النتائج 1 إلى 3 من 3

الموضوع: قصيده لشاعر عمره 16 سنه

  1. #1
    ... عضو نشيط ...


    تاريخ التسجيل
    Aug 2005
    الدولة
    تايه بالدنيــــــــا
    المشاركات
    195
    معدل تقييم المستوى
    1

    افتراضي قصيده لشاعر عمره 16 سنه

    بسم الله الرحمن الرحيم
    هذه قصيده لشاعر يبلغ من العمر 16 عاما شامله تشرح تغيير أوضاع الزمان وتأثير المدنية على الأخلاق والآداب العامة وإنعدام العادات والتقاليد







    [poem=font="Simplified Arabic,4,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    يالله وأنا طالبـك تغفـر لـي ذنوبـي ياغفـور=أرجيك وألجالك وأنـا سالـك وأعيـد المسألـة
    لو ما تطهرني بعفـوك مـا تطهرنـي البحـور=جيتك وذنبـي قـد تعـلا غاربـي يـا مثقلـه
    أنا من الطين أنخلقت أخطي ولا نيـب معـذور=قامت علـي الحجـه بدعـوة رسلـك المرسلـه
    مؤمن يتوراتـك وإنجيلـك ومؤمـن بالزبـور=وبسنـة محمـد وآيـات الكـتـاب المنـزلـه
    لكن خدعت بزخرف الدنيـا وزادتنـي غـرور=أبدت مفاتنهـا و ورتنـي مـن العمـر أجملـه
    طبعاً بما أني بنـي آدم حصـل منـي قصـور=وأذنبـت يامـولاي ذنـب بالخفـا مـا تجهلـه
    أسألك تغفر لي وتستـر موقفـي يـوم النشـور=إلي ألقفت خلقـك صحايفهـا وهـي مستذهلـه
    من يستلمها بالشمال أفلس وهـو يدعـو ثبـور=ومن يستلمهـا باليميـن أفلـح لخيـر المنزلـه
    وأسألك ياربـي تعاونَـي علـى نيـل الأجـور=أحيا حيـاةِ مكسبـي فيهـا مـن البـر أفضلـه
    وأسألك جاهٍ مع هـل الدنيـا وحـظٍ مـا يبـور=أيضاً وعرفٍ مع هـل الحكمـة ورزق تكفلـه
    من لا تهيـا لـه مقـام مـع طويليـن الشبـور=يبكي على ما ضاع من عمره وخيبـات عملـه
    وإن شاب راسه لا ترجًى فيه تجبيـر الكسـور=لا خير في تالـي زمـان مـا تغانمـت أولـه
    وما نيب ناسي قصةٍ صارت وأنا آزور القبـور=لا زلت أفكـر فـي غرابتهـا وبالـي تشغلـه
    ساعه ظهر لي شايبٍ له حول قرنيـن محجـور=في جوف قبرٍ عن هـل الدنيـا طـواه ويعزلـه
    سلم وجا صوبي يقول : أبنشدك ياللـي تـزور=عن حالة الدنيا وعن وضع الزمان وعـن هلـه
    أنا مضى وقتي ومرت بـي طويـلات الدهـور=والباقـي بعمـري بعيشـه بينكـم وأستكمـلـه
    قلت : الزمان اللي يبارينا علـى خبـرك يـدور=الوقت نفسـه مـا تغيـر ماشـي فـي جدولـه
    أما البشر ؛ ؛ ؛ لا والله إلا غير من حد الجـذور=صار إنتقالٍ مـن يميـن إلـى يسـار المنقلـه
    أستغرب الشايب من اللـي قلـت وبليَـا شعـور=حط اليمين على الشمال وخاطـره فيـه أسئلـه
    قال أفتني عن حالة الشيبـان والشيـخ الوقـور=أهل الخبر والراي والحكمـه زضـرب الأمثلـه
    القدوه أصحاب الأمور اللي تطـاع بكـل شـور=اللـي يفضـون النـزاع ويحكمـون المشكلـه
    قلت : البعض منهم على ما قلت في وصفك وقور=قـدوه ولكـن رايهـم ماينفـرض فـي مسألـه
    الطاعه العميـا بقـا منهـا مجاملـة الحضـور=اللـي تلاقيهـا مـع أول فـرصـة متنصـلـه
    والبعض لا عبدٍ يخـاف الله ولا عبـد ٍشكـور=لا زهَـده شيبـه مـن الدنيـا ولا هـو جملـه
    بهيمةٍ يرجـع علـى منحـاه الأول ومحصـور=فـي لعـب بيلوتـه وريـح زقارتـه ومعسلـه
    والبعض الآخر شابت رموشه على درب الفجور=ينقـل جـوازه للسفـر مـن مزبلـه لا مزبلـه
    إشيمطٍ زاني قضـا عمـره بحانـات الخمـور=والعايلـه ورعٍ يغـرر بـه وبـنـت مهمـلـه
    قال : أفتني عن حالة الخفرات ربـات الخـدور=اللـي تصـان ببيـت عايلهـا وبابـه تقفـلـه
    شيهانةٍ تشمخ عفاف وتصقل فـروخ الصقـور=بين الفريـق ببشتهـا الضافـي وثـوبٍ تسبلـه
    قلت : العذارى فـي زمنَـا ببغـاوات الطيـور=تقليد هرج وعـرض ريـش خلفهـا تستخملـه
    تلبس عباةٍ ضيقت حـول الردايـف والخصـور=فضيحـة تكشـف جسدهـا مـن علـوه لسفلـه
    وموضة شيال تكشف الوجنات وألوان الشعـور=والمحـرم تبـدَل بـجـوالٍ بيـدهـا تحمـلـه
    لا فوحت صفر الدلال ولا عرفت غش القـدور=تطبـخ لـهـا خـدامـةٍ بالعايـلـة متوكـلـه
    الأم ما صانت عفاف البنت من عمـر الزهـور=والأب ديَـوثٍ تحكمـه حـرمـةٍ مسترجـلـه
    وشلـون يتربـى عيـال أم التبـرج والسفـور=إلا خنـازيـرٍ دمـاهـا بــارده ومغـفـلـه
    قال : أفتني بحال الشباب الصلب صيَاد النمـور=الفارس اللـي ينطـح خصومـه بزنـدٍ يفتلـه
    الوافي الشهم الغيور اللي لعرض الجـار سـور=البار عنـد أمـه وأبـوه وعلـم ربعـه يشغلـه
    قلت : الشباب بوقتنا وجهه مثـل بـدر البـدور=والجسم من زود الرخـا ماتنفتـل فيـه عضلـه
    قصَة شعـورٍ صيَرتهـم لا إنـاث ولا ذكـور=والثـوب راح ولا بقـى إلا عالـمٍ متبنطـلـه
    ناسٍ ( فلنتينو ) وناسٍ تلبـس ( كرستانديـور )=صار التنافـس بينهـم فـي لبسهـم والجنتلـه
    من كان يشرب من قرار البير مشروبه (بيـور )=والبل راعيها غدا يشـرب حليـب ( النستلـه )
    مامنهم اللي قام دون أعـراض جيرانـه غيـور=من قام قالو؛ ؛ وشملقـف حضرتـه؟ وشدخلـه
    والوالدين حقوقهم ضاعـت وعنهـم فـي نفـور=إن غـاب عنهـم لا تذكرهـم ولا جـاه الولـه
    بدَا عليهم شلَـةٍ تهـوى الوطـا بيـن الجحـور=لو تعزله عنهـم تبـي لـه شـان كنَـك تقتلـه
    ماراح يوم يشارك ربوعه بحـزن ولا سـرور=حتى إبن عمه يعرفـه بالوجـه وإسمـه يجهلـه
    بدَل حكاه وضيَع سلومـه وحالـه فـي دبـور=وإن شاف ضيفٍ ينزل الراس لين يفارق منزلـه
    ناظر لي الشايب بعينٍ تجمـع السبـع البحـوور=يقول : أنا لا يمكـن أدخـل مجتمعكـم وأقبلـه
    أنتو لكم وقتٍ تصـدَع مـن بلاويـه الصخـور=ما يقعد الجمَال به ساعـه ولـو ضـاع جملـه
    [/poem]

