صفحة 1 من 20 12311 ... الأخيرةالأخيرة
النتائج 1 إلى 5 من 97

الموضوع: رواية تعبت اشكي بصمت كاملة بدون ردود 2015

  1. #1

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رواية تعبت اشكي بصمت كاملة بدون ردود 2015

    بسم الله الرحمن الرحيم
    الحمدلله والصلاة والسلام على رسول الله وعلى آله وصحبه أجمعين
    السلام عليكم ورحمة الله وبركاته


    نقدم لكم رواية
    رواية تعبت اشكي بصمت كاملة بدون ردود 2015
    للكاتبة / همسها عذب



    بسم الله الرحمن الرحيم
    الصلاة والسلام على النبي الكريم وبعد شفت كثرت الرواايات وكل وحده احلا من الثانيه
    ماشاء الله حبيت انزل روايتي وحبيت تقرونها وهذا شرف كبير لي، روايتي تناقش مشكلة اجتماعية وهي قلة الحوار
    بين أفراد العائلة وحابه اقول ان الرواية عباره عن واقع ممزوج بالخيال وما أبغئ أتكلم أكثر شوفوا التفاصيل و أتمنئ من كل قلبي انكم تصبرون علئ الاحداث لانها فالبداية راح تكون رواية عايديه جدا بس صدقوني فيها احداث شيقه بين طيات روايتي بس لاتملون بليز وما احلل احد ينقل روايتي بدون ذكر اسمي واتمنئ أنها تنال أعجابكم


    ،
    البارت الأول
    مع بداية الاجازه الصيفيه قررت العائلة الانتقال من منزلها القديم الئ المنزل الجديد طبعا كل افراد العائله اختبروا وجابو ا درجات حلوه ماشاء الله واستقروا في بيتهم الجديد المتواضع ومرت الأيام وكانت حياتهم مره سعيدة وهادئة
    مع بداية العام الدراسي الجديد كل واحد من افراد العائله اتجه الئ مقر دراسته او عمله ..
    أم خالد: طيب يا أبو خالد ماراح نتأخر بس بشوف فصل ياسمين ومعلماتها وبطلع
    أبو خالد: طيب انا بوصل عهود الجامعة وأرجع أوصلك البيت
    أم خالد: طيب .. ياسمين
    كانت تفكر وسرحانة بوضعها الجديد .. ياسمين: بينها وبين نفسها ( ياربي كيف بيتعاملون معي البنات اف ياربي انا مو متعودة الا علئ مدرستي القديمة وصديقاتي ومعلماتي )قطع عليها كلامها صوت امها وهي تقول
    أم خالد ياسمين يمه يالله وصلنا خلينا ننزل
    ياسمين : طيب يمه
    نتعرف علئ عائلة أبو خالد (الأب حسن عمره 40 والآم سلمئ عمرها 37 أكبر عيالهم خالد عمره 26 وبعده زياد وعمره 25 و وهاني عمره 23 ونجي للبنات عهود عمرها 21عهود طويله بعكس ياسمين شعرها لأسفل ضهرها عيونها سودا ولونها حنطي فاتح وعيونها صغيره وخشمها صغير وفمها متوسط وياسمين أخر العنقود عمرها 17 وهي قصيره ونحيفه وبيضا وشعرها الين كتوفها لونه بني غامق عيونه كبار بس فيها نضرات برائه وخشمها طويل مسلول وشفايفها صغيره وحبوبه ومرحه بس تجيها ساعات ضيق )
    ننتقل لمكان اخر .. عهود: منصورة ياهلا والله وربي لك وحشه
    منصورة : وانتي أكثر ياقلبي
    عهود: سولفيلي وين سافرتي بالعطلة
    منصورة: رحنا المدينة المنورة عند أهل الوالدة وأنتو
    عهود: ماسافرنا تعرفينا انشغلنا بالنقل وحوووسه خليها علئ ربك بس
    منصورة : ماشاء الله الله يبارك لكم فالبيت الجديد
    عهود: تسلمين ياقلبي الله يسعدك منصورة بروح الكافتيريا تبغئ حاجة
    منصورة دقيقة بجي معك ....
    وراحوا يفطرون ومبسوطات ع الاخر ..(الله يديم هالوناسه هههه)
    خالد : ياربي والله مليت البعد عن الاهل وربي ماينطاق
    يعقوب : وش نسوي ياخوك هانت كلها كم سنه وقدم نقل وأرجع عند اهلك
    خالد : ان شاء الله
    ...خالد (دبدوب شوي بس مو مره لا جسمه حلو وحنطي و عيونه عسليه صغيره وله شوي عضلات وطيب مره بس بالمواقف الي تستدعي العصبيه يكون عصبي حيييل ماخذ طباع ابوه حسن مره حتئ بالشكل )
    هو ويعقوب أكثر من أخوان وصداقتهم قويه يعقوب طيب وخلوق ومحترم ماشاء الله (نحيف وعيونه سود هو وخالد محلقين شعوره ع الصفر لأنهم بعسكرية (ههههه أشكالهم تضحك )
    زياد (انسان هادي جدا وحاله فشانه ومايحب يحتك بأحد كثير يشتغل بجدة بالكهرباء لونه قمحي فاتح شعره لنهاية رقبته لون عيون بني غامق ومثل ماذكرت طبيعته هادئ جدا)
    صحي من النوم زياد وتوجه لمنطقة أبحر الشماليه واخذ معه فطائر جبن وزعتر وعصير وجلس يفطر كانت الساعه 8 الصباح
    بعيد عن روقان زياد وهدوئه ننتقل لهاني الفلاوي هههه ( هاني يشتغل صيدلي بالخبر وسيم لونه مثل لون اخوه هاني
    عيونه كبيره ووسيعه وسود حيييل وخشمه مسلول وفمه متوسط وطيب وقت الطيبه ووقت العصبيه عصبي ويحب يمزح مع أخته ياسمين كثير )
    هاني: سالم تمسك عني شفت الليلة تراني تعبان حدي وانا بمسك عنك شفت بعد بكرة
    سالم: اوك ماعندك مشكله بس لاتسحب علي ترئ والله أوريك ههههههه
    هاني: لالا ماعليك لاتحاتي ههههه
    بعيييييد كل البعد عن الشرقية واجوائها
    حنان : طيب خلاص بس أبدل ملابسي وبنزل لك
    ريم: اوك بس لاتتأخرين بالله
    حنان : طيب ( وطلعت حنان من البيت وراحت مع ريم للعمل حقهم هم يشتغلون بمشغل )
    حنان (دبدوبه شوي وعسوله وخلوقه مره وشعرها لنص ظهرها صابغته لون أحمر خمري هي تكون أخت ام خالد
    يعني خالة العيال والبنات وهي وياسمين يحبون بعض ودايم مع بعض تعتبرها صديقتها مو بس بنت اختها وياسمين نفس الشي عمر حنان تقريبا 23)
    اخت حنان الي هي هدئ : كانت بنت حبوبه وخلوقه وتبدي الناس علئ نفسها (مبدأ الايثار ) بس من كثرة الضغط النفسي الي فيها ومن كثرة الكتمان وماتشكي همها لآحد وبس ساكته صارت تفضل نفسها عن الكل وصارت انسانه غريبه جدا
    أكبر من حنان بسنه
    بيت اهل أم خالد الي هي سلمئ ( امها أم محمد عمرها 70 سنه تقريبا طيبه بس عصبيه بالمره ومتشدده كثير
    أبو محمد طيب وعسول مره عمره تقريبا 88 عندهم اولاد محمد متزوج وعنده بنت وولد وعندهم ندئ بالطايف متزوجه وعندها بنتين وعندهم حنان وهدئ الي سبق وعرفتكم بشخصيتهم ) زياد طبعا يسكن ببيت جده أبو محمد
    أم خالد: طيب يمة انتبهي لنفسك ابوك جاء بروح مع السلامه وطبعة الام بوسة علئ راس بنتها
    ياسمين: بضيقه طيب يمه مع السلامه
    وطلعت االام وتمت ياسمين بالمدرسه وطول الوقت كانت ساكته وماتكلم احد جوها بنتين وسألوها عن اسمها ومن فين
    جاوبتهم وراحت عنهم استلمت كتبها وانتهئ الدوام ورجعت البيت وطلعت غرفتها تبكي

