صفحة 1 من 11 123 ... الأخيرةالأخيرة
النتائج 1 إلى 5 من 52

الموضوع: رواية عندما ارى عيناكي سيدتي إعلمي ان حدود العقل اعلنت برائتها مني كاملة 2014

  1. #1

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رواية عندما ارى عيناكي سيدتي إعلمي ان حدود العقل اعلنت برائتها مني كاملة 2014

    بسم الله الرحمن الرحيم

    السلام عليكم ورحمة الله وبركاته

    رواية عندما ارى عيناكي سيدتي إعلمي ان حدود العقل اعلنت برائتها مني كاملة 2014


    ماقبل البدايه
    انا انحدر من قبيلة الهواة فا انا لست بكاتبه عظيمه!
    مازلت في اول المشوار اول رواية لي تنشر, ولاكن ليست اول رواية تكتب ,بقلمي
    احبتي/ارجو منكم جميعا عدم ذكر هذا حرام وذاك لايجوز
    فانا اعلم حدود ديني جيدا,وخطوطي الحمراء التي لايجوز ولايصح لي انا اتخطاها
    رواية رسالة لمناقشة قضايا مختلفه قضاييا من الممكن ان تكون مناقشه من قبل احد منكم
    ولاكن انا سانقشها عن طريقي,وأسلوبي الخاص
    الجزء الاول اوالبارتات الاولى بشكل ادق ستكون ممله نوعا ما,بما انها ستكون تعريف بشخصيات
    وعلاقتهم ببعض وشخصياتهم.....الخ
    لاكن بالمنتصف ستتضح المتعه بأذن الله ستروق لكم

  2. #2

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رد: رواية عندما ارى عيناكي سيتدي إعلمي ان حدود العقل اعلنت برائتها مني كاملة 2014

    الجزء الاول من البارت الاول
    في افخم احياء رياض تقف سيارة البانميرا
    ليتقدم رجل ببنيته القويه الى الباب الخلفي ليترجل منها
    مالك الملامح الشرقيه البحته ,مشابهه لرجال الخليج لايختلف عنهم سوا بجرح فوق حاجبه الايسر ,وعمازه يتيمه جعلته منه فتنه لاعين الفتيات,وبنيته رياضيه , تقدم بثوبه الخليجي وشماغه الاحمر لبوابة شركه
    ليرحب به حراس الامن
    :هلا ابو سلطان
    : صبحك الله بالخير استاذ جراح
    تقدم لداخل شركه ليسمع الكلمات المشابهه
    :هلا بطويل العمر
    :نورته شركتك
    :صباح الخير
    الى اخره من جمل اعتاد سماعها
    اشار لسكرتيره باتباعه الى مكتبه
    :هاه ياسر وش فيه جدولي اليوم
    سكرتير ياسر: طال عمرك عندك اجتماع مهم بعد ساعتين, وفيه جماعه لازم تقابلهم الفتره هاذي عشان تتفق معهم
    يضع الاوراق امام جراح ويكمل:وهاذي الاوراق تحتاج توقيعك
    بصوته رجولي الفخم:اترك الاوراق وانا براجعها,قهوتي ابيها فورا
    ,وبلغ ناصر يجي عندي هنا
    ياسر:ابشر طال عمرك
    احياء رياض سكنيه منزل الفيصل
    :اسكتي انتي وياها تراكم فجرتو راسي حسبي الله على عدوكم من حريم
    تتقدم بمشيتها الشامخه, واثقة بكل ماتفعل بصوتها العذب:من زعل ابو جراح
    ابوجراح والابتسامه تتلون على محياه: هالحريم فجرو راسي , هلا بتغريد هلا بروحي ياجعل ايامك تغريد بسعاده
    اقتربت من والدها لتقبل رأسه: يازين دعواتك الله يطول بعمرك ويخليك لنا
    ابوجراح متجاهل زوجتيه واهتمامه, على ابنته: ليش مارحتي للمستشفى
    تغريد تترك الكوب الذي بيدها على طاوله وترفع عيناها المحببه لوالدها: والله بروح بعد شوي ماعندي غير وحده بتراجع بس,وبعدين بطلع
    ابوجراح بتنبهه: روحي مع الحرس
    تغريد تقاطعه:اعداء العائله كثير,وتخاف علينا
    ابوجراح اعتلته ضحكاته:اهم شي انك حافظه
    تغريد ببتسامه عذبه:افا عليك
    ونقلته سؤالها لزوجات ابيها:وين البنات؟
    ام نايف بسرعه: راحو مدارسهم الله يوفقهم
    ام احمد*مصريه لاكن تتقن لكنه السعوديه*: اللهم امين,اقول يمه تغريد ليش ماتاخذين خواتك معك سوق انك انك بتطلعين له
    تغريد: بطلع مع جراح والله
    ابوجراح بصوته الجهوري: شقيق وشقيقته بيطلعون انتو وش لكم فيهم؟عيالكم ينطقون عندكم ,يالله تغريد يابوك روحي للمستشفى شوفي مريضتك
    تغريد تقف لتاخذ بالطوها وحقيبتها:صادق اشوفكم ظهر سلام
    احياء رياض المتوسطه تقف سياره فخمه غريبه على هذا الحي
    لتنزل من سياره ابنه لثراء,وان لم تتحدث كانت سيارتها ومظهرها يتحدث
    جسمها المنحوت والمفصل,وشفيفها صغيره,وانفها المشابه لسلة السيف ورموشها الكثيفه نطقته شفايفها صغيره:ناهد والله المدرسه خرابه,انقلي معي ياناهد وش هذا
    ناهد تغطي ملامحها وبياضها المكسوب من والدتها المصريه, شعرها طويل المصبوغ بلون البني, :ملك ليش مامليتي من هذا الكلام؟! خلاص هذا اخر شهر وانتي للحين عندك امل تحنين
    ملك تضع المسكره بنعومه بتزيد كثافة رموشها الفاتنه: انزلي طيب بروح المدرستي انا بعد
    في داخل مدرسة ناهد ترمي عباتها بغضب كبير
    وتنظر لمرئتها صغيره لملامحها الفاتنه,قطع عليها صوت من خلفها
    :الحلو ليش معصب
    ابتسمت ناهد لترمي نفسها باحضان انثى مشابهه لذكور,انثى ذكريه,
    ازالته انوثتها بخمار رجوله : وحشتني ياعيني
    ناهد وانفسها مقاربه لانفاس الذكرالانثى: ماكان قصدي والله
    صوت بغيض تبغضنه فتيات المدرسه,مديرة المدرسه:نعم انتي وياها احضان من صبح,كانكم ماتشوفون بعض كل يوم الله يحوم كبودكم ناقصكم حنان
    اقتربت لتنصدم بناهد وتردف : هلا والله امزح معكم,عاد امس على كلام المعلمات انتي ياناهد ماداومتي سلامات شفيك
    ناهد بثقه تحمل حقيبتها وتخلخل اصابع يدها باصبع الانثى ذكريه: والله كذا مزاج
    مديرة المدرسه, تعلم من ناهد وتريد نيل رضاها : اكيد تعبتي من ضغوط المدرسه يالله على فصولكم
    في مدرسه اخرى مدرسة كل من بها طالبات*عوائل كبيره*
    ومن اشهر العوائل سكان رياض
    :ملك حياتي شتفكرين فيه ,تعالي نروح الفصل
    ملك تمشي بجانبها ليدخلن الفصل وتتسع ابتسامة ملك على معلمتها المفضله: استاذه ندى سلامات لك اسبوع مو مداومه,قسم بالله اشتقت لك
    ناهد تضع القلم بقوه,ليصدر ضجه تثبت غضبها: هلا , ابي افتك من قلق هالمدرسه عشان كذا اخذته اجازه,ممكن تتفضلين على مكانك عشان متأخرين
    ملك تجلس بمكانها وثواني والفصل ينتشر به صوت ضحك ,والهمسات
    ندى تحاول ان تكبس غضبها فهي ليست بمنزلتهم: ممكن اعرف شفيكم؟
    من دخلته ندى وكلامكم ماقل
    وحده من البنات : والله ياستاذه يوم شفنا ملك تذكرنا حفل عيد ميلادها قبل كم يوم ,حفله بطل ونتكلم فيها
    ندى ترفع حاجبها : ماشاءالله وكلكم حاضرين
    طالبه اخرى:ايه استاذه وسعته صدر ليش مانحضر
    ندى توجهه كلامها لملك:وانتي ماتعرفين ان اعياد الميلاد حرام ؟!كيف تسوين
    ملك من غير اكتراث: سبرايز من اختي
    ندى:ماشاءالله واختك *تقلد طريقته ملك* الى سوت لك سبرايز
    وش كبرها
    ملك بعدم مبلاة:دكتوره*وبحماس*قسم بالله لوكنت ادري كان عزمتك وناسه مره بيكون
    رن الجرس ليعلن انتهاء الحصه, وتخرج ندى من صف

