صفحة 1 من 2 12 الأخيرةالأخيرة
النتائج 1 إلى 5 من 6

الموضوع: نووورة قلوووبهم..

  1. #1
    رحلتـَ ورحَلَـ الكَثيـر معكـ


    تاريخ التسجيل
    May 2005
    الدولة
    البحرين
    المشاركات
    1,359
    معدل تقييم المستوى
    2

    Teeth نووورة قلوووبهم..

    السلام عليكم ورحمه الله وبركاته


    هذي رواية انا كتبتها واذا شفت ان قايم حظها بكلمها والحين بحط الجزء الاول.. صغرت الاجزاء علشان تساعدكم في القراءة.. اوجو انها تنال اعجابكم..
    <
    <
    <
    جملة جمال.. الكل يحسدها عليه.. بياضها بياض الثلج.. شفايفها موردة ومرسومة كانها قلب.. خشمها سلة سيف.. عينها تقط الطير من السما.. ناعسة وغليظه بالرموش.. حواجبها طبيعية مرسومة رسام.. كانه رسام راسمها.. وشعرها اسود غليظ متكتكت لين ركبتها.. وعليها جسم ولا كل الاجسام.. لاهي ضعيفة ولاهي متينه.. وكانت طويلة ومخصره.. يعني بشكل عام ومن كل النواحي البنت كامله مكمله.. من ناحية شكلها الخارجي وجمالها واخلاقها الداخلية.. ومحد كان يناديها الا بالغزال.. هذي كانت مواصفات نورة.. اللي الكل يتمنى ان يكون عندهم بنت مثلها.. واللي كا عمرها بالضبط 20سنه، طبعا نوره عندها اخو اسمه جاسم.. واختهم الصغيره اللي ماتعدى عمرها 17سنه، وهي الريم.. اللي بعد كانت على قدر من الجمال.. لكن مب اجمل من اختها الكبيره نوره، ريم كانت اضعف وشعرها قصير بني. وكانت اقصر من نوره بشوي.. وياحظ امهم فيهم.. مريحينها لابعد الحدود، اللي تبيه او تطلبه منهم يجيبونه لها على صحن من ذهب مو بس من فضه.. ونفس الشي بالنسبة لابوهم خليفة.. اللي مو مقصر معاهم بأي شي.. العايلة كلها مترابطة مع بعضهم البعض.. ومحد فيهم يرضى على الثاني بالذات الاخوان الثلاثة اللي لما يشوفون حد منهم طايح تساعدوا عشان يشيلونه ويخففون عليه، واكبرهم واعقلهم كان اخوهم جاسم اللي كان عمره 23 سنه، جاسم جامعي ويشتغل في البترول مع ولد خاله فهد بن عبدالله، فكانوا قراب من بعض وايد.. واسرارهم عند بعض واللي فيه خير يقرب صوبهم او يقول عنهم شي يفؤق بيناتهم.. او يشينهم.. وفهد ماعنده الا اخت وحده واسمها بشاير.. اللي تصير اصغر من نوره بسنه وحده بس، بشاير خلصت الثانوية، ومادخلت الجامعة لانها ماجابت مجموع يدخلها، وبشاير كانت متعلقة بنوره وايد من كانت صغيرة.. كانت تحها وتعتبرها اختها العودة............................................ ..............................
    الى هني وخلص الجزء الاول من الرواية.. ارجو اني ما ثقلت عليكم.. واذا شفت ان في ردود وتفاعل في القصة راح اكملها واشتط فيها :23ar:

    تحياتي

    ميعاد

  2. #2
    ... عضو نشيط ...


    تاريخ التسجيل
    Sep 2005
    المشاركات
    145
    معدل تقييم المستوى
    1

    افتراضي

    الله يعطيك العافيه وما قصرت








    ولا تحرمينا من ابداعاتك

  3. #3
    رحلتـَ ورحَلَـ الكَثيـر معكـ


    تاريخ التسجيل
    May 2005
    الدولة
    البحرين
    المشاركات
    1,359
    معدل تقييم المستوى
    2

