاقتنا زي ماهي

    طالعت فيها ونزلت دموعي غصب عني
    وقلت: لا....مستحيل
    لأنه لمن تاخذي وضعك الطبيعي حتكوني شخص ثاني
    وندى بالنسبة لي ماتت بكل حبي لها وذكرياتي الحلوة معاها

    وجريت على بوابة الخروج وركبت الباص للي يوديني للبيت

    وطول الطريق وانا بس ابكي ابكي ابكي لين ماحسيت اني ماصرت اشوف مزبوط

    والبنات للي معاي في الباص مررررة مخترعين
    متعودين علي دايم مرحة واضحك واسولف معاهم
    من كثر ما اخترعوا ماقدروا يسألوني اش فيني

    كانت ندى طول الطريق تدق على جوالي وانا بس اطالع اسمها (مسميتها اغلى اخت)
    وابكي

    بعد مايأست اني ارد ارسلت لي مسج
    تقول: روبي ياقلبي بس طمنيني عليكي مو لازم تردي
    بس طمنيني عليكي بمسج

    رديت: انا بخير تطمني بس محتاجة شوي وقت
    عشان استوعب الصدمة

    رجعت وسألت شيوخ اذا يجوز اتعامل معاها طول ماهي بنت
    قالولي يجوز بس الافضل عدم التعامل

    على هذا الاساس قررت تخفيف العلاقة عشان لااتعب في فراقها

    طبعا ندى انجرحت مني لمن قلت لها انه ندى ماتت بالنسبة لي

    وصارت تحاول ماتتواجد كثير في اماكن وجودي
    لأنها لاحظت اني اتجنبها

    ورغم كذا كنت كثير الاقيها تلاحقني بنظراتها الحنونة
    زي ما انا الاحقها بنظراتي

    بس كنا نتقابل بالصدفة لمن نرجع لأماكن ذكرياتنا
    ونسوي نفسنا ماشفنا بعض

    بس انا كنت اسأل عنها كل يوم ولازم اطمن انها بخير

    وعدى على هالحال يمكن شهرين (يالله كنت كل يوم ابكي فيها,,حتى مستواي بالدراسة انخفض)

    وبيوم من ايام الامتحانات كلمتني وحدة من صديقاتنا
    قالت لي:ندى تبغى تشوفك وتودعك لأنه بكره اخر يوم لها
    انا بكيت وترددت اروح ولا لأ
    بس فكرت وقلت لها: اوكي بجي بكره

    ورحت لقيتها قاعده مع صديقاتنا

    لمن شافتني جاية جات عندي وسلمنا على بعض عادي بل ببرود شديد
    لكن برودة الاطراف وارتجافها كان كفيل يبين كمية المشاعر المحبوسة

    وقعدنا مع بعض حوالي 3ساعات
    تعمدت مااجلس جنبها لكن نصيبي جلسني قدامها
    كنا نطالع بعض طول الوقت

    قالت ندى: ادعولي يابنات بكره ببدأ سلسلة العمليات

    بعدبن انا قمت وقلت: معليه مااقدر اتاخر اكثر من كذا بكره عندي امتحان
    وسلمت على ندى ببرود

    ومشيت

    مشت وراي ندى بخطوات بطيئة جدا
    وانا امشي بسرعة

    شوي لفيت وجهي ابغى اشوفها
    لقيتها وراي

    هنا مامسكت نفسي جريت ورميت نفسي في حظنها
    وصرت ابكي لدرجة ان كل زميلاتنا بكوا مني

    (والله اني اكتب القصة وابكي من جد اصعب موقف صار لي بحياتي)

    وودعتها ومشيت
    وخرجت من الجامعة.....

    والباقي............

  4. #4

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رد: رواية عرفتها بنت و ودعتها ولد كاملة ٢٠١٤ , رواية واقعيه


    كان وداع ندى بالنسبة لي اصعب شئ مريت به في حياتي بل وشئ اثر في شخصيتي للحين
    (صار لي سنة ونص من وداع ندى ودوبي قدرت اتكلم عن قصتي المؤلمة)

    اليوم الثاني من وداعنا (الاثنين) كان موعد ندى بالمستشفى

    في يوم الاثنين الساعة 9:15 دق جوالي
    مين؟ اوه هاذي...............هاذي ندى
    خير اش عندها

