صفحة 1 من 9 123 ... الأخيرةالأخيرة
النتائج 1 إلى 5 من 45

الموضوع: رواية ضمني وخبني بين اضلعك كاملة بدون ردود 2015 من احداث واقعية

  1. #1

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رواية ضمني وخبني بين اضلعك كاملة بدون ردود 2015 من احداث واقعية

    بسم الله الرحمن الرحيم

    رواية ضمني وخبني بين اضلعك كاملة بدون ردود 2015 من احداث واقعية




    السلامُ عليكم ,

    صباحُكم إبتسامه فرحْ . .
    قرأتْ روايه بِ منتدى، وحبيّت أنقلها لكمْ . .
    وأتمنى تعجبكو، وتستمتعو فيّها (:

    ويوميًّا راح أنزل من 2 إلى 5 بارتاتْ ( ).
    أبغىَ ردود ربي يسعدكم ,


    روايه ضمني وخبني بين أضلعك ؛ للكاتبه فتو.



  2. #2

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رد: رواية ضمني وخبني بين اضلعك كاملة بدون ردود 2015 من احداث واقعية

    اليوم ان شاء الله راح انزل اول بارت للروايه
    .. روايه فيها من الواقع الكثير لكن ممزوج بخيال فتو..
    فيها ..
    شقاوة المراهقه
    جنون الحب
    وشوق العشق
    وفيها من ظلم القريب
    ومواضيع عديده ومناقشه لمشكلات نواجهها قد ينفي وجودها البعض ولكن رؤيتي لتأثيرها على اغلى انسانه دفعني للكتابه عنها ..

    شخصيات روايتي واحداثها 70% من الواقع لشخصيات مختلفه,,الجريئه,الضعيفه,المتمرده,وغيرها من الشخصيات

    رائيكم يهمني مهما كانت قلة حروفه,ونقدكم سأتقبله برحابة صدر..
    وللآن انا اكتب الاجزاء الاخيره لذلك يهمني رائيكم وافكاركم وتوقعاتكم لمساعدتي في كتابة اخر الاجزاء فلا تبخلوا علي بنقد ورائي وتوقعات حروفكم.

    اتمنى ان تنال استحسانكم "ضمني وخبني بين اضلعك".
    انتظروا نزول اول بارت
    دمتم كما تحبون
    اختكم
    فتو

    الفصل راح يكون تعريف للشخصيات بطريقة احداث متفرقه,وبالفصل الثاني راح نبدا الاحداث الحقيقيه وكل مادخلنا بالفصول الجايه اوعدكم بتطورات سريعه ومؤثره
    اتمنى تستمتعون باول بارت لأن اغلب احداثه حقيقيه 100%

  3. #3

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رد: رواية ضمني وخبني بين اضلعك كاملة بدون ردود 2015 من احداث واقعية





    (الفصل الأول)

    الذكريات

    اخر ايام إمتحانات الثانوي

    سمر: فتون ...فتون..هي اكلمك
    فاتن: قالوا لك صقهى اسمعك وش تبين؟
    سمر: اعوذ بالله على هالأخلاق
    فاتن: إسمعي ترى مانمت زين وواصله معي وتوني طالعه من الإمتحان وانا عافسه الدنيا ..وش تبين إختصري
    سمر: ول ول ول ...طيب وش الجديد يالخايبه؟
    (فاتن ساكته بس ناظرت سمر ,,يعني اسكتي وقومي عن وجهي)

    سمر:والله شكلها مقفله معك ... (وفكرت تطلع فاتن من ذا النكد)
    تذكرين يوم كنا بالمتوسطه ومافيه حصه نخليها الا ونطلع منها
    فاتن وهي ترجع راسها على الجدار: ياكثرها من مرات

    (ورجعت بهم الذاكره يوم...
    المُدرسه: نعم وش عندكم يالثنائي واقفين على راسي ماقلت لكم جيبوا الدفاتر اصححها ,بكره بأطلبها.
    فاتن:استاذه لا مو الدفاتر ..ممكن لو سمحتي اودي سمور غرفة المراقبه,مره تعبانه شوفيها... مسكينه.
    المدرسه: اقول اتركي يدها هي تروح لحالها,انتي ارجعي مكانك
    فاتن: لا يا اسـتـ..
    المدرسه: قلت إرجعي وهي تروح,وله مااحد يطلع منكم انتم الاثنين
    فاتن: الله على ذاك الخبال..بس انتي ماكنتي تعرفين تمثلين على استاذه فريال باللذات
    سمر: لااااااا.. انتي اللي ماعرفتي تقنعينها,اصلا انتي دائماً ماعندك اسلوب

    داليا: سلام ياحلوين, وشفيكم شابين في بعض, وليه قاعدين هنا!!
    سمر: تعالي الله جابك ,بذمتك البنت هذه عندها اسلوب
    داليا ناضرت بفاتن ورفعت حاجبها وقالت: ام العربجه,لا اسلوب,ولا رقه,ولا ذوق,دفشه وعربجيه
    فاتن: الشرهه علي اللي اسمع سواليفكم وخروا بس خلني اروح
    داليا: والله ماتروح قلب وعيون وروح دالي
    فاتن: إي هذا الكلام , مو توقفين مع سيدة الرومانسيه ضدي
    سمر: كنا نتذكر ايام المتوسطه
    داليا: يوه تذكرين فاتن يوم ناخذ ارقام البنات من على الباب ايام الامتحانات
    سمر: وش ذي السالفه ماقلتوا لي؟
    داليا: افااا..اجل إسمعي , ذاك اليوم من الطفش إقترحت فتون الحلوه إننا ناخذ اسماء بنتين نعرف اشكالهم بس ما نعرفهم شخصيا...ونخبل فيهم
    سمر: وش سويتوا؟
    داليا: بعد ما اخذنا اسمائهم الكامله طلبنا الرقم من السنترال ودقينا عليهم وخذلك هباااااااااااال
    سمر: هههه والله انكم مهابيل, وبعدين
    داليا. ابد ما غير نقولهم احنا معجبات ونحبكم وكل وحده فينا داقه على وحده,وتسمعها اغاني بعد هههه
    فاتن: والله كنا مهابيل,اسكتي لا احد يسمعنا يقعد يضحك علينا
    داليا: ما قلتوا لي كيف امتحانكم؟
    سمر: انا والحلوه ذي زي الزفت
    داليا: ما شاء الله علينا, متعاظدات في كل شي ههههه
    سمر: اهم شي ننجح وبس إن شاء الله نجيب ظعيف
    فاتن: على قولك, ابي اقعد بالبيت انام على كيفي اسهر اسوي اللي ابيه من غير ما اسمع موال(( فاتن ذاكري)), ((فاتن قومي نامي ماعندك مدرسه))
    سمر: ههه يله الحارس ينادي اسمي اشوفكم بكره...باي
    فاتن وداليا: بايات.



    ((خلونا نتكلم عن الثلاثي اللي راح يفرون معنا بالقصه فر
    فاتن ..بطلتنا الأساسيه اللي يشوف طولها ولونها الحنطي وعيونها العسليه وجمالها الفاتن ما يتخيل انها قويه وصريحه ماتحب اللف والدوران اما اسلوبها انتم قريتوا شي منه ودائم صديقاتها ينادوها عربجيه...

    داليا...رقيقه جذابه بيضاء وجريئه دلوعه بعفويه كل من شافها حبها...

    سمر.. افكارها جريئه حبوبه حنطيه وجميله جدا تعكس صوتها النااااااااااعم ورومانسيتها الهائله وعندها مثل دالي اسلوب في الكلام عكس فاتن... اما بقية الشله نتعرف عليهم خلال الاحداث))



    في بيت فاتن
    فاتن:يمه يمه يا يمه ...وينك الغدا جاهز؟ ترا فارطه جوع يمه
    الام: يابنت بس وطي صوتك ذا العله, انتظري شوي ابوك يمديه على وصول
    فاتن: يوه يعني انا وش يصبرني... صح وينه حبيب قلبي
    الام: اخوك بدر توه جاي تلاقينه بفرفته

    ""وعلى طول راحت له"
    فاتن: حبيب قلبي..كيفك
    بدر: هلا والله بفتونه... صوتك ما شاء الله سابقك
    فاتن: على فكره من زمان عن احم احم اسمع..(واااااا اوووو واااا)
    عائشه:الحمد لله والشكر انتي متى بتكبرين!!وش قاعده تسوين؟
    بدر:هلا بأم محمد حياك,الحبيبه قاعده تغني اوبرا
    عائشه: ههههه والله انتي يا اختي كل يوم تنجنين زياده
    فاتن: قولي ماشاء الله
    عائشه: ههه, اقول قومي يله انا جايه من بيتي متعنيه ابيك تروحين معي السوق زواج اخوزوجي قرب وللان ما شريت فستان
    فاتن: تستاهلين خل يصير فيك مثل زواج بنت خالي قلنا لك خيطي معنا مسويه فيها(وترفع فاتن خشمها تقلدها وتقول...لالا بيوم واحد انزل السوق واشتري لي جاهز)
    عائشه: لايكثر قومي اخلصي
    فاتن: ماتغديت
    عائشه: الله المستعان انتي وجوعك بشتري لك على طريقنا اللي تبين يله
    بدر: اجل طفوا النور وقولو لأمي لاتقومني على الغدا
    (( وهنا يكفيني اقول ان بدر عمره 25 ويحب فاتن اكثر من اخوانه عنيد وغيور ولاعصب اليد تشتغل قبل العقل بس على الرجال اما خواته ما يمد يده ابداً))
    ::::::::::::::

    اخر يوم امتحان ووداع للمدرسه
    بعد ماطلعوا البنات من الفتره الاولى

    اماني: فتون وش رائيس تعيدين السنه معي
    فاتن:وشي !!لاياشيخه,شايفتني مجنونه
    اماني: اللحين اللي يجيب نسبه مجنون؟ إعقلي بس كل الشله راح يطلعون وانا ابي اعيد ,يله تكفه اقعدي معي لا تخليني لحالي,,اليوم اخر فرصه سوي مثلي اكتبي مكان الجواب السؤال نفسه وراح تعيدين
    فاتن: شوفي انتي جد صديقتي واعزك واموت فيك..بس ما تعرفين تفكرين صح ...ياحبيبتي في احسن من الراحه وله النوم...فكينا
    اماني: والله راح تندمين وتشوفين بذكرس.
    فاتن: بلا فلسفه اصلا امي واعدتني لو انجح بتسوي لي حفله وبإستراحه بعد, ليه اتعب نفسي واضيع سنه ....بالله فكينا

    وعند داليا وسمر:
    سمر: يله عاد كم مره اقولك لا تتكلمين معنا الا بالحظرمي
    داليا: اي والله حبيت كلامهم منك
    اريج: ويه بغيتوني اقولكن؟
    سمر: غني لنا شي
    اريج: على شرط
    سمر: انتي تامرين
    اريج: ترقصن ؟؟؟
    داليا: ماطلبتي يله
    شيخه: لحظه بظبط العلبه عشان اطق,بس غني شي معروف عشان اطق معك
    اريج: لا ان شاء الله تعرفينها يله جاهزين؟؟؟
    وكل الشله:إي جاهزين
    اريج:وبشل حبك معي بلقيه زادي تيرررا

    (وما غير البنات يترزحن ويرقصن وهلا وسرا وعاشوا ...ولحسن حظهم جتهم وحده من صديقاتهم تقول لهم ان فيه وحده رايحه تبلغ عليهم...وبس سمعوا ذا الشي كلٍ راح يشغل نفسه بشي
    داليا فتحت الكتاب اللي امتحنته وخلصت تصرف...وسمر من جد كانت حرانه من الرقص وقاعده تهوي بكرتونه وتقول استغفر الله استغفر الله حر استغفر الله...اما اريج ماتشوفين غير غبارها ولحقوها بقية الشله....يعني حلو يكون لك صديقات منتشرات ينبهونك من بعض الملقف.)

    وبعد الفتره الثانيه للاختبار

    اريج: كنش يا اماني؟
    اماني: وش فيك
    اريج: من جد وش مسويه بمريولك
    اماني: وش اسوي هذه اخر مره اشوفكم فيها ولازم كل وحده اعرفها توقع وتكتب لي تذكار على المريول
    داليا: يوه والله فله بقلدك ممكن؟
    اماني: خذي راحتس, إلا وين فتون
    اريج: خليها لاتجي وتقولنا نكتة الرجال والحمار , تراني مصدعه
    داليا: شوفيها مع سموره, جبنا سيرة القط
    سمر: وش ذا المريول من جد خريطه
    فاتن: هاي بنات كأني أسمع النكته حقتي , عموما من غير ما تطلبونها والله بقولها..كان في حمار وكان في رجال قام الرجال قال للحمار انت حمار ليه ياحمار قاله ..انا حمار عشان انت حمار,,قاله انا حمار قاله ايوه قالوا طيب انا اوريك وراح شكى للذيب وقالو ا كان في حمار وكان في رجال قام الرجال قال للحمار ....( وتعيد وتزيد ويوم شافت ان كل البنات عبسوا وطفشوا وحطوا يدهم على اذنهم كالعاده ضحكت وأشرت لهم بأيدها ان خلاص ماراح تكمل وقالت لهم) : لأن اليوم اخر يوم انا جبت تذكار بسيط لكل الغاليات على قلبي
    اماني: يعني وش جايبه ورد من محل ابو ريالين
    (البنات كلهم فطسوا ضحك)
    فاتن: الشرهه علي معبرتكم فارقوا
    سمر: قايله لك مو لايق عليك دور الرومانسيه ذا دوري انا ههه
    فاتن: والله ماتستحون,خذوا جعل تنكسر عليكم
    اريج: ماعليك منهم الله والله تسلمين اخيرا لقيت علبه تحفض عطري,بدل ماكل شوي ينكسر
    فاتن: هذه العالم اللي تفهم
    داليا: ماقلتي لنا ..ناويه على الحفله بعد النجاح
    فاتن: ابد بس خلهم يقولون فتون نجحتي وتشوفين, بس على الله الأخت سمر مو مثل العاده ماتجي
    سمر: لمليون مره اقولك بعرس بنت خالك والله كنت جايه بس دخلت قاعه غير حقتكم واخوي راح وما كان معي جوال
    فاتن: صرفي بس شوفي ياااارب اذ مابتجين خلها ترسب يارب
    سمر: ام النذاله ياناس

    :::::::::::::::::


    نقلات كبيره ورحله مع الخُطاب

    انتهت ايام الطيش ومرت ثلاث سنوات وصارت اعمار بطلاتنا 21 سنه بس عقولهم وتصرفاتهم كانت مابين النضج والجنون كل وحده صارت بدنيتها تغيرات وتطورات راح نشوفها