    :دكتور سليمان,هذا مو تخصصي انا دكتورة نساء وولاده دخلني بامور طورئ ليش؟ ,انا مالي أي صله
    دكتور سليمان ويريد ان يطول هذا الحديث اكثر: عادي دكتوره الخياطه سهله يعني خياطه تافهه جدا مستحيل تستصعب عليك
    :دكتوره حالته ولاده بسرعه دكتوره
    :عن اذنك دكتور مستعجله
    ابتعدت تغريد
    ليقتر احد دكاتره بضحكه متهكمه:ماتبيك بنت الفيصل مو كل من يبيها يطولها ابعد عنها
    سليمان بعصبيه:مالك دخل
    :كم ل كوراها من جت هالمستشفى,ولافكرت فيك ياخي وسع صدرك
    سليمان يتجاهله بغضب ليتجهه لمكتبه
    تعريف كان عائلة الفيصل
    ابوجراح,سلطان جراح الفيصل,هامور السوق
    زوجه الاولى متوفيه,جراح ,يدير شركات والده وذراعه الايمن
    تغريد صبية العائله دكتوره
    زوجه ثانيه*نوره*ام نايف
    نايف,يدرس خارج المملكه من خمس سنوات
    ناهد,فاشله دراسيا تدرس مدرسه حكوميه عناد بالعائله ,متمرده
    زوجه ثالثه مصريه منذُ سنوات بسعوديه
    احمد, الكورس الاخير في الجامعه تخصص ادارة اعمال
    ملك:مدللته العائله ,ناجحه دراسيا هاديه جدا معاكسه لصفات ناهد
    في احد جامعات رياض
    : لاوالله يافاطمه اخاف ماعليش يعني يكفي عبدالعزيز يوم طلعته معه ايدي على قلبي
    فاطمه:والله يانهال انتي مكبره الموضوع؟! عادي شوفي يوم رحته
    مع تركي شقته وش صار؟!,ماصار شي
    نهال بخوف :موكل مره تسلم الجره يافاطمه تبين كلميه انتي انا لا والله
    حدي ادردش معه في تويتر وذا الاشياء
    فاطمه تتجاهلها: اسكتي بس بكلم تركي بقوله اني بطلع معك عشان يجيب لي هديه,ذيك المره جاب لي طقم الماس يحبه قلبك
    ,وانتي ياغبيه طيعي عبدالعزيز وبيجيك نفسي
    نهال تقف لتتجه خارج الكفتريا,وتفكيرها بصديقتها,وافكارها شنيعه لاتحب طريقة تفكيرها تجبرها دئما على اشياء لاتحبها تنهدت لتتجه لمحاضرتها

  3. #3

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رد: رواية عندما ارى عيناكي سيتدي إعلمي ان حدود العقل اعلنت برائتها مني كاملة 2014

    الجزء الثاتي من البارت الاول




    في المساء اقترب من جناح شقيقته المقربه له,ليطرق الباب بخفه
    صوت تغريد رقيق العالي:هنا ادخل
    دخل الجناح,لينظر لها تخرج من الجناح مقتربه منه
    قبل خدها قبله خشنه على خدها ناعم

    تغريد تمشي وجراح بتبعها لجلسة الجناح الكلاسيكيه كانت عباره عن طقم كنب صغيره فخم جدا وشاشة بلازما وطاوله بالوسط : تو مانور الجناح حبيبي
    جراح يجلس بالكنبه ثنائية وبدور شقيقته استلقته على بقيتها وتركته رأسها بحضن اخيها
    جراح بجديه:جاي اقولك موضوع
    تغريد بكل اهتمام واصغاء:ايش قول
    جراح بجديه:تغريد انتي عارفه اني احبك وانك اهم انسانه وليش انسانه مخلوقه بالحياه عندي, ومستحيل اسلمك الى أي واحد لما اعرف اهو يستاهلك اولا اسمعي
    تغريد فهمت مايرمي اليها فاخذته تنهض من حضن شقيقها:زواج ماراح اتزوج
    جراح لم يتنازل عن جديته:انا ماراح ادوم لك ,والله رجال ينحط على يمينك
    تغريد تكمل:وعنده اسهم بشركات وممكن يكون شريك كبير لك,واذا تزوجته اخليه يعطني شوي منها وبما انك وكيلي تصرفها وتنميها
    (تحبس دموعها وتكمل) انت مهما حبيتني تظل عندك الفلوس شي ثاني وعندها خط عريض وعندك استعداد تبيع نفسك عشانها
    جراح :اوشش *قرب منها وطبع قبله عميقه على جبينها *
    ما استاهل تنزل دمعه من عينك عشاني ,ولو انه غيري انهيه
    انتي تعرفين تفكيري واني افكر كذا بس عندك خط احمر عريض
    مانكر اني ممكن اسويها مع ملك وناهد بس انتي لاوالله ماكون رجال لوسويتها
    وقف انتي ماتبينه ماتخذينه انتبهي لنفسك انا طالع الحين ولاتطلعين من البيت الى وعندي خبر
    صوت الاغاني يضج بالمكان ورقص قائم على قدم وساق
    ناهد تناظر الكل الى يرقص وحركاتهم ابتسمته وبداخلها تقول
    اذا عرفته اني بمكان كذا وش بتسوي ياجراح
    قطع عليها حبل افكارها صوت خشن : تيكن او سنقل؟
    ناهد واهي تناظر الى تكلمها:تبين نكون تيكن؟
    البنت :ماقول لا
    صوت وراهم :يالله حبيبتي نرقص ونساتنس
    ناهد ترفع ايدها اليمين الى كانت فيها دبله وتمدها لران
    الى بدورها مسكتها ويرقصون
    ران بصوت عالي :شتبي فيك؟
    ناهد بغرور :معجبه طبعا وتبي تشبك
    ران تسحب ناهد لها وتطبع قبله على شفايف ناهد توتيه:انتي لي
    ناهد بدلع تشبك ايدها ورا رقبته ران:حلالك كلي
    ران بفهاوه:لاتضيعين علومي عند الناس
    ناهد ضحكته بدلع وفكرها ونظرها لبعيد لبنت الى واقفه بعيد
    البنت كانت تكلم: طال عمرك وضعها مع البنت مادري شقولك
    ناهد ابتسمت واهي متاكده انها تكلم جراح حضنته ران حضن قوي
    ران باستغراب:ناهد حركاتك اليوم غريبه
    ناهد عينها بعين ران:لاغريبه ولاشي
    ران ابتسمت ورجعته نظرته ناهد للبنت الى انتبهت لنظرات
    ناهد وانها منتبهه لها وطلعته بسرعه
    ابتسمت ناهد بنتصار تعلم بان اخها لن يترك الامر يسير من غير عقاب
    بمكان ثاني باخر رياض تقريبا في احد الاستراحات
    كانت قايمه المنكرات على قدم وساق اغاني وشرب وحشيش وبنات
    *حفلات مختلطه*
    :حبيبي اشرب لك كاس مايضرك ولاشي بس كاسه وحده
    احمد يبعد الكاس:ماحب هاذي الاشياء
    البنت:تحبها مستقبلا بس انت جرب كيف تحبها وانت ماجربتها؟
    احمد ياخذ الكاس من ايدها ويرميه ويتكسر محد انتبهه لصوت الكاس
    من صوت الاغاني المرتفعه
    البنت :ماتدري كم قيمة شي الى رميته؟ ترا غالي كثير
    احمد بدون اهتمام: تكون قيمته مثل ماهي
    البنت تقرب منه ودفعها بدوره لورا
    البنت:ماعجبتك؟
    احمد:انا هنا جاي اكون صداقات مو علاقات معك ومع اشكالك عندها انا وعشر غيري
    البنت تقرب من جديد:انت اول واحد بحياتي,تبي تصدقني جرب كاس واحد بس
    احمد بعصبيه:قلت لك انا مو من هذا نوع
    البنت طلع من جيب شورتها بودره:طيب جرب هاذي تعدلك مزاجك صدقني
    احمد باستنكار واستحقار:ماشربته عشان اخذ حشيش انقلعي ياوسخه الله يقلع اشكالك من هدنيا
    البنت تقرب من احمد بشموخ: ممكن تفهمني ياولد الفيصل وش جاي تسوي هنا اذا نيتك موكذا والى انا مومن نوع الى يعجبك؟اذا كنت بتعطي فلوسك الاجنبيات عطنياها اولى فيها اقل شي اخوان نفس الجنسيه ,والى تبي شقر
    احمد قاطعها بصفعه على خدها من بين اسنانه: ماعاش من يتكلم عني وعن عائلتي وشوفي انا مب من الوسخين الى تعرفينهم اكثر ماكثر الله اهم اقعدي معهم شوفيهم بكل مكان
    وطلع بعصبيه مانتبهه لشخص الى كان معاه بنفس المكان وشايف كل تحركاته وتبعه الى برا
    __________________________
    بيت ناصر
    ام ناصر:متى تبشرينا بحملك يمه
    ندى سكتت من الخجل
    نواف:ياعمتي تو الناس مالنا غير سنه ونص من تزوجنا
    وانتي عارفه شغلي وش وضعه خله يستقر بعدها الله يكتب الى فيه الخير
    ام ناصر:ونعم بالله ,بشرني ياولدي عسى امور البلد مستقره
    نواف:الحمدالله دولة امن وامان ,الله يديم علينا الامن ويطول بعمر حكومتنا
    ام ناصر:امين ,وانتي وشلونا لمدرسه وطالباتك
    ندى: والله الحمدالله ماشيه امورهم ,بس لو الله يفكنا من المدارس الاهليه واتعين بحكومي بكون بخير
    ام ناصر:الخيره فيما اختار الله
    ندى:ونعم بالله
    دخل ناصر بثوبه سعودي ,وشماغه على كتفه الايمن وشعره طويل نوعا حوسه من تعب :ندى عندنا هلا هلا,ونسيب بعد اخيرا تنازلة وجبت بنتنا كان ماعندها اهل هذا وانت رجل دين ماتخليها تصل رحمها وتبر في امها واخوانها
    ندى واهي تتصنع صدمه وتوقف مع نواف تسلم على ناصر:
    اكلتنا بقشورنا بعدين هاذي مب غلطة نواف انتو الى مأتسالون كان ماعندك اخت
    نواف يسلم على ناصر بعدها يوقف جنب ندى:الواحد مايرتاح مع زوجته حتى لويومين لا اعزوبي مرتاح ولامتزوج ومرتاح
    ناصر واهو يجلس :شسوي مشتاق لاختي فاقدها من كم شهر من شهر 12 الحين شهر خمسه وماشفتها
    ندى بصدمه : يالله والى طالعه معك الاسبوع الى راح شبحي يعني
    ناصر:شرهه على الى يشتاق لك صبي قهوه بس والى مصدقه انك ضيفه
    ندى تعطيه القهوه:وين نهال من زمان عنها المخيسه حتى اتصل عليها جوالها مقفل بروح لها فوق واتركم
    ناصر:انقلعي لها تلقينها فاطسه من النوم
    ام ناصر:وجع لاتدعي على اختك
    ناصر:وانا صادق من يجي الخميس تدخل غيبوبه
    نواف يقف: خلاص انا طالع
    ويوجه كلامه لندى: انتبهي لنفسك, اذا خلصته بتصل عليك
    ندى تبتسم له ليخرج ببدلته العسكريه وحذائيه العسكري ثقيل لمكان عمله