    افتراضي

    الجزء الثاني:
    >
    >
    >
    نوره كانت في سنه ثانيه بالجامعه، وطبعا كل ديره فيها مقبره، والجامعه معروفة ببناتها اللي جمعت ثلاثة ارباع بنات الديره.. فكان منهم الزين ومنهم الشين.. ومحد يقدر يعرف او يفرق بين البنت الزينه من الشينه.. ونوره كانت حذره جدا معاهم لانها كانت دايما تسمع عن بلاوي بنات الجامعه وسوالفهم، فكانت تحاول قد ماتقدر انها ماتختلط فيهم.. هذا كله والجامعه جمعت بنات بس.. عيل لو كانت الجامعه خلط جان شسوت المسكينه، المهم ان نوره متخصصة باداره واقتصاد.. يعني معاها بنات وايد.. لكن شتسوي لازم تكمل تعليمها.. ولو بتطالع فلانه وعلانه جان عمرها ماتعلمت.. لكن بنيتنا نوره عاقله ومتفهمه وتقدر تصرف اللي حولها ولو بشوي يعني وتبتعد عنهم، ولو ان نصهم يبون يتعرفون عليها من ناحية اعجاب وحب وخرابيط.. لكن نوره ماعندها هالسوالف فكانت تخاف منهم لانها عارفه انها اذا رفضت طلبات البنات العمالقه اللي يخرعون بالجامعه ومسووين روحهم كلش بتقوم القيامة وبيقلبون الدنيا عليها هذا اذا ما ذبحوها ضرب.. مثل ما صار مع غيرها وايد... وفي يوم من الايام رجعت نوره من الجامعه ميته من الصياح (البجي) ودخلت غرفتها وصكت عليها الباب وكملت صياحها، وفذاك اليوم ما كان عندها الا محاضرتين فرجعت ابيت بدري، ويوم جا وقت الغدا نطروها اهلها عشان تنزل تتغدى لكنها ما نزلت، ومب من عادتها، لان العادة نوره تنزل قبل الغدا وتساعد امها وتنجبه معاها، لكن في ذاك اليوم نوره ما نزلت...
    راحت ريم تناديها لكنها ماردت عليها ولا فتحت الباب، ورجعت ريم حقامها تقول:.
    -ريم: يما نوره ماترد لي بس اسمعها تصيح ..مادري شفيها من رجعت من الجامعه وهي على هالحال ،خافت الام جان تقول:
    - الام: وي لا يكون صار في بنتي شي.. مايندرى عنهم هناك طقوها ولا هاوشوها.. بروحه نوره خوافه..
    فز جاسم من مكانه وراح يركض حق اخته، وكان خايف عليها وايد لانها كانت دايما تشتكي له عن بنات الجامعه وتقول له عن سوالفهم اللي ما تخلص، فكان خايف انهم سوو لها شي، وطق عليها الباب وقال لها:
    -جاسم: نورة... نورة حبيبتي فتحي الباب، انا اخوج جاسم فتحي الباب..
    ولا ردت عليه نوره ولا فتحت الباب..
    -جاسم: نوره عشان خاطري فتحي الباب....... افا انا جسومج وماتفتحين لي الباب.. قولي لي يا نوره قلبي شفيج زعلانه ومتضايقة..
    ونوره كانت محتاجه انها تكلم حد، وتشتكي له.. ففتحت الباب حق كاتم اسرارها وناصحها وحبيبها اخوها جاسم... وضمته حيل.. وحطت راسها على صدره وقعدت تصيح بحرقه وبصوت عالي.. كانها سامعه خبر وفاه... فدخل معاها الغرفه.. وقال حق ريم وامه وابوه يروحون يتغدون وهو بينزل مع نوره بعدهم بشوي.. وقعدت نوره مع جاسم فمسح دموعها وبدا الكلام معاها وقال لها:
    -جاسم: نوره حبيبتي قوليلي حد ضايقج بالجامعه.. حد قال لج شي.. حد ضربج.. ولاسبج .. قوليلي شفيج...
    نوره وبصوت مخنوق العبره قالت حق اخوها:.
    -نوره: جاسم بقولك شفيني.. وبشكي لك اللي فقلبي شايلته... بس تكفى هالشي مابيه يطلع من باب هالغرفة، امانه خله سر بيناتنا..
    - جاسم: اوعدج يانوره قلب جسومج.. ان هالكلام بيكون بيني وبينج.. لا تخافين.. بس طمنيني عليج.. وليلي شفيج..
    -نورة:............................................. ......................


    التكمله بالجزء الثالث :23ar: :23ar: ..

  4. #4
    رحلتـَ ورحَلَـ الكَثيـر معكـ


    تاريخ التسجيل
    May 2005
    الدولة
    البحرين
    المشاركات
    1,359
    معدل تقييم المستوى
    2

    افتراضي

    الجزء الثالث..