    بدر: فتون وش فيك عمري ليه متغيره علينا؟
    فاتن: مافيني شي
    بدر: مو علي انا ,إسمعي اذ ما بتقولين بالذوق راح اخليك تتكلمين بالدريل((هالحركه هذه دائم بدر يسويها لفاتن وهو بأصبعه يحفر باط فاتن اللين ما تدمع من الضحك والالم)
    فاتن: لاااااا تراني كبرت على هالحركه
    بدر: اجل قولي لي وش فيك؟
    فاتن: يا اخي مليت من البيت والله طفشت دجيت وسهر وحتى دورة مكياج اخذت بس مليت
    بدر: بس كذا,,تسلي بالمطبخ
    فاتن: مره خفيف دم
    بدر: خلاص انتي قولي لي وش بأيدي اسوي لك؟ وبعدين تعالي.. مو بكره بتروحين تسجلين بمعهد الحاسب ؟
    فاتن: الا انشاء الله
    الام: فتون تلفون
    فاتن: عن اذنك ياخفيف......
    _الو
    سمر: ياهلا بالقاطعه وينك ووين ايامك
    فاتن: بالبيت وش عندي ياحسره؟
    سمر: اعوذ بالله على الاخلاق,خلاص اجل بكره بنجتمع يالشله في سلام مول تجين؟
    فاتن: الله سوق ,بس بروح ا سجل بمعهد,,,اجلوها
    سمر: ودي ياعمري بس الكل ظبط اموره صعب الكل يكنسل
    فاتن:خلاص اجل معكم الرحمن ... على فكره بتروح معكم دالي؟
    سمر: لا.. وترى البنت هذه عليها غبار, اكيد عندها شي غاطسه
    فاتن: انا بالليل بدق عليها واشوف وينها..يله فارقي بروح ادور لي تنوره من تحت الارض ابي اروح فيها بكره.
    سمر: ههههه, ابد مافي انوثه انا عمري ما اذكر شفتك بتنوره بحياتي من وين بتدورين اكيد من دولاب امك خخخخ
    فاتن: هههه والله ماادري من وين بجيب لي تنوره, يا اختي ما اعرف امشي فيها والله
    سمر: ههههههه ...طيب...روحي دوري وبأدعي لك تلاقين هه.
    فاتن: يله يا خفه ..احطي
    سمر: باي عمري

    :::::::::::::


    بالسياره
    وبعد الشوفه الشرعيه

    الكل عايش في عالمه مثل ناصر اللي من يوم شافها انهبل وانجن
    ...اه يمه تهبل
    الاب: استح تو البنت ماتجوز لك
    الام: حتى انا ياولدي دخلت قلبي وحبيتها
    ناصر: اجل دقي عليهم اللحين وقوليلهم حنا موافقين وشوفي رائيهم
    اخته ميثا: اثقل شوي تونا طالعين من عندهم وش تبيهم يقولون؟
    الام: إي صادقه اختك بكره ان شاء الله نشوف رائيهم,حتى انا مستعجله مثلك هههه

    :::::::::::::::
    تلفون مستعجل من...

    داليا: سلام يا احلى فتون..
    فاتن:اهلين اليوم جايبه سيرتك مع سمر كنت بدق عليك بعد شوي
    داليا: اه فتون انا.... بحلم
    فاتن: اف اف وانا اقول غاطسه مو لله
    داليا: انا بموت من الفرح اليوم تدرين من كان عندنا
    فاتن تقلد صوتها( مين كان عندكم)
    داليا: خطيب اليوم الشوفه,شافني وشفته
    فاتن: إحلفي
    داليا: والله توه طالع هو واهله
    فاتن:ولا تعلميني ولا شي ,بس يله مو مهم مبروك الف مبروك يله بسرعه كيف شكله وطوله واسمه وراتبه ووش سويتي عاد انتي جريئه اكيد قازه امه قز
    داليا: بسم الله تبيني اجاوب على ايش وله ايش؟ جد مطيوره عموما...اه يابختي
    فاتن:ههههه , يله عاد
    داليا: فاتح يعني حنطي وجسمه حليو طويل ووواممم مقبول
    فاتن: اجل يعجب
    داليا: عقبالك يااارب
    فاتن: دالي لا تنرفزيني تدرين انا كارهه الزواج والرجال كلهم
    داليا: يالعربجيه في بنت ماتحب تتزوج؟
    فاتن: إي انا , قولي يارب تتوفقين وتكملين دراستك
    داليا: اللي يجيب نسبه مثل نسبتنا لا تفكر بالدراسه احسن لهاهههه من بيقبلك بجامعه او حتى كليه وانتي نسبتك 65 ههه انسي
    فاتن: وجع خليني احلم
    داليا: اه اقول انا اللي ابي احلم بناصر ,الله يسامحه باللي سواه فيني من شفته
    فاتن: هههه اجل اخليك ياسعاد حسني ...فارقي
    داليا: يابنت قولي مع السلامه باي تشاو , متى بتغيرين اسلوبك
    فاتن: ههه شكلنا اللحين ماقمنا نعجب, بعد ما امتلى القلب من نظره اجل لاتزوجتي بتتخلين عنا
    داليا: هههه والله اموت فيك واذا غيرتي اسلوبك ما تصيرين فاتن اللي نعرفها ونموت عليها...يله حياتي باي
    فاتن: احرجتيني ...يا....لالا احطي
    ::::::::::::::::::::

    في جده...
    ((يعيشون بنات عم فاتن خلوني اعرفكم عليهم.. هم ثنتين من بعد ماتوفى ابوهم بفتره انقلبت فيهم السياره وهم راجعين من عند اختهم المتزوجه للرياض وكانت معهم امهم واختهم الصغيره والله اراد ان ياخذ عنده الام والصغيره وما بقى بالعائله غيرهم مع اخوهم الظالم اللي ماخلاهم يكملوا دراستهم ومع القصه راح نشوف شخصيته واسمه ..خميس))


    انين: وإيش قالك كمان؟
    خلود: يقول خميس انو سئل عنوا وما سمع الا كل خير
    انين: طيب لما استخرتي بإيش حسيتي؟
    خلود: ما ادري خايفه بس لازم اوافق انتي شايفه كيف تعاملنا مرة اخوك الله لا يسامحها كأنوا هوا مو مقصر من الاساس
    انين: والله انك صادقه , لو انو متقدم لي انا كان وافقت على طول لو فيه عيوب الدنيا اهم شي ارتاح من الزفت وزوجتوا, اسمعي صوتها تلع لع تناديك
    خلود: بروح اشوف ايش تبغى
    سميره: يعني ماتسمعي انادي ليه سنه, حركي فزي غسلي الحمام توني خلصت غسيلي
    خلود: طيب
    سميره:ونادي اختك تنضف الصاله ماتشوفي كيف العيال حايسينها.. ...(قصدها عيالها الاثنين)
    خلود: طيب
    سميره: على فكره قبل ما انسى اخوك رد على الرجال وحددوا يوم يجي ياخدك فيه
    خلود: نعم!!! انا لسه ماقلت موافقه,وبعدين كيف يجي ياخدني ,ان شاء الله مافي حفله للملكه وبعدها الزواج؟
    سميره: انتي عارفه انه مطلق مرتين فمو حابب يعمل زواج وقال قدامك شهر تجهزي نفسك فيه
    خلود:انا ابغى على الاقل حفله صغيره حرام عليكم
    سميره وببرود:والله ياحبيبتي لو عندك الجرئه قولي لأخوكي..خلصي بلا هرج نضفي الحمام...بسرعه هههههه.
    خلود: الله ياخدكم يارب
    سميره: إيش قلتي
    خلود: بقول الحمد لله ان اخويا بعد امي وابويا محافض علي
    سميره: عقبال ماتفكني التانيه من وجهها,الله يقرفكم عالم هم.
    ::::::::::::


    الرياض

    في الصباح وفي المعهد تحديدا
    فاتن: السلام عليكم
    اداريه:وعليك السلا.!!!!!!!.ا..م, اتفظلي اقعدي
    فاتن مستغربه من نظرات الإداريه: انا جايه اقدم على دوره الرخصه الدوليه
    الاداريه: سبحان الله
    فاتن وهي متوتره من ذي التنحه قالت بتوتر: في شي بوجهي او تعرفيني وله وش السالفه؟؟
    الإداريه: لا هههه معليه اختي بس سبحان الله يخلق من الشبه اربعين
    فاتن وهي تقعد بالكريي بعربجه: ريحتيني وانا اقول وش فيها الحرمه
    الإداريه: من جد نفس التفاصيل لكن لو لون شعرك اسود وعيونك اغمق كان قلت انها انتي سبحان الله...تدرين في وحده هنا ظروري تشوفك
    ((فاتن زهقت منها بالذات انها جايه تسجل وبدر ماله خلق ينتظر بره: ما عليه اختي بوقت ثاني بس ابي اسدد المبلغ وتقولين لي متى ابدا الدوره
    الإداريه: والله راح تسعد بشوفتك ماعليه اعتبريه جميل
    ((فاتن إنحرجت وقامت معها وتقرا غرفة المديره ... واول ما دخلت شافت عكس ماقالت لها ...المديره اول ماشافتها تنحت فيها وعيونها امتلت دموع وحزن ملى وجهها قربت من فاتن وقالت))
    وش إسمك؟
    فاتن: احم فاتن
    المديره: عاشت الاسامي والله , الله يسامحك يا امل(الاداريه)
    امل تسأل بفرح: كأنها هي صح؟
    المديره: سبحان الله
    فاتن: والله انا منحرجه منكم بس لازم اسجل بسرعه واطلع اخوي مايحب احد يلطعه
    المديره: اجل زين بشوفك كثير...امل سجليها وبعد راعيها ونزلي لها نص السعر هديه مني
    امل: والله شكلك بتدلعين كثير ههه يله تعالي مكتبي
    ((فاتن مو فاهمه ولا شي وبراسها مية سؤال بس تبي تخلص بسرعه قبل مابدر يقتلها ...وفعلا خلصت وطلعت وهي متخوفه ومستغربه منهم))
    وبالسياره
    بدر: كان نمتي
    فاتن تألف: وش اسوي زحمممممه موووت لو تشوف كان قلت ماراح اقدر اسجل اليوم البنات فوق بعضهم
    بدر: بس ما اشوف سيارات تنتضرهم!!
    فاتن: ها امممم انا وش دراني
    بدر: والله لو تلطعيني مره ثانيه بخليك واخلص مشاويري وافكر امرك بعدها وله لأ.
    ((فاتن بنفسها تقول الله يعين اللي بتاخذك))
    بدر: كأنك تتمتمين بشي
    فاتن: لا انا اقول الله يجزاك خير ماتقصر
    :::::::::::::


    بعد المغرب في بيت داليا..جت اخت الخطيب تقابل داليا

    ميثا: والله كلفتوا على نفسكم
    ام داليا: لا كلفتي علينا ولا شي ,امانه كملي صحنك انا راح اطلع اكيد عندكم سواليف بنات وما تبوني اسمعها,عن اذنكم
    داليا: اصب لك قهوه
    ميثا: مشكوره حبيبتي..اكيد انتي مستغربه زيارتي اليوم بعد ماعطيتونا ردكم
    ((داليا مسويه منحرجه وقلبها يقول جعله راسلك بسواليف كثيره))
    ميثا: عموما الحبيب ماصدق رديتوا بالإ يجاب وقالي انط عندك وجايبه لك صورته ,وحب يهديك هالجوال
    داليا: مشكوره حبيبتي
    ميثا: هو صراحه حاب يكلمك وتتعرفون على بعض قبل الملكه فما ادري وش رائيك وكيف بيكون رائي اهلك؟
    داليا: إحنا بعد منفتحين ترى وما اتوقع راح يرفضوا
    ميثا: هو عموما راح تكون السواليف بينكم عاديه جدا وبعد عشان تفهمون بعض قبل الملكه, يعني لمصلحتكم انتم الإثنين
    داليا: ok يصير خير
    ميثا: يله تلاقيه ينتظرني بره على نار.. اذا وافقو اهلك انتظري اتصاله الساعه 9 بالليل.
    داليا: خلاص ok
    ميثا: يله مع السلامه حبيبتي.
    داليا: باي, وعيديها لاتقطعين

    ((داليا ماصدقت البنت طلعت قامت تنط و yes yes اه فديت اللي يبي يكلمني...وطبعا يوم اخذت رائي اهلها مالقت أي رفض))
    :::::::::::

    فاتن بمكالمه من بنت عمتها

    خلود: وحشتيني
    فاتن:وانتي موووووووووت وشفيه صوتك
    خلود: حددوا زواجي قصدي حددو رميتي
    فاتن:وش تقصدين؟
    خلود وهي مقهوره: الحيوان خميس وافق ان عريس الغفله ياخذني بحفله يسويها وفي بيتنا تخيلي
    فاتن:وليه ان شاء الله انتي ناقصه عين وله خشم!!
    خلود: حسبي الله عليه و اللي قاهرني ان الرجال عطاني مهر اربعين الف وخميس اخذهم وعطاني عشره بس وقالي دبري حالك, شفتي بالله
    فاتن:ياعمري ياخلود والله ما تستاهلين اللي يصير لك بس يالله ان شاء الله الله يعوظك بذا الرجال,وتلقين عنده كل اللي انحرمتي منه قولي امين
    خلود: امين , ومع ذلك عندي خبر حلو
    فاتن:قولي... فرحيني شوي
    خلود: راح اسكن بالرياض
    فاتن:امانه
    خلود: وي مايبغالها حلفان
    فاتن: حياتي يالولو والله فرحتيني, بس على فكره ابوي عرف انك ملكتي اليوم؟؟
    خلود: والله اخويا قليل أدب , ما اني عارفه اذا كلموا او حتى عزموا على الحفله وله لأ.
    فاتن: ههه عاد اخوك يموت على الريال, ما أتوقع يقول لأبوي إلا قبل الحفله بيوم..عشان مايكلف على نفسه بستقبال ابوي هههه
    خلود: الله لايبارك له في فلوسه,زي ما هو قاعد ياكل حقنا انا وانين من تجارة بابا
    فاتن: خلاص يابنت فرفشي ..من قدوا الحلوا اللحين تلاقيه ماخذ رقمك من اخوك عشان يسولف معك
    خلود: ههه يوه استحي,إيش أقلوا؟
    فاتن: أقول شكلي بعطيك رقم دالي تعطيك شوية جرئه هع

