صفحة 1 من 3 123 الأخيرةالأخيرة
النتائج 1 إلى 5 من 11

الموضوع: الجمس وحليمه

  1. #1
    ... عضو نشيط ...


    تاريخ التسجيل
    Aug 2005
    الدولة
    تايه بالدنيــــــــا
    المشاركات
    195
    معدل تقييم المستوى
    1

    افتراضي الجمس وحليمه

    [poem=font="Simplified Arabic,4,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    راكب اللي لا اشتغل حـن وازعـج=وان دق سلفـه اعلنـوا للأمرجنـس
    وليا استـوى بالخـط للقلـب يبهـج=بالخط كنـه جمـرة الليـل الأدمـس
    من مصنعٍ بأيدي من البيض والزنـج=ددرويت المولـد والأكمـال تكسـس
    اسمه من اوسط منحـره ينبلـج بلـج=بالأنجليـزي جـي معـا ام ثـم اس
    وليـا ذكـروه مقرنسينـه تلجـلـج=اسمه بنطق اليعربي ينطـق الجمـس
    جمـسٍ جديدودوبـه الجمـس منتـج=في حكم بوش الابن ياحي ذا الحـس
    بالكمبيـوتـر داخلـيـه مبـرمـج=عـداده وضغطـه وخزانـه بلمـس
    واسياته ومفتاح بابـه معـا الـدرج=كل شـي فيـه مصممينـه مكيـس
    مكينتـه مصنوعـه لطايـرة مــج=اخفوا معالمهـا وحطـت لـه بـدس
    والقير قيره نعـن ابـو حيـه يلـج=ان تله السـواق واضنـاه بالدعـس
    لاداسه السـواق فـي مقدمـه سـج=يظن بأنـه بالسمـا صـار يجلـس
    تذهب شكامينه ليا اقبـل معـا العـج=من قوها يفطن لها الشخص الأخرس
    وفي مقدمـه ليتـات نـوره توهـج=كنها البروقي بالسما ليـل لا اقبـس
    لا اقفلى تغايا لـك مواخيـر لأدعـج=وان غاب تعجز تنظره كود بأطلـس
    يانعن ابـوه مصممـه كافـر اعلـج=انا اشهد انه متقن صناعـة الجمـس
    والله لو انـي منتجـه كـان لأحتـج=واعلن على سحبه من السوق لأنجـس
    واخص به ربعي بلا منـازعٍ سمـج=حيث انهم بالجمس داريـن وابخـس
    فعليه ياالمنـدوب عجـل ثـم انهـج=لدار ربعٍ تمـن الضيـف لا اوجـس
    ربعي بني عمي هل الخيل لا اسـرج=راعين مبدا حن لها حن لهـا وبـس
    من حس بأذنه ذكرهـم ينهلـج هلـج=واللي بخياله شافهـم ينلحـس لحـس
    ومن شاف فعل ايمانهم عقلـه ارتـج=بيحلف يمين انهم من الجـن لا انـس
    الزم طريقـك صوبهـم كانـه ابلـج=صبح الثلوث وليل الأثنين قـد عـس
    فليا وصلت حـدود نجـران مبهـج=فأنصى اللذي بالجربه علومه تحـس
    وجـه لـدار اللـي يمينـه تبـنـج=من كثر طيب افعال يمناه مـا حـس
    محمـد اللـي للصعيبـات مـخـرج=حلالهـا فكـاك عقداتهـا الخـمـس
    الفعل غانـم وارتكـز للفعـل بـرج=في راس علياً مدهـل لكـل مسّـس
    مني وفيني وابـن عمـي لـه انهـج=ان زاد همي وليلـي الغـث عسعـس
    يابو حمد يا خوك انـا الفكـر ملتـج=حاديه حادي واضرب الخمس بالخمس
    من سب زيـن المترفـات الغوانـج=اللـي بتعذيـب البنـادم لهـم انـس
    حلّوا بوسط القلب من خلف الأعـوج=وارخوا حبايلهم على السمع والحـس
    من عشقهم حسيت بأنـي لهـم كنـج=واحيان احس اني لهم عبـدٍ افطـس
    بلواي شوفـت بنـت بولنـد تنهـج=لابو الدلال اللـي عرفـوه الأوانـس
    حليمه اللـي تملـك التيـه والغنـج=والزين وكـل مقومـات الحـلا اس
    يمبيه!!كلمتها علـى اذنـي تبهـرج=كنها لحن بتهوفـن الفـن او ركـس
    ولا كمـا ترنيمـة العـود لا انهـج=من كف ابو ساره عبـادي المأنـس
    من كل كلمـه خدهـا كـان يحـرج=كنها الورود اللي ذبلت سبـة اللمـس
    الجسم راوي والخصـر فيـه مدمـج=والطول فارع واذهـب القـد ميّـس
    والشفه احمـر لونهـا حيـل واهـج=كنها الجمر من دون صفـات آيـس
    والعين عين الصيد مقرونـة حجـج=والرمش حادر منثني للجفـن عـس
    وردفيـن كـلٍٍ مخـاويـه يـرتـج=من شوفها مايختلـف ذس عـن ذس
    محـلا غنجهانعـن ابوهـا تعربـج=يمبيه ابوي..امي..ابي زوجي وبـس
    بأحلف يمين انها فـلا هـي تمكيـج=من ةخلقة الله وجههـا نـور يقبـس
    والشين عنهـا مبعـد هنـاك مايـج=عنهـا مقفـي ومتجـه للعـوانـس
    منهـا يتحلـى ثوبـهـا ويتـبـرج=ومن زينهـا تـزدان كـل الملابـس
    فاليتنـي ببرنامـج الزيـن مخـرج=ولا مُعد الها مـن القـرب وسـوس
    ويا سعد ابيه اللـي بحليمـه تـزوج=وبغيرها لاشـك مـا ظـن يعـرس
    وختامهـا يـا محمـد العلـم دايـج=مابين كان وصـار وحسيـن ميّـس
    فأما تساعدنـي بمطـراد مـن هـج=وتداوي القلب اللـذي منـه محتـس
    ولا فيميـن الله لا اسـري مـدجـج=وانهب حليمه بنـت بولنـد وانكـس
    يا أما نجيـب الزيـن والهـم يفـرج=ولا فنموت وصر على القلب حارس



