النتائج 1 إلى 3 من 3

الموضوع: اندومي ؟؟؟؟؟؟؟؟ الطعم الشهي

  1. #1
    ... عضو نشيط ...


    تاريخ التسجيل
    Sep 2005
    الدولة
    عنيزة ( باريس نجد )
    المشاركات
    97
    معدل تقييم المستوى
    1

    Tongue اندومي ؟؟؟؟؟؟؟؟ الطعم الشهي

    الله لايعود ذاك اليوم









    هو : بسم الله الرحمن الرحيم هبلت بنا ياخي


    انا : طيب لايكثر وش تبي


    هو : ،،،،،،،،،، اندري عنك ،،، وش سالفك انت

    انا : سالفتي سالفه .


    هو : طيب قل سالفك ولايكثر .

    انا : سم بس لاتكد

    ياطويلين العمر هذي بزعه من بزعاتي ، ذاك اليوم كنت راجع للبيت آخر الليل ( الساعه 2.30 او اكثر ) المهم كنت جوعان

    ودي اعض الارض من قوة الجوع ( القهر إني مريت من عند 7548244 مطعم ولا وقفت كل ذا عجز ) ، وانا اللي ادخل المطبخ والقى الشغاله تشتغل ؟؟؟؟؟؟؟؟ آخر الليل يقلع ام النشاط .

    شوفوا الحوار اللي دار بيني وبين الشغاله :

    انا : السلام عليكم <<<<< الولد اخلاق ومتعود يسلم .

    الشغاله : وعليكم سلام ،، هلا بنهر ..

    انا : هلا هلا ،،،، لايكثر بس انا جوعان . وش عندكم

    الشغاله : مابي شي ،،، مابي إلا اندومي ماتبين ماتاكل ؟؟؟؟؟؟؟؟؟

    ههههههههههههههه طبعاً هي تقولي مابه شي ابد ، الموجود اندومي تبي وإلا لاتاكل .

    انا : مررررررره مابه شي .

    الشغاله : لا مابي شي يالله روهي وإلا انا في نادي ماما .

    انا : خلاص خلاص طيب ( طبعاً امي الله يجزاه خير مسويه علينا حظر دخول المطبخ إذا صارت طويلة العمر ( اللي هي الشغاله ) موجوده داخل ، واللي بايع عمره يدخل ) .

    المهم وانا اللي استسلم للأمر الواقع ، وآخذ لي كيسين اندومي وافوح بريق الماء واجدعهن بقدر صغير ، يام فاح الماء

    واصبه على الاندومي بالقدر الصغير ههههههههه

    طبعاً مهيب سالفه هي ،، بس على شان اقدر اوصل للخلطه

    طبعاً الشي اللي ماعرفتوه عن صدى الجروووح إنه يحب يبربس بالاكل ، مسوي شنق هنق الطباخ الصيني اللي يطلع التلفزيون بتله .
    المهم بعد مانجض الاندومي ( ياعيني ) حطيت الخلطه واكبر بزعه سويته إني حطيت فلفل اسود مطحون عليهن ،

    هو عادي إني احط ، لأنه مهيب اول مره ،، بس هالمره كثرت ، واجي واحطه بصحن واقعد على الطاوله << (يعلمكم إنه

    عنده طاوله بالمطبخ ) وابداء آكل

    المهم كان بجنبي قوطي سفن ،، وكل ماآكل تزود الحراره داخل اثمي كأنه تنور خباز ،،،

    المهم الجوع خلان انسى شي اسمه حراره ،، يام قضيت وشبعت ، واروح للفراش واسد له نومه لين صلاة الفجر ، يام

    قومون اهلي للصلاة ، اول ماوقفت على حيلي حسيت بدوخه الله لايوريك ، عاد امي تحسبن استهبل .

    امي : وش بك .

    انا : ماادري .

    امي : بسم الله عليك ،، انت صادز <<<<<< هههههههههههههه دايم اهبل به الله يصلحن .

    انا : إيه والله مدري وش بي ( طبعاً انا ماجاء على بالي الاندومي حسبي الله على اللي اخترعه ).

    امي : ابنادي اخوك على شان يشوفك .

    انا : ؟؟؟

    المهم جاء اخوي اللي مالي خلق له ( لأنه ماشاء الله عليه فاهم بكل شي ، وبما إني اخوه لازم اغتابه ههههههههه )

    اخوي : وش بك انت ؟؟

    انا : ماادري.

    اخوي : اجل من اللي يدري .

    انا : امي <<<<<<< يستهبل والوضع حوسه .

    اخوي : يالله يالله ،، قدامي للمستوصف .

    انا : مالي خلق ، ابي الحمام <<<<< الوضع في حالة مزريه تكرمون .