    انتهئ البارت اتمنئ توقعاتكم .. ياسمين ايش سبب بكائها ؟
    وعهود ايش بتسوي بالجامعة حقتها ؟
    زياد ايش الي بيتغير بحياته ؟


  2. #2

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رد: رواية تعبت اشكي بصمت كاملة بدون ردود 2015


    البارت الثاني ...

    أم خالد :ياسمين حبيبتي تعالي تغدي
    ياسمين: يمه ماابغئ اكل بنام
    أم خالد : في احد مضايقك بالمدرسه
    ياسمين : لا يمه بس ماحبيت المدرسه ابدا ونامت
    أم خالد : قفلت الباب وفيها ضيقه علئ بنتها بس الشكوئ لله ( عسئ ان تكرهوا شيئا وهو خيرا لكم ياياسمين )
    نزلت وتغدت مع عهود وابوها بعد ماقالت لهم ان ياسمين شبعانه
    صحيت ياسمين العصر رتبت كتبها وقالت لامها ان المدرسه مو حلوه وانها تبي صديقاتها
    أم خالد: حبيبتي المدرسة القديمه بعيده حيييل عن بيتنا وهاذي قريبه انتضري شهرين لو ماارتحتي بنقلك
    ياسمين : طيب يمه وتعشت ورتبت اغراضها جلست شوي علئ الاب وبعدين نامت عشان دوام بكره
    عهود مستانسه مع صديقاتها وحالتها حلوه مره
    (بعد مرور ستة أشهر ياسمين تعرفت علئ صديقات وكانوا بنات كويسات وحبة المدرسه الجديده نوعا ما
    عهود نفس حالتها بالجامعه مستانسه مع منصورة صديقتها وبعض الصديقات
    خالد يبغئ ينقل للخبر بأي طريقه لآنه مل بالحفر بدون اهله
    زياد نفس هدوئه وعزلته وهاني يطلع ويتمشئ مع اصحابه ويعتبر سالم أكثر من أخو )
    ياسمين : ياربي أكره هالحصه أحسها غثيثه (كانت حصة جغرافيا )
    ليلئ : والله حتئ أنا وخاصه لما تقولك أرسمي الخريطه
    ياسمين : الشكوئ لغير الله مذله بس ارسمي ههههه
    ليلئ : طيب يادبئ اوريكي
    عند هدئ وحنان
    حنان : ياربي أن شاء الله بالعطله تجي سلمئ وتجي ياسمين وربي وحشتني حييييل وربي قمر ياسمين
    هدئ تغار من ياسمين مع انها بنت اختها بس حالتها النفسيه ماتنلام : من زينها عاد شايفه روحها مدري علئ ايش
    حنان: حرام عليكي ياسمين شايفه نفسها ولا انتي تغارين منها
    هدئ: من ايش اغار من وحده شايفه نفسها وطلعت من الغرفه
    حنان : الحمدلله علئ نعمة العقل بس
    ببيت أبو خالد هاني جاء من المستشفئ ويحب يسولف مع امه ويقول لها ايش صار بيومه ودايم يسولف عن صديقه سالم الي يعتبره اخ من شدة تعلقه بسالم وصارت ياسمين تحب تسمع سواليف سالم من طيبة قلبه واخلاقه ومزحه مع اخوها
    مرت الايام
    ودق الباب كانت ياسمين بالصالة : طلعت وقالت مين
    قال : انا ...قالت : مين أنت ...قال: انا سالم لوسمحتوا نادولي هاني ياسمين : ابتسمت بدون ماتحس علئ نفسها (وبقلبها هذا سالم الي دايم هاني يسولف لامي عنه ) شوي قال سالم : يااختي فين هاني
    ياسمين :أرتبكت وقالت هاا اا طيب الحين اناديه
    ودخلت بسرعه ونادت هاني دخلت غرفة اخوها وقالت له
    هاني سالم يبغاك هاني قام بسرعه ومسك يدها وقال لايكون فتحتي الباب
    ياسمين : ها لالالا من ورئ الباب
    هاني : اشوئ وطلع يقابل سالم
    بعيد عن بيت أبو خالد بمكان اااخر جدا
    كان متضايق حده يقول ياربي طلعت بعثه ودرست وهاذي اخرتها جالس بالبيت كل اخواني يروحون يشوفون اشغالهم الا انا كل واحد لاهي بحياته الا انا لا عمل ولا زواج ولا عيال وربي طفشت
    دخل موقع من مواقع التواصل (بدون ذكر اسماء)
    وجلس يتصفح لقي مكتوب زهرة البنفسج جلس يقرا مواضيعها
    وكلامها شاف انها بنت متدينه وملتزمه
    قال في نفسه ماشاء الله تبارك الله ياحظ الي بتكون من نصيبه هالبنت
    هاني : ايش رايك ياسالم نكمل تجسير
    سالم : والله ودي بس اخاف ما اقدر اوفق بين الدراسه والشغل
    هاني: انت انوي بس وربك بييسرها
    سالم : ان شاء الله بس ما اوعدك
    هاني: علئ راحتك بس انا ناوي
    سالم : الله يوفقك ياخوي
    وجلسوا يتمشون وبعدين كل واحد راح بيته
    عهود فتحت النت ودخلت الموقع وقالت : ايش فيه هاذي داخل علئ موضوعاتي
    كتبت له لو سمحت اخوي لا تدخل مره ثانيه هنا او تعلق
    قال ماشاء الله تبارك الله عليها هالبنت رد عليها وقال : يااختي يشرفني ارد علئ موضوعاتك واتابعها وانا بعتبرك اخت وانتي اعتبريني اخ لو مثلا احتجتي أي شي انا تحت امرك وقفل وراح يصلي
    عهود : اقوله ثور يقول احلبوه : ما ابغئ منك شي فمان الله وقفلت
    أم سليم دقت علئ ام خالد وقالت لها بتزورها
    أم سليم تصير اخت ام خالد الثالثه وماعندها غير سليم الي عمره 25 طويل ونحيف وابيض وله سكسوكه خفيفه يشتغل مدرس علوم ويحب ياسمين من لما كانوا صغار
    أم خالد : ياسمين عهود تعالوا بسرعه ابيكم ياسمين سبقت عهود ونزلت بسرعه
    ياسمين : نعم يمه أمري
    أم خالد ترئ خالتك ام سليم جايه
    ياسمين وعهود صرخوا وااااو وناسه وطلعوا فوق يبدلون ملابسهم ياسمين لبست فستان تيفاني قصير وعليه هيلاهوب ابيض وحطت لها غره من قدام ومسكت شعرها بفلونكه وسوت بوف بسيط وحطة ظل تيفاني خفيف وبلشر وردي وقلوس وردي فاتح وطلع شكلها مره حلو وبريء الي يشوفها يقول عمرها 13 سنه وعهود لبسة بنطلون سكيني رمادي وبلوزه بيضا دانتيل استشورت شعرها الطويل وحطت مكياج نوعا ما ثقيل بس حلوعليها ونزلوا تحت يستقبلون خالتهم ام سليم
    زياد كان جالس يتمشئ وبنشر عليه الكفر اضطر يوقف يصلحه وفجأه وقف لما شاف بنت تبكي زياد بينه وبين نفسه( بسم الله الرحمن الرحيم وش جايب هالبنت هنا هاذي انسانه ولا مو انسانه ولايمكن اني اتخيل ) جاء بيروح الاسمع صوتها وهي تقوله الله يخليك لاتروح ..


    انتهئ البارت اتمنئ توقعاتكم ..

    زياد ايش بيسوي مع البنت وايش قصتها ؟
    ام سليم وولدها ليه جايين ؟؟
    سالم وهاني ايش بيصير معهم ؟


  3. #3

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رد: رواية تعبت اشكي بصمت كاملة بدون ردود 2015

