صفحة 1 من 3 123 الأخيرةالأخيرة
النتائج 1 إلى 5 من 13

الموضوع: ][ ليــلة هــــــــروب ][

  1. #1
    ... عضو مـاسي ...


    تاريخ التسجيل
    Jul 2005
    المشاركات
    1,474
    معدل تقييم المستوى
    2

    افتراضي ][ ليــلة هــــــــروب ][

    اعزائي مشرفين واعضاء وضيوف هذا المنتدى الراقي

    اعرض اليوم امامكم باسقه جديده تحكي عن مضمونها

    راجيا ان تنال رضاكم وشرف اطلاعكم عليها



    [poem=font="Simplified Arabic,6,black,normal,normal" bkcolor="white" bkimage="" border="outset,4,gray" type=2 line=0 align=center use=ex num="0,black"]
    لاتعـدّى حـدود الوصـل لاتقطـعـه = بين هـذي وذيّـه ماتضيـق الـدروب

    آه ياقلبـي اللـي جـاه مـن روّعــه = عقب ماكان في درب الهـوى مايتـوب

    وانت قلبـي دليلـي والهـوى مقطعـه = والقمر ماطلع من عقب هـاك الغـروب

    والسوالـف مديّـه والفصـول اربعـه = والهوى ساق قلبي فـي مغـب الهبـوب

    والهوى لغـز مالـه حـل لـو ترمعـه = ومن يقول الحقيقه صار شخصٍ كـذوب

    والغـلا فـي يدينـك تطرحـه تجمعـه = في دروب المحبه كـل شبـر محسـوب

    اذكر انـي بديـت الحـب مـن موقعـه = من مطار المحبه طايـره بـي تجـوب

    طال وقت انتظاري هـي متـى مقلعـه = واعلنت موعد الاقـلاع حـان الركـوب

    واقلعت رحلتـي مافيـه معـي امتعـه = نوب يم الشمـال ونـوب يـم الجنـوب

    رحلـةٍ فـي حياتـي مؤلمـه موجعـه = ماهتنيـت بمنـام ولا طعـام وشـروب

    مـن حبيـبٍ لقيتـه ساكـن المجمعـه = في غيابـه توقّـد نـار قلبـي شبـوب

    والحقيقـه غـدت لارحـم جـدّه معـه = ماوصلنـي علـوم ولاجـواب مكتـوب

    طال وقت انتظاري والزمـن ماسرعـه = راح ثلثين عمري بيـن سلـم وحـروب

    آه ياقلبـي اللـي ماوصـل مطمـعـه = من سبايب غيابك صار قلـب معطـوب

    يـاحـلالاه والله يــادروب السـعـه = ضيقةٍ في ضميـري ماتناقـص تلـوب

    كان ماطاع سوق الحـب عنّـي طعـه = شوف قلبي جرحه الحب صار مخضوب

    وكاس الاشواق ذاق القلب منـه جرعـه = ولارتوى ضامي المعلوق من شرب كوب

    اجـدب الشـوق فينـي مالقـى مربعـه = والمطر نش من مزنه وصابـه جـدوب

    والجـروح العطايـب زالـت الاقنعـه = واستثارت خفايا مـن جـراح القلـوب

    ياحيـاة الشقـاوي والبشـر مـودعـه = والبنادم ضعيّـف كـل مابـه عيـوب

    ياحبيـب الندامـه كـل شـي تسمعـه = من هروج العواذل صرت منها طـروب

    غصةٍ جـوف حلقـي ماقـدرت ابلعـه = شوكةٍ في ضميـري ماتحـدّر نشـوب

    كم حبيبٍ يلاقي فـي الهـوى مصرعـه = والسبب من غياب او هجر ولاّ هـروب

    والمصيبـه بقـى مافيـه مـن شيّعـه = لين جسمه نحل والحال صابـه شحـوب

    والحبيب ان شكـا مافيـه مـن ينفعـه = يشتكي مـن عذابـه ليـن قلبـه يـذوب

    قصتي مـن عذابـي والحـدود اربعـه = وانكتب فوقهـا عنـوان ليلـة هـروب


    وسلامتكم جميع
    نواف المطيري [/poem]