    ((فزت خلود من مكانها من فتحت زوجة اخوها عليها الباب بقوه وهي تصارخ وتقول))
    إنتي ياهم ما تسمعيني أنادي بلا في شكلك ساعه بالجوال وبعدين تصيحي فوق راس زوجي اهئ إشحن لي إشحن لي..ليه هوا ماخد ورث أبوكي!!
    أنين: خير ياجماعه إيش بكم؟
    خلود وكعادتها ماتحب المشاكل: ما في شي يا انين,الو فتون خلاص اكلمك بعدين
    فاتن: خلاص حياتي بس تكفه كفايه خوف منهم ولا تخليها تغلط عليك اكثر,وقفيها عند حدها
    خلود: خلاص باي
    ((هنا بوضح ان خلود خوافه موت من طبعها يعني لو صرختي عليها ممكن تعترف من الخوف بشي هي ما سوته, لكن انين فيها من القوه الشي البسيط.."بسيط"))

    سميره: انا أكلمك
    خلود: لا تعليق
    أنين: بلاش الغلط يا سميره وإحترمي نفسك شويه
    سميره: يعني إيش ماخدين ورث أبوكم جد ماتستحوا.. يا خميس خميس تعال إسمع إيش بيقولوا اخواتك عننا تعال
    خلود: الله يحرقها الكدابه
    أنين: ايوه فعلا اللي على راسو بطحا يحسس عليها
    ((وسمعها خميس وهو عند الباب وأستلمهم ضرب اللين مانزل من خلود دم من خشمها وأنين إنتفخ حول عيونها وإثنينهم قاعدات يونو))

    :::::::::::::::::
    من جده نروح لثاني يوم بمعهد فاتن:.
    المديره: داومت فاتن؟
    الاداريه: ماشاء الله حفظتي إسمها ههه, عموما توني شايفتها طالعه من فصلها
    المديره: طيب نادي لي اياها قبل لا تطلع

    (وفاتن كانت تكلم سمر بالتلفون):
    والله, بس انا ماقلت لأبوي ان المديره خصمت لي النص وناويه اروح السوق وأدلع نفسي شوي بالنص الثاني
    سمر: والله ما انتي هينه الف وميتين ريال ببطنك يالحراميه
    فاتن: عادي ههههاي
    الإداريه: فاتن ممكن شوي لو سمحتي المديره تبيك
    فاتن: ok سمور اكلمك بعدين..احطي اللحين
    سمر:اوك باي
    ....

    فاتن: هلا
    المديره: حياك أدخلي, ههه وليه ملامح الريبه لا تخافين صراحه انتي فيك شي يخليك مميزه عندي
    فاتن: ودي اعرفه بليز
    المديره: قبل لا تشربين شي؟
    فاتن: أخوي يمديه بالطريق ,ما فيه وقت تكفه قوليلي وش لغزك ؟؟
    المديره: لاهو لغز ولا شي بكل بساطه انتي فيك شبه من بنتي غريب جدا ,لو شفتي صورتها ماراح تصدقين
    (فاتن تقول بنفسها: أحسب عندك سالفه): لا, اجل اشبهها!
    المديره: خرعتك اول؟
    فاتن: لا عادي...عموما انا لازم اطلع قاعد يدق علي أخوي شكله بره
    المديره: خذي راحتك,بس ممكن طلب
    فاتن: تفضلي
    المديره: ليت كل يوم تمرين علي ولو خمس دقايق ,اعتبريني أمك او اختك الكبيره
    فاتن: ترى انا ما احب الرسميات يعني بعاملك فري مثل امي مو تزعلين
    المديره: ههه قابله بس اهم شي أشوفك
    فاتن بإستغراب: خلاص يصير خير, مع السلامه
    المديره: ياهلا وغلا.
    :::::::::::::::::::


    بعد ما مرت 4 اسابيع على هالأحداث:.
    داليا بمكالمه مع خطيبها:
    داليا: يله إحكي لي عن علاقاتك أول مع البنات
    ناصر: ههه إنتي إنسانه غريبه وطلباتك أغرب, يعني انا لو أطلب منك هالشي بتقولين لي؟
    داليا: لا وش شايفني انا ما عندي هالكلام الفاضي
    ناصر: ولا انا عندي
    داليا: لاتستهبل يله قول
    ناصر: وش استهبل ,انا اخوك الصغير
    داليا: لا اجل زعول..والله عادي ماقلت شي
    ناصر: إي طيب..إسمعي انا بطلع اللحين أصلي المغرب,لازم اقفل
    داليا: خلاص بيبي...لا رجعت كلمني,, باي
    منصور: مع السلامه.
    (ويوم شافت اخته ميثاء وجهه متضايق سألته)
    ميثا: خير وش فيه ؟؟
    ناصر: يااختي ما أدري أحس هالبنت هذه جريئه وغريبه كثير
    ميثا: لا بس لأنكم توكم ما تعرفتم على بعض زين,ولا مداكم تفهمون بعض
    منصور: والله ما ادري, يله انا طالع ..سلام
    ::::::::::::::::::::


    مكالمه بين فاتن وخلود
    فاتن: ها البطه للحين ما طلب يكلمك؟
    خلود: والله اني ما انام الليل أفكر إيش بو , لاطلب يكلمني ولا حتى يشوفني ولا حتى قال لي مبروك على الملكه!!!
    فاتن:ههه شكله يستحي
    خلود: إيش هوا دا , متزوج مرتين قبلي ويستحي ,بلا في شكلوا هوا التاني, بكره زواجنا وانا عمري ما سمعت صوتوا حتى
    فاتن: حسبي الله على أخوك , قال لأبوي ما في حفل ماله داعي تكلف على نفسك يا خال وتقطع تذكره وتجي
    خلود: هوا طول عمرو قليل حيا, لاتحطي في بالك.
    فاتن:ما قلت لك, جاني واحد قبل امس ورفظته
    خلود: إنتي وبعدين معاك, ليه ماتبغي تتزوجي؟
    فاتن: لا ياحياتي لا أبغى واحد يقرفني ولا يتأمر علي ولا يخرب لي حياتي انا كذا مبسوطه
    خلود: ههه شكلوا بدر خربك بدلعوا الزايد
    فاتن: حبيبي وعادي يدلعني لبى قلبه والله
    ((اه يافاتن ما تدرين بدر وش راح يسوي فيك))
    خلود: والمديره غريبة الاطوار كيف حالها؟؟
    فاتن: انا ماقلت لك؟
    خلود :إيش تلاقيك قلتي لشلتك كلها وانا اخر من يعلم
    فاتن: هههه, ما قلت غير لسمر وداليا..إسمعي
    قالت لي إيش سر إهتمامها وتمسكها فيني وانا اللي كنت مستهتره فيها والله كنت راح أصيح من كثر ما شفت تأثرها
    خلود: يا ماما إيش الموضوع
    فاتن: تقول لي إن قبل سنتين طلبت بنتها شروق اللي تشبهني انهم يسافروا لبنان, وبعد إلحاح وافق ابوها واقنع امها وفعلا سافروا
    وفي أخر يوم لهم أصرت انها تسبح قبل لا يرجعون, وكالعاده وافق ابوها ودخلت البحر هي وإياه ومن بعدها لا شافت زوجها ولا بنتها ولا حتى لقوا جثتهم
    خلود: انا لله وانا اليه راجعون, سبحان الله مكتوب لهم الموت
    فاتن: والله قطعت قلبي , واني رحمتها وحبيتها من قلبي
    خلود: إسمعي النسره بتنادي عليه حروح اشوف إيش تبغى باي
    فاتن: روحي لها الله ياخذها ويفكك انتي وانين منها,,أحطي

    :::::::::::::::

    ثاني يوم وهو خميس
    جمعه وفله

    سمر: خلاص مالك دخل هي حره
    فاتن: وش حره تكلم خطيبها على أي اساس؟
    داليا: إفهمي حنا لازم نتعرف على بعض قبل مانملك ,خلك منفتحه شوي
    فاتن:ياسلام الانفتاح هو تكلمين واحد توه حتى ماصار لك؟؟
    داليا:أي عاتي لازم اتعرف عليه قبل لااورط بالزواج
    أريج: هيا كنكن جاييات بس تتكلمن بهالموضوع!!
    فاتن: بطلي عناد ولا تتهوري
    داليا: اقول شغلوا المسجل,اماني عندك راشد
    اريج: أكيد عندي لبى قلبس تقومين ترقصين؟؟
    داليا:افا عليك بس شغليه وشوفي
    ( وبلا حب بلا وجع قلب وش جانا من ورا هالحب)
    سمر: والله عاشت دالي هلا هلا سرا سرا
    (( وكانت داليا ترقص هندي على الاغنيه وتستهبل, وفاتن دخلت بالجو وقامت تهز الوسط وهي ماتعرف من الرقص شي وفلوها البنات مثل العاده))
    :::::::::::

    جده
    (( بعيد عن هالأجواء كان في عرس حقيقي وهو عرس خلود... سوت لها الكوفيره المكياج والتسريحه وكانت مثل الملاك جمالها ساحر وخطير))
    أنين: هيا حياتي قومي البسي الفستان
    خلود: جا عريس الغفله؟
    أنين: ليه ربع ساعه هيا, يقول لي خميس أنوا يبغى ياخدك
    خلود: اه حاسه بمغص وقلبي قابض علي
    أنين: طبيعي هالخوف هوا كل يوم بتتزوج الوحده, هيا خلصي البسي
    سميره: يوه هوا انتي للحين مالبستي, ترى مايليق عليك الدلع خلصينا قومي عشان تنقلعي من بيتي ولا أبغى اشوفك تاني
    أنين: ياشيخه عيب عليك إحترمي نفسك شويه, البنت عروسه مالو لزوم تنكدي عليها
    سميره:والله مافي شي يجيب النكد إلا جلوسك انتي وأختك عندي
    أنين: الله لايقول اننا جالسين ببيتك إحنا في بيت أخونا
    خلود: خلاص ياناس انا خلقه على اعصابي..(وراحت تلبس فستانها)
    سميره: شغلك عندي ياروحي بكره عاد صرتي وحده انا اوريك الفلسفه الزايده حطلعها من عينك
    انين: حسبي الله ونعم الوكيل
    خميس: وطوا أصواتكم إيش بكم, ووينها العروسه؟
    سميره بدلع : خليتها ياقلبي تلبس الفستان تعرف اخواتك مايعرفوا يعملوا حاجه من غيري
    خميس: يسلم لي قلبك ياعمري
    خلود: انا خلصت
    خميس: يله البسي عبايتك قوام, زوجك يبغى ياخدك اللحين





    (( وش راح يصير لخلود اللي اول مره راح تنفرد مع الرجال اللي كل شي تعرفه عنه هو انه غني...
    وفاتن وعلاقتها بالمديره اصاله
    وانين مع مرة اخوها
    وداليا وخطيبها
    واحداث اكثر بالبارت 2

  4. #4

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رد: رواية ضمني وخبني بين اضلعك كاملة بدون ردود 2015 من احداث واقعية




    البارت الثاني

    زلة لسان تنهي كل شي


    داليا تدق على ناصر
    ناصر: هلا والله,كيف الحال؟
    داليا: انا تمام ,بس انت يا قاطع لاتسأل ولا شي؟
    ناصر وكأنه يتذكر:اف صح انا ماقلت لك؟؟
    داليا:لا وش فيه؟
    ناصر:انا بديت دوره بشغلي عشان احسن راتبي,وماخذه كل وقتي لأنها بعد
    الدوام اجي مهلوك اتغدى وانام
    داليا ومتضايقه انه ماقال:اها, الله يعينك
    ناصر:ماقلتي لي فكرتي بموضوع شغلك؟
    داليا:انا قايله لك من زمان انا ما اقدر اخلي شغلي .
    ناصر: طيب ليه, يعني انا ما فهمت عقليتك ..انتي تبين تصرفين علي وله
    شلون؟
    داليا: لا مو كذا بس في اسباب انا ما اقدر اقول عنها
    ناصر:انا احترت معك , انتي عنيده جدا
    داليا: وانت دايم تحب تمشي كلمتك علي من غير سبب او مبرر
    ناصر: انا يا داليا ,امشي كلمتي لاني ما الاقي منك مبرر على تصرفاتك,
    وبعدين انا اقدر اصرف عليك والبي كل متطلباتك,ولابي زوجتي تشتغل او
    ارجع من الشغل الاقيها مثل حالتي.
    داليا:وانا عندي اسبابي اللي تخليني ماقدر اغير رائي
    ناصر:داليا انا مابيك تشتغلين انا الرجال وانتي المراه ,وكل واحد فينا له
    دوره
    داليا: ناصر وش هالكلام !! انتي حرمه وانا الرجال بليز بأي عصر عائش؟
    ناصر:داليا اتوقع انا طلبت اكلمك لأن مواضيع مثل كذا جوهريه فلا
    تستخفين فيها انا مابي زوجتي تشتغل,انتهينا
    داليا:وش اللي انتهينا هذا القرار مفروض انا اللي اخذه مو انت
    ناصر:غلطانه
    داليا:لا انا ماني غلطانه
    ناصر:داليا ياحبك للمشاكل
    دي: ياشيخ دامني راعية مشاكل مع السلامه عشان ماوجع لك راسك
    ناصر: داليا..
    داليا قفلت السماعه

    :::::::::::::::::


    جده
    نروح لعروستنا

    اللي كان زواجها عباره عن حفله صغيره لاتُذكر بيتها والحظور اختصر
    على اختها واخوها وزوجته واهلها

    الساعه كانت 11 بالليل
    وخلود حالتها حاله دخلها الفندق قبل نص ساعه وطلع من غير ما يقول ولا
    كلمه شوي وتسمع صوت الباب ينفتح راحت ركضت على الحمام ومع إنها
    غيرت ملابسها بس من الخوف من كومة الغموض اللي بهل رجال دخلت
    وقفت عند الباب.
    وسمعت صوته ولأول مره يقول: ياخلود
    خلود وينك فيه؟؟ جبت العشى
    ((خلود قلبها برجلها وتحس انها حاره وخدودها محمره مره من الخوف
    والإحراج ومن شي راح نعرفه اللحين ))
    وأخيرا قدرت تنطق: يله طالعه
    جارح: يله يابنت الناس تراني ميت جوع... (ودخل يغير ملابسه وبهالأثناء
    غرفت خلود الاكل)
    خلود وبحيى:يله.. الاكل جاهز
    جارح: بعد ماقعد يناظرها من تحت لفوق.. قام لطاولة الأكل وتعشوا
    بالاصح تعشى وهي أكلت لها لقمتين
    جارح بصوته الخشن: ها شبعتي؟
    خلود وكلها حرج وبصوت مو مسموع: إيوا
    جارح:وش تقولين
    خلود: (في نفسها تقول ياماما وش هالأسلوب): اقول الحمد لله
    جارح: طيب اجل يله
    خلود: ها..!! إيش إلي يله
    جارح:نروح ننام وش يعني؟؟
    خلود: امم, ا
    جارح:وشفيك بلاها سالفة الاحراج ذا,ويله تراك زوجتي
    خلود: إيوا بس.. صراحه انا ...اليوم ماينفع..بكره ان شاء الله
    جارح:نعم!! وليه وش عندك؟؟
    خلودتفكر كيف ممكن تقول له
    (( قام جارح وقرب عندها وخلود توترت وتجمعت الدموع بعينها

    ناظرت الأرض وقالت))
    ماعليه بس اليوم انا عندي قصدي ال....أهئ أهئ انا... انا عندي عذر
    شرعي
    جارح وبصوت عالي: نعم,وشلون يعني عليك عذر,مجنونه انتي
    ((خلود زاد خوفها وهي تناظره مستغربه من ردت فعله وكمل..))