    البارت الثالث
    زياد كان جالس يتمشئ وبنشر عليه الكفر اضطر يوقف يصلحه وفجأه وقف لما شاف بنت تبكي زياد بينه وبين نفسه( بسم الله الرحمن الرحيم وش جايب هالبنت هنا هاذي انسانه ولا مو انسانه ولايمكن اني اتخيل ) جاء بيروح الاسمع صوت البنت تقوله الله يخليك خذني بصوت عالي قرب منها وصد عنها وقال لها :نعم يااختي ايش فيكي وليه جايه هنا قالت البنت : البنت بكت اكثر وقالت بالله خذني من هنا انا خايفه قال لها طيب بوديكي لأهلك قالت البنت: الله يجزاك خير ..زياد استغرب لأن البنت ماقامت تمشي وراه انتظرها شوي ونفس الحال ما قامت تمشي وراه عشان يوصلها لأهلها
    ألتفت عليها وقال عسئ ماشر وانا اخوك ليه ماتمشين معي ... صرخة البنت وبكت زياده قالت له أنا مشلوله
    أنصدم زياد لما قالت له انا مشلوله زياد بينه وبين نفسه ( ياربي كيف باخذها معي الحين وربي مستحي منها كيف اشيلها )صحي من تفكيره بصوت بكاء البنت وهي تقوله الله يخليك ياخوي خذني معك انا خايفه .. قال زياد لنفسه مافيها كلام بشيلها وامري لله قرب زياد من البنت وأنحنئ لها لانها كانت جالسه علئ التراب ومد يدينه لها وشالها طبعا كان مستحي جدا والبنت كانت اكثر حياء منه
    البنت بينها وبين نفسها : ياربي أيش الاحراج هذا قالت لو اني مو مشلوله كان ماصار هذا الشي وبكت شوي زياد حس فيها ومشئ بسرعه وركبها فالسيارة ومشوا ...
    كان الوقت المغرب ياسمين تقول لامها : يمه خالتي اشبها تأخرت
    أم خالد :دقيقه بدق عليها بس انتي روحي ساعدي عهود بالضيافه
    ياسمين : طيب وراحت المطبخ تساعد عهود لقتها مسويه حلا وحاطتوا بصحون صغيره شكلها يجنن وسوت قهوه ورتبتها بصينيه مع الفناجين حقت القهوه وجايبه صحن كبير وحاطه فيه أول ثلاث صفوف فريرو روشي والثلاث صفوف الباقيه حاطه فيها رفايلو وحاطه بصينيه ثانيه الشاي وصحون فاضيه مع كاسات الشاي
    قالت ياسمين : ماشاء الله تبارك الله تفتح النفس
    عهود : تسلمين ياعسوله بس يالله ساعديني ووزعي الفطاير الي جابها ابوي فالصحون هي والبيتزا
    ياسمين : اوك
    أم خالد جات تبغئ تتصل علئ ام سليم بس دق الباب وقامت تفتح ولقت ام سليم داخله هي وسليم واستقبلتهم بالاحضان
    أم خالد: ياهلا والله حيا الله اختي الغاليه
    ام سليم: الله يبقيكي ياقلبي
    سليم : وانا تاركيني احتياط ياخاله هههههه
    ضحكت ام خالد وقالت : الله يقلع بليسك يا سليم حتئ انت نورت ياولدي حياكم الله تفضلو
    راح سليم مجلس الرجال وهو وده يدخل مع امه يبغئ يشوف ياسمين لـأنه اشتاق لشوفتها
    ودخل عند ابو خالد ورحب فيه ابو خالد وهاني وتموا يسولفون
    والبنات عهود وياسمين أول ماشافوا خالتهم ام سليم ركضوا لعندها وحضنوها وباسوا راسها وقدمولها الضيافه
    وجلسوا يسولفون مع بعض ومستانسات مع خالتهم ع الاخر شوي الا ام خالد قالت : ياسمين يمه روحي قولي
    لهاني يجيب لنا العشاء ..أم سليم : ماله داعي ياسلمئ والله خيركم سابق وبعدين انا من اهل البيت
    أم خالد: يابنت الحلال هذا واجبكم وبعدين انا والبنات ميتين جووووع قالت :عهود ايوا والله اني جوعانه حدي
    قالت ام سليم : دام كذا امري لله ..
    أم خالد : ياسمين يلا يمه اطلعي اتصلي علئ اخوك هاني وقوليله يستعجلون بالعشا
    ياسمين حاضر يمه وطلعت غرفتها ومسكت الجوال تبغئ تتصل علئ اخوها هاني
    ...................
    هاني كان جالس يسولف هو وسليم ومستانسين ع الاخر
    هاني : اقول سليموه وش رايك نلعب بلي ستيشن جاي علئ بالي ابغئ اهزمك
    سليم : موافق بس الله العالم مين الي بينهزم ههههههه ياهاني
    وجلسوا يلعبون
    ..........
    ياسمين مسكت جوالها وشافت ان جوالها طفي لان البطاريه خلصت مافيه شحن دورت علئ شاحن جوالها ومالقته
    راحت تدور بغرفة عهود وبرضوا مالقته راحت غرفت هاني ولقيت الشاحن اخذته وجات تبغئ تطلع من الغرفه بس وقفها صوت جوال هاني
    ياسمين : هذا جوال هاني الحين كيف ندق عليه مدري انا بروح اقول لامي قربت للجوال وشافت المتصل سالم
    ياسمين تلخبطت حيييل وماتدري ايش تسوي اعطته مشغول
    ونزلت بسرعه تحت
    عند سالم : غريبه ياهنوي تعطيني مشغول والله مدري وش سالفتك
    ......
    نزلت ياسمين من فوق وقالت لامها ان هاني ناسي جواله فوق راحت ام خاالد لمجلس الرجال وقالت : ماشاء الله تلعبون واحنا ميتين جوع
    قال هاني: افا يالغاليه ثواني ويكون الاكل عندك .... قالت ام خالد : تسلم حبيبي خذ سليم معك خليه يوسع صدره
    قال طيب
    طلع هاني فوق واخذ جواله ودق علئ سالم
    هاني : وينك يابن الحلال
    سالم : انا الي ويني ولا انت اتصل فيك تديني مشغول
    هاني : انا ؟؟
    سالم : ايوا
    هاني : مدري والله عن جوالي كان فوق من اليوم
    سالم : طيب حصل خير المهم بتمرني
    هاني : اكيد سليم جانا ونبيك تتعشئ معنا
    سالم : والله سليم جاء فلللله اوك بجيكم
    وطلع سالم وهاني وسليم يجيبون العشاء
    عند زياد الي مرتبك وحالته حاله مايدري ايش يسوي بالبنت الي معه ووين يوديها
    زياد : يا اختي تعرفين بيت اهلك
    قالت البنت : لا اصلا احنا مو من اهل جده جينا نتمشئ بس من الرياض
    زياد : بينه وبين نفسه ( الحين فين اودي البنت مابقدر اسافر فيها اليوم خصوصا اني تعبان وجوعان حدي بدور شقه احط البنت فيها ) وكملوا طريقهم
    البنت بينها وبين نفسها ( ياربي انا جوعانه بس مستحيه اطلب منه يجيب لي اكل خصوصا انه مامعي ولا ريال )
    شوي زياد كان يمشي الين لقئ محطه راح عباء السيارة بنزين ونزل المحطه واخذ شبسات وسنكرس وباونتي
    واثنين عصير فواكه مشكله وكيك امريكانا ورجع السياره
    ومشوا ولما بعدوا شوي عن المحطه وقفوا ومد لها بكيس فيه اكل بعد ما اخذ الاكل حقه
    وقال لها لاتستحين وانا اخوك خذي واكلي بالعافيه
    البنت حمرت خدودها واخذت الكيس وقالت له شكرا وتموا ياكلون وكملوا طريقهم
    انتهئ البارت حبيت اني اطوله شوي وكتبت لكم احداث
    واتمنئ توقعاتكم
    زياد ايش بيسوي مع البنت فين بيسكنها ؟
    ياسمين ايش الي بيتطور فيها وباهتمامها بسالم ؟
    وسليم ايش بيسوي ؟
    الشخص الغريب الي كلم عهود ايش تتوقعون بيصير بينهم ؟؟

