صفحة 1 من 9 123 ... الأخيرةالأخيرة
النتائج 1 إلى 5 من 42

الموضوع: كيف ترفعين ضغط التماسيح 100 درجة مئوية ؟؟؟ برعاية جميع سحليات المنتدى

  1. #1
    ..((لبا قلبكـ))..


    تاريخ التسجيل
    May 2005
    الدولة
    `•.•` بنت بو متعب .. عالي إلهامي`•.•`
    المشاركات
    1,417
    معدل تقييم المستوى
    2

    Zip كيف ترفعين ضغط التماسيح 100 درجة مئوية ؟؟؟ برعاية جميع سحليات المنتدى

    السلام عليكم ورحمة الله وبركااته
    عندي دروس خطيره لا تفوتكم يا بنات .. شوفو اللي مقهوره, واللي تبي تنتقم , واللي تبي ترفع ضغط اخوها تتبع

    هالخطوات والله يقويكم......

    *** عند التلفزيون ***

    لا صارت فيه مباراه , والاخ متحمس اقطعي هالحماس وشلون؟!
    انا اقولك ..

    شوفي اذا صار مبقق عيونه وماهو يهم احد يعني لو تجيبين صاروخ تفجرينه قدامه مالتفت لك اعرفي انه منسجم ,

    هنا بس تقومين بشغلك.. وتسوين نفسك بنت سنعه

    وروحي جيبي قطعة قماش وبخاخ للتنظيف واوقفي عند التلفزيون وامسحي الشاشه ولا تعطينه فرصه يشوف زين ,

    لا قال: ابعدي. قولي مانيب فاضيتلك بنظف وامسح ، وبعدين روحي جيبي المكنسه واكنسي المكان اللي هو فيه وحاولي من لحظه للحظه تكنسين قدام التلفزيون وغطي عليه.. ولا يهمك احد..

    واذا قال: ابعدي لااصقعك على وجهك بالكاس قولي معصي بيجون ضيوف . . العبي عليه حتى لو مو جايكم احد , والا سوي نفسك جالسه وتذكرتي ان الكيك بالفرن احترق ناقزي لين توصلين للفيش وامصعيه برجولك ولا تلتفتين وراكِ..


    *** عند النوم ***

    لا صار التمساح يشخر.. نكدي عليه نومه وشلون؟! دخلي عليه بزارينكم على بزارين جيرانكم وصكي الباب عليهم وخليهم يلعبون بغرفته ويناقزون على راسه .. تخبرين اطفالنا احباب الله خخخخخخخ

    والا تعالي وهو في سابع نومه وارجفيه ذيك الرجفه اللي يفز مايدري عن نفسه الا وهو جالس وبكل برود قوليله نبي نخرج ..


    *** اذا المزاج صفر ***

    اذا شفتيه ماله خلق ومو رايق ومقفله معه لا تخافين بالعكس هذي فرصتك تنتقمين منه يعني تحرشي فيه خلي دمك ثقيييييييييل بالمزح

    بس انتبهي في هاللحظه راقبي حركات يده لان ممكن يصك أي شيء قدامه بوجهك ولازم تصيرين مجهزه مفتاح الغرفه.. ماتدرين السالفه يا غالب يا مغلوب خخخخخخخخ

    المهم.. اضحكي على شكله والا على جلسته والا على لبسه .. هو بيقول ترى مانيب رايق اذلفي عني , انتي لا تسكتين قوليله واذا ماذلفت وجهي وش بيصير

    عاد هو بيقوم ويوريك وش بيصير على سنع انتي في هالوقت اقضبي اول درجتين توصلك لغرفتك وطلي عليه من فوق وقوليله ههههههههههههاااااي اهم شيء رفعت ضغطك وقومتك من جلستك



    عادي .. عادي ولا صرتي بزر وش فيها اهم شيء تحقيق الغايه اللي هي (( تفجير الامبير ))

    *** وقت الطقاق ***

    لا جاء يوم وبراسك حرش وتبين تطاققين انتي والتمساح لازم تجهزين نفسك من كل ناحيه:

    1/ اللبس: لازم تلبسين ترنك خخخخخخخخخ علشان يسهل الركض


    2/ الشوشه لازم تلمينها وتسوين حفله براسك ذاك اليوم تحطين انواع الشباصات والمغاطات وانتبهي ولا خصله تنزل منك,

    وياليت يكون ذاك اليوم حاطه براسك حناء علشان مايتجرأ ويلمس شعرك <==== ابن أمه يجيب مثل هالتفكير

    3/ مفتاح الغرفه ولميه الاحتياط واجب

    اذا بدت المعركه حطي راسك براسه ولا تبينين له انك خايفه وبققي عيونه فيه وقوليله وش براسك عاد هو هنا بيقولك هذا اللي براسي طراااااااااااخ الا ومخمس مصفي طبلونه ,

    لا تستسلمين عطيه بوكككككككس على عيونه الثنتين علشان مايشوف الدرب وحطي رجلك
    .
    وعلى طووووووووول لغرفتك اللي مجهزة مفتاحها من قبل واقفلي عليك .. ويادار مادخلك شر بس نصيحه اقعدي يومين لايشوفك ولا تشوفينه لانه يبي ينتقم لكرامته وبيوريك النجوم في القايله ..



    على فكرة انا مالي خص اذا صار اي شي
    منقوووووووووووووول ولا لي شغل >>>>>> لاحد يقول قاعد أخرب بيوت
    والخوف يبتدوا فيني أنا

    وش رايك عبوسي ؟؟؟ :5ar:

  2. #2
    ... V I P...


    تاريخ التسجيل
    May 2005
    الدولة
    سعودي يبو
    المشاركات
    8,248
    معدل تقييم المستوى
    9

    افتراضي

    خخخخخخخخخخخخخخخخخخخ تراي مااضحك على الموضوع اضحك عليك لانه مكرر :cool:

  3. #3
    ... عضو جديد ...


    تاريخ التسجيل
    Sep 2005
    المشاركات
    21
    معدل تقييم المستوى
    0

    افتراضي

    يالله هي جت على الباب والله لكسره واتوطى في بطنها ههههههههههههههههههههههههه التمساح يقهر ما ينقهر هاهاهاها : تحياتي

  4. #4
    ... V I P...


    تاريخ التسجيل
    Oct 2004
    الدولة
    الـ k.s.a ــرياض
    المشاركات
    2,882
    معدل تقييم المستوى
    3

    افتراضي

    أحــــــــــــــــــــــــــــــــــــلـــــــــــ ـــــــــى










    شـــــــــــــــــــــــــــــــــــــــــــــــــ ــــــــــي






    فـــــــــــــــــــــــــــــــــــــــــــــــــ ـلــــــــــــــــــــــــــــــــــه

  5. #5
    ..((لبا قلبكـ))..


    تاريخ التسجيل
    May 2005
    الدولة
    `•.•` بنت بو متعب .. عالي إلهامي`•.•`
    المشاركات
    1,417
    معدل تقييم المستوى
    2

    افتراضي

    آسفه اذا كان مكرر

    ما كنت ادري

صفحة 1 من 9 123 ... الأخيرةالأخيرة

المواضيع المتشابهه

  1. تم القبض على زعيم التماسيح ( زاد الشوق) برعاية بنت شيوخ
    بواسطة بنت شيووخ في المنتدى الارشيف
    مشاركات: 45
    آخر مشاركة: 16-11-2007, 02:03 PM
  2. الا جميع السحااااااالي الرجاء عدم دخول التماسيح للسريه
    بواسطة درة الزين في المنتدى الارشيف
    مشاركات: 8
    آخر مشاركة: 15-11-2007, 04:52 PM
  3. انا عضوة جديدة في المنتدى فهل من أحد يرحب بي؟؟؟
    بواسطة عاشقة الحلاني في المنتدى الارشيف
    مشاركات: 9
    آخر مشاركة: 17-10-2006, 09:48 PM
  4. ناسي عجرم جرحت جميع المسلمين
    بواسطة السنـــreemـــدريلا في المنتدى الارشيف
    مشاركات: 11
    آخر مشاركة: 02-06-2006, 08:39 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52