صفحة 1 من 3 123 الأخيرةالأخيرة
النتائج 1 إلى 5 من 11

الموضوع: هوى الشرقيه

  1. #1
    كبآآر الشخصيآت

    تاريخ التسجيل
    Jul 2005
    الدولة
    عند أهلــــي وربعي
    المشاركات
    26,434
    معدل تقييم المستوى
    27

    افتراضي هوى الشرقيه

    الوجد يسكـن فـي عيـون اللـي تحـداه المنـام



    والدمع يكسر خاطري لا فاض من عيـن اليتيـم



    والرجل لا قلبـه سـرا يخلـط حلالـه بالحـرام

    جمره ورا جمره تورّث له وسـط جوفـه جحيـم



    مدري نتفاءل ولاّ نعلنها ( علـى الدنيـا السـلام)

    ولا نخليهـا كـذا مابـيـن طــلاّب وغـريـم



    ولا نقابـل سيـة المخطـي بفرحـه وابتـسـام

    وأحيان بسمـه تقلـب الميـزان وتـرد الغشيـم



    يحفظ لنـا التاريـخ أفعـال وسواليـف العظـام

    ويموت في وسط الطريق مطـارد أحـلام العديـم



    ويلاعب المعنى خفـوق ٍ ممتلـي شـوق وغـرام

    وتضيع نظرات الهـواوي لا غـدا حلمـه سديـم



    يطري عليّـه ليلـة الجمعـة ليـا حـل الظـلام

    طاري السفر صوب الرياض وكل ما فيني يضيم



    أوادع الخـلان والمـوقـف يمـاريـه احـتـدام

    واشغل الموتر بـسرعة وأحضـن الليـل العتيـم



    محطـة التركـي أعديهـا وفـالخاطـر كــلام

    الوجه قبله و أعذب الإحساس شرقـاوي صميـم



    يا لعاصمه وأنتي بقلبـي لـك مكانـه واحتـرام

    بس (الخبر) معشوقة الخفّاق مـن عصـر ٍ قديـم



    قضيت فيها خمسه وعشريـن عـام ٍ فـي هيـام

    من بعد هذا ماتبوني فـي هـوى المشـرق أهيـم



    ثقبه.. خبر.. دمام.. دوحة.. راس تنورة.. الحزام

    لبـا هـوى الشرقيـة الساحـر إذا هـب النسيـم



    امشي على خط الرياض وخاطـري فيـه انقسـام

    ودي أعوّد بس طرد الـرزق فـي بالـي لزيـم



    أمشـي علـى سـرعـة 120 وفـقـاً للنـظـام

    أخاف من رادار (جـوده) جعـل راداره حطيـم



    ليـا قربـت لنقطـة التفتيـش شديـت الـحـزام

    خابر بها جندي تشوفه.. حاسـب ٍ عمـره زعيـم



    من كثر ما حرر قسايـم صـار يخلـق انسجـام

    مابين (هات الرخصة) و(صفّط) و(مشيك مو سليم)



    مرة وأنـا ضايـق لقيتـه يبتسـم لـي باهتمـام

    بسمة تشابه شوفة الضيفـان فـي وجـه الكريـم



    جانـي يشيـل مخالفـة فرحـان جـدا مستهـام

    أخذتهـا والبـال ضايـق مـن ذرا هـم ٍ جسيـم



    يارب فرّج ضيقة ٍ في الصـدر تنبـي الانهـزام

    ما غيرك الجأ له ألاهي يـا كبيـر ويـا عظيـم



    وقف ويسألني علامك خاطـرك عمـس وحطـام

    شكلك مفارقها.. (هنوف ٍ) في وسط قلبك تقيـم ؟؟



    ناظرت له والعين تقدح مـن شـرار ٍ مـا يـلام

    صاير يمون أبو الشباب وصار لجروحـي نديـم



    ياخي (تقلَع) ما بقا إلا انك تسـوي لـي (تمـام)