  4. #4

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رد: رواية تعبت اشكي بصمت كاملة بدون ردود 2015

    البارت الرابع


    خالد : اقول يعقوب ايش صار علئ سالفة خطوبتك انت وبنت عمك
    يعقوب : بصراحه مني عارف ايش اقولك ياخالد
    خالد : ايش في ترك خوفتني
    يعقوب : الدنيا قسمه ونصيب والبنت ماتبغاني
    خالد : ماعليك يابن الحلال وتلقاها خيره من عند الله سبحانه وان شاء الله تلقئ الي احسن منها
    يعقوب : ان شاء الله
    .......
    دخل النت واول مافتح لقي رساله وشافها من زهرة البنفسج ابتسم حيل بس سرعان ماتلاشت ابتسامته لما قراء ردها
    الي كاتبه فيه ماابغئ منك شي وفمان الله
    قال مابفرض نفسي عليها الله يوفقها يارب
    وجلس يكمل تصفح علئ لابه وبعد كم دقيقه جت له امه تقول
    ياولدي ياهشام سمعت ان اخوك الي من ابوك مازن خطب وقريب زواجه
    تضايق هشام وقال: الله يوفقه
    أمه : امين ياولدي انا الي ذابح قلبي ان مازن اصغر منك بكثير وانت قربت علئ الثلاثين ولحد الحين ماتزوجت ولاشي
    وجلست تبكي
    هشام الي نفسيته تعبانه من همومه كلها هم عمره الي ضاع بالدراسه وصار له فوق الثلاث سنين مالقي وضيفه صح طلع كندا ودرس فيها وجاب شهادات عاليه بس لما رجع مالقي وضيفه والحين شايل هم امه الي كل ماشافته تحسرت عليه وبكت : يمه لاتبكين كلها شوي واتوضف وافرحك
    ام هشام : ان شاء الله ياولدي
    .........
    عند البنات ياسمين وعهود وامهم وخالتهم خالتهم جالسه تسولف لهم عن سواليف زمان وهم مبسوطات شوي وعهود حطت ايدها علئ بطنها وتقول : بسرعه كملي خالتي
    خالتها : ليه حبيبتي ايش فيكي ؟
    قالت ياسمين : جوعانه ياخاله هههههه
    رمت عهود علئ ياسمين المخده وقالت لها : مع نفسك يسمينوه
    ام خالد : اعطيني الجوال بدق علئ هالدب هاني شكله نسانا
    ياسمين: تفضلي يمه
    .......
    عند هاني وسليم وسالم
    راحوا اخذوا عشاء بس اخرتهم الزحمه
    هاني : هلا ياميمتي والله فالطريق
    ام خالد : كل ذا بالطريق ترئ متنا جوع
    هاني : دقايق ونجي يمه بس زحمه ايش اسوي
    ام خالد : طيب يمه بس استعجلوا
    هاني : علئ امرك يالغاليه فمان الله
    ام خالد : بحفظ الله
    ياسمين تقول لامها : ها يمه متئ راح يوصلون
    ام خالد : يقول بالخط تصبروا هانت و المعذره ياام سليم لاتزعلين علينا
    ام سليم : عادي ياام خالد ترئ كلنا عارفين زحمة هالشوارع ربك يعين بس
    وكملوا سوالفهم
    .......
    راح زياد يدور شقه عشان يحط البنت فيها ويخليها ترتاح وعقب يدور وين اهلها ومشوا داخل البلد ووقف السياره بجمب
    أحد الفنادق الموجوده بجده (بدون ذكر اسماء)
    زياد : دقايق بس يااختي ابشوف في شقه تجلسين فيها ولالا
    البنت : طيب
    نزل زياد ودخل الفندق
    زياد : السلام عليكم ورحمة الله وبركاته
    الموظف الي بالرسبشن : وعليكم السلام ورحمة الله وبركاته
    زياد : لو سمحت اخوي بغيت شقه فيه؟؟ ولاكلها فل
    الموظف : دقيقه لو سمحت
    زياد : خذ راحتك
    الموظف : سوئ بحث بالاب توب ولقي شقه فيها غرفتين وحمام ( يكرم القارئ) ومطبخ وصاله صغيره الحمدلله في اخر شقه وقال لزياد موصفات الشقه
    زياد : اوك كم سعرها ... الموظف :300
    زياد: حط يده بجيبه وجالس يدور علئ المحفظه
    قال له الموظف : لوسمحت اخوي قبل الدفع لازم كرت العائلة
