صفحة 1 من 4 123 ... الأخيرةالأخيرة
النتائج 1 إلى 5 من 19

الموضوع: ][®][^][®][ مهور الصعب ][®][^][®][

  1. #1
    ... عضو مـاسي ...


    تاريخ التسجيل
    Jul 2005
    المشاركات
    1,474
    معدل تقييم المستوى
    2

    افتراضي ][®][^][®][ مهور الصعب ][®][^][®][

    اعزائي اعضاء منتدى الزين الكرام

    اعرض عليكم اليوم هذه الورده اليانعه

    وعندما تفيض هواجيس القلب تأتي بكل الاحاسيس

    [poem=font="Simplified Arabic,6,white,normal,normal" bkcolor="transparent" bkimage="backgrounds/9.gif" border="none,4,gray" type=2 line=0 align=center use=ex num="0,black"]
    ياسحايب فوق رايان المسمّى مستهلّه = امطري ياجعل وبلك سيل والله ياسحايب

    سيّلي وادي مسره والغويشه لاعطالله = واستعلّي ياديارالخير وربوعٍ ذرايب

    والصماله في المواقف والدروب المستقلّه = للمواقف به رجال وللسفاله به نوايب

    والكلام وله ثمر تجنيه .. من دقّه وجلّه = وثمرة هرج الفطين اليا حكى صاطي وصايب

    والكلام اسلوب في نطق الكلام ومستهلّه = والغشيم اللّي يهذري بالعلوم وصار عايب

    والكرامه حق محفوظه ولاهي مستحلّه = والحرامي ماتجرّا .. كود سرقة مال سايب

    يانجوم الليل دربي غاديٍ .. ماحدٍ يدلّه = انّجمت ولالقيت اللّي يقدّيني ... درايب

    والهوى اللّي في بداياته عواج وفيه خلّه = اوله ذنب وعقوبه .. ثم تاليته خرايب

    والسؤال اللّي جرحني مالقى من هو يحلّه = خل واجرم في هوى خلّه ولاعدّ السبايب

    من عرفت الليل داكن من مدارات الاهلّه = من عرفت الوقت جاير والزمن كلّه عجايب

    وانت ياذيب الفيافي مرقبك في راس تلّه = ماتهيد ولاتحيد وعادتك روس النجايب

    ماتبدّل بالعزاز اطمان .. والموقف جبلّه = يسلك فجوج المخاطر مايضرّيها مهايب

    طبعي اني لاعشقت اعسف مهور الصعب كلّه = ماامشي بدرب السهوله عشقتي درب الصعايب

    حلمي اللّي لاحلمته ماتحقق قلت ... خلّه = باكر احلم حلم ثاني يشفي جروحٍ عطايب

    وارتقي واشوم نفسي عن خطا عن كل زلّه = واجتنب قرب السفيه .. ولا تعرّض للهبايب

    والضعيف اللّي يحسب اليا بغى شيٍ وصلّه = تبطي عظامه يباس .. يشيب لوماكان شايب

    ياصغيّر مانزلت لشين .. غيري قد نزلّه = عاليٍ من راس عالي مالتفت ليّات نايب

    ياعنود الصيد حال البيد قفرا مضمحلّه = مابها غير السراب وليلها عجّ .. وترايب

    والنهار الومد حامي نار كنك جوف ملّه = مايبرّدها ظلال .. ولا تروّيها سحايب

    والعذول اللي ينومي لو وشا ماطاب غلّه = حرةٍ في جوف كبده تشتعل ناره لهايب

    ماقريت سطورها وسط الجريده والمجلّه = ماعرفت حروفها من نقل صفحات الكتايب

    قلّه ان نواف شايم مالتفت لهروج قلّه = مارتجى منّك ثواب وربي اللي فوق ثايب

    والظروف اللّي تحدّ الرجل حتى تستغلّه = ماحسبت قهر الرجال مصيبةٍ وام المصايب

    عقّبت ظلم.. وطعون .. وسيف بتّارٍ تسلّه = وعزفت قلب المودّه عزف باوتار العقايب

    والحنين اللّي سرابي ليل زاد الطين بلّه = لاب في جوف الضمير الحي تسعين لايب

    احتملت وزاد حملي علّةٍ في جوف علّه = والخطا يقهر الرجّال لاجا من قرايب

    والجروح اللّي منوّل تحت قلبي مستظلّه = كنّها دمعه وطاحت مع مداميعٍ سكايب

    هيه لاصارت حبال الوصل قصرت خطوةٍ لّه = ماتورّدها حبالٍ طالت بهم ونشايب

    والله ان القلب بيته .. والمحل هذا محلّه = اجنبي مايسكنه .. مايسكنه كود الحبايب

    يحمل ورود الغلا لاهل القلوب المسفهلّه = من نصاه بود صافي يرجع من الهم طايب

    يالله اني في رجاك وتقبل اللّي جاك يالله = وتغفر لعبدٍ ضعيّف جاك بالحسرات تايب

    وسلامتكم

    نواف المطيري[/poem]

  2. #2
    ... عضو مـاسي ...


