النتائج 1 إلى 5 من 5

الموضوع: الاسطورة........

  1. #1
    ... عضو نشيط ...


    تاريخ التسجيل
    Aug 2005
    المشاركات
    141
    معدل تقييم المستوى
    1

    Rose الاسطورة........

    السلامـ عليكمـ ورحمة الله وبركاته

    ما تقبلت الفراق ومالي يدي فيه حيله
    آه لو ان الظروف المقبلة تكشف قدرها
    لو يعرف الشخص منا وش مع الغيب بيجيله
    كان جنبنا المشاكل من قبل يوقع ضررها
    ماهقيت الليلة الي جابت الفرقا طويله
    لين صارت ليلة أمس بعيني أطول من شهرها
    والعذاب الي يذوب بعين من يفقد خليله
    عندي أكبر من عذاب العين لو تفقد نظرها
    والحبيب الي صدوده مثل مداته جزيله
    صد عني واعرفه لو صد عن حاجه هجرها
    كن روحي يوم حست في جفاه وصعب نيله
    بشرتني بالضياع وشدت العزم لسفرها
    ما رحمها من هلاك وما تقبلها دخيله
    تحتضر قدام عينه لين ماتت من قهرها
    عاد ليت الي ذبحها وارهب الموت بوسيله
    ما دفن وجه الضحيه والسكاكين بنحرها
    ليت قلبه يوم طاوع فعلته كمل جميله
    لو غسلها من عروقه وبكفن صدره قبرها
    من حفر بضلوع قلبه حفره تكفي قتيله
    ليه ما يدفن قتيله بالضلوع الي حفرها ؟!
    اشتكيته للرفوف وللبراويز الهزيله
    وانذعرت من النياح الي سمعته في صورها
    رحت اسولف للجبال الصم عن قصة رحيله
    ماتركت متون هلا ينحت الدمع بصخرها
    واحد حقق جماله كذب أساطير ألف ليله
    يسكن السبع البحور ويحبس الحور بدررها
    الدروب بكبرياها ترتجف تحته ذليله
    والورود الي تقبل خطوته تنبت بثرها
    والغصون اليا بغاها تنثليله تنثليله
    والفياض ان حب ينثر عطرها يلمس زهرها
    لو يصوت للغدير المنجرف جفف سبيله
    وان تبسم للجبال الصامته نطق حجرها
    كل حاجه تستويله لو بغاها تستويله
    بالنظر واستغفر الله لو بقول انه سحرها
    ذاك لو بس يتمنى فاكهة شجرة ضليله
    بس يفتح راحة ايده ويتساقط له ثمرها
    كن ربي سخر له المعجزات المستحيله
    واصبح اسطورة وكل الألسنه تنقل خبرها
    هان محجر دمع عيني لين جفف سلسبيله
    والتفت لاخير دمعه قبلت يده ونثرها
    دمعه كن بشقاها يوم طاحت في شليله
    جادلٍ جات بدوٍ تطلب الستر وسترها
    له عليّ انه اليا من طاح من عيني تشيله
    ولي عليه انه يرجع لبتساماتي ثغرها
    لو طعوني بسكاكين بيده تشفي غليله
    لشتريها من عذابي وادفع بدمي مهرها
    واطلبه ينهال فيني طعن لين يطيح حيله
    بس لا يترك عيوني تنحرم نعمة بصرها
    له بعيني مثل ماللطهر بالنفس الأصيله
    تقطع ايدين الردى لو مس شعره من شعرها
    مابغيته غير درب وشتت أقدام الذليله
    مزنةٍ مابللتني واستحيت أطلب مطرها
    والعطايا من ايدين الخلق للطالب قليله
    والوهايب من يد الله للعباد جل ورها
    وان نسيت إني زرعت العشق وحظوظي بخيله
    ما نسيت ان العطايا تستحق الي شكرها
    صعب تلقى شخص وافي يجزي الطيب بمثيله
    والعرب كد قالوا ان الناس ما خلت قشرها

  2. #2
    ... عضو مـاسي ...


    تاريخ التسجيل
    Jul 2005
    الدولة
    جاري البحث
    المشاركات
    1,042
    معدل تقييم المستوى
    2

    افتراضي

    صح لسانك اخوي فارس الشمال



    يعطيك العافيه .. على هذى السطووووره الرائعه


    ابدعت فيها اخوي.... لاعدمنا وجودك



    اختك~*§(*§صمـ§ــ البوح ــ§ـتـ §*)§*~ˆ

  3. #3
    ...شيخ همس القوافي...


    تاريخ التسجيل
    Mar 2005
    الدولة
    ?? ₪₪مدينه العشااااق₪₪??
    المشاركات
    827
    معدل تقييم المستوى
    1

    افتراضي

    صح لساااااانك اخووووي فاااارس الشماااااال



    إن قلت : ياحيي.. وقالت لـك: أمـبيـه
    أحـس كـنـي مـالـك الفيصلـيـه !!


    ونحن كسبنا شاعر / لايشق له غبار
    يحضر ويحضر معه الشعر
    والمطر

    شاعر يحمل تأشيرة دخول 00
    شعرية الى قلب القارئ
    ليستوطن في مملكة ذات ارض خصبه 00
    لاتقبل الا بالمميز 00 والغالي من الشعر
    دمت بخير

  4. #4
    ... عضو مـاسي ...


    تاريخ التسجيل
    Sep 2005
    الدولة
    ألـقـصـ بـريـدهـ ـيـم
    المشاركات
    1,856
    معدل تقييم المستوى
    2

    افتراضي

    أخوي فارس الشمال




    سلمت يمناكـ يالغالي ولاهنت





    أخوكـ




    سلمان المطيري ( لحن ألمشآعر )




    تحيآآآآآآآآآآآآآآآآآآآآآآآآآآآآآآآآآآآتي

  5. #5
    ... عضو نشيط ...


    تاريخ التسجيل
    Aug 2005
    المشاركات
    48
    معدل تقييم المستوى
    0

    افتراضي

    الف شكر اخي الغالي على هذا الأختيار الرائع

المواضيع المتشابهه

  1. مشاركات: 3
    آخر مشاركة: 30-09-2008, 01:41 PM
  2. :: .. صوره + كرنفال وداع الاسطورة ماجد عبدالله .. ::
    بواسطة ...][دمع الغيم][... في المنتدى الرياضة
    مشاركات: 9
    آخر مشاركة: 27-05-2008, 10:17 AM
  3. الاسطورة سامي عبدالله الجابر
    بواسطة سلطوني في المنتدى الرياضة
    مشاركات: 11
    آخر مشاركة: 09-07-2006, 08:21 PM
  4. && بعض اهداف الاسطورة .. ماجد عبدالله &&
    بواسطة نورة الجبيل في المنتدى الرياضة
    مشاركات: 10
    آخر مشاركة: 10-03-2006, 10:10 PM
  5. الاسطورة القادمه .........بقوه
    بواسطة الدمعه 55 في المنتدى الرياضة
    مشاركات: 7
    آخر مشاركة: 29-06-2005, 03:39 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52