  2. #2
    Banned
    تاريخ التسجيل
    Mar 2005
    الدولة
    حدوٍد قلبـه ..}
    المشاركات
    9,492
    معدل تقييم المستوى
    0

    افتراضي

    العاشــق


    ما شالـلـه عليــه الله يخليـه لعيـن تـرجيــه .. صـح لســـآنك ..ولسآن قآيلهـآ


    آآرق التحايـآ

  3. #3
    ... عضو نشيط ...


    تاريخ التسجيل
    Aug 2005
    الدولة
    تايه بالدنيــــــــا
    المشاركات
    195
    معدل تقييم المستوى
    1

    افتراضي

    مشكور اخوووي سعوووووووووووووود

    وصح بدنك,,,,,,


    دمت

    بود

    العاشــــــــــــــ2ــــــــق

المواضيع المتشابهه

  1. مشاركات: 4
    آخر مشاركة: 08-04-2007, 06:28 PM
  2. قصيده رائعه لشاعر المليون تركي الميزاني
    بواسطة احساسي صادق في المنتدى قصائد وخواطر
    مشاركات: 11
    آخر مشاركة: 06-03-2007, 02:11 AM
  3. {}{قصيده لشاعر راكان ابن حثلين العجمي وهويوريدالزواج}{}
    بواسطة {}{اخــ القمر ــت}{} في المنتدى قصائد وخواطر
    مشاركات: 0
    آخر مشاركة: 14-09-2005, 07:55 AM
  4. قصيده لشاعر / تركي المطيـــــــــــــــري
    بواسطة سعـــ مايكبرني لقب ـــود في المنتدى قصائد وخواطر
    مشاركات: 3
    آخر مشاركة: 08-09-2005, 09:50 AM
  5. يا رب قصيده لشاعر الهند طاغور
    بواسطة mahiralhaj في المنتدى قصائد وخواطر
    مشاركات: 1
    آخر مشاركة: 16-08-2005, 07:34 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52