    عائلة ناصر
    ابوناصر متوفي
    ام ناصر, ندى متزوجه من نواف ,ناصر يعمل عند جراح وصديقه مساعد له,نهال

    ______________

    انتصف اليل منذ مده
    الان الساعه تتجاول 3ونصف صباحا
    جراح باعصاب هاديه:انت طلعته بكيفك
    صح ؟خلاص بتدخل بكيفي
    وين العدل اذا دخلتك وطلعتك كلها بكيفك؟
    احمد بعصبيه وصراخ: جراح خلصني وخلني ادخل
    جراح يوقف ويقرب من اخوه:لاتصارخ فاهم والى افهمك بطريقتي؟
    احمد بسخريه:لا ابي افهم بطريقتك
    جراح يتجهه لدرج في الملحق يطلع منه مسدس ويرجع لمكان السابق قريب من احمد:ابشر بس افهمك بطريقتي؟طلبته وابشر مب من عادته ابو سلطان يرد رجال
    احمد بتصنع للقوه:تقنعني فيه رصاص؟
    جراح بمهاره يصوب نحو شباك الزجاج وانتثر زجاج الى قطع صغيره خلال ثواني رمق احمد بنظره: اثبت لك والحين بفرغ رصاص ذا براسك
    احمد بلع ريقه ساكت,انفتح الباب البودقارد ماسك ناهد مع يدها ويجبرها على دخول اول ماشافها جراح صرخ:اترك ايدها ياكلب
    البودقارد بخوف ترك ايد ناهد
    جراح يرمي البودقارد بنظره أمر انه يطلع ويسكر الباب
    ناهد تزين فستانها وماردته انتبهه جراح للبسها وصرخ بعصبيه :انا ادري وين كنتي يالخربانه بس لابسه هالبس الفاصخ تستري بعباتك الله ياخذ روحك
    ناهد واهي تجلس وتفتح شنطتها:وروحك قبلي ياخوي الكبير
    جراح بصراخ: وش المقصد من الحركات الى سويتيها اليوم مع بنت بليس؟
    ناهد وعينها على الجوال:ظنية عندك سالفه الحين ماخلتني ادخل عشان ذا الموضوع سخيف؟
    احمد بشك:وين كنتي؟
    جراح :نفس المكان الى انتي فيه
    احمد وقف بغضب قرب من ناهد ,وقف بينهم جراح وبأمر اجلس تظن الناس كلها وصخه وحقيره مثلك
    جراح قرب من اخته واخذ جوالها ورمى شنطه بوجها واخذ جوال احمد
    : انسو عندكم حسابات بالبنك دامكم تصرفونها بطريقه مثل هاذي
    وطلعه مافيه وانتي لو ان احنا باخر شهر قبل الاختبارات كان نقلتك وانت ماتقول اخر كورس وتتخرج بشي زين؟ حتى نجاحك بفلوس
    خجل احمد من كلام اخيه فلم يعلق باي شي
    تابع جراح: طلعات انسو الى معي من الدوامات للبيت وانت ياحمد سياره عطني مفتاحها بيوصلك سواق كانك واحد في ثانوي وكل يوم بحط بغرفتك فلوس وانتي بعد اذا صرتو قد المسؤليه هاذيك ساعه تكلمو
    الحين كل واحد على غرفته خرجته اخته وتبعها شقيقه
    اغمض عينها من تعب هذه العائله متعبه جدا ,اخذ غفوه مقاربه لنصف ساعه لينهض بخوف من الحلم الذي يتكرر عليه منذُ عامين تغريد صغيره عندما كانت في عمر13 لاكن بختلاف بسيط وتطلب منه العنايه
    خرج بسرعه ليتفقد شقيقته فوجدها نائمه اتعبه وانهكه هذا الحلم الذي يتوارد اليه من فتره لفتره

    _________
    وجود:انا سنه الجايه بكمل برا والله هذا حلمي كيف يهون عليكم اتنازل
    عن حلمي؟!
    عبدالله: ماقدر اروح معك
    وجود:اروح بروحي مو مشكله
    عبدالله :سنه الجايه الله يكتب الى فيه الخير
    ____________
    :تكلمي عربي ياماما انتي عربيه
    بضجر:انا ولدته هنا وحياتي كلها هنا خلاص يعني انا مو عربيه
    امها:لاحول ولاقوة الا بالله,حسبي الله على من كان سبب
    :انا طول عمري أسالك ليش مانرجع ,ليش ولامره جاوبتني

  4. #4

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رد: رواية عندما ارى عيناكي سيتدي إعلمي ان حدود العقل اعلنت برائتها مني كاملة 2014

    البارت ثاني

    صباح يوم الجمعه

    :حي الله ولد الخال
    المتصل:الله يحيك ويبقيك
    ناصر:شخبارك ان شاءالله بخير
    المتصل:الحمدالله تمام انت بشرني وش اخبار الاهل كلهم
    ناصر:بخر دامك بخير بشرني عن الى حولك
    المتصل:تمام وبتردد كمل:شخبارك ندى
    ناصر بضيق على حال ولد خاله:والله خذته لها رجال ينحط على يمناك
    المتصل: الحمدالله تستاهل كل خير,شخبار عمتي
    ناصر:والله الحمدالله,هاذي اهي ماعندها سالفه الى متى نجي عندكم
    المتصل:الى صدق متى بتجون الوالد ماعنده شغله غيركم
    ناصر:قريب ان الله كتب
    المتصل:متى قريب لكم شهرين ماجيتو
    ناصر:يابن الحلال نهالوهذ تدرس والاختبارات قربته ننتظرها تخلص وبعدها ناخذ عمره ونجي يمكم
    المتصل:الله يحيكم ,عطني مزتي اكلمها
    ناصر:وش مزتك؟منهي نعنباك ماتستحي تغازل محارمي
    المتصل:اقول عطني عمتي جعلني افداها بس
    ناصر:كل شي الى ام ناصر حقتنا ذي داق تشاركنا في حقتنا؟
    المتصل:اقول عطني خلصني
    ناصر يقف متجهه لوالدته بغرفة نهال: اصبر ياخي
    ناصر دخل غرفة ناهل ليمد هاتفه لوالدته
    امه باستنكار :من؟
    ناصر:ولد اخوك
    ام ناصر: سعد؟
    ناصر:عندك ولد اخوه غيره؟
    ام ناصر تاخذ الجوال متجاهله كلام ولدها
    ناصر يجلس على سرير بجانب نهال:اموت واعرف وش فيك انتي وذا الجوال
    نهال برتباك:خير وش فيني؟! مافيه الى العافيه,عادي اسولف مع البنات
    ناصر بخبث:اذا زينه عطيني اكلمها عنك
    نهال:لامخيسه ابشرك,بعدين من تقبل فيك تكفى؟
    ناصر:انقلعي اشوف ن وجهي
    نهال: عيب هاه ماتخاف تقول عندك اخت بعدين اكلم واحد نفسك
    ناصر بعصبيه مصطنعه:اقص لك رقبتك اعقلبي
    نهال:امزح امزح
    قطع عليهم عودة ام ناصر لناصر:خذ جوالك,ومتى تودينا لهم؟ترا من زمان عنهم
    ناصر ونظره لنهال:اذا خلصته بنتك اختبارات ان شاءالله
    اردف:انا طالع ,تحتاجون شي البيت ناقصه شي؟
    ام ناصر:سلامتك انتبهه لنفسك
    ناصر: ان شاءالله
    يعيد نظره لنهال:ناقصك شي
    نهال ببتسامه: لا ,بحفظ الله
    *