    زياد : طاحت المحفظه من يده وتغير شكله ونزل اخذ المحفظه وقال زياد للموظف : ماعندي صرف بروح اصرف واجي
    وطلع بسرعه من الفندق وركب السياره ومشئ وهو حاط يده علئ راسه ويقول بينه وبين نفسه ( ياربي وين اودي هالبنت
    المشكله الفنادق راح تطلب كرت عائله يثبت ان لنا صلة قرابه ببعض ياربي ايش اسوي الله يكون معي ودامني سويت الخير في هالبنت اكيد الله بيكون معي .. وتغيرت ملامح وجهه 180 درجه من وجه مهموم وعبوس لوجه متفاءل ومشرق تنفس بهدوء وابتسم )
    البنت جلست تناظر فيه وسرحت وبينها وبين نفسها (ماشاء الله عليه هالولد جمال واخلاق وشهامه يابخت الي بتتزوجه
    اما انتي لاتحلمين فيه ,هو اصلا سوئ معك كذا لانه شفقان عليكي وبعدين هو واحد سليم تبغيه يناظر لوحده مشلوله وبدت تبكي بصوت واطي وشوي وارتفع صوت بكائها )
    زياد : وقف بسرعه وقال يابنت الناس فيكي شي
    البنت : كذبت عليه وقالت له (لا بس خايفه)
    زياد : ابتسم علئ برائتها وقال لاتخافين وانا اخوك والله ما أأذيكي وترئ عندي اخوات لو بسوي فيكي شي الله بيعاقبني بأخواتي .
    البنت ارتااحت حيل : جزاك الله خير
    زياد ابتسم وقال : وياكي ياختي
    .....
    وصل هاني وسليم وسالم ودخل هاني بالعشا لامه واخواته وخالته وقاموا البنات هم وامهم حضروا العشا بصحون
    وودوا للعيال وهم اكلوا وراحت ام خالد سوت غرفه لاختها وخلتها تنام فيها
    ياسمين وعهود صلوا الوتر وبدلوا ملابسهم ياسمين لبست بجامه بنطلونها كاروهات احمر واخضر برمودا وبلوزه بيضا ربع فيها مربعات كروهات احمر واخضر
    وعهود لبست بجامه بنطلونها لونه ازرق والبلوزه رماديه طويله مرسوم فيها سحب بيضا عهود راحت غرفتها وفتحت الموقع وتصفحت شوي ونامت
    ياسمين راحت برضوا غرفتها وجلست تحط كريم جونسون علئ بشرتها البيبي فيس ورفعت شعرها ببنسه وجلست شوي
    تفكر بسالم وتفكر بتصرفاته وباخلاقه وبطيبته وبمزحه مع اخوها هاني شوي قالت ياربي انا حبيته ولا ايش
    شوي قالت لالالا ايش الي حبيته انا ما احبه ولا شي وتلحفت وناااامت
    والعيال سالم وسليم وهاني تعشوا وطلعوا يتمشون شوي ووصلوا سالم لبيته ورجعوا هم للبيت وناموا
    بيت ابو خالد كلهم عايشين مبسوطين ونايمين براحه وولدهم زياد بعيد كل البعد عن الراحه
    ......
    (فبيت أبو محمد ) حنان كانت جالسه تتفرج علئ برنامج مسافرون تحب هالبرنامج شوي جتها هدئ واخذت الريموت
    كونترول وغيرت القناه .. حنان : نعم نعم نعم علئ كيفك الشغله جايه من اخر الدنيا وتقلبين
    هدئ: انا انتظر مسلسل .... الي دايم يجي بهالوقت
    حنان : طيب فيه تلفزيون بالصاله روحي تفرجي
    هدئ : الصاله حر ومو قايمه انتي روحي الصاله اذا تبغي تكملي برنامجك
    حنان : استغفر الله العلي العظيم من كل ذنب عظيم انا قايمه بس بقولك شي كوني مهذبه بتصرفاتك لو مره وحده بس
    وطلعت الصاله تكمل برنامجها ..
    هدئ انجرحت من كلمة حنان بس حبت انها ماتبين : هدئ بينها وبين نفسها ( ياربي انا ليه صرت كذا ليه ليه ليه تغيرت معاملتي مع الناس حتئ اقرب الناس لي ) حاولت انها تتجاهل الواقع المر الي هي عايشه فيه وظلت ساكته وعيونها علئ المسلسل بس فكرها مو مع المسلسل فكرها كله بحالها .
    ......
    انتهئ البارت اتمنئ توقعاتكم
    زياد ايش بيصير معه ؟؟ وفين بيخلي البنت تنام؟
    عهود ايش تتوقعون يصير معها ؟
    وياسمين ايش تتوقعون يصير معها ؟؟