    وتجمّع الأفـراد واقعـد اشتكـي لـك يـا فهيـم



    مشيت وهروجه كما ضـرب الهنـادي والسهـام

    قمـت أتذكرهـا وأجـر الحـزن مـوال ٍ أليـم



    أذكر (غلاي) إلي غلاها من على صدري وسـام

    وارسم حلاها بين ضي وبين غيـث وبيـن ديـم



    ذكرت أنا الخد الحمر تفاح غرسـه غـرس شـام

    وعيون لو خزت (برتني سبيرس) خلتهـا رميـم



    ماهي متينـة ولا قصيـرة.. إلا ممشوقـة قـوام

    أوسم وسيم بهالبلـد فـي عرفهـا ماهـو وسيـم



    استغفـر الله لـو تهـوّر يـوم وتشيـل اللـثـام

    بتزيد حالات الطـلاق وتنتحـر بعـض الحريـم



    بدر التمام.. لا لا من اللـي قالـك بـدر التمـام

    هذيك مـا ينصـف حلاهـا نابغـة ولا حكيـم



    العـز يتبعهـا وفيهـا فـرق عـن كـل الأنـام

    إذا اعتزت.. حتى الصخر لامن سمعهـا يستشيـم



    يـارب سهلهـا علـى عبـدك وجـوّده الزمـام

    تعبان من جور الزمان.. وخاطـري جـدا سقيـم



    ما باقـي إلا دعـوة ٍ. تكفـون يالربـع الكـرااام

    شلوووو معي بأصفى النوايا وأدعو الرب الرحيـم



    ( الله يوفـق كـل مسلـم يتقـي درب الـحـرام

    والله يسهلها بـخيـر وينقـل آخونـا إبراهيـم )

  2. #2
    ... عضو مـاسي ...


    تاريخ التسجيل
    Jul 2005
    المشاركات
    1,474
    معدل تقييم المستوى
    2

    افتراضي

    اخي شمالي

    الله

    الله

    صح نبضك وفكرك

    وصح لسااااااااااان شاعرها

    دمت بود

  3. #3
    ... عضو مميز...


    تاريخ التسجيل
    Sep 2005
    المشاركات
    245
    معدل تقييم المستوى
    1

    افتراضي

    استغفـر الله لـو تهـوّر يـوم وتشيـل اللـثـام

    بتزيد حالات الطـلاق وتنتحـر بعـض الحريـم


    صح لسانك يالشمالي .... وما تنلام علي هوي الشرقيه

  4. #4
    كبآآر الشخصيآت

    تاريخ التسجيل
    Jul 2005
    الدولة
    عند أهلــــي وربعي
    المشاركات
    26,434
    معدل تقييم المستوى
    27

    افتراضي

    اخوي

    عجيب عنيد

    صح بدنك يالغالي
    وتسلم على مرورك
    دمت
    بود

  5. #5
    ... عضو نشيط ...


    تاريخ التسجيل
    Aug 2005
    المشاركات
    44
    معدل تقييم المستوى
    0

    افتراضي

    يا لعاصمه وأنتي بقلبـي لـك مكانـه واحتـرام

    بس (الخبر) معشوقة الخفّاق مـن عصـر ٍ قديـم



    يا سلااام على القصيدة


    والله على هوى الشرقية والخبر تحديداااااااااااااا


    يعطيك ألف عافية shmaly


    دمت بود



    أختك


    شموخ الجرح

صفحة 1 من 3 123 الأخيرةالأخيرة

المواضيع المتشابهه

  1. ~ ردو لي قلبي يا أهل الشرقيه }~
    بواسطة ملهم في المنتدى الارشيف
    مشاركات: 15
    آخر مشاركة: 11-07-2008, 02:32 PM
  2. عضو جديد من الشرقيه
    بواسطة عــالــم آخـــر في المنتدى الارشيف
    مشاركات: 21
    آخر مشاركة: 30-04-2007, 03:49 PM
  3. تيس الشرقيه
    بواسطة فهد الفهد في المنتدى قصائد وخواطر
    مشاركات: 2
    آخر مشاركة: 11-04-2005, 10:06 PM
  4. قصة ياسمين بنت الشرقيه ........
    بواسطة لــــولــــوه في المنتدى قصائد وخواطر
    مشاركات: 2
    آخر مشاركة: 11-01-2005, 11:00 AM
  5. دلوعة الشرقيه
    بواسطة تكفي جروحي في المنتدى الارشيف
    مشاركات: 4
    آخر مشاركة: 25-12-2004, 06:10 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52