    خارجه من غرفة العمليات وابتسامتها تخفيها الكمامات الى عليها
    اوقفها صوت زوج المريضه:دكتوره لوسمحتي كيف صارت بشري عنها
    تغريد مازلته ابتسامتها موجوده:ابشرك جابت لك بنت تجنن اسم الله عليها الله يخليها لكم وتتربي بعزكم
    زوج المريضه:الحمدالله لك يارب,واهي كيف صارت
    تغريد:الحمدالله كلهم بخير
    زوج المريضه:اقدر اشوفها
    تغريد:الحين بيخرجونها الممرضات للغرفه تقدر تشوفها بس نايمه بسبب البنج
    زوج المريضه:ماقصرتي
    تغريد:واجبي ,الحمدالله على سلامتها
    اتجهته لمكتبها اوقفها صوت تبغضه
    :دكتوره تغريد دكتوره تغريد
    تغريد تتقف وتتمنى ان تستطيع مجاملة هذا شخص لو لدقائق:هلا د.سليمان
    د.سليمان:اهلين فيك, مبروك نجاح العمليه
    تغريد بغرور:يبارك فيك,مافي جديد شي معتاد وهاذي مهنتي
    د.سليمان:الكل شاهد على الكلام ذا ومايقدر ينكر
    تغريد :امر تبي شي ثاني
    د.سليمان:عندك شغل الحين؟
    تغريد تكمل مسيرها لمكتبها:بروح المكتب ,وبعدها بطلع ماعندي شغل
    د.سليمان بسرعه:اجي معك المكتب
    تغريد تعقد حاجبيها:عفوا
    د.سليمان:لاسلامتك بحفظ الله
    دخلته تغريد مكتبها وبداخلها تشتم سليمان هذا فهيا لاتحبه ابدا
    بداخل المكتب نصدمة من وجود جراح :شتسوي هنا
    جراح يقف ليقبل خد شقيقته :نسيتي اليوم جمعه وبنروح المزرعه
    تغريد تنزع البالطو والكمامات ونظرتها طبيه: لا بس كنت راح اجي مع سواق
    جراح بستنكار:مع سواق هاه!
    تغريد بدون اهتمام: عادي ياخي,انتي وابوي مادري وش بلاكم
    جراح ينظر لمكتب شقيقته الذي يحتضن اسمها بالمنتصف (د.تغريد سلطان الفيصل)انتبهه لشقيقته تقول:يالله خلصته ,بس على طريقي بعطي هاذي الاوراق وحده
    جراح يقف ويقترب من شقيقته ليخرجو سويه:مشينا
    بطريقهم للخروج من المستشفى بعد ماودعته تغريد الاوراق عند زميلتها استوقفهم صوت :جراح ابو سلطان
    تغريد لم تتحرك من مكانها بعكس جراح الذي ينظر باحثا عن صاحب صوت ابتسم عندما سقطت عيناه على رجل مرتدي بنطال اسود وقميص ابيض مبرز عضلاته وسيم جدا اقترب منه:هلا والله عبدالله شتسوي هنا
    عبدالله بعد سلام:انت الى شتسوي هنا نسيت اني دكتور
    جراح: ابد والله شويت شغل
    عبدالله بخوف:عسى ماشر فيك شي؟
    جراح : ياخي تدري انك ملقوف جاي اخذ اختي دكتوره هنا
    عبدالله:ماشاءالله
    جراح :المهم قولي ,وينك ماتنشاف
    عبدالله:المستشفى ماخذه وقتي ياخي
    جراح:اخبرك تحب دمان وتشقق بطون خلق الله
    عبدالله ضحك على تعليق جراح:اجل اقعد ورا المكتب واوقع بذا الاوراق واحسب؟
    جراح بفخر:ايه خلك مثلي ومثل ابوك,الى على طاري ابوك وينك ماصرت تحضر الاجتماعات معه؟
    عبدالله:والله اني ماكون فاضي واذا فضيته قعدته مع الاهل
    جراح:الله يعين
    عبدالله: تفضل معي الكوفي اشرب لك شي روق
    جراح:لا والله تاخرته على الاهل,تخاوني للمزرعه
    عبدالله:خيرها بغيرها
    جراح:ان شاءالله نشوفك على خير
    ***************
    في المزرعه
    ملك تصرخ:ناهد نااااااااااااااااااااااااااااااااااااااااااااااااا اااااااااااااااااااااااااااااهد
    ناهد بضجر:خخخخخير؟
    ملك بالمسبح :تعالي اسبحي معي
    ناهد:دقايق بكلم رنا وبجيك
    ملك: اقول ناهد,ليش ماتقولين لها تجي ,ياختي على كثر ماسمع عنها ماشفتها
    ناهد راقت لها الفكره: خلاص بقولها وبجيك
    اقترب احمد من ملك وهوا فوق الحصان:اسبح معك؟
    ملك:انقلع انت وذا الحصان ترا ماحبهم واخاف منهم
    احمد:نسبح انا وياه معك ترا فكره زينه (وينزل من الحصان)
    ملك:احححححححححححححمد اعقل
    احمد يصعد فوق الحصان من جديد:اسكتي الله يقلع وجهك خلاص بروح

    ناصر يمشي بالمزرعه اقترب من جهته المسباح لفت نظره البنت
    الى تسبح لوحدها وتغني وكان صوتها ناعم جدا غض البصر بعد خمس دقايق بينه وبين نفسه:استغفرالله رجال امنك على اهله وانت تناظرهم اعقل
    عكس طريقه وذهب لجهته الاستطبلات,وبداخله يفكر بهاذي البنت وكيف كانت بريئه جدا
    بعد ساعه ونص وصل جراح وتغريد واكتملته العائله وجلسو مع بعض
    وقفته ناهد مشيره لملك باتباعها ذهب الى مدخل البوبه رئيسيه لتدخل احدى سيارات خارجته منها الانثى ذكريه ذهلته بل صعقته ملك منها
    كيف تملك اختها جرائة كهذه لتحضره هذه ضيفه التي لن ترحب بها العائلة طبعا نظرته لاختها وكيف تحتضن هذه الفتاة بطريقة تقشعر بها الابدان بقته محدقه بعجب اقتربت ناهد ويدها تحتضن رنا معرفه:رنا هاذي ملك ,ملك هاذي رنا
    مدته رنا يدها بغيته سلام فبقيتها يدها قليلا محلقه بالهوى مما جعلا ناهد تخجل تخاطب اختها:ملك سلمي شفيك تنحتي
    ابتسمت ملك بحرج فمددته يدها بغيت المصافحه,وهيا شارده كثيرا خوفا من الكارثه وتشتم نفسها اكثر بانها سبب باحضار هذه هنا
    ذهبُ بمكان جلسة العائله قالت لينتبهه الجميع لها:هاذي صديقتي رنا قلت لها تجي عشان تسلني انا وملك
    تعلقته نظرات الجميع بالمدعوه رنا بستنكار لشكلها وجميع نظراتهم تحمل الاحتقار هذا جعلها تتوتر نطقت ملك محاولة منها لخمد نيران والجو متكهرب:تعالي نمشيك بالمزرعه
    اجابت ناهد مسرعه حتى لاتحرج رنا اكثر وتبتعد عن نظرات اهلها الغاضبه:ايه اكيد بتعجبك كل شي فيها
    ذهبو الفتاتان والمدعوه برجل لطريق بعيد عن جلسة العائل الكل عاد لعمله ماعدا نظرات احمد المعلقه والمستنكره ونظرات جراح التي لاتنوي خيرا وبداخله يقول تمردة كثيرا وبكل بجاحه تاتي بها لنراها وتعرفنا بها