  5. #5

    ][ فريق تطوير الزين ][


    تاريخ التسجيل
    Aug 2013
    المشاركات
    11,800
    معدل تقييم المستوى
    0

    افتراضي رد: رواية تعبت اشكي بصمت كاملة بدون ردود 2015

    البارت الخامس

    عند زياد حس بنعاس فضيع وكل شوي يتثائب ويتعوذ بالله من الشيطان الرجيم ويكمل مشي طالع بالساعه لقيها 3ونص
    والبنت كمان كانت نعسانه حيل وحطت راسها علئ المقعد وتمددت ونامت زياد لف جهتها وقال : حتئ البنت تعبت ونامت .. ومسك جواله واتصل علئ واحد من اصحابه
    زياد : السلام عليكم
    ثامر: وعليكم السلام ورحمة الله وبركاته حيا الله زياد
    زياد: الله يبقيك يالغالي بشرني عنك كيفك وكيف امورك
    ثامر: ياربي لك الحمد بخير ونعمه ابشرك وانت طمني عن اخبارك
    زياد : الحمدلله رب العالمين
    ثامر: دوم يارب بس غريبه صاحي للحين
    زياد : هذا الموضوع الي بغيتك فيه
    ثامر: ابشر وانا اخوك سم
    زياد : سم الله عدوك يالغالي والله يبشرك بجنات النعيم (امين يارب والقارين يارب) انت قلت لي مره ان ابوك ماشاء الله
    عنده عماير ويأجر الشقق الي فيها
    ثامر : ايه امر
    زياد : مايامر عليك ضالم بس انا اختي جت من الرياض عندنا هنا وماارتاحت ببيت جدي قالت هي حابه تسكن لحالها وتصير تزور بيت جداني كل فتره وفتره
    ثامر : ولا يهمك بس قولي بغيت شقه مفروشه جاهزه ولا شقه بدون أثاث
    زياد : ابغاها مفروشه جاهزه بس الله لايهينك توسط لنا لان البنت صغيره ونسيت تجيب معاها صوره من كرت العائله حق ابوي
    ثامر : لا ولا يهمك انا بقولهم انك من طرفي ومابيقصرون معك
    زياد : جزاك الله الف خير اشهد بالله انك كفيت ووفيت
    ثامر: يابن الحلال احنا اخوان ماله داعي هالكلام واعطاه اسم الحي الي فيه العماره بعد ماكلم حارس العماره
    وراح زياد للعماره والتفت جهت البنت الي نايمه كأنها ملاك حاول وقال لها :يااختي يااختي
    شوي الا سمع صوتها تقول: يمه لسئ بنام ماشبعت نوم
    كسرت خاطره قال ان شاء الله اني ارجعك بيت اهلك وقريب بعد وماحب انه يزعجها لانها تعبانه
    وخلاها نايمه الين وصل الشقه وبعدين
    نزل من باب السائق واخذ مفتاح الشقه من الحارس وراح فتح الشقه لقيها ماشاء الله مرتبه وكبيره
    فيها اربع غرف غرفتين فيها حمامات مستقله (الله يكرم القارئ) وغرفتين عباره عن مجلس حريم ومجلس رجال
    وصاله متوسطة الحجم ومطبخ أكبر من الصاله بشوي .. قال زياد : الله يفك ضيقتك ياثامر مثل مافكيت ضيقتي
    وطلع من الشقه ورجع لسياره فتح الباب الخلفي وحنئ ايدينه الثنتين وقرب يده الاولئ من رجولها ويده الثانيه مسك فيها
    ظهرها وشالها
    زياد : حس بعرق بجبهته كثير قال بينه وبين نفسه( والله البنت مو ثقيلة بس يمكن لاني منحرج منها )
    البنت : كانت بسابع نومه مو داريه عن شي
    ووصلوا لشقه ودخلوا وزياد فتح اول غرفه ونزلها علئ الكرسي الخاص بالتسريحه وراح عند السرير وبعد اللحاف ورجع شالها نفس الطريقه الاولئ ورجع عليها اللحاف وشغل لها المكيف وقفل الباب وطلع واتجه للغرفة الثانية وشغل المكيف وحط راسه وتمدد علئ السرير ونام نوووووم عمييييق (ماينلام من التعب )