    تاريخ التسجيل
    Jul 2005
    الدولة
    جاري البحث
    المشاركات
    1,042
    معدل تقييم المستوى
    2

    افتراضي

    الله عليك اخوي نواف المطيري



    صح لسانك وسلمت يمناك



    ابدعت اخوي ... ابيات قمه .... رائعه



    يعطيك العافيه...



    اختك~*§(*§صمـ§ــ البوح ــ§ـتـ §*)§*~ˆ

  3. #3
    فارس مطير

    افتراضي

    السلام عليكم ورحمة الله وبركاته


    عندما ياخذ القصيد رونق اخر فانا اعرف بان فارس المطيري امام

    نواف القاف اخي نواف معلقه اسجلها في دفتر اشعاري واضمها الى

    مجموعة افضل القصائد التي ضمت بعض من قصائدك الرائعه

    كل يوم ارى جديد وكل يوم في تقدم

    نواف المطيري

    تملك خامه شعريه وتملك احساس مرهف

    استمر على ماانت عليه فانا معجبيك كثيرون فانا اولهم

    اخيراً وليس اخراً

    لاتحرمنا من قصائدك وجديدك اخي الكريم





    يالله اني في رجاك وتقبـل اللّـي جـاك يالله


    وتغفر لعبدٍ ضعيّف جـاك بالحسـرات تايـب


    تــــــــــــــــــايب

    صح لسانك مليون وصح احساسك مليار ولاهان راسك على مثل هذه رائعه




    تقبل من التحايا ازكاها


    اخوك


    فارس المطيري

  4. #4

    ][ كبَـآر الشخصيَآت ][


    تاريخ التسجيل
    Oct 2004
    المشاركات
    5,971
    معدل تقييم المستوى
    8

    افتراضي

    آلله آلله عليك يآنوآف آلمطيري..

    صح لسآنك وصحت آحآسيسك وروعه مشآعرك..

    تسلملي آنآملك على هذآ آلابدآع..

    آلذي تعودنآه منك..

    من كل جديد وجديد..

    تضهره لنآ ..

    لاهنت آيهآ آلمبدع..

    ولاهآنت آنآملك وفكرك..


    ولك مني آرق واعذب آلتحآيآ..

    آخــوك

    ][..وٍعـــدآلــهـــوٍى..][
    Instagram: Loss888.

  5. #5
    كبآآر الشخصيآت

    تاريخ التسجيل
    Jul 2005
    الدولة
    عند أهلــــي وربعي
    المشاركات
    26,434
    معدل تقييم المستوى
    27

    افتراضي

    والصماله في المواقـف والـدروب المستقلّـه
    للمواقف بـه رجـال وللسفالـه بـه نوايـب

    والكلام وله ثمر تجنيه .. مـن دقّـه وجلّـه
    وثمرة هرج الفطين اليا حكى صاطي وصايب

    والكلام اسلوب في نطـق الكـلام ومستهلّـه
    والغشيم اللّي يهذري بالعلوم وصـار عايـب




    اخوي

    نواف

    كفو

    وصح الله لسانك

    وتسلم يمينك

صفحة 1 من 4 123 ... الأخيرةالأخيرة

المواضيع المتشابهه

  1. حبيب الشعب عبد الله عطى الشعب وعطاهـ الله
    بواسطة ¶ بــآريــس ¶™ في المنتدى الارشيف
    مشاركات: 11
    آخر مشاركة: 01-10-2010, 05:37 AM
  2. ][ من الصعب ][
    بواسطة حبيبتي حطمتني في المنتدى الارشيف
    مشاركات: 26
    آخر مشاركة: 29-03-2008, 08:33 PM
  3. من الصعب ....
    بواسطة البنوته الحبوبه في المنتدى الارشيف
    مشاركات: 1
    آخر مشاركة: 15-01-2008, 05:11 AM
  4. قبائل في الشرقية تحدد مهور الفتيات بحسب أدائهن الحج
    بواسطة حبيبتي حطمتني في المنتدى الارشيف
    مشاركات: 14
    آخر مشاركة: 14-01-2006, 10:21 PM
  5. دعوه للنقـاش (( مهور وعادات القبائل السعوديه))
    بواسطة ~ALBAKI~ في المنتدى الارشيف
    مشاركات: 2
    آخر مشاركة: 06-08-2005, 05:12 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52