    ناصر يتفحص جميع من بي المزرعه ويصدر الاوامر ,اوقفه صوت جراح:ناصر امش هنا
    ناصر:ابشر طال عمرك ذهب مسرعا
    جراح:وش صار على نايف؟
    ناصر: الامور مثل ماتحب ولاحس ولاخبر ولاحد يدري
    جراح:الحمدالله *سكتت قليلا *ثم تابع ليش ماتجيب الاهل هنا يستانسون
    ناصر بحرج:ماله داعي جمعه عائليه وش له يجون
    جراح باصرار:المره ثانيه جبهم نتعرف عليهم
    ناصر :ابشر
    جراح :تقدر تروح الحين اليوم اجازتك ,بس
    شغلني موضوع نايف
    ناصر:عصاك الى ماتعصاك طال عمرك متى ماحتجت شي اتصل واكون عندك
    جراج ببتسامه لتتضح,غمازته اليتيمه: ياخي والله انك تحسسني بكشخه بكلامك ذا,كانك مب خويي
    ناصر بجديه: ياخي اخاف اكلمك بأسلوبنا المعتاد وبأمور شغل وتهفني بكف عاد انت ماشاءالله عليك ماعليك من صديق ولاقريب اذا الموضوع شغل
    جراح بذات الابتسامه:زين انك عارف قم انقلع لاهلك
    ناصر:ياخي ماينعرف لك
    ***********
    نواف:انتو احيطو المنطقه كامله بحراسه مشدده من بعيد وتامه,وكل شي خلوه تحت تسجيل,عشان لو احد هرب نكون على علم ,وانتو خلكم هنا برا والمجموعه ثالثه بتهاجم معي على بركة الله
    الكل توجهه لمكانه وبداخله منى ان الخطه تسير بشكل المطلوب وتتخلص الدوله من حثالة الناس المفسده
    نواف:1,2,3 يالله
    داهمو المكان بكل قوه وبدور الاول دخلو فتشو ماكان فيه احد
    فيصل: شكل مافيه احد هنا
    نواف:فيصل ممكن تكرمنا بسكوت هاذي امانه مب لعب؟
    نواف امرهم يتجهون لدور ثاني اول ماحطت رجل رجال امن دوله على الدور ثاني
    انطلقته اصوات الاسلحه
    نواف بصراخ: صوبو عليهم
    دخل نواف بعد ماشاف الكل مشغول ورجال مثل ماامرهم نواف يظللون عليه
    اتجهه فتح الغرف يدور رئيس العصابه ماوجد احد اتجهه لسطح بينما كان يدور اخترقته رصاصه كتف الايمن طاح نواف بس مجرد ماشاف شخص يهرب وقف متحامل تعب يركض وراه نزف دم كثير فجلس
    شخص: تلعب كثير يانواف مع الى اكبر منك تبي تمسكني؟ تبطي والله
    فتح فيصل باب السطح باحث بعينه على نواف ,رئيس العصابه مجرد ماشاف فيصل هرب قاصد القفز لسطح ثاني
    وقف فيصل عند نواف بيشوف جرحه
    صرخ نواف:بينحاشششش الحقه
    فيصل:وجرحك؟
    نواف بصراخ اكبر: شفه اهناك الحقه
    فيصل يناظر نواف بعدها راح بكل سرعته وصوب بمهاره عاليه جدا رجل رئيس العصابه فطاح في تحت,*الاسطح مو عاليه بيوت قديمه*
    خلال هالوقت دخلو باقي العناصر
    فيصل لواحد منهم:شوف الحيوان الى تحت لايهرب والى والله ان تبكي ندم
    خرج بسرعه قاصد مسك رئيس قبل هروبه
    ووجه كلامه بامر للباقي:خذو نواف للمستشفى بسرعه
    اخذو نواف الى كان مغمي عليه من كمية الدم الى فاقدها الى تحت
    فيصل يوجه كلامه لواحد واقف ينتظر اوامره:وش صار انتهت العمليه؟
    :ايه ومسكنا كل الافراد الحين بيتوجهون بهم للمركز
    فيصل:الاصابات كبيره ؟
    :لا الحمدالله رجالنا ماصابهم شي بس بس العميد نواف وشكل اصابته بالغه
    ,نبلغ اهله؟
    فيصل: لا ان شاءالله مافيه الى العافيه, واول شي نتطمن عليه بعدها نشوف وش يصير ونبلغ اهله ماراح نخوفهم ويمكن شي بسيط ,حوطوا لمنطقه هاذي بحراسه مشدده حتى القطوه لوتمر انتبهو لها زين
    :حاضر طال عمرك
    فيصل:بارك الله فيكم وكثر من امثالكم
    ***********
    ناصر لندى:وين رجلك انتي لوفاكنا منك ابرك لازقه بوجهنا امس واليوم
    ندى:كل تبن,بيتي مثل ماهو بيتك
    ناصر :اكل تبن هاه!
    ندى:لا ياخوي العزيز نهال تاكل تبن بس انت لا
    ناصر يخزها بنص عين:وش تبين خلصني
    ندى بتمسكن:رجلي ساحب علي من اجل حماية الوطن
    ناصر: حماية الوطن اجل ,لاعب عليك ورايح يشوف له وحده جرح
    ام ناصر بعتاب لولدها:لاتخرب بين اختك ورجلها
    ندى بشكوك:يمه ضنك كلام ذا صدق؟
    ام ناصر:مهبول لاتردين عليه كانك ماتعرفين
    ندى :نصصصوري حبيبي حياتي
    ناصر يرفع حاجبينه بستنكار:مضيعه بيني وبين نواف؟والى تاخذين بروفه؟
    ندى: ,طلعني انا واميمتي ووخيتي والله ان ضعاف نكسر الخاطر ,ولاعندنا سواق ولاحد يطلعنا ولاشي
    ناصر كانه تذكر:وين نهال
    ام نهال بنظرات بمعنى:تعبانه
    ناصر بخوف:تعبانه من ايش
    ندى :شغل حريم مالك دخل فيه ,وش قلت طلعنا؟!
    ناصر: والله انكم تكسرون الخاطر قومو قومو خلني اوسع صدوركم يمكن بسببكم ادخل الجنه ,وشوفي اختك تقدر تطلع اولا
    ندى:لاتخاف بطلعة جنيه بتقوم لوها على فراش الموت
    ام ناصر:حاسده اختك ياقليلة الخاتمه
    ندى:لاوالله امزح,بروح اقولها
    في المزرعه بتحديد في المسبح
    ناهد :ران انا تعبت يالله نطلع والله لنا ثلاث ساعات هنا مليته ,بعدين بوريك شي بيعجبك
    رنا:خلاص يالله اطلعي وبلحقك
    طلعته ناهد من المسبح تجهته لغرفة تبديل الملابس بعيده شوي عن المسبح
    احمد كان يمشي وانتبهه لشخص غريب بالمسبح قرب يوم شافها رنا ابتسم وقرب اكثر: معالمك معالم بنت ومصره تسوين نفسك ولد؟
    رنا لفته جهته صوت قالت بعصبيه:يالي ماتربيت ياقليل الادب خير ان شاءالله؟!
    احمد باعصاب بارده ويتاملها:يازينه ابوشباب يستحي؟
    عصبته رنا وطلعته من المسبح ,صفر احمد واهو يشوف جسمها
    رنا:الله يقلعك وجهك وش تبي؟,اعرفك تعرفني جاي تناشبني؟
    احمد انتبهه بان احد طالع من جهته غرف تبديل راح بسرعه
    ناهد بستنكار:وش فيك واقف كذا؟,بعدين توقعتك بطول
    رنا: مافني شي
    ناهد:الخدامه جابت اغراضك هنا
    قربت ناهد وسحبت الاغراض بقوه من ناهد استغربت ناهد وماعلقته
    طلعته بعد دقايق :يالله
    ناهد:خير ان شاءالله معصب؟
    رنا:ممكن تسكتين شوي؟مالي مزاجك
    سكتت ناهد بزعل اتجهو لجلسة العائله ,وكانو يشوون
    ملك ابتسمت يوم شافتهم: ريحت شوي تفتح النفس جيتو بوقتكم حياكم
    قربو من جهته ملك وتغريد
    ناهد بتعريف:تغريد هاذي اقرب انسانه بنسبه لي رنا
    تغريد رمت ناهد بنظره :اهلا رنا تشرفنا
    ناهد قربت من اذن رنا وبهمس:اجلسي وين رايحه
    رنا تتجه للفله,وبصوت عالي ليصل لناهد:بجيب الكام وبجي
    ناهد بنفس صوت:بتجيبها الخدامه
    رنا:ماعليه عادي بجيبها
    اول مابعتدت عنهم
    تغريد بعصبيه:من وين متعرفه على الاشكال هاذي؟
    ناهد تمدد الكلام:من المدرسه؟ من وين يعني
    تغريد بنفس العصبيه: اعرف حركات المراهقه وهاذي الاشكال المريضه فبعدي عنها احسن لك بعدها لفت على ملك مكمله:وانتي نفسها ان شاءالله؟
    ملك باحتقار:اسم الله علي ومن بنات فقر؟
    فتحت تغريد عينها بتوسيع:من بنته ذي وش عائلتها؟
    ملك :مالها اصل
    صرخته ناهد:تمديتو كثير ,والله مايصير لكم خير ان قلتو شي قدامها او عاملتوها معامله مب زينه
    تغريد تعطي اختها نظرته احتقار:تهددينا عشان هاذي الاشكال
    ناهد تقف ونظرتها غاضبه: ايه عشانها وش عندك
    تغريد كانت سوفا ترد على ماقالت اختها ولاكن اقتراب جراح جعلها تصمت وتتظاهر بانشغالها بهاتفها اقترب جراح وجلس بجوار شقيقته وامسك بيدها:اشتقت لك
    تغريد بحب كبير لشقيقها:وانا بعد من جينا هنا ماشفتك,وبعد شوي بنرجع وننام
    جراح يقف ويمسك بشقيقته قاصدا وقوفها وفعلته هذا فورا:بروح نتمشى شوي تعالو
    ناهد تتجه للفلا: لا صاحبتي موجوده وين اروح واتركها ملك تروح معك
    احمد اقترب منهم وكان مستمع الاخر الحوار: وش صديقتك ابو شباب عادي تمشي معنا وش,اصمتته نظرت جراح
    نطق جراح:روحي لصديقتك وانت وملك تعالو معنا ,بنتمشى شوي الجو زين
    ******
    قبيل الفجر
    فتح نواف عيناه ونظر اين مكانه فحدق بسقف الابيض بعد دقائق نظر للمكان الذي
    يلفه البياض والى صدره الذي يغطيه شاش والمغذي الذي بيده تنهد بتعب وحاول ان يبحث عن هاتفه بقربه ولاكن فشل ولم يجد شياء,بحث عن ساعه ليعرف مالوقت فلم يجد نظر للباب مُتمني دخول احد ليبلغه كم الوقت ,ومشغول باله هل نجحت العمليه وتم الامساك برئيسها ام ماذا من غير ان يشعر اخذه نعاس
    *
    ظهيرة اليوم تالي
    :يمه ,يمه وين ناصر
    ام ناصر:وش تبين فيه
    ندى بقلق:نواف من امس مايرد واهو قالي بيجي ياخذني ساعه وحده ماجاي ولا اتصل ,حتى اخر ظهوره بالواتس اب ساعه المغرب6 يعني يوم جابني هنا
    ام نواف تطمئن ابنتها وبداخلها قلقه: انتي عارفه شغله اكيد انشغل
    ندى بمايقرب البكاء من شدة القلق:مب هذا الى يخوفني شغله,انتي عارفه كم مره تصوب واخاف صاير فيه شي
    امها تقترب منها وتحتضنها: لا ان شاءالله مافيه الى الخير
    ندى ببكاء: وش يضمني مايرد,انا بتصل بفيصل واهو بيطمني واشتد بكائها
    نهال القريبه من الدرج نزلته بسرعه:وش فيكم وش صاير
    وتقترب من شقيقتها لتحتضنها بذراعيها كما تفعل امها: مايرد علي نواف اخاف صاير فيه شي
    نهال تمسح دموع شقيقتها بعطف تعلم كم تحب شقيقتها زوجها ولاتستطيع البعد عنه المرة سابقه عندما صوب عن طريق الخطاء اثناء تدريب
    جرح سطحي كادت تجن ومرضته لثلاثة ايام خوفا منها ان تفتقد شريك حياتها: مب صاير الى الخير, الحين بيجي ناصر وبيشوف وينه
    ******
    فتح عينه بتعب شديد واغلقها من جديد بسرعه الاضواء اصابات عيناه فتحها ببطى حتى تعتاد عيناه على ضوء وشعر بمن يحدق به فنظر ليمينه كان فيصل وبيمينه ناصر حاول الجلوس لاكن كلمات فيصل اسرع:لا لا خلك كذا عشان الجرح للحين
    بقي مستلقي بصمت لثواني بعدها وجهه كلامه لفيصل: مسكتوهم؟
    فيصل :ارتاح الحين بعدين نتكلم عن شغل
    نواف بصراخ:هذا مب شغل هاذي امانه مسؤل عنها عند ربك وشعب
    فيصل محاول تهدئة نواف:لاتصارخ مب زين لك وابشرك مسكناهم كلهم محد هرب ولاحد نصاب غيرك والحمدالله شي سطحي
    صمت نواف لدقائق وبعدها وجهه كلامه لناصر هذه المره:لاتقولها قول اني مسافر
    ناصر باعتراض:ماقدر اكذب عليها وانت ماتقدر تخبي عليها
    نواف بأمر:سو الى قلت لك
    ناصر:ماراح اسويه وبروح اجيبها لك
    نواف بصراخ:ناصر
    ناصر بستنكار وتعجب:نعم؟
    نواف ياخذ اكبر قدر ممكن من الهواء ويتابع: الحين الوضع مدهور وانا اليوم برجع اكمل شغل وماراح اكون فاضي كذا افضل
    فيصل:ومن قالك يومين وبترجع لشغل؟
    نواف:ماخذ اوامر منك ,انت الى تاخذ اوامر مني
    ناصر بتدخل سريع:وانا بعد ماخذ اوامري منك يانواف ماني من عساكرك
    قطع عليهم حوارهم دخول رجل طغته هيبته بالمكان و بخلفه عسكريان مما اثار تعجب ناصر من هذا شخص المهم الذي يجعله بخلفه عسكريان بسرعه اقترب فيصل وقبل رأسه ومازال ناصر ينظر بصمود وتعجب منن يكون هذا؟
    اقترب من نواف بعد سلامه على ناصر : ماتشوف شر ,ذيب ماعليك خوف
    نواف: تربيتك بكون مثلك
    فيصل بسرعه:يبه يبي يباشر بشغل من الحين؟ مهبول ذا
    عندها علم ناصر من يكون هذا رجل ابأ فيصل رجل ذو مركز وجاه و منصب كبير بحماية الوطن ,وصديق اب نواف رحمه الله وهوا من ربا نواف بيداه مثلمها فعل بفيصل ,وجعلهم يختارون هذا طريق شكرا للوطن حتى لوكان بسيطا
    ابو فيصل بستنكار يبدو ان الامر لا يروقه ابدا:وبامر مين ان شاءالله انت هنا بتقعد كم يوم وبعدها بتجي عندي البيت تحت عيني
    نواف باعتراض: بس هذا بيوصلنا للي اعلى منه الى مانوصل الى جاكسون قربنا ياعمي
    ابوفيصل:انت ماقصرت وفيصل بيكمل باقي المشوار
    نواف برجاء:تكفى ياعم انا وفيصل بدينا الموضوع وانا واهو ننهيه ونخلص البلد منهم
    ابوفيصل انصاغ لرجاء نواف فنواف دئما لايرجو احد ويحدثه بهذه طريقه المتوسله يبدو ان الامر يهمه جدا: خلاص بس انت بتقعد هنا كم يوم وتقعد عندي فتره وبعدها كمل واذا على الحيوان الى مسكتوه فهوه عندنا ينتظر رجعتك
    نواف :وانا جاهز وراجع له
    تحدث ابو فيصل بزجر يعلن ان لامجال بناقشة ماقال:الى عندي قلته,واذا بتكمل هالشهرين مرتك خلها عند اهلها عشان ماحد يلمحها معك وتنقل الانظار لها
    صمت نواف ولم ينطق
    ********