    ياربي ارد ولا لا
    اخاف ارد وصوتها يخليني احن وما اقطعها
    وفي الوقت للي افكر فيه خلصت الرنة، قلت احسن وشوي رجعت دقت

    طالعت الجوال ورديت: الو
    قالت:روبين انا محتاجتلك انا الحين بالمستشفى وحدخل غرفة العمليات بعد نص ساعة وحبدأ سلسلة العمليات
    انتي الوحيدة للي خطر ببالي اكلمها
    يا روبين انا احبك حيل وما اقدر اتحمل فراقك
    بليز خليكي على اتصال معاي على الاقل بس فترة عملياتي
    قلت:ليه انتي كم عملية عندك؟؟؟؟؟
    قالت:عملية استئصال الصدر وعملية استئصال الرحم الاصطناعي وعملية (عاد انتو افهموها)

    حاولت اهديها قلت:الحين حتدخلي ندى وحتخرجي ايش؟
    قالت:انتي اش تحبي يكون اسم خطيبك؟
    انا سكت مستغربة
    قلت: نعم مين خطيبي؟
    قالت: انا ياروبي حبيتك من اول ما شفتك
    بعد ما اخلص عملياتي ممكن اتقدم لك؟


    قلت:....





    سكت افكر واقول في نفسي:لو الحين قلت لا حتتعب نفسيتها
    ولو قلت اوكي اخاف اعطيها امل كذاب وبعدين اصدمها

    قمت ضحكت وقلت: ندى يا عيوني خليكي في للي انتي فيه لا تشغلي بالك باي شئ ثاني

    قامت قالت: طيب اش تحبي يكون اسمي؟
    سكت وقلت: يا ندى ذوقك لا يُعلى عليه انتي نقي اسمك بقناعتك

    قالت: ولو اني تمنيت ان حبيبتي تنقيلي اسمي


    قلت:ندى انا لازم اقفل عشان عندي مذاكرة وانتي يا قلبي اذكري الله وتوكلي على الله واساليه يسهل عمليتك
    وانا حدعيلك

    وجاء المغرب قلت لنفسي: يا روبي لا تدقي عليها عشان تزعل وتنساكي
    (كنت اسمع اغنية الجسمي والله ما يسوى اعيش بدنيا دونك
    لا ولا تسوى حياتي بهالوجود
    دامك انت للي رحلت وكيف ابابصبر
    عالبعاد وكيف انثر هالورود
    ماوعدت انك تقاسمني المحبة
    تبقى لي حب ولدروبي دليل
    بس حسافا الموت كان اقرب وارحم
    حسبي الله وحده ونعم الوكيل)

    دقيت على سهى (سهى هي البنت للي قالت لي ندى تبغى تشوفك قبل كا تروح) وانا ابكي قلت: هلا سهى كيف ندى؟
    قالت سهى:انا عند ندى من بعد ما طلعت من غرفة العمليات
    كانت تناديك وهي تحت تأثير البنج وتقول لا اله الا الله
    أانا:كفاية يا سهى قطعتي قلبي
    قالت سهى: بس هي الحين نفسيتها تعبانة عشان كل البنات سالوا عليها الا انتي
    قلت: يا سهى ندى لازم تنساني

    قامت ندى اخذت الجوال من سهى وقالت:....................

    وقالت: توقعت انك اول وحدة اشوفها لمن اطلع من غرفة العمليات
    توقعت توقعت على الاقل إنك تسألي عني ولو بإتصال

    اتا قلت:ندى انا....انا يا ندى احبك بس......
    قطعت كلامي وقالت: طيب اذا تحبيني ليه ما سألتي عني؟
    روبي بس عيديلي كلمة احبك يا ندى وانا اسامحك

    قلت: ندى انا احبك بس لمن كنتي ندى
    قالت:اش يعني؟
    قلت:يعني انتي الحين اسمك ندى او حتبقي ندى طول العمر؟
    لأ طبعا
    اكيد حتصيري شخص ثاني بعد ما تاخذي وضعك الطبيعي في الحياة

    قالت:طيب انا لمن اصير ولد انا لسه احبك وحخطبك
    صح اني احتمال اني ما اجيب اولاد لكن يكفيني من الدنيا انك معاي وانا اوعدك.........