    الوحده تظبط امورها قبل العرس مو تجي عند رجلها و بقوة عين قدامه
    تقول ماينفع
    (طلع معصب وقفل الباب وراه بقوه خلت خلود تصيح بأعلى صوتها...
    ودموعها ماوقفت ولا فارقتها إلا يوم غافلها النوم ونامت.
    :::::::::::


    داليا معها بالخط فاتن وسمر
    فاتن: لا تعصبين ترى ماصار شي
    سمر: حبيتي دالي ليه ما تقولين له انتي ليه تبين تشتغلين
    داليا: لا والله ما ابي ارخص نفسي او ارخص اهلي
    فاتن: ابد ترى مافيها شي هو اكيد راح يتفهم
    داليا: وش اقوله اقوله والله انا اللي اصرف بالبيت وأخواني مثل عدمهم و
    ابوي تزوج زوجته الثانيه ونسانا؟؟؟
    سمر: حياتي دالي صدقيني راح يتفهم وبالعكس راح تكبري في عينه
    داليا: هو ّ يبيني ..يسمع لشروطي مو بس يبي يمشي كلمته لأنه على قوله
    هو الرجال يوه ياربي والله مره عصبني
    فاتن: (وهي تقلدها..اوه ياربي) اقول يالمايعه خلي عنك حركاتك واكبري
    تراك منتي صغيره على العناد والهبال
    سمر: حبي دالي ماعليك منها هالعربج ,إسمعي كلامي هدي وقولي له
    برواق عن ضروفك,لأن ياعمري الحياة الزوجيه بالذات, يبي لها الأخذ
    والعطى
    فاتن: ترى لو اشتد حبلك بينقطع يابنت اهجدي وقولي له
    داليا: أقول يام الذرابه إسكتي ما ابي رائيك
    فاتن:عساك , بروح أسولف مع بدر أصرف لي من وجيهكم وجع ,يله
    فارقوا ..طع
    سمر: من جدها قفلت!
    داليا: يعني ماتعرفينها, ماعندها تفاهم
    سمر: الله يعين اللي بتطيح في كبده , شكله ما بيسمع منها غير السب
    وكلمة فارق وإذلف وعطني مقفك
    داليا: ههههه والله معك حق, اوكي عمري سمور انا بأنتظر ناصر يدق
    اللين السبت وإذا ما دق امري لله بشوف وش راح أسوي
    سمر: فديتك لا يضيق صدرك صدقيني الأمور كلها راح تنحل اوكي؟
    داليا: بعد عمري والله ,يله حبي باي
    سمر: بايات ياقلبي.
    :::::::::::::::


    يوم السبت بالمعهد
    المديره اصاله:ها القهوه مثل ماتحبينها كثرنا الهيل
    فاتن:تسلمين يالغاليه, والله انا تعودت على دلعك, حتى البنات اللي معي
    شوي ويصيحون من الغيره يبون يعرفون وش السر
    أصاله:هههه, إلا ماقلتي لي فتون ليه ما كملتي دراستك حبيبتي
    فاتن:اه على الدراسه لاتذكريني, انا حاولت انتساب بس لقيته صعب وقدمت
    يمين وشمال بس مستحيل دام نسبتي 65
    أصاله:كم!! 65% هههههه, وليه هالنسبه
    فاتن:والله لك حق تضحكين
    أصاله:ههههه
    فاتن: صراحه ما كنت افكر بالثانوي غير باللعب والهبال, بس والله ندمت
    انا اول سنه إستانست وسويت كل اللي كنت ابيه, بس ثاني سنه بدت
    نفسيتي تتغير وبديت امل, عاد ثالث سنه ندمت وعرفت ان الله حق وإني
    غلطت غلطه صغيره دفعت ثمنها غالي
    اصاله: إلي افهمه إن ودك تكملين جامه او كليه اذا جتك فرصه؟
    فاتن: اف ياليت
    اصاله:وإلي يقول لك انه بيخليك تدخلين والكليه اللي تختارينها بعد
    فاتن: تكفه لاتعشميني, ترى والله اللي دقوا صدرهم لي كثير بس ماشفت
    احد سوا شي
    اصاله: افا انا مثلي مثلهم ,عموماً جربيني..وبكره جيبي لي أوراقك الاصليه
    مع الصور ومالك الا اللي يرضيك
    فاتن: أما عاد... شوفي بدر داق علي ينتظرني,..من جدك أجيب لك
    اوراقي؟
    اصاله: هههه اكيد
    فاتن بفرح: فديت قلبك والله, يله سلام
    اصاله: بحفظ الله
    .


    .


    .


    .


    فاتن: ترى نسبتي 65
    أصاله: ههه للحين مارحتي هههه أدري انتي بس جيبي اوراقك وماعليك.
    :::::::::::


    ثاني يوم
    مكالمه بين انين وخلود
    انين: حمد الله على السلامه يالولو
    خلود:الله يسلمك
    انين:ها كيف بيتك
    خلود:يجنن يا انين, الله لو جارح أخلاقوا حلوه معايا كان انا دحين اسعد
    وحده
    انين: صدقيني هو بس مقهور منك لأنك صدمتيه بأول ليله هههه
    خلود:ههه تخيلي وصلنا للرياض وحطني بالبيت و ماشفت وجهو بعدها
    انين:يله ان شاء الله كل شي حينحل اليوم ههههه
    خلود:لا تضحكي والله اني على اعصابي
    انين:هههه
    خلود:هيا إنقلعي.
    انين:هههههههههه يله مع السلامه, وانتبهي لنفسك حبيتي.

    ::::::::::::::::

    في بيت فاتن
    مجتمعات عندها سمر وداليا
    سمر: ههههه انتي كل شي تصدقينه؟
    فاتن: والله هي قالت لي جيبي ملفك
    داليا: لحظه بنات أخيرا دق ناصر, انا بروح اكلمه برا في احد فتون؟
    فاتن: لا إطلعي, بدر توه ما جا
    سمر: لا أوصيك على الثقل
    داليا: والله انا لاوريكم فيه..مو هوا لعب وياي خلوه يتحملني
    سمر وفاتن: هههههه
    داليا وبصوتها الناعم: الو
    ناصر: السلام عليكم
    داليا: وعليك السلام,,نعم ليه داق
    ناصر:افا انتي للحين ماخذه بخاطرك, لايصير قلبك قاسي
    داليا:انت اللي راسك قاسي وناشف بعد
    ناصر:هههه, ترى داق بقولك خبر راح يفرحك لاتخليني أهون
    داليا: من جد... قصدي والله كيفك تبي تقول وله راحتك

    ناصر: لا مسويه فيها مايهمك؟
    داليا:لاتعليق
    ناصر:ههه خلاص بقول.. ميثا راح تروح بكره ان شاء الله وتملك بالمحكمه
    داليا: من جد واو مبروك, والله فرحت لها
    ناصر: أجل خلاص راح الزعل ترى حتى انتي مزعلتني
    داليا: انا مثل النسمه اصلا ما اعرف ازعل احد
    ناصر:ياعليك وثوق بنفسك... عجيب
    داليا: المهم ترى جا اللحين بالي اطلب منك طلب
    ناصر: اشوفك رضيتي , لا وتبين تطلبين
    داليا: من جد ناصر والله انا من زمان ودي أكتشف شي وانت ممكن تنفذه
    ناصر: طيب أمري, وش تبين
    داليا:ودي أسمع الشيخ والبنت يوم تروح تملك
    ناصر:وش تقصدين؟
    داليا:ابيك لا رحت مع ميثا تسجل لي او حتى دق علي عشان اسمع وش
    يدور بالمحكمه
    ناصر: لا تعليق !!!!!
    داليا: ناصر وش فيك؟
    ناصر بإستغراب: اللحين انتي من جدك؟

    ((وداليا قامت تطالع بالمرايا اللي قدامها وهي تدلع وتقول: إي والله تكفه
    ناصر... وتطالع مره ثانيه بالمرايا إلا وفي واحد ..قاعد يناظرها ومستغرب
    من هذه اللي بيتهم... على طول داليا يوم تأكدت انه قاعد يقز فيها نطت
    عند البنات, وهي ناسيه ان ناصر معها على الخط ودخلت لفاتن وهي تقول:
    .... هي إنتي تقولين ما في أحد و أخوك ذا اللي بره بياكلني بعينه "
    وابتسمت وهي تكمل" بس والله ياسمر فاتك نسخه من فاتن.. بس ذا رجال
    وأسمر وعيونه اف تجنن
    فاتن بعربجه: والله مو أخوي اللي قاز فيك إنتي اللي ماكله اخوي أكل حتى
    عيونه شفتيها الله وأكبر عليك
    (داليا تداركت وتذكرت إنها كانت تكلم ناصر ... بسرعه رفعت السماعه
    لإذنها وقالت بخوف.... الو
    محد رد.....الو ناصر... درت انه قفل السماعه)
    سمر قامت من مكانها : ليه هو كان على الخط؟؟
    داليا: يوه انا وش قلت؟
    فاتن: ماشاء الله عليك وعلى جرائتك ما بقى شي ماقلتيه
    داليا: يوه انا دايم كذا ما اقدر امسك لساني.. يا الله انا وش سويت اف
    سمر: انتي بعد الله يهديك كأنك أول مره تشوفين بدر لا وتمدحين
    داليا: من جد لي ثلاث سنوات او اكثر ماشفته والله تغير وحلو... بس
    اللحين انا بورطه يابنات وش أسوي؟
    فاتن: إن شاء الله يكون قفل قبل مايسمعك
    داليا: يوه إن شاء الله
    سمر: دقي عليه ورقعيها بأنه توه مراهق يعني ورع.. حاولي تقنعيه
    فاتن: يمه منك ومن أفكارك,بعض الاحيان احسك مجرمه
    سمر: طيب تسكت وتصير مشاكل بينهم, وله تكذب لها كذبه صغيرونه
    داليا: لا أكذب أصرف ,,خلاص اش إن شاء الله يرد....

    (ودقت كم مره عليه)

    سمر: ها مارد
    داليا: لأ, يوه يعني انا وش سويت وله وش قلت؟؟
    فاتن: ابد ماسويتي ولاقلتي شي بريئه بسم الله عليك
    سمر: وانا أشهد ههههههههه
    فاتن: ههه بالله ولك وجه تتكلمين بعد اللي قلتيه دقي دقي وغطي غبائك

    (داليا تقلد فاتن... غطي غبائك) مالت عليك صديقه.
    سمر: خلاص دام مارد معناها ما يبي يكلمك اللحين, خليها لبكره
    داليا: هذه اخر محاوله إذا مارد برسله رساله واقوله اللي قلتيه
    فاتن وتبي تغيض داليا وتحرك حواجبها : جربي يمكن يفيد ياقليلة الحيا ..
    ههع هع

    "وفعلا مارد ارسلت له...(ناصر الله يهديك وش فيك ترى ذا ولد تو عمره
    13 سنه وانا ما شفته من ثلاث سنين بليز لاتفهم غلط)

    :::::::::::::::::::


    اما بالليل
    دخل جارح للبيت وهو يشم ريحة العود اللي يحبه ,وشاف خلود اللي كانت
    قاعده بتوتر بإنتضاره

    خلود يوم شافته ابتسمت :مرحبا
    جارح بملامح ثابته:هلا
    خلود: تعشيت؟
    جارح:ايه الحمد لله,ها خلصتي
    خلود بخجل وهي تناضر الارض:ايوا
    جارح وهو بنفس الملامح:طيب قومي سوي لي شاي

    خلود قامت من غير ماتنطق لكن استغربت ردة فعله باللذات انه كان
    معصب عليها امس

    جارح وهو داخل عندها بالمطبخ:اقول

    خلود:نعم

    جارح:انتي قالوا لك اني متزوج قبلك مرتين ؟

    خلود:اهمم

    جارح:وش اهمم قالوا لك وله لا اهلك؟

    خلود وتحس بالخوف يزيد منه: ايوا قالي خميس

    جارح:وماعندك مشكله بهالشي

    خلود وهي تحس بان هالرجال لغز بحد ذاته: لا لأنو طلقتهم صح؟

    جارح:ايه

    خلود وهي تناوله كوب الشاي:تفضل

    جارح اخذ الكوب وحطه فوق الرخام واخذ بيدها للغرفه

    وهنا لازم نطلع حنا من الغرفه بأدبنا.