    :انا ماقضيت عمري هنا عشان بكل برود,ماينجح الموضوع ذا واذا مسكوه خير ياطير؟
    :طال عمرك بيقولهم عنك
    بضحك: نسوي فيه نفس الى قبله ,انهو وجوده
    :بس هالمره الحراسه مشدده
    :واذا صارت تصرفو
    :حاضر طال عمرك بتوصلك اخبار تسرك,متى تبي نرسل شحنه؟
    :هالفتره الوضع متوتر, بعدين لاتكلموني وانا مب جايكم لين اشوف المراقبه خفت عني انت اعرف انا مين
    :حاضر طال عمرك, الحين نشوف لك طريق
    *******
    : ابوك جاي قومي شوفيه
    : واذا جاي خله يرجع ويريح عمره
    :ابوك جاي وجايب لك كل الى تبين وبيسوي لك الى تبين
    : مابي غير روحته
    : ليش زعلانه مني يابابا؟
    : كم شهر ماجيت؟وش تبي اخذك بالاحضان؟
    :اكثر شي احبه فيك لهجتك سعوديه
    :وانا ماحبك
    :بس تحبين وطنك؟
    :انا ولدت هنا وببقى هنا ,يعني ماني سعوديه
    :ليش يابابا ,خل اقولك وش صار معي وكيف مرضته
    *******

    :هاه وش صار على نايف
    :طال عمرك من شقه للجامعه ومن الجامعه لشقه
    جراح بتشكيك وغضب:قل صدق
    بتوتر: ايه طال عمرك هذا صدق
    جراح :فتح عينك زين,وخل عنك الكذب عشان مانهيك
    بتوتر اكبر:حاضر طال عمرك
    جراح اغلق الغط واخذ يحرك القلم بتوتر بعد دقائق صوب نظره لياسر الذي ينتظر الامر بالانصراف: وش عندي من سفر هشهر
    ياسر يعقد حاجبيه محاول لتذكر لثواني بعدها اردف: خلصنا سفريات كلها بسفرتك الى راحت الى قبل شهرين كل العقود ومقابلة المهمين تمت
    اشار جراح لياسر بالانصراف ثم نظر لناصر:عندك نية سفر هالاسبوعين
    ناصر بستغراب:لا!
    جراح بامر: خلاص بتروح معي لكندا انا ماني مرتاح على نايف,واحس الى عيناه مهب صادق
    ناصر: بس جديد هذا وانت تشك في ايش بضبط؟
    جراح يعقد حاجبيه: مادري ياناصر ,جهز نفسك اقرب حجز بنروح
    ناصر باعتراض: ماقدر
    جراح بنظره غاضبه:وليش ان شاء الله
    ناصر بتنهيده: الاهل صعبه نتركهم ثلاث حريم مهب سهله والله
    جراح صمت لدقائق طويله ثم نطق: بيسافرون معنا
    ناصر بدهشه واعتراض:صعبه انت عارف ظروف
    جراح:مامن ظروف ياناصر كل شي بحله
    صمت ناصر بخجل فهوا يعلم بانه من المستحيل تغير رأي هذا شخص او مجادلته
    جراح يامر ياسر بالحضور,بعد دخول ياسر:احجز تذاكر وفندق في كندا
    ياسر :حاضر طال عمرك
    جراح :اربع مقاعد
    قطب ياسر حاجبيه بستنكار ولم يعلق ,جراح تذكر ووجه سؤاله لناصر:كم اهم
    ناصر :مانقدر ناجلها او اثنيك راي
    جراح:كلمتي وحده وماثنيها
    ناصر بتنهيده:بس اختي صغيره عندها اختبارات في الجامعه وصعبه
    جراح شعر بضيق ناصر, مهما كان ناصر موظف تحت يديه الى انه صديق دراسه: والى اقولك ناصر انا بروح مع اختي ,بس المره الجايه مافيه اعذار
    تنفس ناصر وبداخله يشكر رب: ان شاءالله
    نظر جراح لياسر:مقعدين باسمي واسم تغريد
    ياسر :حاضر طال عمركم تامر على شي؟
    جراح :تقدر تتفضل
    توقف ناصر فهوا في هذا المكتب من مايقارب ثلاث ساعات : يالله ياطويل العمر انا أستاذن بكمل باقي شغلي وطالع تامر على شي؟
    جراح ينظر للاوراق التي امامه : لا تفضل
    *********
    :يانواف مب حاله لي اسبوع عند اهلي حتى اهم شكو بينا شي؟
    نواف بضيق:يابنت الحلال انتي ماتدرين وش صار معي شغل مهم ماطلع للبيت الى ابدل وانام واطلع حتى وجبه ما أكل في البيت خلك عند اهلك احسن لك
    ندى ببكاء: انا حاسه ومتاكده فيك شي قولي يانواف وازداد مقدار بكائها
    مماجعل قلب نواف القوي بمايشابهه الحجاره بنظر الجميع ولايعرف رحمه وغير الاوامر
    يرق قلبه لهذه الفتاة ليست شريكة حياته فقط ندى حياته بذاتها ولاكن لايستطيع ترك عمله من اجلها او يتنازل عنها من اجل عمله لاكن بكائها اصدر جرح بذاته وجعله ينطق باستسلام: انا جايك اليوم
    ندى بتشكيك:تسكتني صح؟
    نواف : لا ,بيوم كذبته عليك
    ندى بسرعه: لا لا , بس مادري مستانسه
    نواف:محتاجه شي اجيبه معي
    ندى بتفكير لثواني: لا والله بس تعال
    نواف: ان شاءالله,يالله مع سلامه
    ندى بسعاده :بحفظ رحمان انتظرك
    نهض من هذه سرير الذي لم يغادره من سبعة ايام الى لاماكن بسيطه وهوا يكرهه الكسل فيتضجر كثيرا اتجهه خارج الغرفه ,نظر لمكان ورجال الامن ينتشرون به اقترب احدهم:تامر على شي ياعميد ؟
    نواف نظره بالارجاء : فيصل وابو فيصل موجودين؟
    :ايه نعم طال عمرك بالمكتب
    عاد لغرفته ليبدل مايرتديه متوجهه للمكتب بعد دقائق طرق الباب
    :تفضل
    نواف:سلام عليكم
    فيصل ببتسامه يقف: مشرفنا اليوم شكلك صرت احسن
    ابوفيصل:ماعليه خوف ذيب
    بعدها لاحظ مايرتديه نواف ويتضح انه سيهم بالخروج :وين ان شاءالله؟
    نواف:عفوا؟
    ابو فيصل بتغير لصيغة سؤال:مو قلنا انك تعبان ولازم ترتاح هالفتره
    نواف يتنهيده عميقه : لازم اشوف مرتي اليوم وعدتها
    ابوفيصل:لا
    نواف :وش الى لا؟ انت تعرف ياعم اني ماجيت اطلب الاذن منك جيت اسلم عليك , وانا مثل ماوعدتك بخليها عند اهلها وبروح لها اطمنها اني بخير, ومن بكره بباشر شغل مع الكلب
    ابوفيصل من اجل ان لايضغط اكثر عليه: خلاص بحفظ الله
    خرج نواف متجهه الى مقصده
    فيصل:يبه وشلون تسمح له الله يهديك ,انت عارف العيون عليه
    ابو فيصل: انت ماتعرف وش نواف للحين؟كلمته بينفذها حتى لو حبسته بالغرفه يروح برضاي احسن واثنين وراه بدون مايحس
    فيصل:بس لويدري مصيبه
    ابوفيصل:اذا مافتحت فمك مب داري