    صحيت ياسمين بدري تقريبا حدود الساعه 5:10صباحا وكانت جوعانه وعطشانه طالعت بجوالها وشافت مكالمه من ليلئ صديقتها ورساله من خالتها حنان فتحت الرساله طلع مكتوب فيها :السلام عليكم كيفك يابطه ايش اخبارك ترئ وحشتيني
    نونه )ياسمين ابتسمت وقالت الله لايحرمني منك ياخاله وكتبت لها :وعليكم السلام بخير ياقلبي انتي كيفك وترئ اشتقت لك
    أرسلتها. وراحت الحمام (الله يكرم القارئ) توضت وطلعت صلت الفجر ومشطت شعرها ونزلت تحت دخلت المطبخ وطلعت كوب وصبت لها مويا وجلست تشرب بعدين راحت لثلاجه وطلعت لها توست ومربئ مشمش وجلست تسويلها
    ساندوتش ....
    .........
    سليم : هاني قوم جيب لي شي ابل ريقي فيه
    هاني: اف منك مني فايق لك بكمل نوم تراني ميت تعب
    سليم : امري لله بس لا اشوفك تمد ايدك علئ العصير والمويا الي بيجبها
    هاني: مناك بس
    سليم : ههههههه طيب وقام راح للمطبخ وسمع صوت علئ باله انها خالته دخل المطبخ الا شاف الشي الي كان يتمنئ انه يشوفه من امس لقي ياسمين جالسه تسوي لها توست ومو باين غير ظهرها وشعرها
    سليم دق قلبه بسرعه وقال يارب تكون هي يمكن تكون عهود لالالا عهود طويله
    عند ياسمين خلصت من التوست حقها واخذته ولفت تبغئ تاخذ لها عصير وتطلع تفطر فوق بغرفتها التفتت ولقت سليم
    خافت وقالت بسم الله
    سليم كان يطالع فيها وسرحان بعيونها العسليه وخشمها المسلول وشفايفها الصغيره
    ياسمين طبعا استحت من نضرات سليم لها حيل وقالت لو سمحت ممكن تبعد
    سليم انتبه لنفسه وقال: اااسف ااسف وبعد عن طريقها
    ياسمين طلعت بسرعه لغرفتها فوق وسكرت الباب علئ نفسها وقالت :ياربي نضرات سليم لي مره غريبه مو نضرة اخ لاخته يارب ياسليم ماتكون تفكر فيني كزوجه والله احبك زي اخواني هاني وزياد وخالد وماعمري تخيلتك غير كذا وجلست وقالت : بسم الله الرحمن الرحيم واكلت الساندوتش حقها
    عند سليم الي كان سرحان بعالم ثاني قال بينه وبين نفسه (ماشاء الله تبارك الله عليها صارت احلا من اول بكثيييييييييير
    مااقول غير فديت عيونها العسليه )
    وطلع من المطبخ ورجع المجلس حق الرجال بدون ماياخذ معه عصير او مويا .سليم جلس علئ الكنب يطالع بالسقف
    وكأنه يشوف ملامح ياسمين قدامه
    شوي الا قام هاني وقال له : سليم وين العصير تراني عطشان
    سليم مو سامعه ابدا
    هاني: سليييييييييييييم يالبزر
    سليم : خير تصارخ
    هاني: خير اصارخ لي ساعه اناديك وانت حضرت جنابك ماترد
    سليم : وش بغيت
    هاني : وين العصير
    سليم الي ارتبك وقال : هااا العصير ايييوا شربت بالمطبخ
    هاني : فيك شي
    سليم : لا مافيني شي ابد واذا تبي عصير روح خذ المطبخ قريب وتلحف ونام
    هاني : الغلط مو عليك الغلط علي انا الي احتريك وقام للمطبخ ياخذ له شي ياكله
    سليم تنفس بسرعه وقال :الحمدلله عدت علئ خير ورجع كمل نوووم
    ..........
    حنان قامت وطلعت جوالها واتصلت علئ صاحبة المشغل وقالت لها
    حنان: الو السلام عليكم ورحمة الله وبركاته
    أم سعود: وعليكم السلام ورحمة الله وبركاته
    حنان : كيفك ياام سعود
    ام سعود : ماشي الحال وينك متأخره
    حنان : مصدعه ومابقدر اداوم اليوم
    ام سعود : دامه صداع عادي تقدري تداومي مافيها شي