    ::::::::::::


    بعد مامر على الأحداث إسبوع
    بدر: هلا بالغاليه وين مانشوفك؟
    عائشه: دائم اجي اللاقي الدافوره اختك تذاكر وانت دايم مو موجود
    جد صايرين مالكم داعي يا اخواني
    بدر: اما الدافوره ذي ماصدقت تدخل الكليه ,أعوذ بالله لي إسبوع ابي
    اكلمها بموضوع ومزلبتني كل ما جيت قلت أأ..قالت لي اش مو
    اللحين, يوه ماني فاظيه, تكفه بعد شوي اللحين مشغوله.. وجع وش ذا؟
    عائشه: هههه خلها حلم وتحقق لها
    بدر: انا اوريك فيها اللحين بروح اذي امها
    عائشه: أتحدى تعطيك وجه رح
    (ودخل لغرفتها)


    بدر: حبي فتون
    فاتن: هلا
    بدر: ياأختي خلي عنك اللي بيدك ابي اكلمك تراك مصختيها
    فاتن: بعد شوي بدر والله ما ابي اقطع تركيزي
    بدر:ترى عائشه تحت ,وانا لي إسبوع ما سولفت معك وشفيك انتي بعقلك؟
    فاتن وخلت الكتاب: هههه خلاص يله سولف , وش عندك؟
    بدر: وش رائيك نطلع نتمشى, البيت ممل وماتنفع فيه سواليف
    فاتن: دامك عازمني معناها عندك شي ,الذيب مايهرول عبث,قول وش
    عندك
    بدر: يعني وش ابي من وجهك يالعربج!! بترفعين لي راتبي على غفله!
    فاتن: هع إنت وش دراك بهالقب؟
    بدر: ها ..أي لقب!!
    فاتن: لاتستهبل من وين جايبها هالكلمه؟
    بدر وهو يحك ذقنه: صراحه سمعت وحده من صديقاتك تقولها
    فاتن: اها يعني تعترف إنك تتنصت علينا يوم يجون عندنا, ياقليل الحيى
    بدر: لا يابنت الناس انا مريت من المجلس واصواتكم كانت عاليه
    فاتن: ههه إي صح والله أصواتنا عاليه ,بس برضوا ما توصل دام الباب
    مقفول..إلا إذ انت حاط إذنك على الباب
    بدر:الحمد لله والشكر من جدك؟؟ والله اني سامع وحده منهم كان صوتها
    عالي وهي ترددها بعد
    فاتن: اها, ها وش عندك؟
    بدر وهو يفكر وشلون يسئلها: ا
    فاتن: موضوعك ا؟
    بدر: هع الله يرجك بس ما ادري انتي يوم ذاك اليوم
    فاتن: هههه لأول مره أشوفك معفوس وحالتك حاله ..من جد وشفيك؟
    بدر: صراحه ابي أسئلك ذيك صديقتك اللي شفتها ..داليا؟
    فاتن: نعم نعم.. وليه تسئل
    بدر: البنت دخلت مزاجي وانا قصدي يعني انا يعني اخطبها
    فاتن: ههههههههع ههههههههع
    بدروهو يرفه حاجب: قايل نكته انتي وجهك
    فاتن: هع لا فديت قلبك, بس ابد ما أتخيل انك انت ودالي هههه,

    خلاص لاتناظرني كذا اسفه بس للأسف البنت مخطوبه
    بدر بخيبة امل: لا..
    فاتن بعربجه: إذ تحب أشوف لك وحده ,فإعتمد من اللحين
    بدر وما وده يبين : لا وش عشره اصلاً صدقتي كنت أمزح معك
    فاتن: هع عاش مصرف عاش
    بدر: أقول إقلبي وجهك بنام
    فاتن: لا ياشيخ تراك انت اللي بغرفتي,وبعدين انت مو عازمني!!!
    بدر: لاتعليق طلع وقفل الباب
    فاتن: ههه ياحليلك والله ذكرني بدالي بدق عليها......
    ..........


    داليا:هلا
    فاتن:أهلين كيفك يابنت
    داليا:تمام يالقاطعه ,بدري ليه داقه
    فاتن:ههع أدري غيرانه,كملت دراستي
    داليا:لاتعليق
    فاتن:دالي وشفيك؟
    داليا:مره متضايقه
    فاتن:ليه وش صار, لاتقولين من بعد ذاك اليوم مارد عليك ناصر؟
    داليا:اه, خلاص كل شي إنتهى
    فاتن:وش تقصدين؟
    داليا:قبل أمس دق علي, وقالي ان في مواضيع لازم نناقشها وفعلاً كان
    صادق كانت اشياء كبيره لا هو ولا انا نقدر نتقبلها في بعض

    فاتن:مثل إيش يعني؟
    داليا:هو عنيد وانا أعند كل واحد له رائيه وكلنا مقتنعين بوجهة نضرنا , وما
    راح نقدر نكمل وإحنا بهالحال
    فاتن:حياتي..وليه ما دقيتي علي يالخايسه

    داليا: وليه أضيق خلقك, خلك مستانسه بدراستك أحسن
    فاتن:لا ياشيخه ,تبعديني عن مشاكلك وحياتك هذا هو اللي يظيق
    صدري(وحاولت تطلعها من هالجو وقالت)

    بس

    تصدقين أحسن انا أخوي بدر طالعه عيونه عليك ويبيك وتوني كاسره
    خاطره
    داليا:لالالا الله يخليك إبعديني عنه انا انسانه أبي واحد متحرر مو مثل
    أخوك حتى اللثمه يبيك تغطينها
    فاتن:هههه والله أدري حتى يوم قالي قعدت أضحك,أبد ماتنفعون لبعض عز
    الله بنحط النار عند البنزين
    داليا: تصدقين مع ان قرار الأنفصال قرار سليم لنا احنا الإثنين ,إلا إني ما
    أدري ليه أحس ضايق خلقي انه صار كذا
    فاتن: فديتك شي طبيعي انتي خلاص تعودتي عليه وانك تكلمينه ويكون
    جزء من يومك, كلها يومين وتنسينه
    داليا: والله حلو يكون بحياة الوحده حب يافاتن
    فاتن:ها رجعنا ,,دالي كل شي بوقته حلو ,بيجي ان شاء الله اليوم اللي
    بتعيشين فيه هذه اللحظات, بس اهم شي بعد الزواج
    داليا:هه إذا قصدك إني أكلم وقت الخطوبه خلاص توبه ما راح أعيدها
    ليه اعلق نفسي بواحد وإحنا بالبر
    فاتن:إيه تعجبيني دائم فكري بعقلك
    ((دخلت ام فاتن تقولها.. بسرعه اخلصي من قرقرتك جت أصاله تراها
    تحت وعيوش من اول تنتضرك))

    داليا: وش جابها عندكم اصاله؟؟!!
    فاتن: ههه فديتها تطورت علاقتنا والله ان معزتها كل يوم تزيد
    داليا: أجل تزوركم دائم
    فاتن: انا الح عليها انها تجينا, والله القعده معها توسع الصدر
    داليا: أجل أخليك لضيفتك
    فاتن :بقفل اللحين بس اكيد بكلمك لاراحت..يله أحطي
    داليا: باي.

    .

    .

    .فاتن: اهلين وسهلين
    أصاله: هلا بنتي
    فاتن:كأن وجهك تعبان
    أصاله:توني جايه من المستشفى كان عندي تحاليل
    فاتن:سلامتك
    ام فاتن: سلامات وش عندك؟
    أصاله:لا ولا شي يُذكر, شوية تعب
    فاتن: أجل اليوم عصيرنا فرش عشان تنعنش ياحلو
    عائشه: لاتقولين انتي بتكرمين وتدخلي المطبخ عشان تحضريه

    فاتن:إي طبعا هذه أصول
    أصاله:هههه, الله يحفضك إن شاء الله
    فاتن: عاد لاتحشون فيني راجعه
    أصاله: والله عاد يا ام بدر ودي تخلون فاتن دائم تجي تزورني, انا والله
    عندي القلب ومعبال اطلع من المعهد يكون راح حيلي.

    ام فاتن:يصير خير,نجيك ان شاء الله
    أصاله:ترى انا بيتي فاضي ولا في رجال يضايقها او شي

    ام فاتن:إنتي ثقه يا اختي اصاله وش هالكلام

    أصاله:الله يسلمك

    (وراح الوقت وهم سوالف وضحك وكان مبين على اصاله التعب)

    ::::::::::::::::


    في بيت خلود.. الساعه 12 ونص بالليل


    جارح: هي وشفيك نايمه على الكنب؟
    خلود:يا ماما خوفتني
    جارح وهو يقلب وجهه: انتو يابنات جده مايعات, قومي نامي بغرفتك
    خلود:طيب بس أجهز لك العشى؟

    جارح:لا مابي , أنتي ادخلي نامي انا بشوف صدى الملاعب وأنام بعده
    خلود: طيب (وراحت غرفتها دقت على اختها انين)
    أنين: مرحبا
    خلود:الله يخسك ,سمعت كلامك ولبست وتعطرت وعملت نفسي نايمه على
    الكنبه
    أنين:ها وإيش حصل؟
    خلود:خوفني بزعيقوا وقال لي أدخل انام
    أنين:وربي في شي مو طبيعي الرجال دا

    خلود: يابنتي انا ماهمني انو ينام بغرفة تانيه من بعد ليلة زواجنا,او انو على
    بالوا جاه النوم على الكنب برا,انا اللي مضايقني,ليه مايرضى حتى انو
    يكون بيننا كلام , تخيلي للان ما بسمع منوا إلا فين القهوه ياليت كمان
    بيقولها كده بيقول(وجهزت صوتها وخشنته..يامره وين القهوه والشاي
    وشفيك انتي ماتفهمين ,انا ما اقدر اقعد من غير ما تكون قدامي الدله)

    انين: ههه بلا في شكلوا

    خلود: لاتقولي كده عليه

    انين: اجل بلا في شكلك انتي كمان هههه

    خلود: الله يستر من الايام الجايه, إسمعي شكلوا جاي يله باي

    انين: باي
    جارح: إنتي نمتي
    خلود:لا تبغى شي؟
    جارح: أي ابيك تسوين لي شاي
    خلود: طيب


    :::::::::::::


    اصاله تكلم محمد

    اصاله: يله عاد ياولدي وش قاعد تسوي؟
    محمد: يمه قاعد أظبط أوراقي عشان لاجيت طولت عندك وما ارجع إلا قبل
    الدراسه بيومين
    أصاله:اللآن لك خمس شهور وانت على ذا الموال ياولدي ماصارت
    محمد: هههه خلاص ولا تزعلين يام محمد أسبوع وأجيك وبخليك تعلقين
    شهادتي جنب صورة شروق الله يرحمها عشان كل من شافها قال اب يام
    محمد ولدك خلص جامعته بأمريكا ..
    أصاله:أقول لايكثر هذرك وتراني مليت من الوعود الكاذبه,ابي الزبده متى
    بترجع؟
    محمد: ههههه خلاص وعد يالغاليه إسبوع وعندي لك مفاجئه بعد
    أصاله:شف يامحمد والله إذا زاد تأخيرك عن اسبوع يوم ,لأزعل منك
    محمد: ههههههه والله شكلك إشتقتي لي ..يالمره عيب
    أصاله:إيه هذا اللي أخذه منك الإستخفاف وثقالة الدم
    محمد: اف والله شايله على محمد أنا أوريه خلني بس أشوف رقعة وجهه
    أصاله: لا هذه خلها علي انا لاشفته عرفت أتصرف معه
    محمد: الله يعينك يامحمد,طيب اجل بقول لأمي تدعي لي اللين ما أوصل

    ( وقعد يستهبل مع امه اللين ملت وقفلت بوجهه...


    "" محمد هو ولدها اللي بقالها بعد شروق خلص جامعته ويبي يكمل
    الماجستير, وراح نعرف بعدين ليه مارجع من اول""


    :::::::::::::


    صباح

    الكليه

    في صديقه جديده لفتون وراح تخلي نكهه جديده للروايه,مفقت الحقيقيه
    انها تكون جزء منها خذت مني محاولات كثيره..
    وهي..


    فوزيه: أهلين فتون كيفك
    فاتن: أهلا بالجزيره
    فوزيه: مالت عليك الشرهه علي جايتك ,فارقي

    فاتن:ههههههههع بس والله الكليه ماتسوى بدونك

    فوزيه: إنتي دائما كذه دفشه بكلامك اعوذ بالله

    فاتن: ههههههههههه, إذ تبين علاقتنا تستمر تعودي علي ,انا كذه,وبعدين
    الله يرحم والديك تراى فيك الخير انتي بعد

    فوزيه وهي تغير الموضوع: طيب ماقلتي لي..كنتي تكلمين مين؟

    فاتن:هه بدينا, كنت أكلم صديقتي سمور
    فوزيه:وليش بعد ماكلمتيها ضاق صدرك؟
    فاتن:اها لأننا كنا نتكلم عن اعز صديقاتنا وإنها فكت خطبتها
    فوزيه:ومن هذه صديقتكم؟ تراني أعرف بنات الرياض كلها

    فاتن:هههههه والله اني داريه ,إسمها دالي ال...
    فوزيه:اها والله أعرفها,بس ليه فكت خطبتها؟
    فاتن:يوه وبعدين معك فوز بلا لقافه
    فوزيه:مو لقافه بس انا احب أعرف كل شي
    فاتن: لا عاد شي شخصي مره زي كذا انا ماراح أقدر أقولك إياه, ويله
    مشينا تراني مت حر

    فوزيه:خلاص إنتي إسبقيني,انا بروح أشوف وشفيها أمل كانت غايبه أمس
    فاتن:ههه الله يعينها على أسئلتك..سلام
    فوزيه: الله يعينها على أسئلتك..إذلفي بس
    :::::::::::::::


    بدر بجو ثاني بمكالمه
    مها: هههههاي وليه يعني؟؟ لاتقول انك تغار علي
    بدر:هع وليه تسمين سؤالي غيره!!
    مها: أجل ليه تسئلني إذا اكشف على عيال أعمامي ها يله قول؟
    بدر: بس أحب اعرف طريقة تفكيرك وإنفتاحك لأي درجه ممكنه؟
    مها: لا من ناحية إنفتاح انا كل شي عندي فري
    بدر:لا حلو, اجل راح توافقين نتقابل
    مها:ههههها وليه لأ, عادي بس اهم شي بمكان عام
    بدر: وان شافك أحد من اهلك
    مها: هههها لا ماراح يعرفوني انا اعرف ادبر هيئتي وأغيرها مليون مره
    بدر:تصدقون يالبنات صايرات قويات
    مها:إي وش تحسب؟
    بدر: أجل أشوفك بكره وبالمكان اللي تحددينه
    مها: ...اوك
    (وبعد ماخلص مكالمته..مسك بدر الورقه والقلم ولقى المقال اللي راح ينزله
    بكره بالمجله

    وكتب العنوان.. أصبح الرجل هو اللذي يخاف

    لقد أصبحت الجرأه تتعدى حدودها وأصبح للخوف معالم أخرى ...
    بدأت اغير مفهومي ونظرتي لبعض الفتيات
    وأصبحت أتسائل من اللذي يجب عليه أن يخاف مِن من..
    هل يجب عليها الخوف عندما يراها أحد من أقاربها, ام هو اللذي سيخجل
    عندما يراه من يعرفه
    قالت, سأغير من هندامي وسأصبح مختلفه ,سأخرج معك ولكن..في مكان
    عام
    أضحكتني ...وقبل ذلك أيقظت فيني الفضول لأراها..
    بت لا أعرف هل هذا من قوة شخصيتها اللتي ات من سوء التربيه,أم هو
    تمرد فاضح,ام هو تعود معهود في هذا الزمن.......................