    قطعت كلامها وقلت: ندى ارجوكي انا حبيتك كأخت لي لكن كولد........
    قطعت كلامي وقالت:روبين لا تردي الحين
    بليز لا تقولي لأ
    عيشيني ولو حلم كذاب

    انا قلت:ياندى انا حبيتك وانتي ندى لكن....لكن ندى الحين ماتت وانتي شخص ثاني الحين
    حتى انه شرعا ما يجوز اكلمك
    انتي ولد الحين
    وانا مستحيل اخون ثقة اهلي فيني
    وبالنسبة للخطوبة انا مستحيل اتخيلك زوجي بعد ما كنتي اختي

    قالت:روبي انا مستحيل اسيبك ويا ويل للي ياخذك مني و..............
    قطعت كلامها وقلت:.....

  5. #5

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رد: رواية عرفتها بنت و ودعتها ولد كاملة ٢٠١٤ , رواية واقعيه


    انا مرة تفاجأت لمن هددتني ندى
    اصلا هاذي اول مرة ترفع صوتها علي

    قلت لها:شوفي يا ندى ما في حب بالغصب يجي وانا اصلا غلطانة اني سألت عليكي
    وقفلت السماعة وانا ابكي

    اش اسوي يا ربي بهذي المشكلة

    وعدت الايام وخلصت ندى عملياتها وطلعت من المستشفى وسوت الاجراءات القانونية مثل البطاقة الشخصية والنقل لجامعة الاولاد واعلان بالجريدة و................
    وصار اسمها اقصد اسمه يوسف

    ومن هذا اليوم بدأت متاعبي مع يوسف

    وبيوم من الايام وانا كنت بالجامعة دق على جوالي رقم غريب
    رديت قلت: الو
    طلع رجال بس كنه صوته مو غريب علي

    قال: الو روبين
    قلت: اي نعم مين انت؟
    قال: افا يا روبي ما عرفتيني
    قلت: ندى؟؟؟؟؟؟؟
    قال:قصدك يوسف....شخبارك يا قلبي مرة وحشتيني وكان نفسي اوقفك وانتي داخلة للجامعة واكلمك
    قلت: انتي.......انت مجنون تبغى تفضحني
    يوسف رجاء اذا فعلا تحبني خلاص انساني وسيبني بحالي

    قال:في احد ينسى روحه يا روبي لا تقسي علي.......انتي عارفة انا ليه غيرت رقمي؟
    قلت: ما ابغى اعرف اصلا ما يهمني انا...........
    قطع كلامي وقال:لأن كل البنات صاروا يبغون يكلموني وصاروا يجرون وراي وما عطيتهم وجه
    وانتي للي اجري وراكي ما تبغي حتى تسمعي صوتي

    (وأنا بيني وبين نفسي قا عدة اقول صح كلامك يا يوسف انا بنفسي البنات جنوني يبغون رقمك)

    قلت: يا يوسف بليز الله يخليك سيبني بحالي انا اصلا الحين ما افكر الا بدراستي
    قال: والزواج حيعطلك؟
    قلت:اي واصلا مين قالك ان اهلي ممكن يوافقوا
    اهلي جدا مشرطيين باي عريس يجيني

    قال:طيب ابغى اشوفك
    قلت: انت مجنون مستحيل انت الحين منت ندى انت يوسف يعني ولد
    ضحك وقال: يعني تخافي مني؟
    قلت: طبعا انا بنت وانت ولد ولوحدنا كيف ما تبغاني اخاف؟
    ضحك وقال: لا ومو اي بنت انتي...........
    انا عصبت وصرخت فيه وقلت: حدك عن قلة الادب انا ما اسمحلك انك توصفني او حتى تغازلني
    وهاذي اخر مرة اشوف فيها رقمك


    قال: على العموم يا قلبي انا كل يوم حشوفك وانتي داخلة الجامعة وطالعة من الجامعة


    صكيت السماعة بوجهه وانا خايفة ومرتبكة وماني عارفة اش اسوي

    وجاء وقت طلعتي من الجامعة الا واشوف واحد في سيارة زرقاء سبورت من بعيد يأشر لي
    ركزت طلع يوسف

    انا مت من الرعب وزادت حيرتي كيف اتصرف؟

    ومر اسبوعين وانا كل ما ادخل الجامعة واطلع القاه
    صرت خايفة وانا اروح الجامعة كل يوم هذا الاسبوع الثاني ومازال يوسف يراقبني


    وبيوم من الايام خرجت من الجامعة متأخرة عشان كان عندي اختبار وكانت المواقف حق السيارات شبه فاضية مافي الا هنود (يعني بس سواقين)