    *******
    في كندا
    : وقف وقف
    يرتدي الجنز والقميص الابيض ونظارته الشمسيه الذي لاتفارقه غير المساء, وانفه طويل وبشرته ذات لون الشرقي الاسمر ,وجسمه العريض ونظرته المتكبره تثبت لكل من يراه بانه شخص ثري:نعم؟
    الفتاة العربيه ناعمه, بحجابها ونظارتها شمسيه تخفي ملامحها الناعمه من مايقرب العشر دقائق تجري خلفه :تفضل
    نايف بنظرة احتقار :وش ذا؟
    نجود احمرته بشرتها فنايف مصوب نظراته عليها : هاذي حفله كل السعودين بيجون فيها,عشان تعرف حنينا للوطن بين الاجانب وكل شهر بنسويه ببيت واحد فينا
    نايف ينظر اليها باحتقار اكبر جعل نجود تحرج : انا مب فاضي لهاذي الاشياء قال حنين للوطن ياشيخه اصلا محد مستانس كثركم انتو يا البنات هايتات بدون لارقيب ولاحسيب ودليل انك تلاحقين شباب سعوديه يحضرون
    نجود دهشة من تفكير هذا تفكير رجعي جدا نطقته بغضب:يكون بعلمك ان اخوي الى مسويها وقالي اعزم اكبر عدد اشوفه هنا معي بالجامعه واهو بيسوي نفس شي بجامعته
    صراخها وغضبها جعل الجميع ينظر اليهم ,لاكن الاغلب لم يفهم أي شي مما قالت
    لاكن العدد القليل من العرب فهمو مانطقة به
    نايف بنفس طريقتها:خير ان شاءالله تصارخين بزر عندك؟, والله يبي لك كم كف
    نجود:اكبر مابخيلك اركبه
    : Excuse Is it something
    نايف: Nothing
    بعث نظره مهدده لنجود وذهب بعد ذالك الى سيارته
    :قلت لك ماتكلمينه بس عناد براسك ماتدرين انه ولد الفيصل؟
    نجود بعصبيه:وخير ياطير؟واذا ولد الفيصل انا بنت ابوفيصل
    والله انه حقير
    :بس مزيون اعترفي
    رمقتها نجود بنظرة غضب وبخطوات سريعه تجهته الى خارج الجامعه

  5. #5

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رد: رواية عندما ارى عيناكي سيتدي إعلمي ان حدود العقل اعلنت برائتها مني كاملة 2014

    البارت الثالث
    رمت نفسها بحضنه : اخيرا جيت والله اشتقت لك خفت صاير لك شي
    تألم نواف فجرحه مازال حديث على ضغط تحمل ببتسامه مصطنعه:قلت لك مافني شي
    بس انتي معانديه شسوي فيك
    ندى تناظر عيونه بلوم: يعني ماشتقت لي؟!
    نواف يحوطها بيده: شدعوه ماشتاق لك يس والله شغل مهم ,وشوي وبطلع
    ندى بتنهيده:تفضل تقهوى طيب
    نواف سار بجانبها الى المجلس: شخبارك وش مسويها
    ندى:الحمدالله
    نواف:وين ناصر؟ ابيه بموضوع
    ندى:قل انك جاي عشان ناصر مب عشان وجهي مب مشكله
    سبق كلام نواف صوت نهال الى دخلته بسرعه المجلس مومنتبهه وعينها على الجوال:
    ياحماره مب قلت لك لاتاخذين بلوزتي ليش تاخذينها ,ماتفهمين انتي
    نواف انصدم من هاذي الى دخلته عليه وندى ماتقل صدمه تنح نح قاصد لفت انتباها
    نهال رفعت نظرها شافت نواف ببدلته العسكريه وهيبته الى ماليه المكان ونظره للارض ,خرجته بسرعه قاصده الاختباء
    وقفت ندى بتلحقها سحبها نواف:على وين؟
    ندى بعصبيه: مستانس انت بعد تناظرها خل تتأدب بعدها بيجيك دور ياعميد نواف
    نواف اسكتها بقبله عميقه جعلته اعصابها ترتخى وتجلس بصمت
    دخل ناصر شافهم قراب من بعض ويناظرون بعض:استغفرالله منكر بمجلسي اعوذ بالله ,ماتقولون ناصر عزوبي ضعيف
    نواف بتوتر وقف مبتعد عن ندى الى وجها تلون بالاحمر وقرب من ناصر وسلم عليه
    ناصر يتصرف بعدم معرفته عن سبب اختفاء نواف:انت وين مختفي هاه؟ويوم جيت جيت تسوي المنكر ببيتي
    نواف:يازينك ساكت
    ناصر يتأمل بدلة العكسريه بأعجاب طاحت عينه على مسدس نواف الى بخصره:بعد جاي تقتلنا
    نواف متجاهل كلامه: جاي اسلم وبكلمك بموضوع
    ناصر التمس الجديه بأسلوب نواف:سم
    نواف سم الله عدوك:عطيني مقفاك بقعد مع امرتي بعدين بجيك
    ناصر:طيب خلني اقعد معكم اخذ دوره بقلة الادب؟
    نواف ببتسامه: قلت لك ورني مقفاك
    طلع ناصر يتحلطم واجهته امه:خير يالمهبول تكلم عمرك ,يالله يارب اني مخلفه مهبل
    انت تكلم عمرك واختك جايه مسرعه كان احد يلحقها والكبيره تصيح ليلها ونهارها
    ناصر يقبل رأس امه:وش تبينا نسوي يا لطيفه!بعدين الكبيره خلاص مب مصيحه قاعده في حضن حبيبها
    ام ناصر بعصبيه:استح لابارك الله فيك من ولد
    ناصر:والله يمه وش رايك تدخلين كانك بتسلمين على نواف وتخربين جوهم
    ام ناصر عصبته اكثر من جرأته ولدها:طس عن وجهي اشوف
    ناصر :يمه
    ام ناصر:وصمه تصم العدو وش تبي بعد
    ناصر يتصنع زعل:مقبوله منك يأم ناصر
    ام ناصر رفق قلبها لولدها واضح انه زعل: وش اسوي لك هبلته فيني امر يمه وش عندك
    دخلته نهال وجلسته على الكنب متجاهله وجود ناصر كمل ناصر بأستهبال:بتزوج
    ام ناصر بزغرطه تسحبه وتجلسه جنبها:زين ماتسوي اخيرا بتكمل نص دينك وربي هداك
    نهال بمداخله:على اساس دينه كامل ناقصه زواج ويدخل الجنه
    ام ناصر بعصبيه بسيطه:وش فيه ولدي صايم ومصلي ومزكي ومتصدق؟
    اردفت موجهه كلامها لناصر : حاط عينيك على وحده والى ازوجك انا باختياري؟ ,دانه وش زينها زينت البنات
    نهال:ويع ويع
    ام ناصر:خير ان شاءالله قمتي توعوعين؟
    ناصر :بس يمه ماعندي فلوس المهر والعرس,وهاذي نهال تقول انها مهب زينه ,ابي وحده جمالها وش زينه,اذا صارت مهب زينه بيطلع انتاج عيالي مخيس,وبعدين سعد يحوم الكبد ماتقدرين طلين بوجهه خمس دقايق تجيك دوخه,اجل وشلون اخته؟!
    ام ناصر:ماعليك منها هالخبله من يومها مادينها كنها مب بنت خالها,والله انها وش زينها ذاك شعر الى كانه حرير وطويل و
    ناصر بجديه:لاتوصفينها مايجوز
    ام ناصر :اجل تتزوج وحده ماتعرف شكلها
    ناصر:شوفي يام ناصر انا بتزوج وحده على ذوق نهال واثق بذوقها بس انتي لا ماعليش
    ام ناصر بزعل:عايف بنت اخوي
    نهال بتدخل: الى دانه وحده ماتنبلع ,وفوق ذا شيفه اكيد بيعافها
    قطع حوارهم صوت نواف يقترب راحت نهال المطبخ وناصر قعد يحمد ربه بداخله انه قطع حوارهم
    نواف يقترب يقبل رأس و أيد ام ناصر باحترام:شخبارك يمه ان شاءالله بخير
    ام ناصر:بخير,مع اني زعلانة منك
    نواف :افا ام تزعل من ولدها وش اني مسوي يومك تزعلين؟
    ام ناصر: اجل تخلي بنتي ضعيفه تصيح ولاترد عليها
    ندى :يمه
    ام ناصر:وانا صادقه
    نواف يوجه نظره لندى: اجل مشتكيه عند الكل هاه؟,بعدين ياعمتي لاتخافين انا ماقوى على زعلها راضيتها
    ناصر:اكيد راضيتها بقلة الادب
    ضحك نواف واتجهته ندى بسرعه للمطبخ
    نواف ببتسامه:ياخي واحد ومرته حلال وش دخلك انت ناشب لي ؟
    ناصر باستهبال:ناسي اني عزابي ياخي
    ام ناصر: بتعرس ان شاءالله قريب واشوف عيالك وعيال عيالك
    ناصر:امين بس مب قريب
    نواف: ناصر ابيك شوي ,عن اذنك يمه
    ام ناصر:اذنك بعمك,قم ورا نسيبك خلصني
    ناصر: والله انك كفو ثاني مره تقطع سالفة زواج اليوم
    نواف يستند على الجدار: وليه ماتبي تعرس؟ ,ياخي رجال وش كبرك كامل والكامل الله
    ناصر: خلها على الله,الى متى ماربك رزقني ساعتها بعرس,المهم امرني وش موضوعك