    ( طبعاً بدر هوايه عنده الكتابه وهو ماراح لموعده مع الحلوه مثل ماوعدها
    كان بس يبي المصداقيه بكلماته ويحب دائما يجرب اللي يكتب عنه او على
    الاقل يحس فيه )

    :::::::::


    مكالمه من دالي ومعهم سمر
    دالي: يعني ماراح تجين عندي؟
    فاتن: طيب إسمعيني وأحكمي, طلعت من الكليه وأرتحت شوي و على
    المعهد وخرجت منه مع أصوله على بيتها والله إني مواعدتها من قبل امس
    سمر: عساها ماجت الشرهه على اللي يعزمها ,تدرين ان عندنا أريج
    فاتن: إحلفي عطيني إياها
    دالي: لأ لو تموتين, يله خلي اصول تنفعك باي ..طوط طوط طوط
    فاتن: الله يقطع إبليسهم
    اصاله: يله عاد إدخلي من الشارع
    (دخلت فاتن لبيت اصاله وتفاجئت بصورة شروق اللي بالصاله وماخذه
    نص الجدار..والشبه الكبير اللي بينهم)
    اصاله: شفتي الشبه اللي بينكم
    فاتن: سبحان الله جد تشبهني
    اصاله: ههه تو نور البيت امريني وش تشربين وله أكيد جيعانه نتعشى وبعد
    كذه نتقهوا وش رائيك
    فاتن: ماراح يمديني خلنا نتقهوى لان الساعه 9 لازم اكون بالبيت وله
    ياويلي من ابوي
    اصاله: ههه السواق عند الباب لا تشيلين هم بخليه يوصلك
    بدر: لا وش سواقه بدر بيمر علي اكيد
    (وتقهوا وسواليف واصاله ماخلت مكان بالبيت إلا ورته فاتن,ولا خلت
    غرض لشروق إلا وكلمتها عنه, و كانت طايره من الفرحه والوناسه ,اما
    فاتن كانت تجاري اصاله وهي كاسره خاطرها واذا بكت بكت فاتن معها
    واذا ضحكت ضحكت معها)

    ::::::::::::::::::::::


    وفي بيت جارح وخلود

    كالعاده طلع من الصبح ولا رجع الا الساعه 9 الليل
    جارح: السلام عليكم
    خلود: وعليك السلام,أحضر لك العشى؟
    جارح:لا تعشيت, أبشوف لي شي أشربه
    خلود: انا أجيب لك
    جارح:لا انا بجيب لنفسي
    وما مداه يدخل إلا وبأعلى صوته :خلود
    " وهي كعادتها بس تسمع احد معلي صوته جسمها كله يرتجف)
    خلود: ايوا ..نعم
    جارح:وش ذا؟
    خلود: إيش بها المغسله!!
    جارح:ليه كذا وصخه ماتعرفين تنضفين مثل البشر ,شوفي هه ...كذا الناس
    تفرك .. شفتي الفرق
    خلود:وربي ماني شايفه فرق
    جارح:وشي؟؟
    خلود: ايوه صح صح في فرق
    جارح:البيت هذا صاير وسخ , استغفر الله حتى نضافه ماتعرفين
    تنضفين,وخري عن وجهي وخري هناك
    (وراح تغطى ونام)

    (وكعادتها خلود ماعندها احد تشكي له غير انين او فاتن اللي إنشغلت
    بالكليه فدقت على اختها)
    خلود: وربي يا انين أحسوا بيدور أي شي عشان يعمل لي مشكله
    انين: مو معقوله إنو يتدخل بأمور تافهه زي كدا
    خلود: وربي اقولك المغسله زي الفل بس يبغى عذر عشان يزعلني
    انين: أخصريك منوا ولا تزعلي نفسك, صدقيني حتى لو كان قاسي معاك
    ارحم من اللي أشوفوا كل يوم من أخوك والنسره حقتوا
    خلود: إيش سو لك الله ياخدهم
    انين:اه ياخلود حيوانه , هي نايمه واولادها عافسين لي البيت بعد مانضفتوا
    ودخلت اتروش طلعت ولقيتوا محيوس فزعقت عليهم,وطلعت هي كلمه
    وانا كلمه فقامت أخدت عيالها وراحت عند الجيران, انا قلت أحسن وفرصه
    ارتاح لي كم ساعه, وجا الحيوان اخوك وسأل عنها وقلت لوا عند
    الجيران..
    راح يناديها ,إيش تتوقعي قالت لوا...
    خلود: كل شي ممكن منها
    انين: قالت لوا انها زعلانه مني لأني سبيتها وضربت عيالها وفوق دا كلوا
    طردتها..تخيلي انا اسوي كدا!!!!
    خلود:ياحياتي
    انين: وربي ياخلود ماخلا ولا مكان بجسمي إلا وإنضربت فيه ,جسمي
    صار كلوا مزرق من الضرب
    خلود: الله يكسر إيدوا يارب, والله اذا كان بإيدي شي كان سويتوا عشانك
    انين: اه لا تشيلي همي انا بس حبيت افظ فضلك شويه عشان ما انجلط
    خلود: الله يعينك ياقلبي ويحن قلوبهم علينا
    انين: امين, يله حقفل خلص الشحن
    خلود: دحين احولك رصيد لاتشيلي هم
    انين: طوط طوط
    :::::::::::



  5. #5

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رد: رواية ضمني وخبني بين اضلعك كاملة بدون ردود 2015 من احداث واقعية




    الجزء الثالث
    عربج وزواج!!






    مكالمه مع البنات
    سمر: إي من لقى أحبابه نسى أصحابه
    داليا: صادقه ياسمر ولاااا, شكلها شافت نفسها علينا لا ترد على إتصالاتنا ولا تسئل.. الله لنا
    فاتن بعربجه:وش تبوني اسوي انتم ووجيهكم انا انسانه عندي كليه وعندي اختبارات حاسب ,ماني فاضيه وله كل ذا غيره هع هع ؟؟
    داليا: ههه حبيبتي فتونه ولا شي من اللي ذكرتيه ينغار منه
    سمر: صادقه دالي إنا نغار إذ السالفه فيها حب زواج مو دراسه ولخابيط
    فاتن: ها إشتغلت ام الرومانسيه,إسكتي بالله فكينا
    سمر:هههه والله اني صادقه
    (بهل لحظه دخلت ام فاتن ووجهها متغير)
    فاتن: وش فيك يمه؟!!!
    الام: دقت علي الخدامه وتقول ان أصاله طالبتك بالمستشفى
    فاتن: اصاله ..وش فيها؟
    الام: أكيد القلب
    فاتن: هي عندها القلب!!!
    الام: ليه ماقالت لك
    فاتن: ابداً ولاحتى جابت لي سيره
    الام: تقول لي ان مفروض مسويه عملية القسطره من زمان
    داليا: الو فتون
    فاتن: هلا
    سمر: خلاص روحي لها , بس طمنينا
    فاتن:اوك سلام
    داليا وسمر:باي
    :::::::::::


    بيت جارح وخلود
    خلود: تبغى شي انا حدخل اتروش
    جارح: خلصتي تنضيف البيت
    خلود:ايوا نظفتوا مره تانيه زي ماطلبت مني
    جارح:ليه هو كان نظيف المره الأوله؟.. روحي بس روحي
    خلود: طيب عن إذنك
    (ودخلت خلود تروشت ولبست بنطلون جنز وبلوزه سماويه وعملت مكياجها الخفيف وراحت لجارح عشان تقهويه)
    جارح:وش ذا يا. .. . إنتي
    خلود وتناضر بنفسها وتتأكد ان ما فيها شي غلط: إيش فيه, فيني حاجه غلط
    جارح: إنتي أصلا كلك على بعضك غلط
    (خلود نزلت راسها للأرض وقالت: الله يسامحك
    جارح: وانا صادق معطيك مهرك اربعين الف وين راحت , شاريه هالخلاقين وعلى بالك كاشخه.
    (خلود هنا إنحرجت ونزلت من عينها دمعه وتذكرت انها بستة الاف إشترت ذهب وبأربعه حاولت تختصر وتشتري لها كم قطعه لأن اخوها أخذ باقي المهر ولا عطاها حتى حق الكوفيره..)
    جارح: وش فيه , بلعتي لسانك؟
    خلود: انا اسفه
    جارح: الحمد لله والشكر, اسفه على وشو؟؟ انا بكره بخلي أختي تمر عليك تروحين معها السوق وتجيب لك لبس مثل الخلق
    خلود:.......
    جارح: جعلك مارديتي قومي من وجهي انا بقهوي نفسي شكلك يسد النفس.. قومي
    (قامت خلود وقلبها متكسر من جارح عمره ماناضرها عشر دقائق وكل يوم يسوي مشكله من ولا شي وكل يوم تزيد قسوته اللي مالها مبرر.. قامت وهي تصيح من القهر من اخوها اللي عمره مادق عليها ولا سأل عنها, تصيح من شوقها لأختها اللي تحس فيها وهي تدري انها عايشه بنار مع زوجته, مع ذلك دائما تدعي لأخوها وزجها بالخير)
    هذه هي خلود بقلبها الطيب
    :::::::::::::::
    (دخلت فاتن مثل المجنونه تسأل عن الدكتور اللي معه حالت أصاله وشافته واقف مع واحد بس ما أهتمت دخلت بالعرض كعادتها عليهم وقالت: هي دكتور ارجوك طمني عن المريضه أصاله
    الدكتور ومن شاف اهتمامها وخوفها: انتي أخت محمد
    محمد: لأ يادكتور هذه مو أختي لو سمحت خلك معي انا وطمني عليها
    (فهمت فاتن ان هذا محمد ولدها وسكتت تسمع الدكتور)
    الدكتور: هيا إتعرضت لصدمه او حاقه ديئِتها؟
    محمد وهو يفكر ان ممكن السبب يوم مزح معها يوم وصل الرياض وكلمها قال لها لا تنتظريني لأني بتأخر بعد إسبوع قفلت بوجهه وهي معصبــه :والله شكلي مزعلها يادكتور من غير قصد
    فاتن وبأعلى صوتها داخله عرض: انت تدري ان عندها القلب وتمزح معها !!انت صاحي وله تبي تأذيها وخلاص
    (فتح عينه محمد وهو يناظرها ثم عطاها نظرة إستخفاف وكمل كلامه مع الدكتور:طيب اللحين فهمني كيف حالتها اللحين؟
    الدكتور: انا دائما أنصحها تعمل القسطره.. لاكن دلوئتي وبعد الجلطه الخفيفه ضروري تعملها..وله انا حخلي مسؤليتي
    فاتن: لأ خلاص تكفه سوي لها إياها, انا راح أقنعها
    محمد ناظر فاتن بتعجب يعني.. "وش تبي ذي!!" وقال للدكتور:طيب في حل ثاني غير العمليه؟
    الدكتور: بص العمليه دي بسيطه جدا وفوق ما تتخيل , توكل على ربنا وخلينا نعملها لها
    ام فاتن وهي جايه صوبها: وش تسوين كل هالوقت
    فاتن: يمه أصول لازم تسوي العمليه ,يله ندخل نقنعها
    الدكتور: ماينفعش انتو التلاته , إتنين بس اللي حيدخلوا
    محمد: ماعليه ياجماعه ودي اكلم امي بإنفراد( ودخل عندها على طول)
    لفت فاتن لأمها وتقول:هذا مو يبي له كف على عينه؟؟
    امها:لاحول ولاقوه الا بالله ,بالله فتون مو وقت هبالك
    فاتن وهي منقهره: تدرين لو مااقنعها بعطيه بوكس بخشمه
    امها وهي تبتسم على شكل فاتن:والله انا شاكه اني جايبه ولد مو بنت
    "جلست فاتن بالكرسي جنب امها وحطت يدها على خدها مو عاجبها كلام امها".
    :::::::::::