    - نورة: جاسم إنت تعرف بلاوي الجامعة صح؟!.. وتعرف سوالف البنات هناك.. وإنهم يتحرشون في بنات الناس بدون أي سبب.. صح؟!!
    - جاسم: يبا انا عارف كل شي كل صغيره وكبيره بالجامعه انا اعرفها اله يسلم الشباب..بس ليش حد تحرش فيج، حد قال لج شي..
    -نورة: جاسم انا خايفة..وأنا رايحة صوب المطاعم اللي في النشاط اطلابي.. جان الاحظ شلة بنات يلاحقوني ولا نزلو عينهم عني.. حاولت أغفلهم وأشرد عنهم بس مافي فايدة.. واي وراي.. ورحت الساحة صوب تجمع البنات عشان ما يشوفوني.. لكنهم ما خلوي فحالي.. وحسوا اني شكيت فيهم ويوم شافوني بتصل حق اي وحده عشان اسوالف معاها وافل عنهم شوي وانها بتكون معاي لو صار فيني شي.. قربوا صوبي ووحده منهم بدت الكلام جان تقول لي..:.
    البنت(1): هااااي.. شلونج شمسويه..
    البنت الثانية صفرت وقالت:. واااو شهالجمال.. شهالدلال.. معقوله القمر معانا بالجامعه وانا ما شفته ..
    أنا قلت لهم:. خير في شي..
    الثالثة:. هيه انتي شنو خير .. شنو في شي..احنا جايين نسولف معاج وانتي تصرفينا اشكره عيني عينج..
    أنا:. اسفه اختي.. بس انامشغوله شوي.. وراي محاضره ومابي اتاخر..
    الاولى:. افا مشغوله.. احنا جايين نسولف معاج تقولين مشغوله.. تروحين المحاضره وتخلينا..
    انا: ليش انا اعرفكم عشان اسولف معاكم..
    البنت الرابعة اللي كانت معاهم كانت مسترجله وكانوا ينادونها بوتركي، وكانت تقزني من فوق لين تحت ، وقالت لها البنت الثانية:. هااه.. شراي بوتركي فيها؟!!
    جان ترد البنت الرابعه(بوتركي): قمر 14.. أبيها.. هذي تنفع والجماعه بيستانسون عليها.. مب هذيك الاولى اللي قلتولي عنها مب حلوه هذي احلى..
    يوم قالت ابيها.. انا تخرعت ورحت اركض بعيد عنهم عشان الحق عالمحاضره.. وسمعت وحده منهم تصارخ وتقول:. معليه يا ام شرده.. مردج لنا.. عبالج بنهدج.. دام بوتركي قال ابيها .. وعجبتيها ماراح نهدج وراج وراج..
    - جاسم: وشافوج عقبها..
    -وره: لا.. بس انا خايفة لين رحت مره ثانيه الجامعه اشوفهم ويطقوني.. ولا يسوون فيني شي..
    -جاسم:. لا تخافين.. ما يقدرون يسوون فيج شي بس هااه لا تغفلين عنهم وقعدي في مكان متروس بنات.. عشان هم لين شافوا البنت بروحها يتحرشون فيها.. ولين شافوا انها معاها ناس وايد مب كفو يقربونها..
    -نوره:. انشالله..
    جاسم:. الحين تعالي معاي ننزل نتغدى لان امي وابوي وريموه يحاتونج..
    -نوره:. مالي نفس.. مب مشتهيه اكل شي جبدي منسده علي..
    -جاسم:. اوكي على راحتج.. بس حطي فبالج ان احنا مستحيل نخليج بروحج.. ويالله ابتسمي خل اشوف ضروسج.. هههه
    جان تضحك نوره على سوالف اخها جاسم.. ونزل جاسم يتغدى..وقعدت نوره بروحها تفكر في بنات الجامعه واحوالهم.. وفي اليوم الثاني وصلها اخوها جاسم الجامعه وطول الوقت ينصحها.. وان تتحذر منهم لان ممكن يسوون اي شي عشان يقربون حذاها.. ويوم نزلت نوره الجامعه.. ووصلت داخل جان تشوف.. تجمع بنات مب طبيعي.. في الساحه ويوم قربت.. ضربت كتفها بنت من وراها.. زنقزت نوره نقزه تخرعت منها.. ويوم لفت جان تشوف....................
    التكمله بالجزء الياي..
    شكرا

    تحياتي :23ar: :23ar: ميعاد

  5. #5
    رحلتـَ ورحَلَـ الكَثيـر معكـ


    تاريخ التسجيل
    May 2005
    الدولة
    البحرين
    المشاركات
    1,359
    معدل تقييم المستوى
    2

    افتراضي

    وووووين الردوووووووووووووووود




    تحياتي

صفحة 1 من 2 12 الأخيرةالأخيرة

المواضيع المتشابهه

  1. ₪° مزاااايين السعوووديه .. يالبى قلوووبهم ₪°
    بواسطة نبض نجد في المنتدى الارشيف
    مشاركات: 81
    آخر مشاركة: 09-04-2008, 09:01 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52