    حنان : لاحول ولاقوة الابالله العلي العظيم صداع قوي وبعدين انا من بدايت الشهر ماغبت الا يوم وهذا اليوم الثاني وأعتقد مابيصير شي لو غبت
    أم سعود: هذا انتو تجون تترجوني علشان اشغلكم ولما اشغلكم تبدون بالاعذار
    حنان ارتفع ضغطها من هالكلمه وقالت لها : اسمعي يابنت الناس مو عشاني اشتغلت عندك معناتها اني محتاجه فلوس
    الحمدلله مو ناقصني شي بس انا عندي موهبه واحب المكياج وقلت خليني انمي هالموهبه وانا مقدمه استقالتي ولاتتصلين مره ثانيه وقفلت الخط ..
    أم سعود : طيب لحضه بس حنان قفلت أم سعود قالت ياربي مايصير هالبنت تترك الشغل هالبنت ثروه لي اغلب الزبونات كثروا لما شافوا مكياجها حلو ويدها خفيفه ورجعت اتصلت اكثر من مره بس للاسف
    حنان كانت مقفله جوالها ونامت .
    .........
    فتحت عيونها بهدوء وكانت عيونها موجهه لسقف الغرفه خافت والتفتت يمين ويسار لقت انها بهالغرفه لحالها بعدت اللحاف من عليها وشافت نفسها لقيت انها ملفوفه بعبايتها ونقابها ابتسمت ابتسامت راحه وقالت :الله يستر عليك وعلئ
    اهلك يابن الناس ويحميك مثل ماحميتني وشالت نقابها واتجهت بانظارها ناحية الشباك بس ماتعرف كم الوقت لان الستاره كانت مغطيه علئ الشباك وماعندها ساعه عشان تشوف الوقت البنت قالت : ياربي الحين كيف اعرف الوقت ابغئ اروح الحمام (الله يكرم القارئ) عشان اتوضأ وأصلي بس كيف ياربي انا مااقدر اروح لحالي لو اني مو مشلوله كان رحت لحالي وحطت وجهها علئ المخده وبكت بكت بكت الين نامت من التعب
    ......
    صحيت ام خالد وصحت ام سليم وراحوا للمطبخ وجهزوا الفطور لابو خالد والعيال وسوت فطور لها ولام سليم
    ام خالد اخذت الصينيه الكبيره وودتها للمجلس الي فيه ابو خالد والعيال
    قام ابو خالد وقال: عنك عنك ارتاحي واخذ الصينيه منها
    هاني ضحك وقال :حركات والله يابوي
    ابوه : ضحك وقال وانت وش صحاك ماكنت نايم
    هاني : سبحان الله انا صحيت فجأه علئ الكلام الحلو الي مايطلع الا حق الغاليه
    ابوه : طبعا هاذي الغاليه الله يسعدها
    ام خالد انحرجت وقالت : الله يسعدك وانت ياهنوي صحي سليم خليه يفطر
    هاني : ولا يهمك يالغاليه
    وصحئ سليم وجلسوا يفطرون .. وام خالد راحت عند ام سليم وجلسوا يفطرون ويسوفون

    انتهئ البارت ....ان شاء الله يكون عجبكم

صفحة 1 من 20 12311 ... الأخيرةالأخيرة

المواضيع المتشابهه

  1. رواية الفقر ماهو عيب يا ولد الأكابر كاملة بدون ردود 2015
    بواسطة موكاتشينو في المنتدى قصائد وخواطر
    مشاركات: 15
    آخر مشاركة: 22-10-2014, 09:53 PM
  2. رواية شمس و سحاب كاملة بدون ردود 2015
    بواسطة موكاتشينو في المنتدى قصائد وخواطر
    مشاركات: 22
    آخر مشاركة: 21-10-2014, 09:52 PM
  3. رواية غموض رجل كاملة بدون ردود 2015
    بواسطة موكاتشينو في المنتدى قصائد وخواطر
    مشاركات: 22
    آخر مشاركة: 13-10-2014, 10:04 PM
  4. رواية شاب يبحث عن عمل كاملة بدون ردود 2015
    بواسطة موكاتشينو في المنتدى قصائد وخواطر
    مشاركات: 26
    آخر مشاركة: 13-10-2014, 09:58 PM
  5. رواية وصية الحقد كاملة بدون ردود 2015
    بواسطة موكاتشينو في المنتدى قصائد وخواطر
    مشاركات: 52
    آخر مشاركة: 10-10-2014, 09:09 PM

الكلمات الدلالية لهذا الموضوع

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52