    محمد: ياالله يا ام محمد قد إيش مشتاق لك
    اصاله: .....
    محمد:افا احد يزعل من فلذة كبده
    اصاله:...
    محمد: والله اسف يمه, مادريت انك بتزعلين وله والله ماامزح معك,خلاص تكفه والله إشتقت لإبتسامتك قبل صوتك
    اصاله وهي تلتفت له :الله يصلحك بس
    محمد:يا ويل قلبك يامحمد, كنت بتحرم نفسك من هالصوت
    اصاله:لا تلف وتدور علي تعال
    فتح عينه محمد بطريقه مضحكه وقال:وش بتسوين؟؟
    اصاله: تعال خلني أضمك
    محمد:هههه ,يابعد عمري والله, وهذه بوسه على الراس والخدود والارجل بعد وهه هذه لعينك
    اصاله:الله لايحرمني منك
    محمد:ولايحرمني منك يالغاليه, بس والله انا زعلان منك ياام محمد ليه ماقلتي لي ان مفروض تسوين عمليه؟
    اصاله: وليه اقولك وانا ماكنت بسويها
    محمد:وليه إن شاء الله!! الدكتور يقول إنها سهله ومايبي لها شي
    اصاله: انا أحس اني لادخلت غرفة العمليات ماراح أخرج منها, فحبيت ااخرها اللين ترجع
    محمد: هههههه يالخوافه اقولك بسيطه العمليه وثانيا يالحبيبه لو إنك قايله لي كان جيتك لو اني بنص الإختبارات, مافي اغلى منك ياام محمد
    اصاله:داريه ياعمري, وعشان كذه ماقلت لك إللين خلصت
    محمد:خلاص بطلع اقول للدكتور يسويها لك
    اصاله: لا ياعمري, انا ما إنتظرتك عشان أسويها,انا إنتظرتك عشان قبل لا أسويها ازوجك
    محمد:ههههههههههههههههههه, الله يقطع إبليسك ياام محمد
    اصاله:انت وبعدين معك قولي يمه لا تناديني كأني أختك ام محمد!
    محمد:ههههه, اللحين من اللي يحب يلف ويدور
    اصاله:انا من جدي اتكلم ما أمزح معك
    محمد:يمه ترى الموضوع مو صغير لازم تدخلين تسوين العمليه وش زواجه وش لخابيطه بهل وقت
    اصاله:وانا اقول أخيرا برتاح وأسوي العمليه دامه جا ولدي ,وانت تقول لي بكل بساطه لأ
    محمد:يمه انا ما قلت لك لأ,بالعكس انا ابي أعرس وكنت بقولك ,بس مو هذا وقته لاقمتي إن شاء الله من العمليه
    اصاله:الله يفرح قلبك ياولدي خلاص أجل عروستك جاهزه ,عطني الجوال أدق عليها
    محمد:يمه.. وش عروسته اللحين , لاتظيقين صدري خلصي عمليتك ويصير خير
    اصاله:داريه انك تبي تلعب علي , والله يامحمد والله واللي خلقني ما أسوي العمليه قبل لاتعرس ومن اللي إخترتها لك بعد.
    محمد بضيق:........ يمه بعد العمليه يصير خير
    اصاله ولفت وجهها للناحيه الثانيه:.....
    وبعد مازفر قال بإذعان : الله يصلحك يمه, انا بروح أكلم الدكتور ويصير خير)
    اصاله:إي هذا ولدي, رح ياجعل الله يسعدك دنيا وأخره
    محمد: لا حول ولا قوة إلا بالله
    (وبعد ماطلع محمد ... دخلت فاتن وامها عند اصاله)
    فاتن: سلامتك يالغاليه ماتشوفين شر
    اصاله:الشر مايجيك ياعمري
    ام فاتن: خطاك السو يا أختي أصاله
    اصاله: الله يسلمك,ماتقصرين ياام بدر, زين ان جيتيي مع فاتن
    فاتن: خير .. تبين شي اجيب لك شي؟
    اصاله: لافديت قلبك بس عندي موضوع لك, لازم امك تكون بالصوره تساعدني.
    ام فاتن: امريني
    اصاله: مايأمر عليك عدو..بس انتي تعرفين عن العمليه,وانا ماراح اسويها قبل لا افرح لولدي وأزوجه
    فاتن: يااصول بالله ذا وقته! سوي العمليه وبدل الفرحه تصير فرحتين
    اصاله: لا يابعد عمري ,انا لاسويت العمليه مااني قايمه بعدها ,إحساسي وعمره ماخاب..بعدين وش يظمني انكم لبعض؟
    ام فاتن:أعوذ الله يا ام محمد لاتقولين هالشي, إن شاء الله عمليه بسيطه وتقومين بعدها مثل الحصان,وفتون ان شاء الله موافقه
    (فاتن متنحه وماتدري هي سمعت زين وله لأ)
    اصاله: ها فاتن وش رائيك؟
    فاتن: ها..رائيي برائي امي لازم تسوينها حالاً
    اصاله: أقصد إني ابيك لولدي محمد,طلبتك يابنيتي لاترديني
    فاتن بعربجه :أصول لاتخليني اقلب الوجه الثاني
    اصاله:حبيتي انا اتكلم من جد
    فاتن وهي تقعد بالكرسي: انتي داريه اني معقده من الزواج , روقينا وخلك بعمليتك أحسن
    اصاله: انا معطيه امك وابوك خبر من زمان ,وتراهم موافقين ,يعني اللي مأخر علي العمليه هو انتي,ترى والله ما اسويها إلا إذا تزوجتوا ولا رحتو شهر العسل بعد..انا وش يظمني انكم بتكملون الزوااج
    (فاتن عصبت وبنفس الوقت فعلا خايفه على اصاله قالت:
    اللحين وبعدين معك قاعده تصدميني من الصبح وساكته لك شوي عندك القلب,شوي ماتبين تسوين العمليه,شوي تبين تزوجيني ولدك,وشوي الكل داري الا انا... إسمعي بلا دلع ولاتخليني أزعل منك يا اصول تراك ماشفتيني وانا بالوجه الأخر..عمليتك وراح تسوينها غصب والزواج إنسي الموضوع...(وطلعت دقت على بدر وجا اخذها)
    ام فاتن: ماعليه انا قايله لك هالبنت جابت لي الشيب ,كل من جا وتقدم لها رفظته وأخوها قواها يوقف معها, بس لاتقلقين وإن شاء الله يصير خير بعد العمليه
    اصاله: صدقيني ياام بدر انا ماراح أسوي العمليه قبل لايتزوجون
    ام فاتن: بس انتي داريه ان حالتك اللحين خطيره,هالمره الله ستر وجت الجلطه خفيفه, خافي على نفسك شوي
    اصاله: العمر واحد يا ام بدر,خليها على ربك,انا اليوم راح أطلع من المستشفى ويصير خير إن شاء الله.
    ::::::
    (بالليل بعد ماجهزت خلود العشى دخلت ولبست من اللي اشترته اليوم من السوق وكان فستان ناعم ماسك على جسمها الممتلئ الملفوف وكان يميز خلود ان عندها خدود ربانيه معطيه لملامحها جمال وأنوثه عملت مكياج ناعم وتعطرت وقعدة تنتظر السيد جارح)
    جارح: السلام عليكم
    خلود:وعليك السلام..اهلا


    (جارح ناظرها من فوق لتحت وقال: أخيرا لابسه شي زين
    خلود:....
    جارح: ياشينك لاسكتي وما رديتي, جيبي لي كاس ماء
    راحت خلود جابت له: تفضل
    جارح بعد ماشرب: خير وش فيك تناضريني كذا؟؟
    خلود وهي تقعد مقابله: ممكن أسئلك سؤال؟
    جارح وهو يطلع جواله من جيبه:هـا وش عندك؟
    خلود:انا للحين مابعرف عنك حاجه,حتى مابعرف انت إيش بتشتغل
    جارح:وش تفرق يعني؟
    خلود: انت زوجي ياجارح وأبسط الأشياء مابعرفها عنك
    جارح:مو مهم..,انا مقصر عنك بشي؟
    خلود:لا أبداً
    جارح:خلاص أجل هذا اهم شي , ترى انا ما احب كثر الحكي
    خلود: ...
    جارح:بكره بتمر عليك اختي ,بتروحون المشغل عرس ولد عمي أبيك ترفعين الراس سامعه
    خلود:إن شاء الله , (وقالت بفرح) حتى إشتريت الفستان اليوم ,تحب تشوفوا؟
    جارح: (تحب تشوفوا).. الحمد لله والشكر, قومي حضري لي الأكل بس
    قامت خلود وتحس الضيق ماليها.
    ::::::::


    ثاني يوم بالكليه
    فوزيه:وش فيك حالتك حاله وزعلانه؟........... هي أكلمك!
    فاتن:بسم الله وش فيك تزعقين؟
    فوزيه:وش فيك اللي ماخذ عقلك ياروحي!!
    فاتن:ههه والله أصول اللي ماخذته
    فوزيه: ليه وش فيها ,وليه شاغله بالك, ووش قصتك أصلا معها وبعدين ليه تهتمــ..
    فاتن: فوز خلاص اسكتي, انا ان بجاوبك على كل هالأسئله يبي لي يوم كامل..
    لحظه بسم الله عليها داقه ,أرد عليها واجيك
    .. هلا وغلا ومية مرحبا بأصول
    .....: السلام عليكم
    فاتن بإستغراب:يمه! ذا مو جوال أصاله
    محمد:إلا ,انا ماخذه عشان أكلمك
    فاتن:وإنت من؟
    محمد:انا ولدها محمد
    فاتن:خير اصول فيها شي,تكفه طمني
    محمد:صراحه انا طلعتها أمس بس اليوم الصبح حالتها ماتطمن رجعتها للمستشفى, وعلى طول حطوها بالملاحظه.
    فاتن بخوف:ليه وش صار عليها؟؟
    محمد:اه والله ما ادري, إسمعي اخت فاتن انا حاب أكلمك بموضوع ليتك تتفهميه إذا فعلا أمي غاليه عندك..
    فاتن: اسمعك!!
    محمد:انا اللي عرفته من الوالده انك رافظه الزواج,لكن حالة امي تخوف والدكتور زاد هالخوف, وانه فعلا ممكن نفقدها لو عاندنا أكثر
    فاتن:يعني انت بعد ماتبي هالزواج؟
    محمد:صراحه انا كنت ناوي اول ما اشوف امي افاتحها بزواجي من كاترين,لكن هي فاجئتني ومرضها خلاني أسكت واقبل طلباتها
    فاتن:طيب والمطلوب مني, انا مافهمت؟؟
    محمد:يمكن هو طلب أناني وممكن طلب مو محسوبه نتايجه, بس والله ان السبب فيه هو خوفي على الوالده..
    انا أشوف دامك ماتبين هالزواج وانا كذلك ,اننا نملك ونسافر وأوعدك ماراح امسك او حتى ااذيك اللين مانشوف لنا حل بعدين
    فاتن:انت من جدك؟
    محمد:انا فعلا منحرج منك وانا اطلبك هالشي بس لازرتي امي اليوم وشفتي حالتها راح تعذريني,عموما انا ما ابي أظغط عليك ولا حتى اساومك,بس اللي خلاني أتجرأ اطلبك هالطلب كلام امي عنك وانك فعلا تحبينها مثل حبها لك.. انتي فكري واللي تامرين عليه انا حاضر.......مع السلامه
    (قفلت فاتن وعلامات الإستفهام والغبى على وجهها)
    فوزيه: سنه تقرقرين
    فاتن:....
    فوزيه: هي وش فيك
    فاتن وهي متظايقه: انا رايحه البيت ,ســــــلام
    فوزيه: هي لسه المحاظره الثانيه , يالحبيه هي فتون .......وش فيها ذي إنجنت!!
    ::::::::::::::


    سمر وداليا
    سمر:الله يادالي أحلى غدوه,تسلم إيدك
    داليا:صحه وعافيه حياتي وليت فتون معنا
    سمر:لا فاتن تلاقيها بهل وقت فاتحه إذنها وعيونها 180 درجه بالمحاضره
    داليا:ههه بدق عليها أشوفها وأقهرها اننا متجمعات من غيرها ""ترن ترن ترن""
    سمر:ها ماترد؟
    داليا:لا,من جد شكلها بالمحاظره ماترد,خلينا منها قولي لي.. وش صار معك مع ولد عمك؟
    سمر:اه يادالي بيجنني, لاهو اللي عايش حياته مرتاح ولاهو اللي مخليني بحالي
    داليا:شوفي دامه تزوج خلاص إسفهيه ولا تردين عليه ولاتتعبين نفسيتك معه
    سمر: لاشفت رقمه يادالي قلبي يفز من مكانه , وما اقدر ماارد عليه
    داليا:اه ياحلو الحب,بس ولو مفروض ماتردين عليه
    سمر:الله يسامحك ياخالتي ,ما ادري ليه كانت مصره تزوج ولدها لغيري لاهي اللي أسعدته ولاهي اللي ريحتني
    داليا:تدرين لو فاتن تدري انك للحين تكلمينه يمكن تذبحك
    سمر:يع فتون ماعندها تفاهم مع الرومانسيه ابد ,أصلا يوم سألتني قلت لها اني قطعت علاقتي فيه من زمـــــــــــان
    داليا:هههه
    "إلا وتدخل عليهم"
    فاتن: سلام
    سمر: بسم الله الرحمن الرحيم, ليتنا ذاكرين مليون خخخخ
    داليا:ههه وجع يعني المليون أهم من فتونتي,حياك عمري تفضلي
    سمر:وش فيك عمري فتون,عسى ماشر؟
    فاتن: اه يابنات شي غريب ويضيق الصدر بعد
    داليا:خير طمنينا,وش صار
    (حكت لهم فاتن عن اللي صار, وإثنينهم نصحوها ماتوافق لأن هذا مو زواج مجرد صفقه هو وأمه اللي كسبانيين فيها
    وهذا الشي زاد من حيرة فاتن وطلعت من عندهم تفكر بأن كلامهم عين العقل ,وطول الطريق لبيتها وهي ماقررت ولا عرفت وشلون راح تتعامل مع اصاله اللي تعني لها الكثير فيها من الطيبه والحنان مثل امها, وهي اللي ساعدتها تحقق لها حلم الدراسه اللي كان مجرد حلم صعب, وبنفس الوقت مو هاينه عليها نفسها تكون مثل اللعبه بيد محمد
    بعد ما مرت وأخذت امها عشان يزوروا اصاله دق جوال فاتن... هلا وغلا
    أريج: هيا كنش وينش يالخامه لا تسئلين ولا رفعتي تلفون عليه؟
    فاتن: ههه والله لك وحشه بس اه من جد الايام هذه حوسه
    اريج: قالوا لي البنات سمعي يابتي, لا توافقين ذا إلا لطع واناني
    فاتن:ههه , وش يعني لطع؟؟
    اريج: ابااااااي لي كم اعلمش حضرمي وما تفطنين,لطع يعني ثقيل دم, من جد فتون لاتظيعين نفسك بإيدك ارفضي ترى الرجال لاطلق عادي بس الحرمه لاتطلقت طلعوا بها عيوب الدنيا وبعدين ليش اصلا تحطين نفسك بهل موقف , صدقيني انتي بغنى عنه
    فاتن: اصلا خلاص انا قررت اني ارفض, خير وش راح يصير يعني, بالنهايه هذه حياتي وما اقدر أفرط بها حتى لو كانت اصول غاليه علي مره
    اريج: حلو اجل اقلب لش حضرمي.. مبين انش مشغوله..حيابش
    فاتن: هلا والله
    اريج: باي.
    :::::::::::::
    ويوم وصلو للمستشفى
    ام فاتن:اسمعي قبل لاندخل:. لا تتعبين الحرمه من كلامك الدفش بالرأفه عليها
    فاتن: خلاص يمه تكفى فيني اللي يكفيني
    ....
    وبغرفة اصاله
    محمد: انا بروح أتطمن من الدكتور عليك, تبين شي ياالغاليه؟
    اصاله:.......
    "وبطلعته شاف فاتن وامها وقال: تفضلوا إذا بتزورون الوالده
    ام فاتن: الله يجزاك خير ياولدي
    (فاتن اول مادخلت لقت اصاله ع السرير وجهاز قياس نبضات القلب متصل بكل أجزائها وشافت البخار اللي على أنفها ,اما وجهها كان كاتم وباين عليها التعب والالم اكثر من أي يوم, ويوم سمعت وناتها وأهاتها
    ماقدرت تمسك نفسها وقعدت تصيح قربت عند أصاله وقالت لها
    فديتك يا ام محمد والله اللي طلبتيه صعب, بس ماراح ارفض لك إياه
    (ناظرتها أصاله بتعب .. وكملت فاتن تقول)
    بنسوي التحاليل بكره ويجيب المملك محمد وبعد ماتسوين العمليه ونتطمن عليك نسافر مثل ماتبين خلاص
    (هزت راسها اصاله.. وفعلا هذا اللي صار ..بسرعه غريبه وبإستعجال مو محسوب..
    ملك محمد على فاتن بخلال تواجد اصاله بالمستشفى لان الاطباء ماسمحوا لها تطلع من الملاحضه ويوم جت تدخل أصاله على غرفة العمليات مسكت فاتن يدها الثانيه بعد ماسمعت محمد يقول لها:
    يمه انتي قويه وراح تقومين لنا بالسلامه لاتخافين ولا تشيلين هم انتي بإذن الله تحت يد أحسن الدكاتره..(نزلت دمعة أصاله ومسحتها فاتن بيدها.. وهذا اخر شي تذكره أصاله..
    ::::::::::::::
    في بيت جارح
    ( عارفه خلود ان زوجها بيتأخر لل 12 او 1 بالليل وشافت ان الساعه 9 ونص.. قامت فلت شعرها ولبست لبس يشبه للرقاصات وقامت تسوي هوايتها اللي تبرع فيها واللي جسم خلود يناسبه.. علت صوت المسجل على "رئصني ياهوو بوجدوك ياابو سمرا يحلى السهر بالليل.."
    وأخذت تهز وتتمايل اللين ما طاحت عينها على اللي واقف وراها ويشوفها من فتره
    جارح: كملي وشفيك وقفتي؟
    (نزلت راسها خلود من الحيى وقرب لها جارح رفع راسها وقرب عند اذنها وقال: لو كل هذا حيى انا ما أصدق...
    ( بلعت ريقها خلود.. قرب لها اكثر ورفع بأصبعينه راسها ناحيته وقال: يوم أكلمك ناظريني وجاوبيني انا ما أكلم جدار..
    (رفعت عينها خلود لتحت عينه لانها تخاف تناضره مباشره.. وقالت بصوت مرتجف من الخوف:مره تانيه,اللحين ما اقدر
    (دفها جارح عنه وبصوت عالي قال: انا يوم أقولك سوي شي تنفذينه على طول لأني ما اخذ رائيك لأ انا ..أأمرك .
    خلود:...
    جارح:فاهمه ولا لأ؟
    قالت وصوتها يرتجف: إيوا
    جارح: بسرعه ولاتخليني أغلط عليك كملي رقصك
    (خلود خافت من لهجته وقوة نظرته خافت انه يبدا يضربها مثل ماكان يسوي أخوها , قامت بسرعه ترقص وهي مو قادره تتمالك دموعها ولا شهقاتها اللي مو قادره تتمالكها..
    قرب منها جارح وعطاها كف وقال:
    انا ماطلبت منك المستحيل,فارقي طسي على غرفتك
    (ركضت خلود وأخذت معها غصتها والمها اللي بقلبها كل يوم يكبر ويزيد)
    ::::::::::::::
    بالمستشفى
    راحت ساعه وبعدها ساعه محمد رايح جاي بالممر وفاتن ودها تكسر أي شي قدامها من زود التوتر ...
    ام فاتن: رح يامحمد إسئل وش السالفه ياولدي لهم اللحين ساعتين ونص
    محمد: ياخاله قال لي الدكتور العمليه تاخذ من ساعتين لأربع
    فاتن: وش فيها هذه طالعه تركض هي سستر يا سستر, ليه ماترد علينا وش صار
    محمد: فاتن لو سمحتي لاتوتريني زياده
    فاتن: شف ذا الكتور, صح
    محمد: الله يستر, شكله ما يطمن
    الدكتو: انا اسف مبين علي مرهق.. بس تطمنوا الوالده بخير والعمليه نجحت ميه بالميه
    ام فاتن: الحمد لله , ياالله لك الحمد والشكر
    فاتن شافت اقرب كرسي وقعدت عليه تحس انها كانت حمل للخوف اكبر من طاقتها
    اما محمد حس بإرتياح وان الله انعم عليه بشفاء امه.
    :::::::::::
    ثاني يوم
    العصر
    في جده
    (انين تحس طاقتها بالصبر انتهت ما تدري تشكي لمين .. تدري ان خلود عايشه في هم,واختها المتزوجه دائما تنصحها تصبر وتطلب منها انها تجي لبيتها وتسكن عندها بس هي ماتبي تثقل على زوج اختها
    بعد تفكير وضيقة بال مالقت غيرطريقه بنظرها تقدر تتزوج بسببها وتنفك من ظلم جراح وزوجته.. وراح اوضحها بهالمكالمه اللي ردت عليها
    انين: الو
    فواز: اخيرا رديتي يابنت انا زي المجنون من يوم ما شفتك بالمجمع ماقدرت أنساك..الو الو
    انين وكلها حيى: ايوا معاك
    فواز:كيفك ؟
    انين:انا كويسه, بس
    فواز:بس ايش ياحبي
    انين:انا أبغى اعلمك انو انا مو حقت التلفونات والغزل والكلام دا انت اول واحد انا اكلموا
    فواز:ايوا انا مصدقِك, تصدقي حتى انا , مني حق الغزل والكلام الفاضي انا واحد حابب استقر بس قاعد ادور على بنت الحلال
    انين: اهمم, يعني كلمت قبل كده
    فواز: لا تفهميني غلط , هي وحده قبلك وحسيت انها تبع كلام فاضي مو زواج قاطعتها وانتي تاني وحده ارسلها رقمي بالبلوتوث عشان اتعرف عليك
    انين: طيب ايش معنى انا
    فواز:انا لما قريت انك كاتبه اسم للبلوتوث الله يرزقني الزوج, قلت بس هي دي اللي اتمناها وأبغاها, عرفت انك طيبه وعلى نياتك,مو زي البنات دول الايام دي, بس انتي ايش اسمك مو حلوه اقولك يابنت
    انين:انا انين عبد الله
    فواز:الله اسم زي صاحبتوا
    انين:هههههه
    فواز:تسلم لي أحلى ضحكه يا ناس, فواز وانين والله لايقين على بعض
    "ودخلت عليها"
    سميره: سنه تكلمي, والله لو اسمعك تقولي لخميس إشحن لي لأقطع لسانك, وبعدين إشبك كده متوتره وحالتك حاله ها؟؟
    انين: خلاص يا خلود دقي علي بوقت تاني باي.
    سميره: إعملي لي فيها انها هي اللي تدق عليك قومي اتحركي إعملي القهوه, حيجوا صاحباتي
    انين: وليه انتي ماتعمليها؟
    سميره: وانتي إيش ضربتك ماتعمليها وله ليكي زمان ما إنضربتي؟
    انين: وليه انضرب اذا في احد يبغالوا ضرب هوا انتي
    سميره: يعني ماتحعملي القهوه؟
    انين: لأ روحي انتي إعمليها
    سميره طيب يا انين الحسابه بتحسب , حوريكي.


