صفحة 1 من 5 123 ... الأخيرةالأخيرة
النتائج 1 إلى 5 من 25

الموضوع: يازيـــــــن الهبــــــــال

  1. #1
    ... عضو مـاسي ...


    تاريخ التسجيل
    Jul 2005
    المشاركات
    1,474
    معدل تقييم المستوى
    2

    افتراضي يازيـــــــن الهبــــــــال

    ::
    ::
    ::

    صباح / مساء الخير


    اسعد الله اوقاتكم بكل خير وود


    نبض جديد وهمس جديد


    متواضعه تنتظر شرف اطلاعكم عليها



    [poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    البارحه والهبايب من جنوب وشمال = والليل والطاري وحرفٍ بديت اكتبه

    اكتب وادوزن واداري من حروفٍ هزال = والحرف اذا مازهاني فوق قمت اشطبه

    فكرٍ ذهينٍ ليامن شاف جرفٍ هيال = قال احترس يانديمي وانتبه ... وانتبه

    صدق المشاعر تعبّر من حروف الخيال = من واقع الفكر ووصوف النبا تجذبه

    الزين فتنه وبعض الزين .. لا .. مايقال = لكنّ زينٍ رأيته ... شاقني .. يايبه

    زينه يهبّل .. وقلت : الاّ يازين الهبال = لارحم ابو عقل شاف الزين مايذهبه

    الله جميلُ(ن) يحب اهل الحلا والجمال = وشلون عاد البشر لو كان مابه شبه

    انا ادري ان البشر إمردّها ... للزوال = إمّا ياذا مرحمه .. .. وامّا ياذا متربه

    والجمله المبهمه ماتوضح الاّ خلال = ثلاث : فعلٍ .. وفاعل .. ثمّ مفعول به

    يامن جمعت الحلا والتيه في كل حال = ارفق بحال الحبيب اللي عزيز انسبه

    ساسٍ عزيزٍ معرّب .. من عمام وخوال = واهل الكرم من نصاهم خير شال اطلبه

    ماني من اللّي يزوغون بشديد النزال = انا مطيري وربعي من شيوخ اصعبه

    وانا ادري الزين سحرٍ بس سحرٍ حلال = من كان قلبه خلي يسحره ... ثمّ اقلبه

    رشيق ممشوق قدّ ومشيته باعتدال = لامن مشى كنّ الارض من الخُطا تحسبه

    والجيد: ماشاالله .. يشابه لجيد الغزال = ناعم. وليّن قوام . وعفّ . ماحد اقربه

    والشعر : ليل المساري وان تناثر ليال = غطّى على الجيد ... وتناثر على منكبه

    والخد . والعين . ورموشٍ تحتها ظلال = وطلعٍ تمام .. .. وكفوف بحنّه مخضّبه

    والكلّ : كلّه على بعضه جمال ودلال = وش هي حليمه . وليلى . ويش هي لبلبه

    الزين مثله غدى للناس مضرب مثال = انا اشهد الله عطاه من الحلا... كلّ به

    ياللّي تنومي ياليت تكبّ عنك الخبال = نقول لك ( ........ ) وتعوّد تقول احلبه

    لاكاسبٍ خير من فعلك.. ولاراس مال = ترى المشاعر ماهي لعبه لاجل تلعبه

    ماحد يضدّ الرجال الاّ .. عزيز الرجال = لايغرّك ... اللّي يفتّل من خلاه شنبه

    مايرتكي للحمول الزود غير الجمال = لو يمشي من الجنوب إلين حدّ ... تربه

    ماهمّه الوقت ماشي فــ الدروب الطوال = ماغيّر الوقت فــ سلومه ولامذهبه

    كلام ... واللّي عليه العلم يابن الحلال = صادر قراره ... على التّمشي إبموجبه

    ابعد عن اهل الحكي والقيل واهل المقال = فيما مضى .. صار منهم قصةٍ مرعبه

    حزن . ومفارق . وغدر . وليلةٍ . واعتيال = اغتالت ... افراح قلب همومي المتعبه

    اقولها : واتحسّر ... يالليال الخوال = يوم الهموم الكثيره فــ الحشا مرقبه

    هذا كلام العقل ... والجدّ ضد الهزال = اللّي ظميته من امس .. اليوم جيت اشربه

    ان كان ماجازلك علمي وبعض الجدال = ابــ نسحب من حياتك .. والحكي بــ سحبه[/poem]

    وسلامتكم


    نواف المطيري

  2. #2
    ... عضو مميز...


    تاريخ التسجيل
    Jul 2005
    المشاركات
    206
    معدل تقييم المستوى
    1

    افتراضي

    الاخ العزيز

    نـواف المطيــري

    مااصدق هذا البوح!!

    ومااجزل هذه الابيات!!

    قصيده لها نكهة خاصة........ومشاعر مختلفه


    اعجبتني جدااااااااااااااا

    لك الشكر لصدقك

    ولوفاءك

    ولعطاءك

    ولكل شيء

    لك من اخيــــك .. كل الحب والتقديـــر

    اخووك العنزي
    __________________

  3. #3
    شاعر مشاعر


    تاريخ التسجيل
    Sep 2005
    الدولة
    جوار قبروالــدي
    المشاركات
    1,471
    معدل تقييم المستوى
    2

    افتراضي

    صح السااانك

    اخوي نواف
    او بالأصــح اســـتاذي نواف

    صح السانك مليووون وعدد مال فرعووون


    تحياتي
    شـــاعر مشاعر

  4. #4
    ][ شـاعــرة الزيــن ][


    تاريخ التسجيل
    May 2005
    الدولة
    (( قلب نجد )) الرياض
    المشاركات
    18,335
    معدل تقييم المستوى
    19

    افتراضي الشاعر نواف المطيري



    الشاعرنواف المطيري(مشرفنا المتألق)

    ليس غريب عليك أن تقدم لنا هذه الجزاله في معانيك

    الحضور المميز والتواصل المحبب هي صفاتك أيها الشاعر

    يزدان الزين بك شاعر ومشرف له كل التقدير والأعجاب من

    متابعيه ومحبي لونه المميز كهذه الفتون الرائعه00

    ليستمر هذا القلم والفكر والموهبه نازفآ لنا الروعه والتميز

    بعون الله تعالى00

    تحيه--الحوراء--بنت نجد

  5. #5
    ][ ..شــاعــر مـمـيـز.. ][


    تاريخ التسجيل
    Aug 2005
    المشاركات
    1,430
    معدل تقييم المستوى
    2

    افتراضي

    نواف المطيري



    صح لسانك ملاااااااااااين


    ابدعت فا لك الشكر الجزيل


    تحياتي:

    المختلـــــــــــــــــــــــــــــف

صفحة 1 من 5 123 ... الأخيرةالأخيرة

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52