    وانا ماشية وخايفة واقول بنفسي غريبة سيارة يوسف اليوم مو بمكانها شكله خلاص يأس مني

    وفجأة القى سيارته تقرب مني
    انا صرت امشي بسرعة وهو صار يسرع ويقرب مني لين صارت السيارة جنبي

    وفتح الطاقة حق الباب للي قدام (الدريشة او الشباك) وناداني:روبي اوقفي ابغى اكلمك
    رديت عليه وبدون حتى ما اطل فيه:ما ابغى اكلمك انت مجنون؟ كيف كذا تكلمني على بالك حنا بأوروبا
    ضحك وقال:طيب اسمعي اش ابغى اقولك
    صرخت فيه:لألألأ
    عصب وقال: اوقفي وكلميني بالطيب لااتصرف معاكي بشكل ما تحبينه

    أنا ميته من الرعب ومافي احد اطلب منه النجدة ولو صرخت ماحد حيساعدني
    وقاعدة على امل تجي سيارة شرطة ويخاف منها يوسف ويهرب ويسيبني

    وفجأة ناداني: حتوقفي وتكلميني ولا لأ؟
    وقفت وقلت: نعم يالله قول اش عندك؟
    قال: ماينفع هنا نتكلم بالشارع الناس يطالعون فينا تعا.......
    قطعت كلامه وقلت: انت مجنون على بالك حركب معاك السيارة لا اش رايك تقولي كمان نروح مكان مع بعض يوسف احترم نفسك.........
    فجأة لقيته يخرج من سيارته ويقرب مني
    انا من الخوف تيبست رجولي صارت ثقيلة كنها جبل ما عرفت اتحرك

    جاء قرب مني ومسك يدي وطالعني وقال: من زمان ما مسكت يدك يا روبي ....يا قلبي
    انا وفجأة سحبت يدي منه وحاولت اجري قام مسك يدي بقوة
    وقال: لا تفضحينا وتلفتين النظر لنا
    انا من الخوف بدأت عيوني تدمع وقلت: يوسف انت اش تبغى مني بالزبط؟
    قال: ابغاكي ترسلي لأهلك رسالة انك حتتأخري بالجامعة عشان تأخر الاختبار
    قلت: ليه؟
    قال: لأنك حتجي معاي


    صرخت فيه: انت تحلم انا مستحيل اروح معاك اي مكان اصلا انا............
    قطع كلامي ومسك يدي بقوة وقال: شوفي لو ما جيتي بالطيب حركبك السيارة بالقوة وترى ماحد حينقذك وكل الموجودين هنود يعني احسن لك تركبي معاي برضاكي
    وتطمني ما حسوي فيكي شئ

    انا............................





    انا وقتها ما عرفت افكر وحسيت ان كلامه فعلا منطقي
    والله لو قتلني وقتها ماحد حيسوي شئ غير انهم حيتفرجوا ويمكن ثاني يوم اكون بالبلوتوث

    وفجأة شد يددي وابتسم وقال: يلا يا حبيبتي يا عمري اركبي مع حبيبك
    وفتح لي باب السيارة ودخلني بقوة وركب السيارة ومشى

    و..................

صفحة 1 من 2 12 الأخيرةالأخيرة

المواضيع المتشابهه

  1. رواية همس الموت ٢٠١٤ كاملة , روايه كاملة 2014
    بواسطة موكاتشينو في المنتدى قصائد وخواطر
    مشاركات: 64
    آخر مشاركة: 26-07-2014, 04:07 AM
  2. مشاركات: 12
    آخر مشاركة: 21-05-2014, 05:55 PM
  3. رواية روحي لك وحدك كاملة ٢٠١٤ , روايه روعه ٢٠١٤
    بواسطة موكاتشينو في المنتدى قصائد وخواطر
    مشاركات: 27
    آخر مشاركة: 21-05-2014, 05:39 PM
  4. تحميل رواية خطر في إند هاوس ٢٠١٤ , رواية بوليسية روعه ٢٠١٤
    بواسطة موكاتشينو في المنتدى قصائد وخواطر
    مشاركات: 0
    آخر مشاركة: 05-03-2014, 09:57 AM
  5. مشاركات: 0
    آخر مشاركة: 01-03-2014, 09:52 AM

الكلمات الدلالية لهذا الموضوع

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52