    :::::::::::::::::
    بيت فاتن
    بدر: يايبه الموضوع كله مادخل مخي وشلون تملك بهل طريقه, ليه مطاوعهم؟
    الاب: ياولدي الحرمه طالبه يد أختك من زمان وانا معطيها كلمتي وكنت بس منتظر رائي اختك,ودامها وافقت ليه لأ الولد ماينعاب.
    بدر: وانتي اخت فاتن تدرين ومخبيه علي!!
    فاتن: فديتك انا ما دريت الا من يومين, تكفه لاتزعل
    ام فاتن: انت ليه معصب وحالتك حاله , انا وابوك موافقين, انت وش مزعلك
    بدر: انا ذا الادمي مو داخل مخي
    ام فاتن: انت شفته؟ اذا كان رفضت تجي كشاهد وراح لهم ابوك وعمانك!!
    بدر: طريقته مهي طريقة رجال , محد يخطب بهل شكل
    ابوها: اللحين انت ليه تتكلم بموضوع صار ماض, أختك وملكت على الرجال الله يجزاه خير ابو منصور جا لعندنا وملكنا وخلصنا بارك لأختك ولا تلجنا
    بدر ويحاول يهدي: فااتن البسي عباتك وتعالي معي
    فاتن: طيب,بس على وين
    بدر: يعني وين بنروح نتغدى لنا بمكان
    فاتن: !!!!!
    بدر: إيه ناظريني كذه انا منتظرك بالسياره,’ وتعرفين ما احب الانتظار
    (جرت فاتن لبست عبايتها وإتفقت مع امها انها تروح عنها تزور اصاله لأن مستحيل بدر يوديها,وركبت السياره.. وبعد سكوت عشر دقايق وتأفف بدر وقفوا عند الإشاره, وقبل لاتفتح الإشاره بدقيقه إنتبه ان بالسياره اللي من جهة فاتن السايق يناظر فاتن أخذ قارورة الكولا القزاز وبأعلى صوته.. ياولد ال.. إفتحي الشباك إخلصي بسرعه
    فاتن: بدر وش فيه ..ليه؟
    بدر: بسرعه افتحي يلعن .. ياو..
    (الرجال من حظه الاشاره خضرت وينحاش, وطبعا فاتن استوعبت اللي صار)
    فاتن: الله يصلحك يا اخوي إهدى شوي يعني من معطيه وجه اصلاً
    بدر: وليه انا بخليك اصلا تعطينه وجه, ناس قليلة ادب ليتك بس منتي معي والله كنت بألحقه وبيطيح بإيدي واوري ابن ال.. شغله
    فاتن:....
    بدر: وبعدين انتي وش قصتك؟
    فاتن: انا, وشو!!
    بدر: انتي احد يتزوج كذا؟
    فاتن وماتبي تبين لبدر أي شي: ها
    بدر: ليه متصربع ذا , وملكتي بطريقه غريبه وكأنه سر!!
    ليه ناقصه رجل وله عين؟
    فاتن: اصاله غاليه عندي يابدر , وما قدرت ارفض لها طلب
    بدر: يعني انتي موافقه
    فاتن: هـــــــــــــــا إي ااااا, يعني وش رائيك
    بدر: صراحه اللي يشوف رفضك اول يقول ان ذي ماراح تتزوج إلا بعد 10 سنوات وبيوم وليله ملكتي!!
    إسمعي تراني ماخذك بعيد عن البيت عشان لو فيه أحد مجبرك على شي مستحيل أخليهم.قولي لي
    فاتن: فديت قلبك يابدر عمرك ماقصرت معي
    بدر: انا ما ابي الا سعادتك , واذا انتي مقتنعه تماما انا راح ارتاح
    فاتن: لاتخاف علي فديتك (وفي قلبها تقول والله لو تعرف السالفه لاتروح تقتل أصاله وولدها...بس
    انا وش سوييت بنفسي اصاله وسوت العمليه بس اذا طلبت الطلاق اخاف ابوي يرفض وتصير مشاكل بينه وبين بدر,ياربي طيب وش اسوي معقول اسكت ويصير الزواج والناس كلها تعرف وبعدين اتطلق؟؟؟ لالا)
    بدر: وين رحتي بفكرك سنه اقولك انزلي وصلنا
    فاتن: ها ايه يله نازله.
    ::::::::::
    اصاله بعد يومين طلعت من المستشفى وكانت دائم على اتصال بأم فاتن وام فاتن ما صدقت تحقق حلمها وبنتها تملكت بعد ماطلعت عيونها من كثر ماترفض, فعشان كذه سمعت نصيحة أصاله ونشرت الخبر للعالم وخلال ثلاث ايام جوال فاتن ماوقف مباركه وتمنيات بالتوفيق, وإللي زاد إستغرابها وتعجبها عن معرفة الناس للخبر هذا الإتصال...
    فاتن: هلا والله
    فوزيه: مبروك الف مبروك
    فاتن: ههههههه من وين دريتي انتي بعد؟؟
    فوزيه: على بالك غايبه من الكليه اني ما بعرف اخبارك, ياحياتي انا توصلني اخبار بنات الرياض كلها , كيف صديقتي, بس والله زعلانه منك
    فاتن: ههاي ودامك عرفتي وش زعلك؟
    فوزيه: اللحين تملكين ولا ندري قولنا عادي, بس تحددون الزواج ولا تقولين لي ,هذه بحق
    فاتن: ههه لأول مره عندك خبر غلط
    فوزيه: وش اللي غلط امي معزومه على زواجك بعد شهر ومنتظره بس الكرت
    فاتن: يابنت وش هالسالفه بلا جنان وش شهر!!
    فوزيه: قولي ماتبين تعزميني بس لا تسوي انك متفاجئه
    فاتن: لا بس.. إسمعي اكلمك شوي خلاص
    فوزيه:اوكي باي
    (وراحت فاتن لأمها معصبه)
    فاتن: يمه وبعدين يعني وبعدين!!!
    امها:بسم الله الرحمن الرحيم وش فيك
    فاتن: يمه لاتسوين لي هالحركات انا متأكده انك انتي اللي نشرتي للعالم ملكتي عشان ما أتراجع
    أمها:هههه الله يهديك, احسب انا عندك سالفه, طيب اسمعي امس محمد كلم ابوك وحددوا يوم للعرس
    فاتن: نعم! وليه ان شاء الله ما أخذتوا رائيي
    أمها:انا عطيتهم رايي فديتك قلت لهم انا وبنتي واحد
    فاتن: يمه انتي الوحيده اللي قلت لها عن طلب محمد الغريب مع ذلك انتي اللي خربتي علي انفصالي
    أمها:يابنتي انتي مصدقته.. اكيد كان يمزح او طريقه ذكيه عشان توافقين وتسوي امه العمليه,ههههههها يله ابدي جهزي نفسك ترى نص الرياض عارفه بيوم زواجك واصاله تكلفت تجيب فستانك من مصمم ياربي وش اسمه..امممممممممم محمد اوو مراد والله ما ادري المهم هي طالبه لك الفستان يكون قدك من تقريبا شهر عشان يسوي عليه المقاس من غير ماتدرين ههههه
    (وامها قاعده تصدمها وتعطيها وحده وحده وعن تخطيطها مع اصاله من شهور وهي مستانسه وتحكي عن التفاصيل وماتدري عن القهر والنار والخوف اللي بقلب فاتن اللي تلخبطت موازينها كلها)


    من بعد هالاحداث مرت الأيام بطريقه سريعه ومر الشهر حامل تغيرات ومفاجئات راح يحملها لنا الفصل الرابع
    ..





    ابي توقعاتكم..
    وش بيصير مع انين؟؟
    وهل ممكن يتم زواج محمد وفاتن؟؟
    خلود وتصرفات جارح وش سببها وليه قاعده تزيد ؟؟



صفحة 1 من 9 123 ... الأخيرةالأخيرة

المواضيع المتشابهه

  1. مشاركات: 82
    آخر مشاركة: 21-10-2014, 10:23 PM
  2. رواية شمس و سحاب كاملة بدون ردود 2015
    بواسطة موكاتشينو في المنتدى قصائد وخواطر
    مشاركات: 22
    آخر مشاركة: 21-10-2014, 09:52 PM
  3. رواية غموض رجل كاملة بدون ردود 2015
    بواسطة موكاتشينو في المنتدى قصائد وخواطر
    مشاركات: 22
    آخر مشاركة: 13-10-2014, 10:04 PM
  4. رواية شاب يبحث عن عمل كاملة بدون ردود 2015
    بواسطة موكاتشينو في المنتدى قصائد وخواطر
    مشاركات: 26
    آخر مشاركة: 13-10-2014, 09:58 PM
  5. رواية وصية الحقد كاملة بدون ردود 2015
    بواسطة موكاتشينو في المنتدى قصائد وخواطر
    مشاركات: 52
    آخر مشاركة: 10-10-2014, 09:09 PM

الكلمات الدلالية لهذا الموضوع

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52