  2. #2
    فارس مطير

    افتراضي

    السلام عليكم ورحمة الله وبركاته

    الله الله عليك



    والهوى لغـز مالـه حـل لـو ترمعـه ومن يقول الحقيقه صار شخصٍ كـذوب


    انشهد انك صادق في هذا البيت



    والجـروح العطايـب زالـت الاقنعـه واستثارت خفايا مـن جـراح القلـوب



    قمة الجزاله


    كم حبيبٍ يلاقي في الهـوى مصرعـه والسبب من غياب او هجر ولاّ هـروب

    لله درك على هذا التوصيف كفيت وفيت في هذا البيت


    قصتي مـن عذابـي والحـدود اربعـه وانكتب فوقهـا عنـوان ليلـة هـروب


    وانا اسجل اعجابي عندك

    ليلة هروب


    صح لسانك يالقرم ولاهنت


    قصيده جزله من راس جزل ومشالله عليك تصخير للقاف وخيال واسع

    احسنت بما كتبت وبكل قاف (ن) صغت



    تحياتي


    اخوك

  3. #3
    ... عضو مـاسي ...


    تاريخ التسجيل
    Jul 2005
    الدولة
    جاري البحث
    المشاركات
    1,042
    معدل تقييم المستوى
    2

    افتراضي

    والحبيب ان شكـا مافيـه مـن ينفعـه***** يشتكي مـن عذابـه ليـن قلبـه يـذوب

    قصتي مـن عذابـي والحـدود اربعـه *****وانكتب فوقهـا عنـوان ليلـة هـروب


    اخوي نــــواف المـــــطيري


    ارجو منك ان تســــجل اسمي في قائمه تـــلاميذك


    ومعــــجبيك ... مهما وصفت وكتبت لأن اوفيك حقــــك على هذي الابيات


    الجزله التي سرقت انفاسي وانا اقراءها.... اخوي لا عدمنا وجـــودك


    صح لسانك وسلمت يمناك



    اختك~*§(*§صمـ§ــ البوح ــ§ـتـ §*)§*~ˆ

  4. #4
    ][ ..شــاعــر مميز.. ][


    تاريخ التسجيل
    Jul 2005
    الدولة
    الرياض عاصمة الجمال
    المشاركات
    541
    معدل تقييم المستوى
    1

    افتراضي

    نواف المطيري
    شاعرنا الجزل وشاعرنا الحسّاس
    تمتلك خاصيه مميزه يانوواف
    قوة وصف .. إدخال القارئ في جوّك وجوّ حروفك
    ابدعت ابدعت ابدعت
    قوة معنى .. وجمال مبنـى
    نواف ....
    صح لسانك .. مدد بلا عـدد
    كفيت ووفيت في هذه الباذخــــه
    لاعدمنااااا ابداعاتك يانووواف
    لاتحرمنا من جديـــدك
    واعلم اننا ننتظر جديدك بكل شووووق

    تحياتي العطررره اخي

    سعود القحطاني

  5. #5
    ... عضو مـاسي ...


    تاريخ التسجيل
    Jul 2005
    المشاركات
    1,474
    معدل تقييم المستوى
    2

    افتراضي

    فارس مطير

    اخي العزيز ومشرفي الفاضل

    صح بدنك مليااارات يالقرم

    والله لايهينك يالغالي

    شهادتك اعتز فيها واعتبرها تاج على راسي

    روعة مرورك له وقع خاص في نفس نواف

    لاخلا ولاعدم يالقرم

    دمت رائعا كما انت

    تحيتي لك

    نواف المطيري

صفحة 1 من 3 123 الأخيرةالأخيرة

المواضيع المتشابهه

  1. ليــلة قمـــرية
    بواسطة عاشق لبنان في المنتدى قصائد وخواطر
    مشاركات: 1
    آخر مشاركة: 26-08-2006, 02:02 AM
  2. في ليــلة العيــد..رســاله إلى حبيبتي..
    بواسطة احساس خالد في المنتدى قصائد وخواطر
    مشاركات: 16
    آخر مشاركة: 07-11-2005, 10:18 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52