    اخوي : الحمام بالمستوصف ( تكرمون )

    انا : طيب

    المهم ونروح للمستوصف بعد الموافقة الكريمة مني شخصياً ، المصيبه ههههههههههه إني رايح بقميص نصه عرق وخرابيط الله يجيركم

    والله وياولد ،،، واادخل على الطبيب المختص ( اخس ) يام فحصن وسألن كم سؤال تذكرت انا وقلت له بصوت عالي

    اندووووووووومي ؟؟؟

    الدكتور : ؟؟؟؟ بسم الله وش بك ( ياويلي يالدكتور انهبل من الروعه )

    اخوي : ؟؟؟؟؟ ترى ابلفعك الحين خير هذا وقت استهبال ( مسوي ثقل وهو اول من ارتاع ) <<<< بتله مهبلبهم انا هههههههههه

    انا : حسبي الله على اللي صنعه <<< طبعاً ماقلت تسذا ههههههههه مافيه إلا قوة تلعين .

    الدكتور : وش فيك على الاندومي ،، عسى ماشر

    انا : اكلت اندومي امس بالليل ، والله والعالم إن اللي بي من هالاندومي لاكن هين ،، اوريك بالشغاله << ياويلي ماله دخل .

    المهم قال الطبيب : لازم غسيل <<<<<<<< والله ياانت تسمع .

    ويتصل اخوي على امي وقاله كل شي .

    قالت امي : ماعليك ،، هات الولد وانا اسنعه .

    يام وصلت للبيت جت امي ومعه كاس .

    قالت لي اشرب ؟؟؟؟؟؟؟؟؟


    عاد انا مثل فار التجارب ،،، كل اهلي يجربون بي شي والضحيه انا <<< ياويلي .

    المهم وآخذ الكاس والط ابوه مع العلم إنه يحوم التسبد ،،، بس حالي خلتن غصب اشرب

    يام اخذت لي شوي وإلا به واحد يهرج تحت

    اثره بطني ههههههههههههههههههههههههههههههههه

    انا : وش تبي انت .

    بطني : الحمااااااااااااام عجل !!!!!!!!!!!!!

    انا : صادز انت .

    بطني : متى المعرفه على شان استهبل عليك عجل وإلا الوضع يبي ينحاس عندك

    انا : سم سم ،،،،
    قبل لاادخل الحمام ( تكرمون ) كان وزني 61

    بس يام طلعت الظاهر صار 52 ؟؟؟؟؟؟؟؟؟؟؟؟؟ ( لاتسألون وراه ههههههههه مهب لازم ).

    ويالله يالله امشي

    وحيلي منهد ومااشوف الدرب والاثم طايح يحك بالارض من التعب ..


    يالله يالله وصلت للفراش وضربته نومه ..


    والحمد لله قمت متعافي احسن شي ههههههههههههههههههههههههههههه



    هذا درس على شان لحد يبزع ويتفلسف مثلي ويبربس بالاكل .


    اتمنى الموضوع يحوز على رضاكم ،،،،


    ودمتم سالمين

  2. #2
    ][ شـاعــرة الزيــن ][


    تاريخ التسجيل
    May 2005
    الدولة
    (( قلب نجد )) الرياض
    المشاركات
    18,335
    معدل تقييم المستوى
    19

    افتراضي صدى الجروووح

    [align=center]
    صدى الجروووح


    ألا بسألك سؤال هو أندومي( ولا خروع) الله يعطيك العافيه

    ويعينك بس أكيد صار عندك مناعه00

    قصه ممتعه ولو(انها تحوم السبد ) احيان هههههههههههه

    حلو أن نتواصل بكل لون شيق00

    لاتحرنا جديدك ننتظر000

    تحيه 00من الحوراء00بنت نجد[/align]

  3. #3
    ... عضو نشيط ...


    تاريخ التسجيل
    Sep 2005
    المشاركات
    145
    معدل تقييم المستوى
    1

    افتراضي

    شكرا لك صدى الجروح

المواضيع المتشابهه

  1. اندومي اندومي اهـ ياعيوني ..
    بواسطة شويه هباله في المنتدى الارشيف
    مشاركات: 14
    آخر مشاركة: 07-09-2006, 07:11 AM
  2. الزهد الإيجابي
    بواسطة حبيبتي حطمتني في المنتدى الارشيف
    مشاركات: 10
    آخر مشاركة: 26-06-2006, 11:29 PM
  3. أن ما رميت الطعم بخداع ترميك. . .
    بواسطة عبدالله بن أحمد في المنتدى قصائد وخواطر
    مشاركات: 11
    آخر مشاركة: 18-01-2006, 11:09 PM
  4. اندومي با الخضار
    بواسطة كتاب مفتوح في المنتدى عالم حواء
    مشاركات: 4
    آخر مشاركة: 08-05-2005, 12:03 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52