    نواف:مايامر عليك ظالم
    تابع بتوتر:اسمعني ياناصر,انا منحرج منك ومادري وش اقولك بس ندى بتقعد عندكم شهرين
    ناصر عقد حاجبيه:بيتها مايحتاج اذن مني؟
    نواف يكمل:هذا شي متوقعه منك بس لو طولته او شي مادري وش يصير ويمكن اقل ويمكن يوم او اثنين ويمكن اخذها اليوم الى عليك بس تخفف عليها لو سألته وانا بزوركم كل اسبوع تقريبا ,بس خايف عليها ومابيها تلفت نظر ويدرون اني متزوج ويضرونها الحين العين علي
    ناصر بتفهم: الله معك ويوفقك وينصركم عليهم ويكثر بامثالكم بذا البلد
    نواف ابتسم لتفهم ناصر رن جوال ناصر وقطع حديثهم
    ناصر:هلا
    ياسر بسرعه: امش بسرعه تعال
    ناصر بربكه:وش صاير خير؟
    ياسر بسرعه اكبر:تعال الدنيا قايمه قاعده هنا وسكر بدون مايسمع رد من ناصر
    ناصر يوجهه كلامه لنواف:نواف البيت
    بيتك مثل مانت عارف تدخل وتطلع براحتك انا بروح شركه ضروري واتجه لسيارته
    ********
    :سليمان ممكن تفهمني بضبط انت وش تبي ترا طفشته
    سليمان:ابي اتكلم معك
    تغريد:مابينا كلام وانت زميل عمل بس ممكن تفكني من شرك ترا طفشتني بحياتي
    سليمان:والله بس دقايق يادكتوره
    تغريد: انا عندي ولاده واخرتني بعد عن طريقي
    راحت تاركته وراها
    :ياخي ماطيقك ماتفهم ماعندك كرامها,اتركها تراك طفشتها بحياتها
    سليمان :بجي راسها مسويه صعبة المنال بنت الفيصل ,بس تشوف ان ماجبت راسها
    :لك كم شهر او كم سنه تكرر نفس الكلام؟
    سليمان:شي مايخصك بسوي شغلي
    ¬¬¬¬¬¬¬¬: توي شايفتك بالمدرسه ياحبيبي والله صعبه اطلع صايره طالعتي كثيره
    رنا:بس انا اشتقت لك
    ناهد:وانا بعد اشتقت لك
    رنا:هاه وش قلتي تجين
    ناهد: ماقدر والله
    رنا بزعل:خلاص مع سلامه
    ناهد:لا لا
    رنا بفرحه:يعني بتجين
    ناهد:لا طبعا بس انت راح تجي
    رنا سكتت شوي بعدين:وين اجي
    ناهد:وين يعني اكيد بيتنا
    رنا:لا خلاص مو لازم اشوفك بكره
    ناهد:بتجي وبعد شوي بيجيك سواق,صديقات ملك فيه عادي
    رنا:بس ابيك انتي بس مابي صديقاتها
    ناهد:على اساس بتركك وياهم؟ افا ماتعرف اني اغار
    رنا:اصلا انا اعيش عشانك
    ناهد ضحكته وكملو سوالفهم
    **
    :ياسر وش صاير؟
    ياسر:قل وش ماصار كذا بقدر اقولك
    ناصر:تستخف دمك قل
    ياسر:امش معي مكتب الاجتماعات الاستاذ جراح جامع كل شركاء
    ناصر:وش صاير
    ياسر:خساره كبيره وقايمه دنيا
    داخل مكتب الاجتماعات
    دخل جراح بهيبته المعتاده بعد حضور الكل بخمس دقايق
    :سلام عليكم
    الجميع:وعليكم سلام
    وعم صمت بالمكان لخمس دقائق اخرى
    شريك:وش صاير
    جراح انفجر: بعد تقول وش صاير كانكم ماتدرون احنا خسرنا خساره كبيره
    شريك1:خسارة ايش يابو سلطان
    جراح بصراخ:من الغبي الى موقع على صفقه هاذي *ويرمي الاوراق* ومن دون شوري
    تدرون كم خسرنا؟ والى اقولكم
    الكل:كم؟
    جراح بصراخ اكبر:15مليون؟ والشركه بترهن
    واحد من شركاء:15مليون؟
    جراح بستهزاء :تصور بس15 مليون بس
    شريك ثاني:احنا امناك على كل شي واصلا مايصير شي من غير اذنك
    جراح بستهزاء اكبر:للحين تذكرون ان مايمر شي باذني,انتو نسيتو ان انا وابوي نملك 50% من اسهم شركه والخمسين ثانيه موزعه بينكم يعني شركه ملكنا
    شريك ثالث: شركه لنا كلنا
    جراح: انت بذات اسكت كله من تحت راسك ,يكون بعلمك انت الى بتدفع تعويض
    شريك ثالث:وش ذنبي
    جراح:انت الى موقع على الاوراق هذا ذنبك
    شريك ثالث:نخسر نخسر كلنا نربح نربح كلنا
    جراح: اجل نرهن شركه او تدفع انت تعويض
    شريك ثالث:وليش انت وابوك ماتدفعونه
    جراح:يغلط ويتكلم,من موافق تخسر شركه كلها او اهو يدفع تعويض
    الكل صوت مع راي جراح بانه يدفع تعويض
    شريك ثالث: انا من وين لي 15 مليون
    جراح :انا من عندي نص مليون ,والباقي عليك
    شريك ثالث بستهزاء:فيك الخير, لا شلته نص المبلغ
    جراح :لاوالله فيني الخير والحين بيوضح اصبرشوي بساعدك اكثر
    نواف يوجهه كلامه لياسر قول للمحامي يحضر فورا ويجيب الى قلت عليه
    ياسر يوقف:حاضر طال عمرك
    شريك ثالث بتوتر:وش دخل المحامي؟
    ياسر :بيساعدك
    حضر المحامي بعد دقايق
    جراح:جهزته الاوراق وكل الى طلبته
    المحامي:ايه طال عمرك
    جراح:عطني اشوف
    جراح لشريك وعينه في الاوراق: عندك قصر هنا؟انسام بربعه مليون اكيد حي راقي وقصر فخم
    شريك :من طلب منك تسومه ؟ومن قال ببيعه
    جراح :ومن قالك نرمي اهلك بشارع؟ لابنشوف وش يبقى
    ويناظر الورقه ثانيه: عندك مزرعه على طريق القصيم؟ سيمتها بالي فيها 5مليون بدون نياق ومع نياق 10 مليون
    وعينه على الورقه الثالثه:كمل وعندك بيت مرتب في جده,يجيب مليون كم صارت 15 والى اقولك انا بشتري منك قصرك بخمسه مليون وعلى بركة الله
    وعينه بالورقه الاخيره:وبحسابك مليونين ونص زين تشتري لك بها بيت ,واسهمك الى هنا تببقى لك
    شريك وعينه شرار: من قالك ببيع,واحنا شركاء خسرتنا وكسبنا واحد
    جراح: لاوالله مهب واحد
    شريك بتحدي:عندك شي يثبت اني موقع عليها بدون موافقتكم ؟
    جراح وعينه بعين شريك اخذ الورقه من المحامي رماها بوجهه شريكه:عندي هاذي
    وقف وطلع من المكتب ووراه المحامي وياسر وناصر
    داخل المكتب مسك راسه مب مستوعب
    قرب منه شريك الاول:سعود صراحه مادري وش اقولك بس انت عارف جبروته وانت كيف تدخل صفقه كبيره مثل كذا؟وبدون علمنا
    سعود:توقعته نجاح لو اعرضه عليه اكيد بيرفض وكان مفروض ناخذ 30 مليون بس الى صار خسرته وضعته,ماكنت متوقع الاسهم بتنخفض بالارض وحتى لوهذا مفروض كلنا نتحمل الخساره
    شريك: انت عارف وش سوا بعمه , سحب الى وراه الى دونه واهو عمه كيف انت؟
    سعود بحقد:وانتو سكتو ماعرضتوه
    شريك برتباك: لو اعترضنا كلنا بنخسر مب بس انت
    سعود:شسوي الحين
    شريك:سو الى يقولك لايبعيك حتى اسهمك
    سكت سعود ومارد
    *****
    :كيف انتحر؟ مجانين انتو
    :هذا الى صار دخلنا حصلناه منتحر

صفحة 1 من 11 123 ... الأخيرةالأخيرة

المواضيع المتشابهه

  1. رواية عرفتها بنت و ودعتها ولد كاملة ٢٠١٤ , رواية واقعيه
    بواسطة موكاتشينو في المنتدى قصائد وخواطر
    مشاركات: 5
    آخر مشاركة: 26-07-2014, 04:12 AM
  2. رواية همس الموت ٢٠١٤ كاملة , روايه كاملة 2014
    بواسطة موكاتشينو في المنتدى قصائد وخواطر
    مشاركات: 64
    آخر مشاركة: 26-07-2014, 04:07 AM
  3. رواية بكاء بلا دموع 2014 كاملة
    بواسطة موكاتشينو في المنتدى قصائد وخواطر
    مشاركات: 39
    آخر مشاركة: 19-07-2014, 10:05 PM
  4. رواية لن اتخلى عنك كاملة 2014
    بواسطة موكاتشينو في المنتدى قصائد وخواطر
    مشاركات: 30
    آخر مشاركة: 19-07-2014, 09:44 PM
  5. مشاركات: 0
    آخر مشاركة: 27-11-2013, 11:25 PM

الكلمات الدلالية لهذا الموضوع

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52