    وسلامتكم

    تحياتي

    العاشـــــــــــــ2ـــــــــق[/poem]

  2. #2
    ][ شـاعــرة الزيــن ][


    تاريخ التسجيل
    May 2005
    الدولة
    (( قلب نجد )) الرياض
    المشاركات
    18,335
    معدل تقييم المستوى
    19

    افتراضي العاشق2


    العاشق2

    الله عليك (وش هالأبداع ) تخيلنا الجمس صار طياره يالعاشق

    وصف دقيق وربط موفق في ترابط بوحك كالعاده التي تغمرنا

    بها حين حضورك بوابل قصائدك ذات اللون المتميز بك فأنت شاعر

    تختص بدقة الوصف والتقريب ليسعد متصفح بوحك بروعته وذوقه

    تشرق صفحاتك فتنير لنا الأفق بضياء بوحك الرائع00

    هلابك متواصلآ بهدا الرقي00

    تحيه00الحوراء00بنت نجد

  3. #3
    ... عضو نشيط ...


    تاريخ التسجيل
    Sep 2005
    المشاركات
    76
    معدل تقييم المستوى
    1

    افتراضي

    ^&)§¤°^°§°^°¤§(&^والله مشكوورين على الابيااات اخوي العاشق ^&)§¤°^°§°^°¤§(&^

  4. #4
    ... عضو نشيط ...


    تاريخ التسجيل
    Aug 2005
    الدولة
    تايه بالدنيــــــــا
    المشاركات
    195
    معدل تقييم المستوى
    1

    افتراضي

    تسلمين اختي الحوراء وهذا من ذوقك

    تشرفنا بمرورك الكريم على صفحتنا المتواضعه....,,,,,


    ونعدكم بالمزيد ان شاء الله


    دمتي

    بود

    العاشـــــــــــــ2ــــــــــق

  5. #5
    ... عضو نشيط ...


    تاريخ التسجيل
    Aug 2005
    الدولة
    تايه بالدنيــــــــا
    المشاركات
    195
    معدل تقييم المستوى
    1

    افتراضي

    كل الشكر كلك عسل على المرور

    تحيتي

    العاشــــــــــــ2ـــــــق

صفحة 1 من 3 123 الأخيرةالأخيرة

المواضيع المتشابهه

  1. كلمات بسيطه وجميله ..
    بواسطة ...انا... في المنتدى الارشيف
    مشاركات: 11
    آخر مشاركة: 25-06-2009, 09:13 PM
  2. عبدالله غراب وحليمه بولند - عبد الله السميري
    بواسطة طارق النفيعي في المنتدى قصائد وخواطر
    مشاركات: 5
    آخر مشاركة: 13-05-2008, 08:16 PM
  3. لاضافر صحيه وجميله وقويه
    بواسطة !.همسة العسكرٍي.! في المنتدى عالم حواء
    مشاركات: 17
    آخر مشاركة: 31-08-2006, 10:18 PM
  4. صور حادئق غربيه جداً جداً وجميله !!
    بواسطة ‘‘أبوخالد‘‘ في المنتدى الارشيف
    مشاركات: 20
    آخر مشاركة: 05-08-2006, 12:20 AM
  5. أفق اليأس
    بواسطة دلوعة الشام في المنتدى قصائد وخواطر
    مشاركات: 3
    آخر مشاركة: 09-02-2006, 11:00 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52